ਅਜਿਹੇ ਵਿੱਚ ਸਵਾਲ ਇਹ ਹੈ ਕਿ ਕੀ ਅਨਲਾਕ ਨਾਲ ਸਥਿਤੀ ਵਿਗੜ ਰਹੀ ਹੈ। ਕੀ ਫਿਰ ਤੋਂ ਸਖਤੀ ਦੀ ਜ਼ਰੂਰਤ ਦੁਬਾਰਾ ਮਹਿਸੂਸ ਕੀਤੀ ਜਾ ਰਹੀ ਹੈ। ਮੰਗਲਵਾਰ ਨੂੰ ਕਈ ਰਾਜਾਂ ਦੇ ਲਾਕਡਾਊਨ ਹੋਣ ਦੇ ਫੈਸਲੇ ਤੋਂ ਲੱਗਦਾ ਹੈ ਕਿ ਅਨਲਾਕ ਦੀ ਛੂਟ ਕਾਰਨ ਕੋਰੋਨਾ ਨੂੰ ਪੈਰਾਂ ਪਸਾਰਨ ਵਿੱਚ ਮਦਦ ਮਿਲ ਰਹੀ ਹੈ। ਕੋਰੋਨਾ ਨੂੰ ਕਾਬੂ ਕਰਨ ਲਈ ਗੁਜਰਾਤ ਦੇ ਅਹਿਮਦਾਬਾਦ, ਵਡੋਦਰਾ, ਸੂਰਤ ਵਿੱਚ ਸਰਕਾਰੀ ਬਸਾਂ ਨੂੰ ਫਿਰ ਬੰਦ ਕਰ ਦਿੱਤਾ ਹੈ। ਗਵਾਲੀਅਰ ਵਿੱਚ ਇੱਕ ਦਿਨ 191 ਕੇਸ ਅੱਜ ਕੱਲ੍ਹ ਸ਼ਾਮ 7 ਵਜੇ ਤੋਂ ਇੱਕ ਹਫ਼ਤੇ ਤੱਕ ਮੁਕੰਮਲ ਲਾਕਡਾਊਨ ਲਾਗੂ ਹੋ ਗਿਆ ਹੈ। ਜਿਸ ਵਿੱਚ ਕਰਫਿਊ ਦੀ ਤਰ੍ਹਾਂ ਸਖ਼ਤੀ ਰਹੇਗੀ।

ਇਸ ਤੋਂ ਇਲਾਵਾ ਅੱਜ ਰਾਤ ਤੋਂ ਬੈਂਗਲੁਰੂ ਸਮੇਤ ਦੱਖਣੀ ਕਰਨਾਟਕ ਵਿੱਚ ਇੱਕ ਹਫਤੇ ਦਾ ਲਾਕਡਾਊਨ ਲਾਗੂ ਕੀਤਾ ਜਾ ਰਿਹਾ ਹੈ। ਮਹਾਂਰਾਸ਼ਟਰ ਦੇ ਪੁਣੇ ਅਤੇ ਪਿੰਪਰੀ-ਚਿੰਚਵਾੜ ਵਿੱਚ ਅੱਜ ਰਾਤ ਤੋਂ 10 ਦਿਨਾਂ ਦਾ ਲਾਕਡਾਊਨ ਲਾਗੂ ਕੀਤਾ ਜਾ ਰਿਹਾ ਹੈ। ਪੁਣੇ ਵਿੱਚ 14 ਜੁਲਾਈ ਤੋਂ 23 ਜੁਲਾਈ ਤੱਕ ਜਾਰੀ ਰਹੇਗਾ। ਜੰਮੂ-ਕਸ਼ਮੀਰ ਦੇ ਕੁਝ ਇਲਾਕਿਆਂ ਵਿੱਚ ਮੁੜ ਲਾਕਡਾਊਨ ਲਾਗੂ ਕਰ ਦਿੱਤਾ ਗਿਆ ਹੈ। ਉੱਥੇ ਹੀ ਦੂਜੇ ਪਾਸੇ ਉੱਤਰ ਪ੍ਰਦੇਸ਼ ਵਿੱਚ ਹਰ ਸ਼ਨੀਵਾਰ ਅਤੇ ਐਤਵਾਰ ਨੂੰ ਲਾਕਡਾਊਨ ਲਾਗੂ ਰਹੇਗਾ। ਵਾਰਾਣਸੀ ਵਿੱਚ ਪੰਜ ਦਿਨਾਂ (ਸੋਮਵਾਰ ਤੋਂ ਸ਼ੁੱਕਰਵਾਰ) ਲਈ ਅੱਧਾ ਦਿਨ ਦਾ ਲਾਕਡਾਊਨ ਲਾਗੂ ਕੀਤਾ ਗਿਆ ਹੈ। ਜਿਸ ਤੋਂ ਬਾਅਦ ਸ਼ਾਮ 4 ਵਜੇ ਤੋਂ ਪਾਬੰਦੀਆਂ ਲਾਗੂ ਹੋ ਜਾਣਗੀਆਂ । 

The post ਦੇਸ਼ ‘ਚ ਮੁੜ ਆ ਰਿਹੈ ਲਾਕਡਾਊਨ ਦਾ ਦੌਰ, ਅੱਜ ਤੋਂ ਇਨ੍ਹਾਂ ਸ਼ਹਿਰਾਂ ‘ਚ ਲਾਗੂ ਹੋਣਗੀਆਂ ਪਾਬੰਦੀਆਂ appeared first on Daily Post Punjabi.