ਇੱਕ ਇੰਟਰਵਿਊ ਵਿੱਚ ਰਿਸ਼ੀ ਕਪੂਰ ਨੇ ਕਿਹਾ ਸੀ ਕਿ ਜਿੰਨਾ ਪਿਆਰ ਮੈਨੂੰ ਪਬਲਿਕ ਨੇ ਦੇ ਦਿੱਤਾ ਹੈ। ਜੇਕਰ ਉਨ੍ਹਾਂ ਮੇਰੇ ਬੱਚੇ ਨੂੰ ਵੀ ਮਿਲੇ ਤਾਂ ਮੈਨੂੰ ਬਹੁਤ ਖੁਸ਼ੀ ਹੋਵੇਗੀ। ਰਿਸ਼ੀ ਕਪੂਰ ਨੇ ਕਿਹਾ ਸੀ ਕਿ ਮੈਂ ਤਾਂ ਭੀਖ ਮੰਗਦਾ ਹੈ ਜਨਤਾ ਤੋਂ ਕਿ ਮੇਰੇ ਬੱਚੇ ਨੂੰ ਵੀ ਪਿਆਰ ਕਰੇ। ਇਸ ਇੰਟਰਵਿਊ ਵਿੱਚ ਰਿਸ਼ੀ ਕਪੂਰ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਫ਼ਿਲਮ ਮੇਕਿੰਗ ਦਾ ਮਾਹੌਲ ਬਚਪਨ ਤੋਂ ਹੀ ਮਿਲਿਆ। ਉਨ੍ਹਾਂ ਨੇ ਕਿਹਾ ਕਿ ਉਹ ਸ਼ੁਕਰਗੁਜ਼ਾਰ ਹਨ ਕਿ ਉਨ੍ਹਾਂ ਨੂੰ ਅਜਿਹੇ ਘਰ ਵਿੱਚ ਜਨਮ ਮਿਲਿਆ। ਰਿਸ਼ੀ ਕਪੂਰ ਤੋਂ ਪੁੱਛਿਆ ਗਿਆ ਕਿ ਕਿਸਮਤ ਤੁਹਾਡਾ ਸਾਥ ਹੁਣ ਤੱਕ ਕਿੰਨਾ ਦਿੰਦੀ ਰਹੀ ਹੈ ਤਾਂ ਜਵਾਬ ਵਿੱਚ ਰਿਸ਼ੀ ਕਪੂਰ ਨੇ ਕਿਹਾ ਹੁਣ ਤੱਕ ਤਾਂ ਮੈਂ ਕਿਸਮਤ ਦੇ ਸਹਾਰੇ ਹੀ ਚੱਲ ਰਿਹਾ ਹਾਂ। ਆਪਣੀ ਕਲਾ ਦੇ ਉੱਪਰ ਤਾਂ ਨਹੀਂ ਚੱਲ ਰਿਹਾ ਹਾਂ ਬਿਲਕੁਲ ਵੀ। ਇਮਾਨ  ਨੂੰ ਕਹਿੰਦਾ ਹਾਂ ਇਹ ਗੱਲ।

ਰਿਸ਼ੀ ਕਪੂਰ ਲਗਭਗ ਪੰਜ ਦਹਾਕਿਆਂ ਤੋਂ ਜ਼ਿਆਦਾ ਫ਼ਿਲਮੀ ਇੰਡਸਟਰੀ ਦਾ ਹਿੱਸਾ ਰਹੇ। ਉਨ੍ਹਾਂ ਨੇ ਫਿਲਮ ਬਾਬੀ ਤੋਂ ਬਤੌਰ ਲੀਡ ਅਦਾਕਾਰ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ ਆਪਣੇ ਹੁਣ ਤਕ ਦੇ ਕਰੀਅਰ ਵਿਚ ਉਨ੍ਹਾਂ ਨੇ ਕਈ ਰੂਪ ਅਪਣਾਏ ਅਤੇ ਲੱਗਭਗ ਹਰ ਰੋਲ ਵਿੱਚ ਕਮਾਲ ਦਾ ਕੰਮ ਕਰਕੇ ਦਿਖਾਇਆ। ਪਰ ਕੀ ਤੁਹਾਨੂੰ ਪਤਾ ਹੈ ਕਿ ਉਹਨਾਂ ਦੀ ਪਹਿਲੀ ਫਿਲਮ ਬਾਬੀ ਨਹੀਂ ਬਲਕਿ ਪਿਤਾ ਰਾਜ ਕਪੂਰ ਦੀ ਸ਼੍ਰੀ 420 ਸੀ ? ਰਿਸ਼ੀ ਕਪੂਰ ਨੇ ਆਪ ਇਸ ਦਾ ਖ਼ੁਲਾਸਾ ਕੀਤਾ ਸੀ ਕਿ ਕਿਵੇਂ ਨਰਗਿਸ ਨੇ ਉਨ੍ਹਾਂ ਨੂੰ ਇਸ ਰੋਲ ਨੂੰ ਕਰਨ ਦੇ ਲਈ ਮਨਾਇਆ ਸੀ। ਅਸਲ ਵਿੱਚ ਰਿਸ਼ੀ ਕਪੂਰ ਸ਼੍ਰੀ 420 ਦੇ ਗਾਣੇ ਪਿਆਰ ਹੂਆ ਇਕਰਾਰ ਹੂਆ ਵਿੱਚ ਨਜ਼ਰ ਆਏ ਸਨ। ਇਸ ਗਾਣੇ ਵਿੱਚ ਰਾਜ ਅਤੇ ਨਰਗਿਸ ਦੇ ਪਿੱਛੇ ਮੀਂਹ ਕਾਰਨ ਚੱਲਣ ਵਾਲੇ ਤਿੰਨ ਬੱਚਿਅਾਂ ਵਿੱਚੋਂ ਇੱਕ ਰਿਸ਼ੀ ਕਪੂਰ ਸਨ।ਉਸ ਸਮੇਂ ਰਿਸ਼ੀ ਕਪੂਰ ਦੀ ਉਮਰ ਤਿੰਨ ਸਾਲ ਸੀ ਅਤੇ ਨਰਗਿਸ ਨੇ ਉਨ੍ਹਾਂ ਨੂੰ ਚਾਕਲੇਟ ਦਾ ਲਾਲਚ ਦੇ ਕੇ ਇਸ ਗਾਣੇ ਵਿੱਚ ਲਿਆ ਸੀ।

The post ‘ਕਲਾ ਨਹੀਂ ਕਿਸਮਤ ਦੇ ਭਰੋਸੇ ਇੰਡਸਟਰੀ ਵਿੱਚ ਚੱਲ ਰਿਹਾ’ – ਰਿਸ਼ੀ ਕਪੂਰ appeared first on Daily Post Punjabi.