ਚੈਂਬਰ ਆਫ ਇੰਡਸਟਰੀਅਲ ਤੇ ਕਮਰਸ਼ੀਅਲ ਅੰਡਰਟੇਕਿੰਗ ਦੇ ਪ੍ਰਧਾਨ ਉਪਕਾਰ ਸਿੰਘ ਆਹੂਜਾ ਨੇ ਕਿਹਾ ਕਿ ਅੱਜ ਸਮੇਂ ਦੀ ਲੋੜ ਹੈ ਕਿ ਅਸੀਂ ਮੇਕ ਇਨ ਲੁਧਿਆਣਾ ‘ਤੇ ਫੋਕਸ ਕਰੀਏ। ਲੁਧਿਆਣਾ ‘ਚ ਹਰ ਤਰ੍ਹਾਂ ਦੇ ਉਤਪਾਦ ਮੌਜੂਦ ਹਨ। ਪਹਿਲੇ ਫੇਜ਼ ‘ਚ ਅਸੀਂ ਫੇਸਬੁੱਕ ਪੇਜ਼ ਤੇ ਵ੍ਹਟਸਐਪ ਦੇ ਰਾਹੀਂ ਇੰਡਸਟਰੀ ਨੂੰ ਜੋੜਿਆ ਜਾ ਰਿਹਾ ਹੈ। ਇਸ ‘ਚ ਹਰ ਕੋਈ ਆਪਣੇ ਉਤਪਾਦਾਂ ਦੀ ਜਾਣਕਾਰੀ ਸ਼ੇਅਰ ਕਰ ਸਕਦਾ ਹੈ ਤੇ ਜੇ ਕਿਸੇ ਉਤਪਾਦ ਦੀ ਲੋੜ ਹੈ, ਤਾਂ ਗੁਰੱਪਾਂ ‘ਚ ਸੰਦੇਸ਼ ਪਾ ਕੇ ਇਸ ਨਾਲ ਸਬੰਧਿਤ ਉਦਮੀਆਂ ਨਾਲ ਗੱਲਬਾਤ ਕੀਤੀ ਜਾ ਸਕਦੀ ਹੈ।

ਜ਼ਿਕਰਯੋਗ ਹੈ ਕਿ ਉਦਯੋਗਿਕ ਨਗਰੀ ਲੁਧਿਆਣਾ ਦੀ ਗੱਲ਼ ਕਰੀਏ ਤਾਂ ਇਸ ਨੂੰ ਮੁੱਖ ਰੂਪ ਨਾਲ ਹੌਜਰੀ ਅਤੇ ਸਾਈਕਲ ਦੇ ਨਿਰਮਾਣ ਲਈ ਜਾਣਿਆ ਜਾਂਦਾ ਹੈ। ਦੇਸ਼ ਦੀ ਸਾਈਕਲ ਦੀ ਕੁੱਲ਼ ਪ੍ਰੋਡਕਸ਼ਨ ਦਾ 70 ਫੀਸਦੀ ਨਿਰਮਾਣ ਲੁਧਿਆਣਾ ‘ਚ ਹੁੰਦਾ ਹੈ ਜਦਕਿ ਗੱਲ ਸਾਈਕਲ ਪਾਰਟਸ ਦੀ ਕਰੀਏ ਤਾਂ ਇਸ ‘ਚ 90 ਫੀਸਦੀ ਪੁਰਜ਼ੇ ਲੁਧਿਆਣਾ ‘ਚ ਬਣਾਏ ਜਾਂਦੇ ਹਨ। ਇਸ ਦੇ ਨਾਲ ਹੌਜਰੀ ‘ਚ ਵੀ ਲੁਧਿਆਣਾ ਦੇ ਉਤਪਾਦ ਦੇਸ਼-ਵਿਦੇਸ਼ਾਂ ‘ਚ ਅਹਿਮ ਹਨ। ਇਸ ਦੇ ਨਾਲ ਹੀ ਲੁਧਿਆਣਾ ‘ਚ ਮਸ਼ੀਨ ਟੂਲ, ਸਿਲਾਈ ਮਸ਼ੀਨ ਹੈਂਡਟੂਲ, ਇੰਜੀਨੀਅਰਿੰਗ ਗੁਡਸ, ਟਰੈਕਟਰ ਪਾਰਟਸ, ਖੇਤੀਬਾੜੀ ਪਾਰਟਸ, ਆਇਲ ਐਕਸਪਲੇਰ, ਟੈਕਸਟਾਇਲ, ਪਲਾਸਟਿਕ ਉਤਪਾਦ, ਪ੍ਰਿਟਿੰਗ ਅਤੇ ਪੈਕੇਜਿੰਗ, ਸ਼ਾਲ ਆਟੋ ਪਾਰਟਸ, ਸਰੀਆ, ਇਲੈਕਟ੍ਰੋਨਿਕਸ ਪਾਰਟਸ ਸਮੇਤ ਕਈ ਅਹਿਮ ਉਤਪਾਦਾਂ ਦੀ ਪ੍ਰੋਡਕਸ਼ਨ ਲੁਧਿਆਣਾ ‘ਚ ਕੀਤੀ ਜਾ ਰਹੀ ਹੈ। ਅਜਿਹੇ ‘ਚ ਭਾਰਤ ਦੇ ਨਾਲ ਨਾਲ ਇੰਟਰਨੈਸ਼ਨਲ ਮਾਰਕੀਟ ‘ਚ ਲੁਧਿਆਣਾ ਦੇ ਉਤਪਾਦਾਂ ਦੀ ਬ੍ਰਾਂਡਿੰਗ ਕਰ ਵਪਾਰ ਨੂੰ ਤੇਜ਼ ਕੀਤਾ ਜਾ ਸਕਦਾ ਹੈ।

The post ਹੁਣ ‘ਮੇਕ ਇਨ ਇੰਡੀਆ’ ਦੀ ਤਰਜ ‘ਤੇ ਹੋਵੇਗਾ ਲੁਧਿਆਣਾ ‘ਚ ਵਪਾਰ, ਵਪਾਰੀ ਹੋਏ ਇਕੱਠੇ appeared first on Daily Post Punjabi.