India China border tension Archives - Daily Post Punjabi

ਭਾਰਤ-ਚੀਨ ਸਰਹੱਦ ‘ਤੇ ਸਥਿਤੀ ਤਣਾਅਪੂਰਨ, ਅਮਰੀਕਾ ਨੇ ਚੀਨ ਨੂੰ ਦਿੱਤੀ ਚੇਤਾਵਨੀ

Sulakhanjeet Kaur — Wed, 02 Sep 2020 05:55:08 +0000

India China Border Tension: ਅਸਲ ਕੰਟਰੋਲ ਰੇਖਾ (LAC) ‘ਤੇ ਚੀਨ ਦੀ ਰਣਨੀਤੀ ਨੂੰ ਇੱਕ ਵਾਰ ਫਿਰ ਤੋਂ ਭਾਰਤੀ ਫੌਜ ਦੇ ਜਵਾਨਾਂ ਨੇ ਨਾਕਾਮ ਕਰ ਦਿੱਤਾ ਹੈ। ਚਾਰ ਦਿਨਾਂ ਵਿੱਚ ਹੀ ਚੀਨ ਨੇ ਤਿੰਨ ਵਾਰ ਘੁਸਪੈਠ ਕਰਨ ਦੀ ਕੋਸ਼ਿਸ਼ ਕੀਤੀ, ਪਰ ਭਾਰਤ ਦੇ ਰਵੱਈਏ ਕਾਰਨ ਚੀਨੀ ਫੌਜ ਨੂੰ ਵਾਪਿਸ ਜਾਣਾ ਪਿਆ। ਇਸ ਕਾਰਨ ਐਲਏਸੀ ‘ਤੇ ਸਥਿਤੀ ਤਣਾਅਪੂਰਨ ਹੈ। ਚੀਨ ਨੇ ਇਸ ਰਣਨੀਤੀ ‘ਤੇ ਅਮਰੀਕਾ ਨੇ ਸਖਤ ਰੁਖ ਅਪਣਾਇਆ ਹੈ। ਅਮਰੀਕਾ ਵਿਦੇਸ਼ ਮੰਤਰਾਲੇ ਨੇ ਕਿਹਾ ਕਿ ਅਸੀਂ ਇਸ ‘ਤੇ ਨੇੜਿਓਂ ਨਜ਼ਰ ਰੱਖ ਰਹੇ ਹਾਂ ਅਤੇ ਸ਼ਾਂਤਮਈ ਹੱਲ ਦੀ ਉਮੀਦ ਕਰ ਰਹੇ ਹਾਂ। ਜਿਵੇਂ ਕਿ ਕਈ ਮੌਕਿਆਂ ‘ਤੇ ਅਮਰੀਕੀ ਵਿਦੇਸ਼ ਮੰਤਰੀ ਮਾਈਕ ਪੋਂਪੀਓ ਨੇ ਕਿਹਾ ਸੀ ਕਿ ਬੀਜਿੰਗ ਆਪਣੇ ਗੁਆਂਢੀਆਂ ਅਤੇ ਹੋਰ ਦੇਸ਼ਾਂ ਨਾਲ ਲਗਾਤਾਰ ਹਮਲਾਵਰ ਤੌਰ ‘ਤੇ ਉਲਝਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ।

India China Border Tension

ਅਮਰੀਕੀ ਵਿਦੇਸ਼ ਮੰਤਰਾਲੇ ਨੇ ਕਿਹਾ ਕਿ ਤਾਇਵਾਨ ਸਟ੍ਰੇਟ ਸ਼ਿਨਜਿਆਂਗ,ਦੱਖਣੀ ਚੀਨ ਸਾਗਰ ਤੋਂ ਹਿਮਾਲਿਆ ਤੱਕ, ਸਾਈਬਰ ਸਪੇਸ ਤੋਂ ਲੈ ਕੇ ਅੰਦਰੂਨੀ ਸੰਗਠਨ ਤੱਕ ਅਸੀਂ ਚੀਨੀ ਕਮਿਊਨਿਸਟ ਪਾਰਟੀ ਨਾਲ ਕੰਮ ਕਰ ਰਹੇ ਹਾਂ, ਜੋ ਆਪਣੇ ਲੋਕਾਂ ਨੂੰ ਦਬਾਉਣਾ ਚਾਹੁੰਦੀ ਹੈ ਅਤੇ ਆਪਣੇ ਗੁਆਂਢੀਆਂ ਨੂੰ ਧਮਕਾਉਣਾ ਚਾਹੁੰਦੀ ਹੈ। ਇਨ੍ਹਾਂ ਭੜਕਾਹਟਾਂ ਨੂੰ ਰੋਕਣ ਦਾ ਇੱਕ ਇੱਕ ਢੰਗ ਹੈ, ਬੀਜਿੰਗ ਦੇ ਵਿਰੁੱਧ ਖੜ੍ਹਨਾ।

ਗੌਰਤਲਬ ਹੈ ਕਿ 29 ਅਗਸਤ ਤੋਂ ਹੁਣ ਤੱਕ ਚੀਨ ਨੇ ਤਿੰਨ ਵਾਰ ਐਲਏਸੀ ‘ਤੇ ਘੁਸਪੈਠ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ। ਪਹਿਲੀ ਵਾਰ ਚੀਨੀ ਫੌਜਾਂ ਨੇ 29-30 ਅਗਸਤ ਦੀ ਰਾਤ ਨੂੰ ਪੈਨਗੋਂਗ ਖੇਤਰ ਵਿੱਚ ਹਿਮਾਕਤ ਕੀਤੀ। ਜਿਸਦਾ ਉਨ੍ਹਾਂ ਨੂੰ ਕਰਾਰਾ ਜਵਾਬ ਮਿਲਿਆ । ਦੂਜੀ ਵਾਰ 31 ਅਗਸਤ ਦੀ ਰਾਤ ਨੂੰ ਚੀਨੀ ਫੌਜ ਨੇ ਹੈਲਮੇਟ ਚੋਟੀ ‘ਤੇ ਇੱਕ ਗੁਸਤਾਖੀ ਦਿਖਾਈ, ਜਿਸ ਦਾ ਭਾਰਤੀ ਫੌਜ ਨੇ ਇੱਕ ਢੁੱਕਵਾਂ ਜਵਾਬ ਦਿੱਤਾ।

The post ਭਾਰਤ-ਚੀਨ ਸਰਹੱਦ ‘ਤੇ ਸਥਿਤੀ ਤਣਾਅਪੂਰਨ, ਅਮਰੀਕਾ ਨੇ ਚੀਨ ਨੂੰ ਦਿੱਤੀ ਚੇਤਾਵਨੀ appeared first on Daily Post Punjabi.

LAC ‘ਤੇ ਤਣਾਅ ਜਾਰੀ, ਚੀਨ ਦੀ ਬੇਨਤੀ ‘ਤੇ ਅੱਜ ਹੋਵੇਗੀ ਕੌਰ ਕਮਾਂਡਰ ਪੱਧਰ ਦੀ ਬੈਠਕ

Sulakhanjeet Kaur — Mon, 22 Jun 2020 06:54:53 +0000

India China border tension: ਲੱਦਾਖ ਸਰਹੱਦ ‘ਤੇ ਤਣਾਅ ਨੂੰ ਘੱਟ ਕਰਨ ਲਈ ਭਾਰਤੀ ਫੌਜ ਅਤੇ ਚੀਨ ਦੀ ਪੀਪਲਜ਼ ਲਿਬਰੇਸ਼ਨ ਆਰਮੀ ਦੇ ਵਿਚਕਾਰ ਅੱਜ ਗੱਲਬਾਤ ਹੋਵੇਗੀ. ਚੀਨੀ ਫੌਜ ਦੀ ਬੇਨਤੀ ‘ਤੇ ਕੋਰ ਕਮਾਂਡਰ ਪੱਧਰ ਦੀ ਇੱਕ ਬੈਠਕ ਹੋਵੇਗੀ। ਇਹ ਮੁਲਾਕਾਤ ਮੋਲਡੋ ਖੇਤਰ (ਚੀਨ ਵੱਲ) ਅਤੇ ਚੁਸ਼ੂਲ (ਭਾਰਤ ਵੱਲ) ਸੱਦੀ ਗਈ ਹੈ । ਇਹ ਬੈਠਕ ਉਸੀ ਜਗ੍ਹਾ ‘ਤੇ ਹੋਣ ਜਾ ਰਹੀ ਹੈ ਜਿੱਥੇ ਦੋਵਾਂ ਦੇਸ਼ਾਂ ਵਿਚਾਲੇ 6 ਜੂਨ ਨੂੰ ਬੈਠਕ ਹੋਈ ਸੀ।

India China border tension

ਦਰਅਸਲ, ਕੋਰ ਕਮਾਂਡਰ ਪੱਧਰ ਦੀ ਇਸ ਗੱਲਬਾਤ ਵਿੱਚ ਭਾਰਤ ਵੱਲੋਂ ਲੈਫਟੀਨੈਂਟ ਜਨਰਲ ਹਰਿੰਦਰ ਸਿੰਘ ਅਤੇ ਚੀਨ ਵੱਲੋਂ ਦੱਖਣੀ ਸਿਨਜਿਆਂਗ ਮਿਲਟਰੀ ਡਿਸਟ੍ਰਿਕਟ ਦੇ ਚੀਫ਼ ਮੇਜਰ ਜਨਰਲ ਲਿਊ ਲਿਨ ਹਿੱਸਾ ਲੈਣਗੇ। ਇਸ ਮੁਲਾਕਾਤ ਦਾ ਉਦੇਸ਼ ਪਹਿਲਾਂ ਵਾਲੀ ਸਥਿਤੀ ਨੂੰ ਦੁਬਾਰਾ ਬਣਾਉਣਾ, ਗਲਵਾਨ ਵਰਗੀਆਂ ਖੂਨੀ ਝੜਪਾਂ ਦੀਆਂ ਘਟਨਾਵਾਂ ਨਾ ਹੋਣ ਅਤੇ 6 ਜੂਨ ਨੂੰ ਦੋਵਾਂ ਦੇਸ਼ਾਂ ਦਰਮਿਆਨ ਹੋਏ ਸਮਝੌਤੇ ‘ਤੇ ਗੱਲਬਾਤ ਹੈ ।

India China border tension

ਦੱਸ ਦੇਈਏ ਕਿ ਇਸ ਦੌਰਾਨ ਗਲਵਾਨ ਘਾਟੀ ਵਿੱਚ ਤਣਾਅ ਜਾਰੀ ਹੈ। 15 ਜੂਨ ਤੋਂ ਕਿਸੇ ਵੀ ਪਾਸੇ ਕਿਸੇ ਵੀ ਤਰ੍ਹਾਂ ਦੀ ਝੜਪ ਹੋਣ ਦੀ ਖ਼ਬਰ ਨਹੀਂ ਹੈ, ਪਰ ਦੋਵਾਂ ਪਾਸਿਆਂ ਤੋਂ ਮਾਹੌਲ ਤਣਾਅਪੂਰਨ ਬਣਿਆ ਹੋਇਆ ਹੈ। ਦੋਵਾਂ ਪਾਸਿਆਂ ਤੋਂ ਤਣਾਅ ਖ਼ਤਮ ਕਰਨ ਲਈ ਫੌਜੀ ਅਧਿਕਾਰੀਆਂ ਵਿਚਕਾਰ ਗੱਲਬਾਤ ਚੱਲ ਰਹੀ ਹੈ । ਅੱਜ ਵੀ ਦੋਵਾਂ ਦੇਸ਼ਾਂ ਦੇ ਸੈਨਿਕ ਅਧਿਕਾਰੀਆਂ ਵਿਚਕਾਰ ਗੱਲਬਾਤ ਹੋਵੇਗੀ ।

ਜ਼ਿਕਰਯੋਗ ਹੈ ਕਿ ਲੱਦਾਖ ਵਿੱਚ LAC ‘ਤੇ ਗਲਵਾਨ ਘਾਟੀ ਵਿੱਚ ਭਾਰਤੀ ਅਤੇ ਚੀਨੀ ਫੌਜਾਂ ਵਿਚਾਲੇ ਹਿੰਸਕ ਝੜਪ ਹੋਈ ਸੀ । ਇਸ ਵਿੱਚ 20 ਭਾਰਤੀ ਜਵਾਨ ਸ਼ਹੀਦ ਹੋ ਗਏ ਸਨ, ਜਦੋਂਕਿ ਚੀਨ ਦੇ ਵੀ ਬਹੁਤ ਸਾਰੇ ਸੈਨਿਕ ਮਾਰੇ ਗਏ । ਹਾਲਾਂਕਿ ਚੀਨ ਨੇ ਮਾਰੇ ਗਏ ਆਪਣੇ ਸੈਨਿਕਾਂ ਦੀ ਗਿਣਤੀ ਬਾਰੇ ਕੋਈ ਜਨਤਕ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਹੈ।

The post LAC ‘ਤੇ ਤਣਾਅ ਜਾਰੀ, ਚੀਨ ਦੀ ਬੇਨਤੀ ‘ਤੇ ਅੱਜ ਹੋਵੇਗੀ ਕੌਰ ਕਮਾਂਡਰ ਪੱਧਰ ਦੀ ਬੈਠਕ appeared first on Daily Post Punjabi.