ਵਰਲਡਮੀਟਰ ਅਨੁਸਾਰ ਭਾਰਤ ਵਿੱਚ ਇਸ ਸਮੇਂ 687,760 ਕੋਰੋਨਾ ਮਰੀਜ਼ ਹਨ, ਜਦੋਂ ਕਿ ਰੂਸ ਵਿੱਚ ਹੁਣ ਤੱਕ 681,251 ਸੰਕਰਮਿਤ ਮਾਮਲੇ ਸਾਹਮਣੇ ਆਏ ਹਨ । ਪਿਛਲੇ 24 ਘੰਟਿਆਂ ਵਿੱਚ ਦੇਸ਼ ਵਿੱਚ 13 ਹਜ਼ਾਰ ਤੋਂ ਵੱਧ ਕੇਸ ਦਰਜ ਕੀਤੇ ਗਏ ਹਨ। ਇਸ ਦੌਰਾਨ ਕੁੱਲ 13,856 ਕੇਸ ਦਰਜ ਕੀਤੇ ਗਏ ਸਨ, ਜਦੋਂ ਕਿ ਰੂਸ ਵਿੱਚ ਇਸ ਸਮੇਂ 681,251 ਮਾਮਲੇ ਹਨ, ਪਿਛਲੇ 24 ਘੰਟਿਆਂ ਵਿਚ 6,736 ਮਾਮਲੇ ਸਾਹਮਣੇ ਆਏ ਹਨ । ਤੀਜੇ ਸਥਾਨ ‘ਤੇ ਪਹੁੰਚਣ ਵਾਲੇ ਭਾਰਤ ਤੋਂ ਬਿਲਕੁਲ ਅੱਗੇ ਸਿਰਫ ਅਮਰੀਕਾ ਅਤੇ ਬ੍ਰਾਜ਼ੀਲ ਬਚੇ ਹਨ। ਹਾਲਾਂਕਿ, ਇਨ੍ਹਾਂ ਦੋਵਾਂ ਦੇਸ਼ਾਂ ਵਿੱਚ ਕੋਰੋਨਾ ਸੰਕਰਮਣ ਦੇ ਮਾਮਲੇ ਭਾਰਤ ਵਿੱਚ ਸੰਕਰਮਣ ਦੇ ਕੁੱਲ ਕੇਸਾਂ ਨਾਲੋਂ ਦੁੱਗਣੇ ਹਨ।

ਦੱਸ ਦੇਈਏ ਕਿ ਕੋਰੋਨਾ ਦਾ ਸਭ ਤੋਂ ਵੱਧ ਪ੍ਰਭਾਵ ਅਮਰੀਕਾ ਵਿੱਚ ਦੇਖਣ ਨੂੰ ਮਿਲ ਰਿਹਾ ਹੈ, ਜਿੱਥੇ ਹੁਣ ਤੱਕ 29 ਲੱਖ ਤੋਂ ਵੱਧ ਮਾਮਲੇ ਯਾਨੀ 2,953,014 ਮਾਮਲੇ ਸਾਹਮਣੇ ਆ ਚੁੱਕੇ ਹਨ। ਪਿਛਲੇ 24 ਘੰਟਿਆਂ ਵਿੱਚ 17,244 ਨਵੇਂ ਕੇਸ ਸਾਹਮਣੇ ਆਏ ਹਨ । ਅਮਰੀਕਾ ਵਿੱਚ ਹੁਣ ਤੱਕ 132,382 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।  ਅਮਰੀਕਾ ਤੋਂ ਬਾਅਦ ਬ੍ਰਾਜ਼ੀਲ ਦਾ ਨੰਬਰ ਹੈ, ਜਿੱਥੇ 1,578,376 ਕੋਰੋਨਾ ਕੇਸ ਸਾਹਮਣੇ ਆ ਚੁੱਕੇ ਹਨ, ਜਦੋਂ ਕਿ ਉਨ੍ਹਾਂ ਵਿਚੋਂ 64,365 ਦੀ ਮੌਤ ਹੋ ਗਈ ਹੈ ।

ਭਾਰਤ ਵਿੱਚ ਕੁੱਲ 687,760 ਮਾਮਲੇ ਦਰਜ ਕੀਤੇ ਗਏ ਹਨ, ਜਿਨ੍ਹਾਂ ਵਿੱਚੋਂ 19,568 ਲੋਕਾਂ ਨੇ ਆਪਣੀਆਂ ਜਾਨਾਂ ਗੁਆ ਦਿੱਤੀਆਂ ਹਨ । ਰੂਸ ਵਿਚ 681,251 ਕੋਰੋਨਾ ਕੇਸ ਹਨ ਜਿਸ ਵਿੱਚੋਂ 10,161 ਲੋਕਾਂ ਦੀ ਮੌਤ ਹੋ ਗਈ ਹੈ । ਇਹ ਮਹਾਂਮਾਰੀ, ਜੋ ਕਿ ਪਹਿਲਾਂ ਯੂਰਪ ਵਿੱਚ ਤਬਾਹੀ ਮਚਾ ਰਹੀ ਸੀ, ਹੁਣਥ ਉੱਥੇ ਘੱਟ ਤਬਾਹੀ ਮਚਾ ਰਹੀ ਹੈ।

The post ਕੋਰੋਨਾ ਸੰਕ੍ਰਮਣ ਮਾਮਲੇ ‘ਚ ਤੀਜੇ ਸਥਾਨ ‘ਤੇ ਪਹੁੰਚਿਆ ਭਾਰਤ, ਰੂਸ ਨੂੰ ਵੀ ਛੱਡਿਆ ਪਿੱਛੇ appeared first on Daily Post Punjabi.

ਹੈਦਰਾਬਾਦ ਦੇ ਸੰਸਦ ਮੈਂਬਰ ਜਿਨ੍ਹਾਂ ਨੇ ਵਿਰੋਧੀਆਂ ਅਤੇ ਖ਼ਾਸਕਰ ਭਾਜਪਾ ਅਤੇ ਪੀਐੱਮ ਮੋਦੀ ‘ਤੇ ਦੋਸ਼ ਲਾਉਣ ਦਾ ਕੋਈ ਮੌਕਾ ਨਹੀਂ ਛੱਡਿਆ । ਉਨ੍ਹਾਂ ਨੇ ਕਿਹਾ ਕਿ ਲਾਕਡਾਊਨ ਵਿੱਚ ਹੁਣ ਢਿੱਲ ਦਿੱਤੀ ਜਾ ਰਹੀ ਹੈ,  ਜਦੋਂ ਮਜ਼ਦੂਰ ਆਪੋ ਆਪਣੇ ਰਾਜਾਂ ਵਿੱਚ ਪਹੁੰਚ ਚੁੱਕੇ ਹਨ । ਸੰਸਦ ਮੈਂਬਰ ਨੇ ਟ੍ਰੇਨਾਂ ਵਿੱਚ 85 ਮਜ਼ਦੂਰਾਂ ਦੀ ਹੋਈ ਮੌਤ ‘ਤੇ ਵੀ ਸਵਾਲ ਚੁੱਕਿਆ ਹੈ ਅਤੇ ਇਸ ਨੂੰ ਰਾਜਨੀਤਿਕ ਰੰਗ ਦਿੰਦੇ ਹੋਏ  ਸਾਰਿਆਂ ਦਾ ਸਬੰਧ OBC, SC ਅਤੇ ST ਨਾਲ ਦੱਸਿਆ ਹੈ ।

ਦੱਸ ਦੇਈਏ ਕਿ ਕੇਂਦਰ ਸਰਕਾਰ ਨੂੰ ਪੂਰੀ ਤਰ੍ਹਾਂ ਘੇਰ ਕੇ ਓਵੈਸੀ ਨੇ ਪੁੱਛਿਆ ਕਿ ਗ੍ਰਹਿ ਮੰਤਰਾਲੇ ਅਤੇ ਰੱਖਿਆ ਮੰਤਰਾਲੇ ਨੂੰ ਦੇਸ਼ ਨੂੰ ਦੱਸੇ ਕਿ ਭਾਰਤ-ਚੀਨ ਸਰਹੱਦ ਵਿਵਾਦ ‘ਤੇ ਕੀ ਚੱਲ ਰਿਹਾ ਹੈ । ਭਾਜਪਾ ਦੇ ਬਹਾਨੇ ਅਸਦੁਦੀਨ ਨੇ RSS ਦੀ ਚੁੱਪੀ ਨੂੰ ਵੀ ਨਿਸ਼ਾਨਾ ਬਣਾਇਆ । ਓਵੈਸੀ ਨੇ ਯਾਦ ਦਿਵਾਇਆ ਕਿ ਜਦੋਂ ਵੀ ਪਹਾੜਾਂ ‘ਤੇ ਬਰਫ ਪਿਘਲਦੀ ਹੈ, ਚੀਨ ਭਾਰਤ ਦੀ ਸਰਹੱਦ ‘ਤੇ ਦਖਲਅੰਦਾਜ਼ੀ ਦੀ ਅਸਫਲ ਕੋਸ਼ਿਸ਼ ‘ਤੇ ਉਤਰ ਆਉਂਦਾ ਹੈ ।

The post ਓਵੈਸੀ ਦਾ ਇਲਜ਼ਾਮ- ‘ਕੋਰੋਨਾ ਵਾਇਰਸ ਨੂੰ ਫੈਲਣ ਤੋਂ ਰੋਕਣ ‘ਚ ਨਾਕਾਮ ਰਹੇ ਮੋਦੀ ਜੀ’ appeared first on Daily Post Punjabi.

ਬੀਤੇ 4 ਦਿਨਾਂ ‘ਚ ਲਗਾਤਾਰ ਵਧੇ ਮਾਮਲੇ
ਪਿਛਲੇ 4 ਦਿਨਾਂ ਵਿੱਚ ਦੇਸ਼ ਵਿੱਚ ਕੋਰੋਨਾ ਦੇ 10 ਹਜ਼ਾਰ 462 ਮਾਮਲੇ ਸਾਹਮਣੇ ਆਏ ਹਨ । ਇਹ ਹੁਣ ਤੱਕ ਦੇ ਕੁੱਲ ਐਕਟਿਵ ਮਾਮਲਿਆਂ ਦਾ 34 ਪ੍ਰਤੀਸ਼ਤ ਹੈ।  ਸੋਮਵਾਰ ਨੂੰ ਦੇਸ਼ ਵਿੱਚ ਕੋਰੋਨਾ ਕਾਰਨ 99 ਲੋਕਾਂ ਦੀ ਮੌਤ ਹੋ ਗਈ । ਸ਼ਨੀਵਾਰ ਨੂੰ ਇੰਨੇ ਹੀ ਸੰਕਰਮਿਤ ਮਰੀਜ਼ਾਂ ਦੀ ਮੌਤ ਹੋ ਗਈ ਸੀ। ਭਾਰਤ ਵਿੱਚ ਕੋਰੋਨਾ ਕਾਰਨ ਹੋਣ ਵਾਲਿਆਂ ਮੌਤਾਂ ਦੀ ਕੁੱਲ ਗਿਣਤੀ 1490 ਹੋ ਗਈ ਹੈ । ਇਸ ਦੇ ਨਾਲ ਹੀ ਇੱਥੇ 12 ਹਜ਼ਾਰ 763 ਮਰੀਜ਼ ਤੰਦਰੁਸਤ ਹੋ ਗਏ ਹਨ ।

ਹੁਣ ਤੱਕ 1490 ਲੋਕਾਂ ਦੀ ਮੌਤ
ਤਾਮਿਲਨਾਡੂ ਮਹਾਂਰਾਸ਼ਟਰ ਤੋਂ ਬਾਅਦ ਹੁਣ ਦੂਜਾ ਸੂਬਾ ਬਣ ਗਿਆ ਹੈ, ਜਿੱਥੇ ਇਕੋ ਦਿਨ ਵਿੱਚ  ਕੋਰੋਨਾ ਵਾਇਰਸ ਦੇ 500 ਤੋਂ ਵੱਧ ਮਾਮਲੇ ਦਰਜ ਕੀਤੇ ਗਏ ਹਨ । ਸੋਮਵਾਰ ਨੂੰ ਮਹਾਂਰਾਸ਼ਟਰ ਵਿੱਚ 771, ਤਾਮਿਲਨਾਡੂ ਵਿੱਚ 527, ਗੁਜਰਾਤ ਵਿੱਚ 376, ਦਿੱਲੀ ਵਿੱਚ 349, ਰਾਜਸਥਾਨ ਵਿੱਚ 175 ਮਾਮਲੇ ਦਰਜ ਕੀਤੇ ਗਏ। ਹਰਿਆਣਾ ਅਤੇ ਪੱਛਮੀ ਬੰਗਾਲ ਵਿੱਚ ਇਹ ਗਿਣਤੀ ਕ੍ਰਮਵਾਰ 75 ਅਤੇ 61 ਰਹੀ।

ਜੇਕਰ ਇੱਥੇ ਪੰਜਾਬ ਦੀ ਗੱਲ ਕੀਤੀ ਜਾਵੇ ਤਾਂ ਇੱਥੇ ਵੀ ਕੋਰੋਨਾ ਦੇ ਮਾਮਲਿਆਂ ਦੀ ਰਫਤਾਰ ਵਧਦੀ ਜਾ ਰਹੀ ਹੈ।  ਪਿਛਲਾ ਇੱਕ ਹਫਤੇ ਰਾਜ ਲਈ ਬਹੁਤ ਚੁਣੌਤੀਪੂਰਨ ਰਿਹਾ।  ਨਾਂਦੇੜ ਤੋਂ ਵਾਪਸ ਆਉਣ ਵਾਲੇ ਸ਼ਰਧਾਲੂਆਂ ਦੇ ਪੀੜਤ ਹੋਣ ਦੀ ਗਿਣਤੀ ਬਹੁਤ ਜ਼ਿਆਦਾ ਹੈ । ਸੋਮਵਾਰ ਨੂੰ ਪੰਜਾਬ ਵਿੱਚ 132 ਕੋਰੋਨਾ ਮਾਮਲੇ ਸਾਹਮਣੇ ਆਏ, ਜਿਨ੍ਹਾਂ ਵਿੱਚ ਨਾਂਦੇੜ ਤੋਂ ਵਾਪਸ ਆਏ 124 ਸ਼ਰਧਾਲੂ ਵੀ ਸ਼ਾਮਿਲ ਹਨ । ਜਿਸ ਤੋਂ ਬਾਅਦ ਪੰਜਾਬ ਵਿਚ ਪੀੜਤਾਂ ਦੀ ਗਿਣਤੀ ਕੁੱਲ 1232 ਹੋ ਗਈ ।

ਇਸ ਤੋਂ ਇਲਾਵਾ ਪਿਛਲੇ ਹਫ਼ਤੇ ਹਰਿਆਣਾ ਵਿੱਚ ਵੀ ਕੋਰੋਨਾ ਵਾਇਰਸ ਮਾਮਲਿਆਂ ਵਿੱਚ 195 ਪ੍ਰਤੀਸ਼ਤ ਵਾਧਾ ਦਰਜ ਕੀਤਾ ਗਿਆ ਸੀ । ਰਾਜ ਵਿੱਚ ਇਸ ਸਮੇਂ 517 ਕੇਸ ਹਨ । ਤੇਲੰਗਾਨਾ ਵਿੱਚ ਮਰੀਜ਼ਾਂ ਦੀ ਗਿਣਤੀ 1650 ਹੈ।  ਇਥੇ 1 ਲੱਖ 25 ਹਜ਼ਾਰ ਟੈਸਟ ਹੋ ਚੁੱਕੇ ਹਨ। ਇਸ ਦੇ ਨਾਲ ਹੀ ਬਿਹਾਰ ਅਤੇ ਝਾਰਖੰਡ ਵਿੱਚ ਕੋਰੋਨਾ ਦੇ ਕੇਸ ਘੱਟ ਗਏ ਹਨ । ਸੋਮਵਾਰ ਨੂੰ ਬਿਹਾਰ ਵਿੱਚ 11 ਨਵੇਂ ਮਾਮਲਿਆਂ ਨਾਲ ਕੁੱਲ ਗਿਣਤੀ 528 ਤੱਕ ਪਹੁੰਚ ਗਈ ਹੈ ।

The post ਭਾਰਤ ‘ਚ ਲਗਾਤਾਰ ਚੌਥੇ ਦਿਨ ਕੋਰੋਨਾ ਦਾ ਨਵਾਂ ਰਿਕਾਰਡ, 1 ਦਿਨ ‘ਚ 2900 ਮਾਮਲੇ ਆਏ ਸਾਹਮਣੇ appeared first on Daily Post Punjabi.