ਡਿਪਟੀ ਕਮਿਸ਼ਨਰ ਵਰਿੰਦਰ ਸ਼ਰਮਾ ਅਤੇ ਪੁਲਿਸ ਕਮਿਸ਼ਨਰ ਰਾਕੇਸ਼ ਅਗਰਵਾਲ ਨੇ ਕਿਹਾ ਕਿ ਟਰੱਸਟ ਦੇ ਚੇਅਰਮੈਨ ਡਾ. ਐੱਸ.ਪੀ.ਐੱਸ ਉਬਰਾਏ ਦੇ ਭਰਪੂਰ ਸਹਿਯੋਗ ਸਦਕਾ ਲੁਧਿਆਣਾ ਦੇ ਪੁਲਿਸ ਲਾਈਨ ਕੈਂਪਸ ਵਿਖੇ ਪੁਲਿਸ ਮੁਲਾਜ਼ਮਾਂ ਅਤੇ ਆਮ ਜਨਤਾ ਨੂੰ ਮੈਡੀਕਲ ਸੁਵਿਧਾਵਾਂ ਪ੍ਰਦਾਨ ਕਰਨ ਦੇ ਮਕਸਦ ਤਹਿਤ ਅੰਤਰਰਾਸ਼ਟਰੀ ਪੱਧਰ ਦੀ ਇਹ ਲੈਬੋਰਟਰੀ ਜਲਦ ਹੀ ਸਥਾਪਤ ਹੋਵੇਗੀ। ਉਨ੍ਹਾਂ ਕਿਹਾ ਕਿ ਉਹ ਵੀ ਚਾਹੁੰਦੇ ਸਨ ਕਿ ਇੱਕ ਇਸ ਤਰ੍ਹਾਂ ਦੀ ਲੈਬੋਰਟਰੀ ਪੁਲਿਸ ਕੈਂਪਸ ‘ਚ ਹੋਵੇ, ਜਿੱਥੋਂ ਪੁਲਿਸ ਮੁਲਾਜ਼ਮਾਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਵਾਜਬ ਰੇਟ ਤੇ ਮੈਡੀਕਲ ਸੇਵਾਵਾਂ ਮਿਲ ਸਕਣ। ਜ਼ਿਲ੍ਹਾ ਅਤੇ ਪੁਲਿਸ ਅਧਿਕਾਰੀਆਂ ਦੇ ਨਾਲ ਡਾਕਟਰ ਐੱਸ.ਪੀ.ਐੱਸ ਉਬਰਾਏ ਨੇ ਬਕਾਇਦਾ ਲੈਬੋਰਟਰੀ ਦੀ ਡਿਜ਼ਾਈਨਿੰਗ ਨੂੰ ਲੈ ਕੇ ਵਿਸਥਾਰ ਸਹਿਤ ਚਰਚਾ ਕੀਤੀ। ਚੇਅਰਮੈਨ ਡਾ. ਓਬਰਾਏ ਨੇ ਭਰੋਸਾ ਦਵਾਇਆ ਕਿ ਇਹ ਲੈਬੋਰਟਰੀ ਜਲਦ ਹੀ ਪੁਲਿਸ ਤੇ ਆਮ ਲੋਕਾਂ ਦੀ ਸੇਵਾ ਲਈ ਉਪਲੱਬਧ ਹੋ ਜਾਵੇਗੀ। ਇਸ ਮੌਕੇ ਏ.ਸੀ.ਪੀ ਜੰਗ ਬਹਾਦਰ, ਸੁਖਜਿੰਦਰ ਸਿੰਘ ਗਿੱਲ, ਡਾ. ਰਾਜਿੰਦਰ ਸਿੰਘ ਅਟਵਾਲ, ਐਡਵੋਕੇਟ ਸ਼ੁਸ਼ੀਲ ਭਨੋਟ, ਹਰਿੰਦਰ ਰਕਬਾ, ਗੋਲਡੀ ਸਭਰਵਾਲ, ਅਵਤਾਰ ਸਿੰਘ ਮਹਿਰਾ, ਕੁਲਦੀਪ ਸਿੰਘ ਰੁਪਾਲ, ਐਡਵੋਕੇਟ ਸੌਰਭ, ਐਡਵੋਕੇਟ ਨਿਤਿਨ ਭਨੋਟ ਅਤੇ ਦਿਨੇਸ਼ ਸਿੰਘ ਰਾਠੌਰ ਮੌਜੂਦ ਸਨ।

The post ਸ਼ਲਾਘਾਯੋਗ ਕੰਮ: ਲੁਧਿਆਣਾ ਪੁਲਿਸ ਲਾਈਨ ‘ਚ ਸਥਾਪਿਤ ਹੋਵੇਗੀ ਅੰਤਰਰਾਸ਼ਟਰੀ ਪੱਧਰ ਦੀ ਲੈਬੋਰਟਰੀ appeared first on Daily Post Punjabi.