ਦਰਅਸਲ, BCCI ਵੱਲੋਂ ਉਨ੍ਹਾਂ ਖਿਡਾਰੀਆਂ ਨੂੰ ਵੀ ਛੋਟ ਦਿੱਤੀ ਗਈ ਹੈ ਜੋ ਪਹਿਲਾਂ ਹੀ ਆਪਣੀ ਨੈਸ਼ਨਲ ਟੀਮਾਂ ਨਾਲ ਬਾਇਓ ਬੱਬਲ ਵਿੱਚ ਹਨ। ਉਹ ਸਿੱਧੇ ਤੌਰ ‘ਤੇ ਆਪਣੀਆਂ ਫ੍ਰੈਂਚਾਇਜ਼ੀਆਂ ਦੇ ਬਾਇਓ-ਬੱਬਲ ਵਿੱਚ ਦਾਖਲ ਹੋਣ ਦੇ ਯੋਗ ਹੋਣਗੇ। ਇਸ ਦਾ ਫਾਇਦਾ ਦੱਖਣੀ ਅਫਰੀਕਾ ਦੇ ਖਿਡਾਰੀਆਂ ਨੂੰ ਫਾਇਦਾ ਹੋਵੇਗਾ । ਦੱਖਣੀ ਅਫਰੀਕਾ ਦੇ ਖਿਡਾਰੀ 02 ਅਪ੍ਰੈਲ ਤੱਕ ਪਾਕਿਸਤਾਨ ਖਿਲਾਫ ਵਨਡੇ ਸੀਰੀਜ਼ ਲਈ ਬਾਇਓ ਬੱਬਲ ਵਿੱਚ ਰਹਿਣਗੇ । ਇਸ ਤੋਂ ਬਾਅਦ ਉਹ ਸਿੱਧਾ ਆਈਪੀਐਲ ਕੈਂਪ ਵਿੱਚ ਆਉਣ ਆ ਸਕਣਗੇ।

ਦੱਸ ਦੇਈਏ ਕਿ ਇਸ ਵਨਡੇ ਸੀਰੀਜ਼ ਵਿੱਚ ਕੁਇੰਟਨ ਡਿਕੌਕ, ਕਾਗੀਸੋ ਰਬਾਡਾ, ਡੇਵਿਡ ਮਿਲਰ, ਐਨਰਿਕ ਨੌਰਟਜੇ ਅਤੇ ਲੁੰਗੀ ਨਾਗੀਦੀ ਵਰਗੇ ਖਿਡਾਰੀ ਹਿੱਸਾ ਲੈਣਗੇ। ਹਾਲਾਂਕਿ, ਉਨ੍ਹਾਂ ਨੂੰ ਇੰਡੀਆ ਚਾਰਟਰਡ ਫਲਾਈਟ ਰਾਹੀਂ ਆਉਣਾ ਹੋਵੇਗਾ। ਆਈਪੀਐਲ ਦੇ 14ਵੇਂ ਸੀਜ਼ਨ ਲਈ 12 ਬਾਇਓ ਬੱਬਲ ਬਣਾਏ ਜਾਣਗੇ, ਜਿਨ੍ਹਾਂ ਵਿਚੋਂ ਅੱਠ ਬਾਇਓ ਬੱਬਲ ਟੀਮਾਂ ਅਤੇ ਖੇਡ ਸਟਾਫ ਲਈ ਹੋਣਗੇ।

ਇਸ ਸਬੰਧੀ BCCI ਨੇ ਕਿਹਾ ਹੈ ਕਿ ਜੋ ਟੀਮ ਦੇ ਮਾਲਕ ਬਾਇਓ ਬੱਬਲ ਵਿੱਚ ਆਉਣਾ ਚਾਹੁੰਦੇ ਹਨ, ਉਨ੍ਹਾਂ ਨੂੰ ਆਪਣੇ ਹੋਟਲ ਦੇ ਕਮਰੇ ਵਿੱਚ 7 ਦਿਨਾਂ ਲਈ ਕੁਆਰੰਟੀਨ ਵਿੱਚ ਰਹਿਣਾ ਪਵੇਗਾ । BCCI ਹਰ ਫਰੈਂਚਾਇਜ਼ੀ ਲਈ ਚਾਰ ਸੁਰੱਖਿਆ ਅਮਲੇ ਦੀ ਨਿਯੁਕਤੀ ਕਰੇਗੀ। ਇਸ ਤੋਂ ਇਲਾਵਾ BCCI ਨੇ IPL 2021 ਵਿੱਚ ਲਾਰ ਦੀ ਵਰਤੋਂ ‘ਤੇ ਵੀ ਪਾਬੰਦੀ ਲਗਾ ਦਿੱਤੀ ਹੈ। ਉੱਥੇ ਹੀ ਜਦੋਂ ਗੇਂਦ ਸਟੈਂਡ ਵਿੱਚ ਜਾਂ ਮੈਦਾਨ ਤੋਂ ਬਾਹਰ ਜਾਵੇਗੀ ਤਾਂ ਗੇਂਦ ਨੂੰ ਸੈਨੀਟਾਈਜ਼ ਕੀਤਾ ਜਾਵੇਗਾ। 

ਇਹ ਵੀ ਦੇਖੋ: ਡੇਰਾ ਬਾਬਾ ਨਾਨਕ ਤੋਂ 75 ਸਾਲਾਂ ਬਜ਼ੁਰਗ ਦੌੜ ਕੇ ਆਇਆ ਕਿਸਾਨੀ ਅੰਦੋਲਨ ‘ਚ, ਜਜ਼ਬਾ ਨੌਜਵਾਨਾਂ ਨਾਲੋਂ ਵੀ ਵੱਧ

The post IPL 2021 ਲਈ ਭਾਰਤ ਤੇ ਇੰਗਲੈਂਡ ਦੇ ਖਿਡਾਰੀ ਨਹੀਂ ਹੋਣਗੇ ਕੁਆਰੰਟੀਨ, BCCI ਨੇ ਜਾਰੀ ਕੀਤੇ ਦਿਸ਼ਾ-ਨਿਰਦੇਸ਼ appeared first on Daily Post Punjabi.