ਮੈਨੂਅਲ ਵਿਚ ਦੱਸਿਆ ਗਿਆ ਕਿ ਦੇਸ਼ ਦੀਆਂ ਭਾਵਨਾਵਾਂ ਤੇ ਬਦਲਦੀ ਪਛਾਣ ਨੂੰ ਧਿਆਨ ਵਿਚ ਰੱਖਦੇ ਹੋਏ ਸੋਚ ਸਮਝ ਕੇ ਕੀਤੇ ਗਏ ਬਦਲਾਅ ਸ਼ਾਮਲ ਕੀਤੇ ਗਏ ਹਨ। ਕੁੱਲ ਮਿਲਾ ਕੇ ਇਹ ਬਦਲਾਅ ਉਪਨਿਵੇਸ਼ਨ ਦੌਰ ਦੀ ਬਚੀਆਂ ਹੋਈਆਂ ਨਿਸ਼ਾਨੀਆਂ ਦੀ ਪ੍ਰਗਤੀਸ਼ੀਲ ਸਮੀਖਿਆ ਨੂੰ ਦਰਸਾਉਂਦੇ ਹਨ, ਨਾਲ ਹੀ ਭਾਰਤੀ ਫੌਜ ਦੀ ਗਰਿਮਾ, ਕਾਰਜ ਸਮਰੱਥਾ ਤੇ ਸਥਾਈ ਪ੍ਰੰਪਰਾਵਾਂ ਨੂੰ ਵੀ ਬਣਾਏ ਰੱਖਦੇ ਹਨ।

ਬਦਲਾਵਾਂ ਤਹਿਤ ਫੌਜ ਦੇ ਸਾਰੇ ਸੈਂਕ ਦੇ ਸੈਨਿਕਾਂ ਲਈ 3ਬੀ ਨਾਂ ਦੀ ਇਕ ਨਵੀਂ ਵਿੰਟਰ ਡ੍ਰੈਸ ਸ਼ੁਰੂ ਕੀਤੀ ਹੈ। ਇਸ ਵਿਚ ਅੰਗੋਲਾ ਸ਼ਰਟ ਦੇ ਨਾਲ ਬੈਟਲ ਜੈਕੇਟ ਤੇ ਬੇਰੇਟ ਸ਼ਾਮਲ ਹੈ। ਯੂਨੀਫਾਰਮ ਤੋਂ ਇਲਾਵਾ ਨਿਯਮਾਂ ਵਿਚ ਮੁਲਾਜ਼ਮਾਂ ਦੇ ਲੁੱਕ ਤੇ ਗਰੂਮਿੰਗ ਨਾਲ ਜੁੜੇ ਕਈ ਤਰ੍ਹਾਂ ਸਟੈਂਡਰਡ ਸ਼ਾਮਲ ਹਨ ਜਿਵੇਂ ਕਿ ਟੈਟੂ ਤੇ ਬਾਡੀ ਪਿਅਰਸਿੰਗ ਤੋਂ ਲੈ ਕੇ ਹੇਅਰਕੱਟ, ਮੁੱਛਾਂ ਤੇ ਕਾਸਮੈਟਿਕਸ ਦਾ ਇਸਤੇਮਾਲ। ਮੈਨੂਅਲ ਵਿਚ ਕਿਹਾ ਗਿਆ ਹੈ ਕਿ ਪੂਰੀ ਆਸਤੀਨ ਵਾਲੀ ਰਟ ਦੇ ਉਪਰ ਬੰਦ ਗਲੇ ਦਾ ਕੋਟ ਪਹਿਨਿਆ ਜਾ ਸਕਦਾ ਹੈ। ਬੰਦੀ ਜੈਕੇਟ ਗਲੇ ‘ਤੇ ਹੁਕ ਵਾਲੀ ਜਾਂ ਬਿਨਾਂ ਹੁਕ ਵਾਲੀ ਹੋ ਸਕਦੀ ਹੈ ਤੇ ਇਸ ਦਾ ਰੰਗ ਸਾਲਿਡ ਜਾਂ ਸੋਬਰ ਹੋਣਾ ਚਾਹੀਦਾ ਹੈ। ਇਸ ਦੇ ਨਾਲ ਸੋਬਰ ਡਿਜ਼ਾਈਨ ਵਾਲੀ ਮੈਚਿੰਗ ਫਾਰਮਲ ਟਰਾਊਜਰ ਤੇ ਬੰਦ ਫਾਰਮਲ ਜੁੱਤੇ ਪਹਿਨੇ ਜਾਣੇ ਚਾਹੀਦੇ ਹਨ।

ਨਿਯਮਾਂ ਤਹਿਤ ਮਹਿਲਾ ਅਧਿਕਾਰੀ ਸਾਦੇ ਰੰਗ ਦੀਆਂ ਸਾੜ੍ਹੀਆਂ ਜਾਂ ਦੁੱਪਟੇ ਦੇ ਨਾਲ ਕੁੜਤਾ-ਸਲਵਾਰ ਤੇ ਟਖਨੇ ਤੱਕ ਦੀ ਲੰਬਾਈ ਵਾਲੀ ਸਿੱਧੀ ਪੈਂਟ ਪਹਿਨ ਸਕਦੀਆਂ ਹਨ। ਇਸ ਵਿਚ ਬਿਨਾਂ ਆਸਤੀਨ ਵਾਲੇ ਕੁੜਤੇ ਤੇ ਪਲਾਜੋ ਜਾਂ ਸਿਗਰੇਟ ਪੈਂਟ ਵਰਗੇ ਕੈਜ਼ੂਅਲ ਲੋਅਰ ਪਹਿਨਣਨ ‘ਤੇ ਸਾਫ ਤੌਰ ‘ਤੇ ਰੋਕ ਲਗਾਈ ਗਈ ਹੈ।

ਡ੍ਰੈਸ ਨੰਬਰ 5 ਤੇ ਨੰਬਰ 6 ਤੋਂ ਪਾਊਚ ਬੈਲਟ ਹਟਾ ਦਿੱਤੀ ਗਈ ਹੈ। ਆਸਾਨੀ ਤੇ ਪਛਾਣ ਲਈ ਫੌਜ ਵਿਚ ਹਰ ਯੂਨੀਫਾਰਮ ਨੂੰ ਇਕ ਖਾਸ ਡ੍ਰੈੱਸ ਨੰਬਰ ਦਿੱਤਾ ਜਾਂਦਾ ਹੈ। ਆਰਮਡ ਕਾਪਰਸ, ਮੈਕੇਨਾਈਜ਼ਡ ਇੰਫੈਂਟਰੀ, ਰੇਜੀਮੈਂਟ ਆਫ ਆਰਟਿਲਰੀ, ਰਾਈਫਲ ਰੈਜੀਮੈਂਟਸ, ਮਰਾਠਾ ਲਾਈਟ ਇਨਫੈਂਟਰੀ, ਜੰਮੂ ਐਂਡ ਕਸ਼ਮੀਰ ਲਾਈਟ ਇਨਫੈਂਟਰੀ ਤੇ ਕਾਪਰਸ ਆਫ ਸਿਗਨਲਸ ਵਿਚ ਕਰਨਲ ਰੈਂਕ ਤੱਕ ਦੇ ਅਧਿਕਾਰੀਆਂ ਲਈ ਅਜਿਹੀ ਬੈਲਟ ਅਜੇ ਵੀ ਮਾਨਯ ਹੈ। ਮੈਨੂਅਲ ਵਿਚ ਕਿਹਾ ਗਿਆ ਹੈ ਕਿ ਡ੍ਰੈੱਸ ਨੰਬਰ 5 ਤੇ 6 ਦੇ ਨਾਲ ਪਾਊਚ ਬੈਲਡ ਨਹੀਂ ਪਹਿਨੀ ਜਾਵੇਗੀ। ਹਾਲਾਂਕਿ ਰੈਜੀਮੈਂਟ/ਕੋਰ ਦੇ ਪ੍ਰੋਗਰਾਮਾਂ ਦੌਰਾਨ ਸੇਰੇਮੋਨੀਅਮਲ ਡ੍ਰੈੱਸ ਦੇ ਨਾਲ ਇਸ ਨੂੰ ਪਹਿਨਿਆ ਜਾ ਸਕਦਾ ਹੈ।

ਡ੍ਰੈੱਸ ਨੰਬਰ 5 ਤੇ ਨੰਬਰ 6 ਪਹਿਨਣ ਦੇ ਮੌਕਿਆਂ ਵਿਚ ਰਾਸ਼ਟਰਪਤੀ ਭਵਨ ਜਾਂ ਰਾਜਭਵਨ ਵਿਚ ਹੋਣ ਵਾਲੇ ਸਰਕਾਰੀ ਪ੍ਰੋਗਰਾਮ ਸ਼ਾਮਲ ਹਨ। ਨਾਲ ਹੀ ਪ੍ਰਧਾਨ ਮੰਤਰੀ, ਤਿੰਨੋਂ ਫੌਜਾਂ ਦੇ ਮੁਖੀ ਤੇ ਸੈਨਾ ਕਮਾਂਡਰਾਂ ਦੀ ਰਿਹਾਇਸ਼ ‘ਤੇ ਹੋਣ ਵਾਲੀ ਰਸਮੀ ਭੋਜ ਜਾਂ ਸਵਾਗਤੀ ਸਮਾਰੋਹਾਂ ਵਿਚ ਵੀ ਇਨ੍ਹਾਂ ਨੂੰ ਪਹਿਨਿਆ ਜਾਂਦਾ ਹੈ।

ਇਹ ਵੀ ਪੜ੍ਹੋ : ‘ਆਪ’ ਪੰਜਾਬ ਨੇ ਰੌਬੀ ਕੰਗ ਨੂੰ ਸੌਂਪੀ ਅਹਿਮ ਜ਼ਿੰਮੇਵਾਰੀ, ਨਵਾਂਸ਼ਹਿਰ ਦਾ ਹਲਕਾ ਇੰਚਾਰਜ ਕੀਤਾ ਨਿਯੁਕਤ

ਆਰਮੀ ਯੂਨੀਫਾਰਮਸ 2026 ਮੈਨੂਅਲ ਸੈਨਿਕਾਂ ਨੂੰ ਯਾਦ ਦਿਵਾਉਂਦਾ ਹੈ ਕਿ ਟੈਟੂ ਤੇ ਸਰੀਰ ‘ਤੇ ਛੇਦ ਕਰਵਾਉਣਾ ਮਨ੍ਹਾ ਹੈ। ਯੂਨੀਫਾਰਮ ਵਿਚ ਸੈਨਿਕ ਕਿਸੇ ਵੀ ਤਰ੍ਹਾਂ ਦਾ ਬ੍ਰੈਸਲੇਟ ਨਹੀਂ ਪਹਿਨ ਸਕਦੇ। ਸਿਵਾਏ ਪੂਜਾ ਦੇ ਦਿਨ ਕਲਾਈ ‘ਤੇ ਬੰਨ੍ਹੇ ਇਕ ਪਵਿੱਤਰ ਧਾਗੇ ਦੇ। ਕਿਸੇ ਵੀ ਤਰ੍ਹਾਂ ਦੇ ਧਾਰਮਿਕ ਨਿਸ਼ਾਨ ਜਾਂ ਚਿੰਨ੍ਹ ਦੀ ਇਜਾਜ਼ਤ ਨਹੀਂ ਹੈ ਪਰ ਸਿੱਖ ਸੈਨਿਕਾਂ ਲਈ ਇਸ ਵਿਚ ਛੋਟ ਹੈ।

ਮੁੱਛਾਂ 12 ਸੈ.ਮੀ. ਤੋਂ ਜ਼ਿਆਦਾ ਲੰਬੀਆਂ ਨਹੀਂ ਹੋਣੀਆਂ ਚਾਹੀਦੀਆਂ। ਸਾਰੇ ਮੁਲਾਜ਼ਮਾਂ ਨੂੰ ਯੂਨੀਫਾਰਮ ਵਿਚ ਰਹਿੰਦੇ ਹੋਏ ਪਰਫਿਊਮ ਇਸਤੇਮਾਲ ਕਰਨ ਦੀ ਮਨਾਹੀ ਹੈ। ਹਾਲਾਂਕਿ ਆਫਰ ਸ਼ੇਵ ਲੋਸ਼ਨ ਇਸਤੇਮਾਲ ਕਰਨ ਦੀ ਇਜਾਜ਼ਤ ਹੈ। ਮਹਿਲਾ ਮੁਲਾਜ਼ਮਾਂ ਨੂੰ ਕਾਸਮੈਟਿਕ ਨਾਲ ਜੁੜੇ ਸਖਤ ਨਿਯਮਾਂ ਦਾ ਪਾਲਣ ਕਰਨਾ ਹੁੰਦਾ ਹੈ। ਲਿਪਸਟਿਕ, ਰੰਗੀਨ ਨੇਲ ਪਾਲਿਸ਼, ਬਿੰਦੀ ਤੇ ਨੋਜ ਪਿਨ ਲਗਾਉਣ ਦੀ ਮਨਾਹੀ ਹੈ। ਸਿੰਦੂਰ ਲਗਾਇਆ ਜਾ ਸਕਦਾ ਹੈ ਪਰ ਬੇਰੇਟ ਜਾਂ ਪੀਕ ਕੈਪ ਪਹਿਨਣ ‘ਤੇ ਉਹ ਦਿਖਾਈ ਨਾ ਦੇਵੇ।

ਵੀਡੀਓ ਲਈ ਕਲਿੱਕ ਕਰੋ -:

Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ

The post Indian Army ਦੀ ਯੂਨੀਫਾਰਮ ‘ਚ ਵੱਡਾ ਬਦਲਾਅ, ਮੁੱਛਾਂ, ਹੇਅਰਕੱਟ ਤੇ Makeup ਨੂੰ ਲੈ ਕੇ ਨਵੇਂ ਨਿਯਮ ਜਾਰੀ appeared first on Daily Post Punjabi.