ਅਜਿੰਕਿਆ ਰਹਾਣੇ ਦੀ ਕਪਤਾਨੀ ਅਤੇ ਬੱਲੇਬਾਜ਼ੀ ਦੀ ਤਾਰੀਫ਼ ਭਾਰਤੀ ਕ੍ਰਿਕਟ ਮਾਹਰਾਂ ਤੋਂ ਇਲਾਵਾ ਆਸਟ੍ਰੇਲੀਆ ਦੇ ਦਿੱਗਜ ਖਿਡਾਰੀ ਵੀ ਕਰ ਰਹੇ ਹਨ । ਅਜਿੰਕਿਆ ਰਹਾਣੇ ਨੇ ਮੈਲਬੌਰਨ ਟੈਸਟ ਦੇ ਦੂਜੇ ਦਿਨ ਆਪਣੇ ਟੈਸਟ ਕਰੀਅਰ ਦਾ 12ਵਾਂ ਸੈਂਕੜਾ ਲਗਾਇਆ ਹੈ । ਆਸਟ੍ਰੇਲੀਆ ਦੇ ਮੁਸ਼ਕਿਲ ਬਾਲਿੰਗ ਅਟੈਕ ਜਿਸ ਵਿੱਚ ਸਟਾਰਕ, ਕਮਿੰਸ ਅਤੇ ਹੇਜ਼ਲਵੁੱਡ ਵਰਗੇ ਘਾਤਕ ਗੇਂਦਬਾਜ਼ ਸ਼ਾਮਿਲ ਹਨ, ਉਨ੍ਹਾਂ ਦੇ ਸਾਹਮਣੇ ਸੈਂਕੜਾ ਜੜਨ ਤੋਂ ਬਾਅਦ ਅਜਿੰਕਿਆ ਰਹਾਣੇ ਸੋਸ਼ਲ ਮੀਡੀਆ ‘ਤੇ ਹੀਰੋ ਬਣ ਗਏ ਹਨ ।

ਰਹਾਣੇ ਨੇ ਐਡੀਲੇਡ ਟੈਸਟ ਵਿੱਚ ਹਿੰਮਤ ਗੁਆ ਚੁੱਕੀ ਭਾਰਤੀ ਟੀਮ ਨੂੰ ਇੱਕ ਵਾਰ ਫਿਰ ਖੜ੍ਹਾ ਕਰ ਦਿੱਤਾ । ਅਜਿੰਕਿਆ ਰਹਾਣੇ ਆਸਟ੍ਰੇਲੀਆ ਖਿਲਾਫ ਉਨ੍ਹਾਂ ਦੇ ਹੀ ਘਰ ਵਿੱਚ ਸੈਂਕੜਾ ਜੜਨ ਵਾਲੇ ਪੰਜਵੇਂ ਭਾਰਤੀ ਕਪਤਾਨ ਬਣ ਗਏ ਹਨ । ਅਜਿੰਕਿਆ ਰਹਾਣੇ ਤੋਂ ਪਹਿਲਾਂ ਮੁਹੰਮਦ ਅਜ਼ਹਰੂਦੀਨ, ਸਚਿਨ ਤੇਂਦੁਲਕਰ, ਸੌਰਵ ਗਾਂਗੁਲੀ ਅਤੇ ਵਿਰਾਟ ਕੋਹਲੀ ਨੇ ਆਸਟ੍ਰੇਲੀਆ ਖ਼ਿਲਾਫ਼ ਸੈਂਕੜੇ ਲਗਾਏ ਹਨ।

ਦੱਸ ਦੇਈਏ ਕਿ ਖਾਸ ਗੱਲ ਇਹ ਹੈ ਕਿ ਵਿਰਾਟ ਕੋਹਲੀ ਨੇ ਅਜਿਹਾ ਤਿੰਨ ਵਾਰ ਕਰ ਚੁੱਕੇ ਹਨ । ਵਿਰਾਟ ਕੋਹਲੀ ਨੇ ਆਸਟ੍ਰੇਲੀਆ ਖ਼ਿਲਾਫ਼ ਬਤੌਰ ਭਾਰਤੀ ਕਪਤਾਨ ਐਡੀਲੇਡ, ਸਿਡਨੀ ਅਤੇ ਪਰਥ ਵਿੱਚ ਸੈਂਕੜੇ ਲਗਾਏ ਹਨ । ਦੂਜੇ ਦਿਨ ਦਾ ਖੇਡ ਖਤਮ ਹੋਣ ਤੱਕ ਭਾਰਤ ਦਾ ਸਕੋਰ 5 ਵਿਕਟਾਂ ਦੇ ਨੁਕਸਾਨ ‘ਤੇ 277 ਦੌੜਾਂ ਹੈ । ਰਵਿੰਦਰ ਜਡੇਜਾ (40 ਦੌੜਾਂ) ਅਤੇ ਅਜਿੰਕਿਆ ਰਹਾਣੇ (104 ਦੌੜਾਂ) ਨਾਲ ਕ੍ਰੀਜ਼ ‘ਤੇ ਹਨ। ਆਸਟ੍ਰੇਲੀਆ ਲਈ ਪੈਟ ਕਮਿੰਸ ਅਤੇ ਮਿਸ਼ੇਲ ਸਟਾਰਕ ਨੇ ਦੋ-ਦੋ ਵਿਕਟ ਲਏ, ਜਦਕਿ ਨਾਥਨ ਲਿਓਨ ਨੇ 1 ਵਿਕਟ ਲਿਆ। ਭਾਰਤ ਨੇ ਆਸਟ੍ਰੇਲੀਆ ‘ਤੇ ਹੁਣ ਤੱਕ 82 ਦੌੜਾਂ ਦੀ ਬੜ੍ਹਤ ਬਣਾ ਲਈ ਹੈ।

ਇਹ ਵੀ ਦੇਖੋ: ਦਿੱਲੀ ਹਾਈਵੇ ਤੇ ਨੌਜਵਾਨ ਨੇ ਲਾਤੀ ਸਕੀਮ, ਜਿੱਧਰ ਨੂੰ ਜਾਂਦੇ ਨੇ ਲੋਕ ਉਧਰ ਹੀ ਕਿਸਾਨਾਂ ਦੇ ਹੱਕ ‘ਚ ਸ਼ੁਰੂ

The post Ind vs Aus: ਕਪਤਾਨੀ ਤੋਂ ਬਾਅਦ ਬੱਲੇਬਾਜ਼ੀ ‘ਚ ਵੀ ਰਹਾਣੇ ਦਾ ਜਲਵਾ, ਆਸਟ੍ਰੇਲੀਆ ਖਿਲਾਫ਼ ਸੈਂਕੜਾ ਜੜ ਬਣੇ ਹੀਰੋ appeared first on Daily Post Punjabi.