ਭਾਰਤੀ ਫੌਜੀ ਕਮਾਂਡਰਾਂ ਅਨੁਸਾਰ ਇਹ ਜਾਣਕਾਰੀ ਢੁੱਕਵੀਂ ਹੈ, ਕਿਉਂਕਿ ਸਤੰਬਰ ਤੋਂ ਪੂਰਬੀ ਲੱਦਾਖ ਵਿੱਚ ਮੌਸਮ ਵਿੱਚ ਤੇਜ਼ੀ ਨਾਲ ਬਦਲਾਅ ਆਉਂਦਾ ਹੈ। ਹਿੰਸਕ ਟਕਰਾਅ ਵਿੱਚ ਬਚੇ ਲੋਕਾਂ ਨੇ ਦੱਸਿਆ ਕਿ ਜਦੋਂ ਦੋਵਾਂ ਫ਼ੌਜਾਂ ਵਿਚਾਲੇ ਝੜਪ ਸ਼ੁਰੂ ਹੋਈ ਸੀ ਤਾਂ ਵੱਡੀ ਗਿਣਤੀ ਵਿੱਚ ਚੀਨੀ ਫੌਜ ਉੱਤੇ ਆਈ, ਪਰ ਜਲਦੀ ਹੀ 16000 ਫੁੱਟ ‘ਤੇ ਆਕਸੀਜਨ ਦੀ ਘਾਟ ਕਾਰਨ ਹੇਠਾਂ ਜਾਣਾ ਸ਼ੁਰੂ ਹੋ ਗਈ। ਜੋ ਲੋਕ ਆਕਸੀਜਨ ਦੀ ਘਾਟ ਤੋਂ ਬਚੇ ਸਨ ਉਹ ਜੰਮੀ ਹੋਈ ਗਲਵਾਨ ਨਦੀ ਵਿੱਚ ਫਸ ਗਏ।

ਦਰਅਸਲ, ਸਰਦੀਆਂ ਦੇ ਮੌਸਮ ਵਿੱਚ ਲੱਦਾਖ ਵਿੱਚ ਤਾਪਮਾਨ -40 ਡਿਗਰੀ ਤੋਂ ਹੇਠਾਂ ਚਲਾ ਜਾਂਦਾ ਹੈ। ਅਜਿਹੀ ਸਥਿਤੀ ਵਿੱਚ ਅਸਲ ਕੰਟਰੋਲ ਰੇਖਾ (LAC) ‘ਤੇ ਇੰਨੀ ਉੱਚਾਈ ਅਤੇ ਠੰਡ ਵਿੱਚ ਖੜ੍ਹੇ ਹੋਣਾ ਕਿਸੇ ਚੁਣੌਤੀ ਤੋਂ ਘੱਟ ਨਹੀਂ ਹੈ। ਫੌਜ ਦੇ ਸੀਨੀਅਰ ਅਧਿਕਾਰੀਆਂ ਦਾ ਮੰਨਣਾ ਹੈ ਕਿ ਮੌਜੂਦਾ ਰੁਕਾਵਟ ਸਤੰਬਰ-ਅਕਤੂਬਰ ਤੱਕ ਵੱਧ ਸਕਦੀ ਹੈ ਅਤੇ ਚੀਨ ਨੇ ਪਹਿਲਾਂ ਹੀ ਆਪਣੀ ਫੌਜ ਲਈ ਵਿਸ਼ੇਸ਼ ਟੈਂਟਾਂ ਦਾ ਪ੍ਰਬੰਧ ਕੀਤਾ ਹੋਇਆ ਹੈ।

ਦੱਸ ਦੇਈਏ ਕਿ ਇੰਨੀ ਸਖਤ ਠੰਡ ਤੋਂ ਬਚਣ ਲਈ ਭਾਰਤੀ ਜਵਾਨ ਪਹਿਲਾਂ ਹੀ ਸਿਆਚਿਨ ਦੇ ਵਿਸ਼ੇਸ਼ ਟੈਂਟਾਂ ਵਿਚ ਰਹਿੰਦੇ ਹਨ। ਪਰ ਇਸ ਵਾਰ ਸਰਹੱਦ ‘ਤੇ ਵੱਡੀ ਗਿਣਤੀ ਵਿੱਚ ਫੌਜ ਹੋਣ ਕਾਰਨ ਵਧੇਰੇ ਟੈਂਟਾਂ ਦੀ ਲੋੜ ਪੈ ਸਕਦੀ ਹੈ।  ਇਸ ਲਈ ਫੌਜ ਇਹ ਟੈਂਟ ਆਪਣੇ ਦੇਸ਼ ਜਾਂ ਯੂਰਪ ਤੋਂ ਖਰੀਦ ਸਕਦੀ ਹੈ। ਪੀਐਮ ਮੋਦੀ ਪਹਿਲਾਂ ਹੀ ਫੌਜ ਨੂੰ ਹਥਿਆਰਾਂ ਅਤੇ ਸਮਾਨ ਖਰੀਦਣ ਲਈ 500 ਕਰੋੜ ਰੁਪਏ ਦੇ ਚੁੱਕੇ ਹਨ।

The post India-China Faceoff: ਲੱਦਾਖ ‘ਚ ਠੰਡ ਕਾਰਨ ਅਗਲੇ ਮਹੀਨੇ ਬਦਲ ਸਕਦੇ ਹਨ ਹਾਲਾਤ appeared first on Daily Post Punjabi.