ਚੀਨ ਦੀ ਹਰ ਕਾਰਵਾਈ ਦਾ ਢੁਕਵਾਂ ਜਵਾਬ ਦੇਣ ਲਈ, ਭਾਰਤੀ ਸੈਨਾ ਨੇ ਬਲੈਕ ਚੋਟੀ ਦੇ ਖੇਤਰ ਵਿੱਚ ਟੈਂਕ ਅਤੇ ਹਥਿਆਰਾਂ ਦੀ ਤੈਨਾਤੀ ਕੀਤੀ ਹੈ। ਦੂਜੇ ਪਾਸੇ, ਚੀਨ ਨੇ ਵੱਡੀ ਗਿਣਤੀ ‘ਚ ਵੱਡੇ ਅਤੇ ਛੋਟੇ ਟੈਂਕ ਵੀ ਤਾਇਨਾਤ ਕੀਤੇ ਹਨ, ਜੋ ਕਿ ਭਾਰਤੀ ਸੀਮਾ ਦੇ ਬਹੁਤ ਨੇੜੇ ਹਨ। ਦੱਸ ਦੇਈਏ ਕਿ 29-30 ਦੀ ਰਾਤ ਨੂੰ ਤਾਜ਼ਾ ਸੰਘਰਸ਼ ਹੋਣ ਤੋਂ ਬਾਅਦ ਸਰਹੱਦ ‘ਤੇ ਤਣਾਅ ਦੀ ਸਥਿਤੀ ਬਣੀ ਹੋਈ ਹੈ। ਪਰ ਬ੍ਰਿਗੇਡੀਅਰ ਪੱਧਰ ਦੀ ਗੱਲਬਾਤ ਇਸ ਮੁੱਦੇ ਨੂੰ ਸੁਲਝਾਉਣ ਲਈ ਕੀਤੀ ਜਾ ਰਹੀ ਹੈ, ਹਾਲਾਂਕਿ ਅਜੇ ਤੱਕ ਇਸਦਾ ਕੋਈ ਨਤੀਜਾ ਆਉਂਦਾ ਨਹੀਂ ਦਿੱਖ ਰਿਹਾ। ਸੈਂਕੜੇ ਚੀਨੀ ਸੈਨਿਕਾਂ ਨੇ ਪੈਨਗੋਂਗ ਦੇ ਦੱਖਣੀ ਖੇਤਰ ਵਿੱਚ ਘੁਸਪੈਠ ਕਰਨ ਦੀ ਕੋਸ਼ਿਸ਼ ਕੀਤੀ, ਜਿਸ ਨੂੰ ਭਾਰਤ ਨੇ ਨਾਕਾਮ ਕਰ ਦਿੱਤਾ ਸੀ। ਇਸ ਦੌਰਾਨ, ਭਾਰਤ ਨੇ ਬਲੈਕ ਟਾਪ ਹਿੱਲ ਉੱਤੇ ਕਬਜ਼ਾ ਕਰ ਲਿਆ ਅਤੇ ਚੀਨ ਦੀ ਹਰ ਚਾਲ ‘ਤੇ ਨਜ਼ਰ ਰੱਖ ਰਿਹਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਮਈ ਤੋਂ ਚੀਨ ਅਤੇ ਭਾਰਤ ਦਰਮਿਆਨ ਸਥਿਤੀ ਵਿਗੜ ਰਹੀ ਹੈ, ਜੂਨ ਵਿੱਚ ਦੋਹਾਂ ਦੇਸ਼ਾਂ ਦੀਆਂ ਫੌਜਾਂ ਵਿਚਕਾਰ ਹਿੰਸਕ ਝੜਪ ਹੋਈ ਸੀ। ਇਸ ਝੜਪ ‘ਚ ਭਾਰਤ ਦੇ 20 ਜਵਾਨ ਸ਼ਹੀਦ ਹੋਏ ਸਨ। ਉਸ ਤੋਂ ਬਾਅਦ ਅਗਸਤ ਵਿੱਚ ਫਿਰ ਤੋਂ ਟਕਰਾਅ ਹੋਣ ਦੀ ਖ਼ਬਰ ਹੈ।

The post ਲੱਦਾਖ ਸਰਹੱਦ ‘ਤੇ ਵਧਿਆ ਤਣਾਅ, ਭਾਰਤ-ਚੀਨ ਨੇ ਤੈਨਾਤ ਕੀਤੇ ਟੈਂਕ appeared first on Daily Post Punjabi.