ICC ODI Player Rankings

ਦੱਸ ਦੇਈਏ ਕਿ ਸ਼੍ਰੀਲੰਕਾ ਦੇ ਖਿਲਾਫ਼ ਖੇਡੀ ਗਈ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ ਦੇ ਪਹਿਲੇ ਮੁਕਾਬਲੇ ਵਿੱਚ ਰੋਹਿਤ ਸ਼ਰਮਾ ਨੇ 58 ਦੌੜਾਂ ਦੀ ਪਾਰੀ ਖੇਡੀ ਸੀ। ਫਿਰ ਦੂਜੇ ਵਨਡੇ ਵਿੱਚ ਉਨ੍ਹਾਂ ਨੇ 64 ਦੌੜਾਂ ਬਣਾਈਆਂ ਸਨ। ਇਸਦੇ ਬਾਅਦ ਤੀਜੇ ਤੇ ਸੀਰੀਜ਼ ਦੇ ਆਖਰੀ ਵਨਡੇ ਵਿੱਚ ਭਾਰਤੀ ਕਪਤਾਨ ਦੇ ਬੱਲੇ ਤੋਂ 35 ਦੌੜਾਂ ਦੀ ਪਾਰੀ ਨਿਕਲੀ ਸੀ। ਇਸ ਸੀਰੀਜ਼ ਵਿੱਚ ਵਿਰਾਟ ਕੋਹਲੀ ਤੋਂ ਲੈ ਕੇ ਬਾਕੀ ਲਗਭਗ ਸਾਰੇ ਭਾਰਤੀ ਬੱਲੇਬਾਜ਼ ਸੰਘਰਸ਼ ਕਰਦੇ ਨਜ਼ਰ ਆਏ ਸਨ, ਪਰ ਰੋਹਿਤ ਨੇ ਕਮਾਲ ਦੀਆਂ ਪਾਰੀਆਂ ਨੂੰ ਅੰਜ਼ਾਮ ਦਿੱਤਾ ਸੀ।

ਇਹ ਵੀ ਪੜ੍ਹੋ: ਰੱਖੜੀ ਤੋਂ ਪਹਿਲਾਂ ਡੱਬੇ ‘ਚ ਬੰਦ ਹੋ ਕੇ ਆਇਆ 2 ਭੈਣਾਂ ਦਾ ਇਕਲੌਤਾ ਭਰਾ, ਮਨੀਲਾ ‘ਚ ਸੜਕ ਹਾਦਸੇ ‘ਚ ਹੋਈ ਸੀ ਮੌਤ

ICC ਦੀ ਵਨਡੇ ਰੈਂਕਿੰਗ ਵਿੱਚ ਪਾਕਿਸਤਾਨ ਦੇ ਕਪਤਾਨ ਬਾਬਰ ਆਜ਼ਮ ਪਹਿਲੇ ਸਥਾਨ ‘ਤੇ ਮੌਜੂਦ ਹਨ। ਬਾਬਰ 824 ਰੇਟਿੰਗ ਦੇ ਨਾਲ ਪਹਿਲੇ ਸਥਾਨ ‘ਤੇ ਹਨ, ਜਦਕਿ ਰੋਹਿਤ ਸ਼ਰਮਾ 765 ਰੇਟਿੰਗ ਨਾਲ ਦੂਜੇ ਨੰਬਰ ‘ਤੇ ਹਨ। ਰੈਂਕਿੰਗ ਵਿੱਚ ਸ਼ੁਭਮਨ ਗਿੱਲ ਤੀਜੇ ਤੇ ਵਿਰਾਟ ਕੋਹਲੀ ਚੌਥੇ ਸਥਾਨ ‘ਤੇ ਹਨ। ਗਿੱਲ 763 ਰੇਟਿੰਗ ਤੇ ਕੋਹਲੀ 746 ਦੀ ਰੇਟਿੰਗ ਨਾਲ ਇਸ ਸੂਚੀ ਵਿੱਚ ਮੌਜੂਦ ਹਨ। ਸ਼੍ਰੀਲੰਕਾ ਖਿਲਾਫ਼ ਸ਼ਨਾਂਦਾਰ ਪ੍ਰਦਰਸ਼ਨ ਕਾਰਨ ਹਿੱਟਮੈਨ ਇੱਕ ਸਥਾਨ ਉੱਤੇ ਆਏ ਹਨ। ਇਸ ਤੋਂ ਪਹਿਲਾਂ ਰੋਹਿਤ ਤੀਜੇ ਸਥਾਨ ‘ਤੇ ਸਨ।

ICC ODI Player Rankings

ਦੱਸ ਦੇਈਏ ਕਿ ਦੱਖਣੀ ਅਫਰੀਕਾ ਦੇ ਗੇਂਦਬਾਜ਼ ਕੇਸ਼ਵ ਮਹਾਰਾਜ 716 ਰੇਟਿੰਗ ਪੁਆਇੰਟ ਨਾਲ ਪਹਿਲੇ ਸਥਾਨ ‘ਤੇ ਕਾਬਜ਼ ਹਨ। ਦੂਜੇ ਸਥਾਨ ‘ਤੇ ਆਸਟ੍ਰੇਲੀਆ ਦੇ ਜੋਸ਼ ਹੇਜ਼ਲਵੁੱਡ (688), ਤੀਜੇ ਸਥਾਨ ‘ਤੇ ਆਸਟ੍ਰੇਲੀਆ ਦੇ ਐਡਮ ਜੰਪਾ (636), ਚੌਥੇ ਸਥਾਨ ‘ਤੇ ਭਾਰਤ ਦੇ ਕੁਲਦੀਪ ਯਾਦਵ (665) ਤੇ ਪੰਜਵੇਂ ਸਥਾਨ ‘ਤੇ ਨਾਮੀਬੀਆ ਦੇ ਬੇਨਾਰਡ ਸਕੋਲਟਸ (657) ਮੌਜੂਦ ਹਨ। ਉੱਥੇ ਹੀ ICC ਦੀ ਵਨਡੇ ਰੈਂਕਿੰਗ ਵਿੱਚ ਦੁਨੀਆ ਦੇ ਨੰਬਰ-1 ਆਲਰਾਊਂਡਰ ਖਿਡਾਰੀ ਅਫਗਾਨਿਸਤਾਨ ਦੇ ਮੁਹੰਮਦ ਨਬੀ ਹਨ। ਉਨ੍ਹਾਂ ਦੇ ਰੇਟਿੰਗ ਪੁਆਇੰਟ 320 ਹਨ। ਟਾਪ-10 ਵਿੱਚ ਇੱਕ ਵੀ ਭਾਰਤੀ ਸ਼ਾਮਿਲ ਨਹੀਂ ਹੈ। ਇਸ ਸੂਚੀ ਵਿੱਚ ਦੂਜੇ ਸਥਾਨ ‘ਤੇ ਬੰਗਲਾਦੇਸ਼ ਦੇ ਸ਼ਾਕਿਬ ਅਲ ਹਸਨ (292), ਤੀਜੇ ਸਥਾਨ ‘ਤੇ ਜ਼ਿੰਬਾਬਵੇ ਦੇ ਸਿਕੰਦਰ ਰਜਾ (288), ਚੌਥੇ ਸਥਾਨ ‘ਤੇ ਪਾਪੁਆ ਨਿਊ ਗਿਨੀ ਦੇ ਅਸਦ ਵਲਾ (248) ਤੇ ਪੰਜਵੇਂ ਸਥਾਨ ‘ਤੇ ਅਫਗਾਨਿਸਤਾਨ ਦੇ ਰਾਸ਼ਿਦ ਖਾਨ (239) ਮੌਜੂਦ ਹਨ।

ਵੀਡੀਓ ਲਈ ਕਲਿੱਕ ਕਰੋ -:

The post ਰੋਹਿਤ ਸ਼ਰਮਾ ਨੇ ODI ਰੈਂਕਿੰਗ ‘ਚ ਲਗਾਈ ਲੰਬੀ ਛਾਲ, ਹਾਸਿਲ ਕੀਤਾ ਇਹ ਸਥਾਨ appeared first on Daily Post Punjabi.