ਇੱਕ ਅੰਗਰੇਜ਼ੀ ਅਖਬਾਰ ਅਨੁਸਾਰ ITBP ਦੇ 30 ਜਵਾਨ ਫੁਰਚੁਕ ਲਾ ਪਾਸ ਤੋਂ ਹੁੰਦੇ ਹੋਏ ਅੱਗੇ ਪਹੁੰਚੇ ਹਨ। ਇਹ ਜਗ੍ਹਾ 4994 ਮੀਟਰ ਦੀ ਉਚਾਈ ‘ਤੇ ਹੈ। ਹੁਣ ਤੱਕ ਇਸ ਪੋਸਟ ‘ਤੇ ਕਿਸੇ ਦਾ ਕਬਜ਼ਾ ਨਹੀਂ ਸੀ। ਇਸ ਤੋਂ ਪਹਿਲਾਂ ITBP ਦੇ ਜਵਾਨ ਪੈਨਗੋਂਗ ਝੀਲ ਦੇ ਉੱਤਰ ਵਿੱਚ ਧਾਨ ਸਿੰਘ ਚੌਕੀ ਵਿਖੇ ਸਨ। ਇਹ ਖੇਤਰ ਫਿੰਗਰ 2 ਅਤੇ 3 ਦੇ ਨੇੜੇ ਹੈ। ITBP  ਦੇ IG (ਆਪ੍ਰੇਸ਼ਨ) ਐਮਐਸ ਰਾਵਤ ਨੇ ਕਿਹਾ, ‘ITBP ਦੇ ਡੀਜੀਪੀ ਐਸਐਸ ਦੇਸਵਾਲ ਪਿਛਲੇ ਹਫ਼ਤੇ LAC ’ਤੇ ਇੱਕ ਹਫਤੇ ਜਵਾਨਾਂ ਨਾਲ ਰਹੇ । ਇਹ ਪਹਿਲੀ ਵਾਰ ਹੈ ਜਦੋਂ ਅਸੀਂ ਇਨ੍ਹਾਂ ਸਿਖਰਾਂ ‘ਤੇ ਚੰਗੀਆਂ ਸੰਖਿਆ ‘ਤੇ ਪਹੁੰਚੇ ਹਾਂ।

ਦੱਸ ਦੇਈਏ ਕਿ ਆਰਮੀ, ਆਈਟੀਬੀਪੀ ਅਤੇ ਸਪੈਸ਼ਲ ਫਰੰਟੀਅਰ ਫੋਰਸ (ਐਸਐਫਐਫ) ਨੇ ਹੁਣ ਹੈਲਮੇਟ ਟਾਪ, ਬਲੈਕ ਟਾਪ ਅਤੇ ਯੈਲੋ ਬੰਪ ਨੂੰ ਆਪਣੇ ਕਬਜ਼ੇ ਵਿੱਚ ਕਰ ਲਿਆ ਹੈ। ਚੀਨ ਦੀ ਪੀਪਲਜ਼ ਲਿਬਰੇਸ਼ਨ ਆਰਮੀ ਦੇ ਦੱਖਣੀ ਸਿਰੇ ‘ਤੇ 4280 ਤੋਂ ਬਾਅਦ ਅਤੇ ਪੱਛਮ ਦੇ ਸਿਰੇ ‘ਤੇ ਖੁਦਾਈ ਖੇਤਰ ਅਤੇ ਚੁੱਤੀ ਚਾਮਲਾ ਭਾਰਤੀ ਸੈਨਿਕਾਂ ਲਈ ਸਪੱਸ਼ਟ ਤੌਰ ‘ਤੇ ਦਿਖਾਈ ਦੇ ਰਹੇ ਹਨ। ਕਿਹਾ ਜਾ ਰਿਹਾ ਹੈ ਕਿ ਸਰਕਾਰ ਨੇ ਫੌਜ ਨੂੰ ਕਾਰਵਾਈ ਕਰਨ ਦੀ ਛੂਟ ਦੇ ਦਿੱਤੀ  ਹੈ। ਅਸਲ ਕੰਟਰੋਲ ਰੇਖਾ ਦੇ ਪਿਛਲੇ ਲਗਭਗ ਚਾਰ ਮਹੀਨਿਆਂ ਤੋਂ ਤਣਾਅ ਲਗਾਤਾਰ ਬਣਿਆ ਹੋਇਆ ਹੈ। ਚੀਨ ਦੀ ਦੁਸ਼ਮਣੀ ਦੇ ਮੱਦੇਨਜ਼ਰ ਪਹਿਲਾਂ ਕਦਮ ਨਹੀਂ ਚੁੱਕਣ ਦੀ ਨੀਤੀ ਨੂੰ ਬਦਲਿਆ ਗਿਆ ਹੈ। ਇਸਦੇ ਉਲਟ, ਚੀਨ ਨੇ ਪੂਰਬੀ ਲੱਦਾਖ ਵਿੱਚ ਹੋਏ ਸਮਝੌਤਿਆਂ ਦੀ ਉਲੰਘਣਾ ਕਰਨ ਦਾ ਦੋਸ਼ ਭਾਰਤ ‘ਤੇ ਲਗਾਉਣਾ ਸ਼ੁਰੂ ਕਰ ਦਿੱਤਾ ਹੈ। 

The post ਚੀਨ ‘ਤੇ ਕਸਿਆ ਸ਼ਿਕੰਜਾ! ਫੌਜ ਤੋਂ ਬਾਅਦ ਹੁਣ ITBP ਨੇ ਪੈਨਗੋਂਗ ਝੀਲ ਨੇੜੇ ਜਮਾਇਆ ਕਬਜ਼ਾ appeared first on Daily Post Punjabi.

ਅਮਰੀਕੀ ਵਿਦੇਸ਼ ਮੰਤਰਾਲੇ ਨੇ ਕਿਹਾ ਕਿ ਤਾਇਵਾਨ ਸਟ੍ਰੇਟ ਸ਼ਿਨਜਿਆਂਗ,ਦੱਖਣੀ ਚੀਨ ਸਾਗਰ ਤੋਂ ਹਿਮਾਲਿਆ ਤੱਕ, ਸਾਈਬਰ ਸਪੇਸ ਤੋਂ ਲੈ ਕੇ ਅੰਦਰੂਨੀ ਸੰਗਠਨ ਤੱਕ ਅਸੀਂ ਚੀਨੀ ਕਮਿਊਨਿਸਟ ਪਾਰਟੀ ਨਾਲ ਕੰਮ ਕਰ ਰਹੇ ਹਾਂ, ਜੋ ਆਪਣੇ ਲੋਕਾਂ ਨੂੰ ਦਬਾਉਣਾ ਚਾਹੁੰਦੀ ਹੈ ਅਤੇ ਆਪਣੇ ਗੁਆਂਢੀਆਂ ਨੂੰ ਧਮਕਾਉਣਾ ਚਾਹੁੰਦੀ ਹੈ। ਇਨ੍ਹਾਂ ਭੜਕਾਹਟਾਂ ਨੂੰ ਰੋਕਣ ਦਾ ਇੱਕ ਇੱਕ ਢੰਗ ਹੈ, ਬੀਜਿੰਗ ਦੇ ਵਿਰੁੱਧ ਖੜ੍ਹਨਾ।

ਗੌਰਤਲਬ ਹੈ ਕਿ 29 ਅਗਸਤ ਤੋਂ ਹੁਣ ਤੱਕ ਚੀਨ ਨੇ ਤਿੰਨ ਵਾਰ ਐਲਏਸੀ ‘ਤੇ ਘੁਸਪੈਠ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ। ਪਹਿਲੀ ਵਾਰ ਚੀਨੀ ਫੌਜਾਂ ਨੇ 29-30 ਅਗਸਤ ਦੀ ਰਾਤ ਨੂੰ ਪੈਨਗੋਂਗ ਖੇਤਰ ਵਿੱਚ ਹਿਮਾਕਤ ਕੀਤੀ। ਜਿਸਦਾ ਉਨ੍ਹਾਂ ਨੂੰ ਕਰਾਰਾ ਜਵਾਬ ਮਿਲਿਆ । ਦੂਜੀ ਵਾਰ 31 ਅਗਸਤ ਦੀ ਰਾਤ ਨੂੰ ਚੀਨੀ ਫੌਜ ਨੇ ਹੈਲਮੇਟ ਚੋਟੀ ‘ਤੇ ਇੱਕ ਗੁਸਤਾਖੀ ਦਿਖਾਈ, ਜਿਸ ਦਾ ਭਾਰਤੀ ਫੌਜ ਨੇ ਇੱਕ ਢੁੱਕਵਾਂ ਜਵਾਬ ਦਿੱਤਾ। 

The post ਭਾਰਤ-ਚੀਨ ਸਰਹੱਦ ‘ਤੇ ਸਥਿਤੀ ਤਣਾਅਪੂਰਨ, ਅਮਰੀਕਾ ਨੇ ਚੀਨ ਨੂੰ ਦਿੱਤੀ ਚੇਤਾਵਨੀ appeared first on Daily Post Punjabi.

ਇਸੇ ਵਿਚਾਲੇ ਭਾਰਤੀ ਫੌਜ ਵੱਲੋਂ ਸ਼ਹੀਦ ਹੋਏ 20 ਜਵਾਨਾਂ ਦੇ ਨਾਮ ਅੱਜ ਜਾਰੀ ਕੀਤੇ ਜਾਣਗੇ । ਚੀਨੀ ਫੌਜ ਨਾਲ ਮੁਕਾਬਲੇ ਵਿੱਚ ਭਾਰਤ ਦੇ ਜਵਾਨ ਸ਼ਹੀਦ ਹੋ ਗਏ ਹਨ। ਜ਼ਿਕਰਯੋਗ ਹੈ ਕਿ ਝੜਪ ਦੀ ਘਟਨਾ 15-16 ਜੂਨ ਦੀ ਰਾਤ ਨੂੰ ਵਾਪਰੀ । ਭਾਰਤੀ ਫੌਜ ਦੇ ਕਮਾਂਡਿੰਗ ਅਫਸਰ ਕਰਨਲ ਸੰਤੋਸ਼ ਬਾਬੂ ਦੇ ਅਗਵਾਈ ਵਿੱਚ ਭਾਰਤੀ ਫੌਜ ਦੀ ਟੁਕੜੀ ਚੀਨੀ ਕੈਂਪ ਵਿੱਚ ਗਈ ਸੀ । ਭਾਰਤੀ ਪਾਰਟੀ ਕੋਈ ਹਥਿਆਰ ਲੈ ਕੇ ਨਹੀਂ ਗਈ ਸੀ ।

ਦੱਸਿਆ ਜਾ ਰਿਹਾ ਹੈ ਕਿ ਭਾਰਤੀ ਟੀਮ ਚੀਨੀ ਫੌਜਾਂ ਦੇ ਪਿੱਛੇ ਹਟਣ ਲਈ ਕੀਤੀ ਗਈ ਸਹਿਮਤੀ ਬਾਰੇ ਵਿਚਾਰ ਵਟਾਂਦਰੇ ਲਈ ਗਈ ਸੀ, ਪਰ, ਉੱਥੇ ਭਾਰਤੀ ਫੌਜ ਨੂੰ ਧੋਖਾ ਮਿਲਿਆ । ਚੀਨੀ ਫੌਜ ਨੇ ਪਥਰਾਅ, ਪੱਥਰਾਂ, ਕੰਡਿਆਲੀ ਤਾਰਾਂ ਅਤੇ ਕਿਲ ਲੱਗੇ ਡੰਡਿਆਂ ਨਾਲ ਹਮਲਾ ਕੀਤਾ। ਇਸ ਹਮਲੇ ਕਾਰਨ ਕਮਾਂਡਿੰਗ ਅਫਸਰ ਕਰਨਲ ਸੰਤੋਸ਼ ਬਾਬੂ ਅਤੇ ਦੋ ਫੌਜੀ ਮੌਕੇ ‘ਤੇ ਹੀ ਸ਼ਹੀਦ ਹੋ ਗਏ, ਜਦੋਂ ਕਿ ਕਈ ਸੈਨਿਕ ਜ਼ਖਮੀ ਹੋ ਗਏ ।

ਮਿਲੀ ਜਾਣਕਾਰੀ ਅਨੁਸਾਰ ਇਹ ਝੜਪ ਜਿਸ ਜਗ੍ਹਾ ਹੋਈ ਉਸ ਜਗ੍ਹਾ ਨੀਚੇ ਸ਼ੀਓਕ ਨਦੀ ਵਗਦੀ ਹੈ। ਕਈ ਫੌਜੀਆਂ ਦੇ ਨਦੀ ਵਿੱਚ ਵਹਿ ਜਾਣ ਦੀ ਖ਼ਬਰ ਹੈ। ਖੇਤਰ ਵਿਚ ਤਾਪਮਾਨ ਘੱਟ ਰਹਿਣ ਕਾਰਨ ਬਹੁਤ ਸਾਰੇ ਜ਼ਖਮੀ ਫੌਜੀ ਉਨ੍ਹਾਂ ਦੇ ਜ਼ਖਮਾਂ ਤੋਂ ਠੀਕ ਨਹੀਂ ਹੋ ਸਕੇ ਅਤੇ ਸ਼ਹੀਦ ਹੋ ਗਏ । ਭਾਰਤ ਵੱਲੋਂ ਜਾਰੀ ਅਧਿਕਾਰਤ ਬਿਆਨ ਅਨੁਸਾਰ 20 ਜਵਾਨ ਸ਼ਹੀਦ ਹੋਏ ਹਨ ।

The post ਚੀਨ ਨਾਲ ਗੱਲਬਾਤ ਬੇਨਤੀਜਾ, ਅਲਰਟ ‘ਤੇ ਭਾਰਤੀ ਫੌਜ, ਅੱਜ ਜਾਰੀ ਹੋਵੇਗੀ ਸ਼ਹੀਦਾਂ ਦੀ ਸੂਚੀ appeared first on Daily Post Punjabi.