ਸੈਨਿਕਾਂ ਦੀ ਵਾਪਸੀ ‘ਤੇ ਕੱਲ ਦਸਵੇਂ ਦੌਰ ਦੀ ਗੱਲ-ਬਾਤ ਕਰਨਗੇ ਭਾਰਤ ਤੇ ਚੀਨ

Anu Narula — Fri, 19 Feb 2021 10:37:46 +0000

India China table talk : ਭਾਰਤ ‘ਤੇ ਚੀਨ ਵਿਚਕਾਰ ਗੱਲਬਾਤ ਦਾ ਦੌਰ ਜਾਰੀ ਹੈ। ਅਸਲ ਕੰਟਰੋਲ ਰੇਖਾ ਦੇ ਵਿਵਾਦਿਤ ਸਥਾਨਾਂ ਤੋਂ ਤੈਨਾਤੀ ਹਟਾਉਣ ਲਈ ਭਾਰਤ ਅਤੇ ਚੀਨ ਦੇ ਸੈਨਿਕ ਨੁਮਾਇੰਦੇ ਸ਼ਨੀਵਾਰ ਨੂੰ ਦਸਵੇਂ ਦੌਰ ਦੀ ਗੱਲਬਾਤ ਕਰਨਗੇ। ਗੱਲਬਾਤ ਮੋਲਡੋ ਦੇ ਚੀਨੀ ਪੱਖ ‘ਚ ਸਵੇਰੇ 10 ਵਜੇ ਸ਼ੁਰੂ ਹੋਵੇਗੀ। ਇਸ ਸਮੇਂ ਦੌਰਾਨ ਕਮਾਂਡਰ ਹਾਟ ਸਪਰਿੰਗਜ਼, ਗੋਗਰਾ ਤੇ ਡੇਪਸੰਗ ਮੈਦਾਨ ਦੇ 900 ਵਰਗ ਕਿਲੋਮੀਟਰ ਵਰਗੀਆਂ ਟਕਰਾਉਣ ਵਾਲੀਆਂ ਥਾਵਾਂ ਬਾਰੇ ਗੱਲ ਕਰਨਗੇ। ਦੱਸ ਦੇਈਏ ਕਿ ਡੇਪਸਾਂਗ ਨੂੰ ਪਿਛਲੇ ਸਾਲ ਮਈ ਤੋਂ ਸ਼ੁਰੂ ਹੋਏ ਡੈੱਡਲਾਕ ਦਾ ਹਿੱਸਾ ਨਹੀਂ ਮੰਨਿਆ ਗਿਆ ਸੀ ਪਰ ਭਾਰਤ ਨੇ ਸੈਨਿਕ ਕਮਾਂਡਰ ਦੀਆਂ ਤਾਜ਼ਾ ਮੀਟਿੰਗਾਂ ‘ਚ ਜ਼ੋਰ ਦੇ ਕੇ ਕਿਹਾ ਹੈ ਕਿ ਅਸਲ ਕੰਟਰੋਲ ਰੇਖਾ ਸੰਬੰਧੀ ਸਾਰੇ ਮੁੱਦੇ ਹੱਲ ਕੀਤੇ ਜਾਣੇ ਚਾਹੀਦੇ ਹਨ। ਇਸ ਬੈਠਕ ‘ਚ ਡੈਲੀਗੇਟ ਪੈਨਗੋਂਗ ਝੀਲ ਦੇ ਉੱਤਰੀ ਤੇ ਦੱਖਣੀ ਕਿਨਾਰਿਆਂ ‘ਤੇ ਸੈਨਿਕਾਂ ਦੇ ਵਾਪਿਸ ਜਾਣ ਦੀ ਸਥਿਤੀ ਦਾ ਮੁਆਇਨਾ ਕਰਨਗੇ। ਪੈਨਗੋਂਗ ਝੀਲ ਦੇ ਦੋਵਾਂ ਪਾਸਿਆਂ ਤੋਂ ਚੀਨੀ ਸੈਨਿਕਾਂ ਦੇ ਵਾਪਿਸ ਜਾਣ ਦੀ ਪ੍ਰਕਿਰਿਆ 20 ਫਰਵਰੀ ਤੱਕ ਪੂਰੀ ਹੋਣ ਦੀ ਉਮੀਦ ਹੈ।

India China table talk

10 ਫਰਵਰੀ ਨੂੰ ਚੀਨ ਨੇ ਐਲਾਨ ਕੀਤਾ ਕਿ ਨਵੀਂ ਦਿੱਲੀ ਤੇ ਬੀਜਿੰਗ ਪੈਨਗੋਂਗ ਝੀਲ ਤੋਂ ਵਾਪਸ ਜਾਣ ਲਈ ਸਹਿਮਤ ਹੋਏ ਹਨ। ਚੀਨ ਦੀ ਪੀਪਲਜ਼ ਲਿਬਰੇਸ਼ਨ ਆਰਮੀ (PLA) ਦੇ ਨਾਲ ਭਾਰਤੀ ਫੌਜ ਦੀਆਂ ਟੀਮਾਂ ਪੈਨਗੋਂਗ ਝੀਲ ਵਿਖੇ ਵਾਪਸੀ ਦੀ ਜਾਂਚ ਕਰ ਰਹੀਆਂ ਹਨ। ਇਸ ਸਮਝੌਤੇ ‘ਚ ਕਿਹਾ ਗਿਆ ਹੈ ਕਿ ਚੀਨੀ ਫੌਜੀ ਫੇਰ ਫਿੰਗਰ 8 ‘ਚ ਚਲੇ ਜਾਣਗੇ ਤੇ ਭਾਰਤੀ ਫੌਜ ਪੈਨਗੋਂਗ ਝੀਲ ਦੇ ਉੱਤਰੀ ਤੱਟ ਦੇ ਫਿੰਗਰ 2 ਤੇ 3 ‘ਚ ਤਾਇਨਾਤ ਪੋਸਟ ਨੂੰ ਵਾਪਸ ਲੈਣਗੇ। ਇਸ ਤੋਂ ਇਲਾਵਾ ਰਵਾਇਤੀ ਖੇਤਰਾਂ ‘ਚ ਗਸ਼ਤ ਕਰਨ ਸਮੇਤ ਸਾਰੀਆਂ ਫੌਜੀ ਗਤੀਵਿਧੀਆਂ ‘ਤੇ ਅਸਥਾਈ ਪਾਬੰਦੀ ਲਗਾਈ ਜਾਵੇਗੀ।

India China table talk

ਤੁਹਾਨੂੰ ਦੱਸ ਦਈਏ ਕਿ ਭਾਰਤ ਤੇ ਚੀਨ ਦਰਮਿਆਨ ਅਸਲ ਕੰਟਰੋਲ ਰੇਖਾ ‘ਤੇ 10 ਮਹੀਨਿਆਂ ਤੋਂ ਸਮਾਂ ਚੱਲ ਰਿਹਾ ਹੈ। ਪਿਛਲੇ ਸਾਲ 15 ਜੂਨ ਨੂੰ, ਪੂਰਬੀ ਲੱਦਾਖ ਦੀ ਗਲਵਾਨ ਘਾਟੀ ‘ਚ ਇੱਕ ਝੜਪ ਦੌਰਾਨ ਭਾਰਤ ਨੇ 20 ਜਵਾਨ ਗਵਾਏ ਸਨ। ਚੀਨ ਨੇ ਆਪਣੇ ਮਾਰੇ ਗਏ ਲੋਕਾਂ ਦੀ ਗਿਣਤੀ ਨਹੀਂ ਦੱਸੀ। ਹੁਣ ਸ਼ੁੱਕਰਵਾਰ ਨੂੰ ਪਹਿਲੀ ਵਾਰ ਚੀਨ ਨੇ ਮੰਨਿਆ ਕਿ ਉਨ੍ਹਾਂ ਨੇ ਇਸ ਹਿੰਸਕ ਝੜਪ ‘ਚ ਸੈਨਿਕ ਵੀ ਗੁਆ ਦਿੱਤੇ। ਚਾਈਨਾ ਗਲੋਬਲ ਟੈਲੀਵਿਜ਼ਨ ਨੈਟਵਰਕ (CGTN) ਨੇ ਦਾਅਵਾ ਕੀਤਾ ਹੈ ਕਿ ਇਸ ਝੜਪ ‘ਚ ਚੀਨ ਦੇ 4 ਪੀ ਐਲ ਏ ਸੈਨਿਕ ਮਾਰੇ ਗਏ ਤੇ 1 ਚੀਨੀ ਸੈਨਿਕ ਵੀ ਜ਼ਖਮੀ ਹੋ ਗਿਆ ਹੈ।

The post ਸੈਨਿਕਾਂ ਦੀ ਵਾਪਸੀ ‘ਤੇ ਕੱਲ ਦਸਵੇਂ ਦੌਰ ਦੀ ਗੱਲ-ਬਾਤ ਕਰਨਗੇ ਭਾਰਤ ਤੇ ਚੀਨ appeared first on Daily Post Punjabi.

ਇਨ੍ਹਾਂ ਖੇਤਰਾਂ ‘ਚ ਭਾਰਤੀ ਫੌਜ ਦੀ ਤਾਇਨਾਤੀ ਤੋਂ ਘਬਰਾਇਆ ਚੀਨ, ਅੱਜ ਹੋਵੇਗੀ ਬ੍ਰਿਗੇਡੀਅਰ ਪੱਧਰ ਦੀ ਬੈਠਕ

Sukhpreet Singh — Tue, 01 Sep 2020 07:20:08 +0000

india china standoff ladakh lac: ਚੀਨ ਅਤੇ ਭਾਰਤ ਦੀ ਸਰਹੱਦ ‘ਤੇ ਸਥਿਤੀ ਇੱਕ ਵਾਰ ਫਿਰ ਨਾਜ਼ੁਕ ਬਣ ਗਈ ਹੈ। 29-30 ਅਗਸਤ ਦੀ ਰਾਤ ਨੂੰ ਦੋਵਾਂ ਦੇਸ਼ਾਂ ਦੇ ਸੈਨਿਕ ਆਹਮੋ-ਸਾਹਮਣੇ ਆ ਗਏ ਸੀ। ਜਦੋਂ ਚੀਨੀ ਸੈਨਿਕਾਂ ਨੇ ਭਾਰਤੀ ਧਰਤੀ ‘ਚ ਦਾਖਲ ਹੋਣ ਦੀ ਹਿੰਮਤ ਕੀਤੀ, ਤਾਂ ਭਾਰਤੀ ਸਿਪਾਹੀਆਂ ਨੇ ਉਨ੍ਹਾਂ ਨੂੰ ਉਨ੍ਹਾਂ ਦਾ ਰਾਹ ਦਿਖਾਇਆ। ਹੁਣ ਗੱਲਬਾਤ ਬਾਰੀ ਹੈ। ਚੀਨ ਅਤੇ ਭਾਰਤ ਦਰਮਿਆਨ ਅੱਜ ਲੱਦਾਖ ਦੇ ਚੁਸ਼ੂਲ ਖੇਤਰ ਵਿੱਚ ਬ੍ਰਿਗੇਡੀਅਰ ਕਮਾਂਡਰ ਪੱਧਰੀ ਬੈਠਕ ਬੁਲਾਈ ਗਈ ਹੈ। ਇਹ ਬੈਠਕ ਭਾਰਤੀ ਖੇਤਰ ਵਿੱਚ ਰੱਖੀ ਗਈ ਹੈ। ਸਵੇਰੇ 10 ਵਜੇ ਸ਼ੁਰੂ ਹੋਣ ਵਾਲੀ ਇਸ ਬੈਠਕ ਵਿੱਚ ਗੱਲਬਾਤ ਦੇ ਕਈ ਏਜੰਡੇ ਰੱਖੇ ਗਏ ਹਨ। ਪੈਨਗੋਂਗ ਝੀਲ ਦੇ ਦੱਖਣੀ ਖੇਤਰ ਵਿੱਚ ਇਸ ਸਮੇਂ 2-3 ਵਿਵਾਦਪੂਰਨ ਬਿੰਦੂ ਹਨ। ਚੀਨ ਚਾਹੁੰਦਾ ਹੈ ਕਿ ਭਾਰਤੀ ਸੈਨਿਕ ਅਜਿਹੇ ਖੇਤਰ ਛੱਡ ਦੇਣ ਜਿੱਥੇ ਉਹ ਤਾਇਨਾਤ ਹਨ। ਇਸੇ ਤਰ੍ਹਾਂ ਭਾਰਤ ਨੇ ਅਜਿਹੇ ਬਿੰਦੂਆਂ ਦਾ ਮੁੱਦਾ ਉਠਾਇਆ ਹੈ ਜਿਥੇ ਚੀਨੀ ਸੈਨਿਕਾਂ ਨੇ ਕਬਜ਼ਾ ਕਰ ਲਿਆ ਹੈ। ਇਹ ਖੇਤਰ ਬਲੈਕ ਟਾਪ ਅਤੇ ਹੈਲਮਟ ਟਾਪ ਦੇ ਹਨ। ਇੱਕ ਪਹਾੜੀ ਚੋਟੀ ਦੇ ਖੇਤਰ ‘ਚ ਭਾਰਤੀ ਫੌਜ ਦਾ ਵੀ ਇੱਕ ਮੋਰਚਾ ਹੈ। ਚੀਨ ਚਾਹੁੰਦਾ ਹੈ ਕਿ ਭਾਰਤੀ ਸੈਨਿਕ ਉਥੋਂ ਹਟ ਜਾਣ। ਇਨ੍ਹਾਂ ਸਾਰੇ ਮੁੱਦਿਆਂ ਨੂੰ ਲੈ ਕੇ ਦੋਵਾਂ ਦੇਸ਼ਾਂ ਦੀ ਫੌਜ ਵਿਚਾਲੇ ਲੜਾਈ ਛਿੜ ਗਈ ਹੈ। ਸੋਮਵਾਰ ਨੂੰ ਦੋਵਾਂ ਪਾਸਿਆਂ ਤੋਂ ਗੱਲਬਾਤ ਹੋਈ ਸੀ।

The post ਇਨ੍ਹਾਂ ਖੇਤਰਾਂ ‘ਚ ਭਾਰਤੀ ਫੌਜ ਦੀ ਤਾਇਨਾਤੀ ਤੋਂ ਘਬਰਾਇਆ ਚੀਨ, ਅੱਜ ਹੋਵੇਗੀ ਬ੍ਰਿਗੇਡੀਅਰ ਪੱਧਰ ਦੀ ਬੈਠਕ appeared first on Daily Post Punjabi.

india china standoff ladakh lac Archives - Daily Post Punjabi

ਸੈਨਿਕਾਂ ਦੀ ਵਾਪਸੀ ‘ਤੇ ਕੱਲ ਦਸਵੇਂ ਦੌਰ ਦੀ ਗੱਲ-ਬਾਤ ਕਰਨਗੇ ਭਾਰਤ ਤੇ ਚੀਨ

ਇਨ੍ਹਾਂ ਖੇਤਰਾਂ ‘ਚ ਭਾਰਤੀ ਫੌਜ ਦੀ ਤਾਇਨਾਤੀ ਤੋਂ ਘਬਰਾਇਆ ਚੀਨ, ਅੱਜ ਹੋਵੇਗੀ ਬ੍ਰਿਗੇਡੀਅਰ ਪੱਧਰ ਦੀ ਬੈਠਕ