ਰਾਹੁਲ ਨੇ ਕਿਹਾ ਕਿ “ਖੇਤੀਬਾੜੀ ਕਨੂੰਨ ਦੇ ਜ਼ਰੀਏ ‘ਹਮ ਦੋ ਹਮਾਰੇ ਦੋ’ ਦੀ ਨੀਤੀ ਦਾ ਪਾਲਣ ਕਰਨਾ ਕੋਈ ਨਵੀਂ ਗੱਲ ਨਹੀਂ ਹੈ। ਪਹਿਲਾਂ ਸਰਕਾਰ ਨੇ ਨੋਟਬੰਦੀ , ਗੱਬਰ ਸਿੰਘ ਟੈਕਸ ਮਤਲੱਬ ਜੀਐਸਟੀ ਅਤੇ ਕੋਰੋਨਾ ਮਹਾਂਮਾਰੀ ਦੌਰਾਨ ਅਜਿਹਾ ਹੀ ਕੀਤਾ ਸੀ। ਨੋਟਬੰਦੀ ਦੇ ਜ਼ਰੀਏ, ਉਨ੍ਹਾਂ ਨੇ ਗਰੀਬਾਂ ਤੋਂ ਪੈਸੇ ਕਢਵਾਏ ਅਤੇ ਉਦਯੋਗਪਤੀਆਂ ਨੂੰ ਦੇ ਦਿੱਤੇ। ਜੀਐਸਟੀ ਦੇ ਤਹਿਤ ਛੋਟੇ ਵਪਾਰੀ, ਛੋਟੇ ਦੁਕਾਨਦਾਰ ਖ਼ਤਮ ਕੀਤੇ ਗਏ। ਕੋਰੋਨਾ ਮਹਾਂਮਾਰੀ ਦੇ ਦੌਰਾਨ, ਗਰੀਬ-ਮਜ਼ਦੂਰਾਂ ਨੂੰ ਰੇਲ-ਬੱਸ ਦੀਆਂ ਟਿਕਟਾਂ ਨਹੀਂ ਮਿਲੀਆਂ, ਪਰ ਉਦਯੋਗਪਤੀਆਂ ਨੂੰ 10 ਲੱਖ ਕਰੋੜ ਦਾ ਮੁਨਾਫਾ ਦਿੱਤਾ ਗਿਆ।” ਇਸ ਦੌਰਾਨ ਰਾਹੁਲ ਨੇ ਆਮ ਬਜਟ ‘ਤੇ ਬੋਲਣ ਤੋਂ ਇਨਕਾਰ ਕਰ ਦਿੱਤਾ ਅਤੇ ਕਿਸਾਨ ਅੰਦੋਲਨ ਦੇ ਦੌਰਾਨ ਵੱਖ-ਵੱਖ ਕਾਰਨਾਂ ਕਰਕੇ ਆਪਣੀ ਜਾਨ ਗੁਆਉਣ ਵਾਲੇ ਕਿਸਾਨਾਂ ਲਈ ਦੋ ਮਿੰਟ ਦਾ ਮੌਨ ਰੱਖਿਆ। ਉਨ੍ਹਾਂ ਕਿਹਾ ਕਿ “ਵਿਰੋਧੀ ਧਿਰ ਕਿਸਾਨਾਂ ਦੇ ਮੁੱਦਿਆਂ ‘ਤੇ ਅਲੱਗ ਤੋਂ ਵਿਚਾਰ ਕਰਨਾ ਚਾਹੁੰਦੀ ਸੀ। ਸਰਕਾਰ ਇਸ ਲਈ ਤਿਆਰ ਨਹੀਂ ਹੋਈ। ਅੰਦੋਲਨ ਦੌਰਾਨ ਮਾਰੇ ਗਏ ਕਿਸਾਨਾਂ ਨੂੰ ਸ਼ਰਧਾਂਜਲੀ ਦੇਣ ਲਈ ਸਹਿਮਤੀ ਨਹੀਂ ਬਣ ਸਕੀ। ਇਸਦੇ ਵਿਰੋਧ ‘ਚ ਮੈਂ ਆਮ ਬਜ਼ਟ ‘ਤੇ ਕੁੱਝ ਨਹੀਂ ਕਹਾਂਗਾ। ਮੈਂ ਕਿਸਾਨਾਂ ਦੇ ਸਨਮਾਨ ਵਿੱਚ ਆਪਣੀ ਤਰਫੋਂ ਦੋ ਮਿੰਟ ਦਾ ਮੌਨ ਰੱਖਾਂਗਾ।”

ਇਹ ਵੀ ਦੇਖੋ : ਰਾਤ ਨੂੰ ਸੜਕਾਂ ਤੇ ਉੱਤਰੇ ਹਰਫ਼ ਚੀਮਾ, ਕਿਸਾਨੀ ਹੱਕ ‘ਚ ਲਾਏ ਨਾਅਰੇ ਤੇ ਕਿਹਾ ਕੱਲਾ ਕੱਲਾ ਨੌਜਵਾਨ ਹੈ ਜਰਨੈਲ

The post ਰਾਹੁਲ ਗਾਂਧੀ ਨੇ ਬਜਟ ਨੂੰ ਛੱਡ ਕਿਸਾਨਾਂ ਦੇ ਮੁੱਦੇ ‘ਤੇ ਕੱਢੇ ਸਰਕਾਰ ਦੇ ਵੱਟ, ਜਾਨ ਗਵਾਉਣ ਵਾਲੇ ਕਿਸਾਨਾਂ ਲਈ ਵੀ ਲੋਕ ਸਭਾ ‘ਚ ਰੱਖਿਆ ਮੌਨ appeared first on Daily Post Punjabi.