ਹਿਮਾਚਲ ਪ੍ਰਦੇਸ਼ ਦੇ ਲਾਹੌਲ ਸਪਿਤੀ ਵਿੱਚ ਬਰਫ਼ਬਾਰੀ ਦੇਖਣ ਲਈ ਇਕੱਠੇ ਹੋਏ ਦੇਸ਼ ਭਰ ਤੋਂ ਹਜ਼ਾਰਾਂ ਸੈਲਾਨੀ ਪੂਰੀ ਰਾਤ ਅਟਲ ਸੁਰੰਗ ਰੋਹਤਾਂਗ ਵਿੱਚ ਫਸੇ ਰਹੇ। ਤਾਜ਼ਾ ਬਰਫਬਾਰੀ ਕਾਰਨ ਸੜਕ ‘ਤੇ ਫਿਸਲਣ ਵਧ ਗਈ। ਇਸ ਨਾਲ ਟੂਰਿਸਟ ਦੇ ਲਗਭਗ 1 ਹਜ਼ਾਰ ਵਾਹਨ ਪੂਰੀ ਰਾਤ ਸੜਕ ਬਹਾਲੀ ਦੇ ਇੰਤਜ਼ਾਰ ਵਿਚ ਰਹੇ।

ਦੱਸ ਦੇਈਏ ਕਿ ਅਟਲ ਟਨਲ ਰੋਹਤਾਂਗ, ਕੋਕਸਰ, ਸ਼ਿੰਕੁਲਾ ਆਦਿ ਖੇਤਰਾਂ ਵਿਚ ਬੀਤੀ ਦੁਪਹਿਰ ਬਾਅਦ ਤਾਜ਼ਾ ਬਰਫਬਾਰੀ ਹੋਈ। ਦਿਨ ਵਿਚ ਸੈਲਾਨੀ ਬਰਫ ਵਿਚ ਮਸਤੀ ਕਰਦੇ ਰਹੇ। ਸ਼ਾਮ ਸਮੇਂ ਜਦੋਂ ਟੂਰਿਸਟ ਮਨਾਲੀ ਪਰਤਣ ਲੱਗੇ ਤਾਂ ਸੜਕ ‘ਤੇ ਬਰਫ ਦੀ ਮੋਟੀ ਪਰਤ ਜੰਮ ਗਈ। ਇਸ ਨਾਲ ਗੱਡੀਆਂ ਫਿਸਲਣ ਲੱਗੀਆਂ ਤੇ ਟਨਲ ਅੰਦਰ, ਨਾਰਥ ਤੇ ਸਾਊਥ ਪੋਰਟਲ ‘ਤੇ ਵਾਹਨਾਂ ਦੀਆਂ ਲੰਬੀਆਂ ਲਾਈਨਾਂ ਲੱਗ ਗਈਆਂ ਤੇ ਸੈਲਾਨੀਆਂ ਨੂੰ ਇਸ ਨਾਲ ਕੜਾਕੇ ਦੀ ਸਰਦੀ ਦਾ ਸਾਹਮਣਾ ਕਰਨਾ ਪਿਆ।

ਸੂਬੇ ਵਿਚ ਬੀਤੇ 24 ਘੰਟਿਆਂ ਦੌਰਾਨ 7 ਜ਼ਿਲ੍ਹਿਆਂ ਸ਼ਿਮਲਾ, ਕੁਲੂ, ਮੰਡੀ, ਲਾਹੌਲ ਸਪਿਤੀ, ਕਿੰਨੌਰ ਤੇ ਕਾਂਗੜਾ ਦੇ ਉੱਚ ਇਲਾਕਿਆਂ ਵਿਚ ਬਰਫਬਾਰੀ ਤੇ ਹੇਠਾਂ ਤੇ ਮੱਧਮ ਉਚਾਈ ਵਾਲੇ ਖੇਤਰਾਂ ਵਿਚ ਮੀਂਹ ਪਿਆ। ਉੱਚੇ ਖੇਤਰਾਂ ਵਿਚ ਇਸ ਨਾਲ 150 ਤੋਂ ਵਧ ਸੜਕਾਂ ਫਿਸਲਣ ਕਰਕੇ ਬੰਦ ਹੋ ਗਈਆਂ।

ਇਹ ਵੀ ਪੜ੍ਹੋ : ਪੰਜਾਬ ‘ਚ ਅੱਜ ਠੰਢੀਆਂ ਹਵਾਵਾਂ ਨਾਲ ਪਵੇਗਾ ਮੀਂਹ, ਤਾਪਮਾਨ ‘ਚ 6.2 ਡਿਗਰੀ ਦੀ ਆਈ ਗਿਰਾਵਟ

ਮੌਸਮ ਵਿਭਾਗ ਮੁਤਾਬਕ ਮੀਂਹ ਤੇ ਬਰਫਬਾਰੀ ਦਾ ਦੌਰ ਅਗਲੇ 6 ਦਿਨਾਂ ਤੱਕ ਜਾਰੀ ਰਹੇਗਾ। ਹਾਲਾਂਕਿ ਅਗਲੇ ਕੱਲ੍ਹ ਵੈਸਟਰਨ ਡਿਸਟਰਬੈਂਸ ਥੋੜ੍ਹਾ ਕਮਜ਼ੋਰ ਜ਼ਰੂਰ ਪਵੇਗਾ ਪਰ ਪਰਸੋਂ ਫਿਰ ਤੋਂ ਪੱਛਮੀ ਗੜਬੜੀ ਫਿਰ ਤੋਂ ਸਰਗਰਮ ਹੋਵੇਗੀ। ਇਸ ਨਾਲ 18 ਤੋਂ 20 ਮਾਰਚ ਤੱਕ ਪੂਰੇ ਸੂਬੇ ਵਿਚ ਮੀਂਹ ਤੇ ਬਰਫਬਾਰੀ ਹੋਵੇਗੀ। IMD ਨੇ ਅਗਲੇ 6 ਦਿਨਾਂ ਲਈ ਕਿਨੌਰ ਤੇ ਲਾਹੌਲ ਸਪਿਤੀ ਨੂੰ ਛੱਡ ਕੇ ਹੋਰ ਸਾਰੇ ਜ਼ਿਲ੍ਹਿਆਂ ਵਿਚ ਹਨ੍ਹੇਰੀ ਤੂਫਾਨ ਦਾ ਯੈਲੋ ਅਲਰਟ ਜਾਰੀ ਕੀਤਾ ਹੈ। ਇਸ ਨੂੰ ਦੇਖਦੇ ਹੋਏ ਟੂਰਿਸਟ ਸਣੇ ਸਥਾਨਕ ਲੋਕਾਂ ਨੂੰ ਅਹਿਤਿਆਤ ਵਰਤਣ ਦੀ ਸਲਾਹ ਦਿੱਤੀ ਗਈ ਹੈ।

ਵੀਡੀਓ ਲਈ ਕਲਿੱਕ ਕਰੋ -: