IPL FInal Archives - Daily Post Punjabi

IPL ਫਾਈਨਲ ਅੱਜ, ਤੀਜੀ ਵਾਰ ਖਿਤਾਬ ਜਿੱਤਣ ਉਤਰੇਗੀ ਕੋਲਕਾਤਾ ਦੀ ਟੀਮ, ਸਾਹਮਣੇ ਸਨਰਾਈਜਰਸ ਦੀ ਕੜੀ ਚੁਣੌਤੀ

Mini Chotani — Sun, 26 May 2024 07:22:45 +0000

ਲਗਭਗ 66 ਦਿਨਾਂ ਦੇ ਰਿਕਾਰਡ ਬ੍ਰੇਕਿੰਗ ਟੂਰਨਾਮੈਂਟ ਦਾ ਸਭ ਤੋਂ ਮਹੱਤਵਪੂਰਨ ਦਿਨ ਆ ਚੁੱਕਾ ਹੈ। IPL ਦੇ 17ਵੇਂ ਸੀਜ਼ਨ ਦਾ ਅੱਜ ਅੰਤ ਹੋ ਜਾਵੇਗਾ। ਅੱਜ ਹੋਣ ਵਾਲੇ ਫਾਈਨਲ ਵਿਚ ਦੋ ਵਾਰ (2012, 2014) ਦੀ ਚੈਂਪੀਅਨ ਕੋਲਕਾਤਾ ਨਾਈਟ ਰਾਈਡਰਸ ਦਾ ਸਾਹਮਣਾ 2016 ਦੀ ਚੈਂਪੀਅਨ ਸਨਰਾਈਜਰਸ ਹੈਦਰਾਬਾਦ ਤੋਂ ਚੇਨਈ ਦੇ ਚੇਪਾਕ ਸਟੇਡੀਅਮ ਵਿਚ ਹੋਵੇਗਾ। IPL 2024 ਦਾ ਇ 74ਵਾਂ ਤੇ ਆਖਰੀ ਮੁਕਾਬਲਾ ਹੋਵੇਗਾ।

ਸਾਲ 2022 ਨੂੰ ਛੱਡ ਦਿੱਤਾ ਜਾਵੇ ਤਾਂ IPL 2017 ਤੋਂ ਲੈ ਕੇ 2023 ਤੱਕ ਜਾਂ ਤਾਂ ਮੁੰਬਈ ਦੀ ਟੀਮ ਚੈਂਪੀਅਨ ਬਣੀ ਹੈ ਜਾਂ ਫਿਰ ਚੇਨਈ ਸੁਪਰ ਕਿੰਗਸ। 2022 ਵਿਚ ਗੁਜਰਾਤ ਦੀ ਟੀਮ ਨੇ ਬਾਜ਼ੀ ਮਾਰੀ ਸੀ। 2016 ਦੇ ਬਾਅਦ ਦੂਜੀ ਵਾਰ ਅਜਿਹਾ ਹੋਵੇਗਾ ਜਦੋਂ ਸਾਨੂੰ ਮੁੰਬਈ ਤੇ ਚੇਨਈ ਦੇ ਬਾਅਦ ਕੋਈ ਨਵਾਂ ਚੈਂਪੀਅਨ ਮਿਲੇਗਾ। ਫਾਈਨਲ ਮੈਚ ਸ਼ਾਮ 7.30 ਵਜੇਸ਼ੁਰੂ ਹੋਵੇਗਾ। ਇਸ ਲਈ ਇਕ ਰਿਜ਼ਰਵ ਡੇ 27 ਮਈ ਵੀ ਰੱਖਿਆ ਗਿਆ ਹੈ। ਪਿਛਲੀ ਵਾਰ ਚੈਂਪੀਅਨ ਦਾ ਫੈਸਲਾ ਰਿਜਰਵ ਡੇ ਦੇ ਦਿਨ ਹੀ ਹੋਇਆ ਸੀ। ਹਾਲਾਂਕਿ ਇਸ ਸਾਲ ਚੇਨਈ ਵਿਚ ਮੀਂਹ ਦੀ ਕੋਈ ਸੰਭਾਵਨਾ ਨਹੀਂ ਦਿਖ ਰਹੀ ਹੈ। ਅਜਿਹੇ ਵਿਚ ਅੱਜ ਕੋਲਕਾਤਾ ਤੇ ਸਨਰਾਈਜਰਸ ਵਿਚ ਰੋਮਾਂਚਕ ਮੁਕਾਬਲਾ ਦੇਖਣ ਨੂੰ ਮਿਲ ਸਕਦਾ ਹੈ।

ਜਿਥੇ ਇਕ ਪਾਸੇ ਕ੍ਰਿਕਟ ਦੇ ਕੁਸ਼ਲ ਰਣਨੀਤੀਕਾਰ ਗੌਤਮ ਗੰਭੀਰ ਦੇ ਨਾਈਟ ਰਾਈਡਰਸ ਹੋਣਗੇ ਤਾਂ ਦੂਜੇ ਪਾਸੇ ਪੈਟ ਕਮਿੰਸ ਦੀ ਸੈਨਾ ਹੋਵੇਗੀ। ਆਪਣਾ ਦੂਜਾ IPL ਫਾਈਨਲ ਖੇਡਣ ਜਾ ਰਹੇ ਸ਼੍ਰੇਅਸ ਅਈਅਰ ਇਸ ਮਹਾਮੁਕਾਬਲੇ ਵਿਚ ਸਹਾਇਕ ਭੂਮਿਕਾ ਵਿਚ ਨਜ਼ਰ ਆ ਰਹੇ ਹਨ। ਅਹਿਮ ਫੈਲੇ ਡਗਆਊਟ ਤੋਂ ਗੰਭੀਰ ਲੈਂਦੇ ਦਿਖ ਰਹੇ ਹਨ। ਕੇਕੇਆਰ ਦੇ ਕਪਤਾਨ ਵਜੋਂ ਇਸ ਸੀਜ਼ਨ ਵਿਚ ਫਾਈਨਲ ਵਿਚ ਪਹੁੰਚਣ ਤੋਂ ਪਹਿਲਾਂ ਸ਼੍ਰੇਅਸ 2020 ਵਿਚ ਦਿੱਲੀ ਕੈਪੀਟਲਸ ਦੇ ਕਪਤਾਨ ਰਹਿੰਦੇ ਹੋਏ ਫਾਈਨਲ ਵਿਚ ਪਹੁੰਚੇ ਸਨ। ਦੂਜੇ ਪਾਸੇ ਇਕ ਦਹਾਕੇ ਪਹਿਲਾਂ ਕਿਸੇ ਨੇ ਸੋਚਿਆ ਵੀ ਨਹੀਂ ਹੋਵੇਗਾ ਕਿ ਕਮਿੰਸ 6 ਮਹੀਨੇ ਦੇ ਅੰਦਰ ਵਨਡੇ ਵਿਸ਼ਵ ਕੱਪ, ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਜਿੱਤਣ ਵਾਲੇ ਕਪਤਾਨ ਹੋਣਗੇ।

ਸਨਰਾਈਜਰਸ ਦੇ ਸਹਾਇਕ ਕੋਚ ਸਿਮੋਨ ਹੇਲਮੋਟ ਨੇ ਰਾਜਸਥਾਨ ਰਾਇਲਸ ਖਿਲਾਫ ਦੂਜੇ ਕੁਆਲੀਫਾਇਰ ਵਿਚ ਟੀਮ ਦੀ ਜਿੱਤ ਦੇ ਬਾਅਦ ਕਿਹਾ ਸੀ ਕਮਿੰਸ ਕਾਫੀ ਵਿਵਹਾਰਕ, ਨਿਮਰ ਤੇ ਪ੍ਰਭਾਵੀ ਕਪਤਾਨ ਹਨ। ਉੁਨ੍ਹਾਂ ਕੋਲ ਵੱਖ-ਵੱਖ ਹਾਲਾਤਾਂ ਵਿਚ ਵਿਰੋਧੀ ਟੀਮਾਂ ਖਿਲਾਫ ਸਾਰੀਆਂ ਜਾਣਕਾਰੀਆਂ ਤੇ ਅੰਕੜੇ ਰਹਿੰਦੇ ਹਨ।

ਕੋਲਕਾਤਾ ਨਾਈਟ ਰਾਈਡਰਸ : ਸ਼੍ਰੇਅਸ ਅਈਅਰ (ਕਪਾਤਨ), ਕੇਐੱਸ ਭਰਤ, ਰਹਿਮਾਨੁੱਲਾ ਗੁਰਬਾਜ, ਰਿੰਕੂ ਸਿੰਘ, ਅੰਗਕ੍ਰਿਸ਼ ਰਘੁਵੰਸ਼ੀ, ਸ਼ੇਰਫੇਨ ਰਦਰਫੋਰਡ, ਮਨੀਸ਼ ਪਾਂਡੇ, ਆਂਦ੍ਰੇ ਰਸੇਲ, ਨੀਤਿਸ਼ ਰਾਣਾ, ਵੇਂਕਟੇਸ਼ ਅਈਅਰ, ਅਨੁਕੂਲ ਰਾਏ, ਰਮਨਦੀਪ ਸਿੰਘ, ਵਰੁਣ ਚੱਕਰਵਰਤੀ, ਸੁਨੀਲ ਨਾਰਾਇਣ, ਵੈਭਵ ਅਰੋੜਾ, ਚੇਤਨ ਸਕਾਰੀਆ, ਹਰਸ਼ਿਤ ਰਾਣਾ, ਸੁਯਸ਼ ਸ਼ਰਮਾ, ਮਿਸ਼ੇਲ ਸਟਾਰਕ, ਦੁਸ਼ਮੰਥਾ ਚਮੀਰਾ, ਸਾਕਿਬ ਹੁਸੈਨ, ਮੁਜੀਬ ਉਰ ਰਹਿਮਾਨ, ਗਟ ਐਟਿਕਿੰਸਨ, ਅੱਲਾ ਗਜਾਂਫਰ।

ਸਨਰਾਈਜਰਸ ਹੈਦਰਾਬਾਦ : ਪੈਟ ਕਮਿੰਸ (ਕਪਤਾਨ),ਅਭਿਸ਼ੇਕ ਸ਼ਰਮਾ, ਟ੍ਰੈਵਿਸ ਹੇਡ, ਹੇਨਰਿਕ ਕਲਾਸੇਨ, ਏਡੇਨ ਮਾਰਕਰਾਮ, ਅਬਦੁਲ ਸਮਦ, ਨਿਤਿਸ਼ ਰੈਡੀ, ਸ਼ਾਹਬਾਜ ਅਹਿਮਦ, ਭੁਵਨੇਸ਼ਵਰ ਕੁਮਾਰ, ਜੈਦੇਵ ਉਨਾਦਕਟ, ਟੀ ਨਟਰਾਜਨ, ਮਯੰਕ ਮਾਰਕਡੇਯ, ਉਮਰਾਨ ਮਲਿਕ,ਅਨਮੋਲਪ੍ਰੀਤ ਸਿੰਘ, ਗਲੇਨ ਫਿਲਿਪਸ, ਰਾਹੁਲ ਤ੍ਰਿਪਾਠੀ, ਵਾਸ਼ਿੰਗਟਨ ਸੁੰਦਰ, ਉਪੇਂਦਰ ਯਾਦਵ, ਜੇ ਸੁਬ੍ਰਾਮਣੀਅਨ, ਸਨਵੀਰ ਸਿੰਘ, ਵਿਜੇਕਾਂਤ ਵਿਆਸਕਾਂਤ, ਫਜਲਹੱਕ ਫਾਰੂਕੀ, ਮਾਰਕੋ ਯਾਨਸੇਨ, ਆਕਾਸ਼ ਮਹਾਰਾਜ ਸਿੰਘ ਤੇ ਮਯੰਕ ਅਗਰਵਾਲ

ਵੀਡੀਓ ਲਈ ਕਲਿੱਕ ਕਰੋ -:

“ਮੈਨੂੰ ਆਪਣੀ ਬਾਪ ਦੀ ਮੌਤ ਦਾ 6 ਮਹੀਨੇ ਬਾਅਦ ਪਤਾ ਲੱਗਾ ! ਅਫੀਮ ਦੀ ਖੇਤੀ ਦੇ ਹੱਕ ‘ਚ ਹਾਂ ਮੈਂ”, ਸੁਣੋ ਕੌਣ ਨੇ ਅਸਲੀ ਬੰਦੀ ਸਿੰਘ ? ਤੱਤੇ ਸਵਾਲਾਂ ‘ਤੇ ਵਿਰਸਾ ਸਿੰਘ ਵਲਟੋਹਾ ਦੀ ਬੇਬਾਕ ਇੰਟਰਵਿਊ

The post IPL ਫਾਈਨਲ ਅੱਜ, ਤੀਜੀ ਵਾਰ ਖਿਤਾਬ ਜਿੱਤਣ ਉਤਰੇਗੀ ਕੋਲਕਾਤਾ ਦੀ ਟੀਮ, ਸਾਹਮਣੇ ਸਨਰਾਈਜਰਸ ਦੀ ਕੜੀ ਚੁਣੌਤੀ appeared first on Daily Post Punjabi.

IPL 2023: ਪਹਿਲੀ ਵਾਰ ਰਿਜ਼ਰਵ-ਡੇ ‘ਚ ਹੋਵੇਗਾ ਫਾਈਨਲ ਦਾ ਫੈਸਲਾ, ਚੇੱਨਈ ਤੇ ਗੁਜਰਾਤ ਵਿਚਾਲੇ ਹੋਵੇਗਾ ਮੁਕਾਬਲਾ

Sulakhanjeet Kaur — Mon, 29 May 2023 09:16:49 +0000

ਇੰਡੀਅਨ ਪ੍ਰੀਮਿਅਰ ਲੀਗ ਵਿੱਚ ਅੱਜ ਰਿਜ਼ਰਵ ਡੇਅ ‘ਤੇ ਚੇੱਨਈ ਸੁਪਰ ਕਿੰਗਜ਼ ਤੇ ਗੁਜਰਾਤ ਟਾਈਟਨਜ਼ ਦੇ ਵਿਚਾਲੇ ਫਾਈਨਲ ਮੁਕਾਬਲਾ ਖੇਡਿਆ ਜਾਵੇਗਾ। ਐਤਵਾਰ ਨੂੰ ਅਹਿਮਦਾਬਾਦ ਵਿੱਚ ਬਾਰਿਸ਼ ਹੁੰਦੀ ਰਹੀ, ਇਸ ਕਾਰਨ ਮੈਚ ਨਹੀਂ ਹੋਇਆ। ਇਸੇ ਕਾਰਨ ਅੱਜ ਸ਼ਾਮ 7.30 ਵਜੇ ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ ਮੁਕਾਬਲਾ ਖੇਡਿਆ ਜਾਵੇਗਾ। ਚੇੱਨਈ ਦੀ ਟੀਮ 10ਵੀਂ ਵਾਰ ਫਾਈਨਲ ਖੇਡੇਗੀ। ਜਿਸ ਵਿੱਚੋਂ ਟੀਮ ਨੇ 4 ਵਾਰ ਖਿਤਾਬ ਜਿੱਤਿਆ ਹੈ। ਉੱਥੇ ਹੀ ਗੁਜਰਾਤ ਲਗਾਤਾਰ ਦੂਜੇ ਸਾਲ ਫਾਈਨਲ ਵਿੱਚ ਪਹੁੰਚੀ ਹੈ। ਦੱਸ ਦੇਈਏ ਕਿ ਗੁਜਰਾਤ ਦੀ ਟੀਮ ਪਿਛਲੇ ਸਾਲ ਵੀ ਚੈਂਪੀਅਨ ਬਣੀ ਸੀ।

CSK vs GT IPL 2023 Final

ਜੇਕਰ ਬਾਰਿਸ਼ ਦੇ ਕਾਰਨ ਅੱਜ ਵੀ ਮੈਚ ਰੱਦ ਹੋਇਆ ਤਾਂ ਲੀਗ ਵਿੱਚ ਟਾਪ ‘ਤੇ ਰਹਿਣ ਵਾਲੀ ਟੀਮ ਨੂੰ ਜੇਤੂ ਐਲਾਨਿਆ ਜਾਵੇਗਾ। ਗੁਜਰਾਤ ਟਾਈਟਨਸ IPL ਲੀਗ ਖਤਮ ਹੋਣ ਦੇ ਬਾਅਦ ਟਾਪ ‘ਤੇ ਸੀ, ਜਦਕਿ ਚੇੱਨਈ ਸੁਪਰ ਕਿੰਗਜ਼ ਦੀ ਟੀਮ ਦੂਜੇ ਸਥਾਨ ‘ਤੇ ਸੀ। ਅਜਿਹੇ ਵਿੱਚ ਜੇਕਰ ਅੱਜ IPL ਫਾਈਨਲ ਨਾ ਹੋਣ ‘ਤੇ ਗੁਜਰਾਤ ਜੇਤੂ ਹੋਵੇਗੀ ਅਤੇ ਲਗਾਤਾਰ ਦੂਜੀ ਵਾਰ ਇਸ ਖਿਤਾਬ ‘ਤੇ ਕਬਜ਼ਾ ਕਰੇਗੀ। ਪਿਛਲੇ ਸੀਜ਼ਨ ਦੇ ਵੈਦਰ ਪਲੇਇੰਗ ਕੰਡੀਸ਼ਨ ਦੇ ਮੁਤਾਬਕ ਰਿਜ਼ਰਵ ਡੇਅ ‘ਤੇ ਵੀ ਫਾਈਨਲ ਨਾ ਹੋਣ ਦੀ ਸਥਿਤੀ ਵਿੱਚ ਲੀਗ ਵਿੱਚ ਟਾਪ ‘ਤੇ ਰਹਿਣ ਵਾਲੀ ਟੀਮ ਨੂੰ ਜੇਤੂ ਐਲਾਨਣ ਦੀ ਗੱਲ ਕਹੀ ਗਈ ਸੀ।

ਇਹ ਵੀ ਪੜ੍ਹੋ: ਸਰਹੱਦ ਪਾਰ ਸਿੱਧੂ ਲਈ ਪਿਆਰ: ਮੂਸੇਵਾਲਿਆ ਤੈਨੂ ਅਖੀਆਂ ਉਡੀਕਦੀਆਂ…US ‘ਚ ਪਾਕਿ ਗਾਇਕ ਨੇ ਪੇਸ਼ ਕੀਤੀ ਕੱਵਾਲੀ

ਪਿਛਲੇ ਸਾਲ IPL ਸੀਜ਼ਨ ਵਿੱਚ ਲਖਨਊ ਤੇ ਗੁਜਰਾਤ ਦੀਆਂ 2 ਨਵੀਆਂ ਟੀਮਾਂ ਜੋੜੀਆਂ ਗਈਆਂ। ਦੋਨੋਂ ਹੀ ਟੀਮਾਂ ਪਲੇਆਫ਼ ਵਿੱਚ ਪਹੁੰਚੀਆਂ, ਪਰ ਗੁਜਰਾਤ ਨੇ ਖਿਤਾਬ ਜਿੱਤ ਕੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ। ਇਸ ਵਾਰ ਵੀ ਟੀਮ ਲਗਭਗ ਉਨ੍ਹਾਂ ਖਿਡਾਰੀਆਂ ਦੇ ਨਾਲ ਟੂਰਨਾਮੈਂਟ ਵਿੱਚ ਉਤਰੀ। ਹਾਰਦਿਕ ਪੰਡਯਾ ਦੀ ਕਪਤਾਨੀ ਵਾਲੀ ਗੁਜਰਾਤ ‘ਤੇ ਟਾਈਟਲ ਡਿਫੈਂਡ ਕਰਨ ਦਾ ਦਬਾਅ ਹੋਵੇਗਾ। ਟੀਮ ਨੇ ਇਸ ਸੀਜ਼ਨ ਹੁਣ ਤੱਕ ਕੁੱਲ 16 ਮੈਚ ਖੇਡੇ ਹਨ, ਜਿਨ੍ਹਾਂ ਵਿੱਚੋਂ 11 ਵਿੱਚ ਜਿੱਤ ਤੇ 5 ਵਿੱਚ ਹਾਰ ਮਿਲੀ। ਲੀਗ ਸਟੇਜ ਵਿੱਚ ਟੀਮ ਨੇ 4 ਮੁਕਾਬਲੇ ਗਵਾਏ। ਪਰ ਕੁਆਲੀਫਾਇਰ-1 ਵਿੱਚ ਚੇੱਨਈ ਦੇ ਖਿਲਾਫ਼ ਹਾਰਨ ਤੋਂ ਬਾਅਦ ਕੁਲਾਈਫਾਇਰ-2 ਵਿੱਚ ਟੀਮ ਨੇ ਮੁੰਬਈ ਨੂੰ ਹਰਾ ਕੇ ਫਾਈਨਲ ਵਿੱਚ ਜਗ੍ਹਾ ਬਣਾਈ।

CSK vs GT IPL 2023 Final

ਉੱਥੇ ਹੀ ਜੇਕਰ ਧੋਨੀ ਦੀ ਕਪਤਾਨੀ ਵਾਲੀ ਚੇੱਨਈ ਸੁਪਰ ਕਿੰਗਜ਼ ਟੂਰਨਾਮੈਂਟ ਦੀ ਸਭ ਤੋਂ ਸਫਲ ਟੀਮਾਂ ਵਿੱਚੋਂ ਇੱਕ ਹੈ। ਟੀਮ ਨੇ ਟੂਰਨਾਮੈਂਟ ਵਿੱਚ ਮੁੰਬਈ ਦੇ ਬਾਅਦ ਸਭ ਤੋਂ ਜ਼ਿਆਦਾ ਖਿਤਾਬ ਜਿੱਤੇ ਹਨ। 14 ਵਿੱਚੋਂ 12 ਸੀਜ਼ਨ ਵਿੱਚ ਟੀਮ ਪਲੇਆਫ ਵਿੱਚ ਪਹੁੰਚੀ ਤੇ 10ਵੀਂ ਵਾਰ ਫਾਈਨਲ ਖੇਡ ਰਹੀ ਹੈ। ਚੇੱਨਈ ਨੂੰ ਇਸ ਸੀਜ਼ਨ ਵਿੱਚ ਹੁਣ ਤੱਕ ਖੇਡੇ ਗਏ 15 ਮੈਚਾਂ ਵਿੱਚੋਂ 9 ਵਿੱਚ ਜਿੱਤ ਤੇ 5 ਵਿੱਚ ਹਾਰ ਮਿਲੀ ਹੈ। ਉੱਥੇ ਹੀ ਇੱਕ ਮੈਚ ਬਾਰਿਸ਼ ਕਾਰਨ ਰੱਦ ਰਿਹਾ। ਟੀਮ ਨੇ ਕੁਲਾਈਫਾਇਰ-1 ਵਿੱਚ ਗੁਜਰਾਤ ਨੂੰ ਹੀ ਹਰਾ ਕੇ ਫਾਈਨਲ ਵਿੱਚ ਜਗ੍ਹਾ ਬਣਾਈ।

CSK vs GT IPL 2023 Final

ਜੇਕਰ ਇਥੇ ਹੈੱਡ ਟੁ ਹੈੱਡ ਦੀ ਗੱਲ ਕੀਤੀ ਜਾਵੇ ਤਾਂ ਟੀਮਾਂ ਵਿਚਾਲੇ ਹੁਣ ਤੱਕ ਕੁੱਲ ਮੁਕਾਬਲੇ ਖੇਡੇ ਜਾ ਚੁੱਕੇ ਹਨ, ਜਿਨ੍ਹਾਂ ਵਿੱਚੋਂ ਤਿੰਨ ਵਾਰ ਗੁਜਰਾਤ ਤੇ ਇੱਕ ਵਾਰ ਚੇੱਨਈ ਨੂੰ ਜਿੱਤ ਮਿਲੀ ਹੈ। ਨਰਿੰਦਰ ਮੋਦੀ ਸਟੇਡੀਅਮ ਦੀ ਪਿੱਚ ਨਾਲ ਬੱਲੇਬਾਜ਼ਾਂ ਨੂੰ ਕਾਫ਼ੀ ਮਦਦ ਮਿਲਦੀ ਹੈ। ਇੱਥੇ ਚੇੱਨਈ ਦੇ ਐੱਮਏ ਚਿਦੰਬਰਮ ਸਟੇਡੀਅਮ ਤੋਂ ਬਿਲਕੁਲ ਉਲਟ ਮਾਹੌਲ ਹੋਵੇਗਾ। ਤੇਜ਼ ਗੇਂਦਬਾਜ਼ਾਂ ਦੇ ਲਈ ਪੇਸ ਤੇ ਬਾਊਂਸ ਹੋਵੇਗਾ ਤਾਂ ਆਊਟਫੀਲਡ ਵੀ ਤੇਜ਼ ਹੋਵੇਗੀ। ਸਪਿਨ ਗੇਂਦਬਾਜ਼ਾਂ ਨੂੰ ਇਸ ਪਿੱਚ ‘ਤੇ ਬਹੁਤ ਪਰੇਸ਼ਾਨੀ ਹੁੰਦੀ ਹੈ। ਇਸ ਸੀਜ਼ਨ ਵਿੱਚ ਇਸ ਮੈਦਾਨ ‘ਤੇ ਕੁੱਲ 8 ਮੈਚ ਖੇਡੇ ਜਾ ਚੁੱਕੇ ਹਨ, ਜਿਨ੍ਹਾਂ ਵਿੱਚੋਂ ਗੁਜਰਾਤ ਨੂੰ 5 ਵਿੱਚ ਜਿੱਤ ਤੇ 3 ਵਿੱਚ ਹਾਰ ਮਿਲੀ ਹੈ। ਇੱਥੇ ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀ ਟੀਮ ਨੂੰ 5 ਵਾਰ ਜਿੱਤ ਮਿਲੀ ਹੈ ਤੇ ਜਦਕਿ ਚੀਜ਼ ਕਰਨ ਵਾਲੀ ਟੀਮ ਨੂੰ ਤਿੰਨ ਵਾਰ ਜਿੱਤ ਮਿਲੀ ਹੈ।

ਟੀਮ ਦੀ ਸੰਭਾਵਿਤ ਪਲੇਇੰਗ ਇਲੈਵਨ
ਗੁਜਰਾਤ ਟਾਈਟਨਸ: ਹਾਰਦਿਕ ਪੰਡਯਾ(ਕਪਤਾਨ), ਸ਼ੁਭਮਨ ਗਿੱਲ, ਰਿਧੀਮਾਨ ਸਾਹਾ(ਵਿਕਟਕੀਪਰ), ਡੇਵਿਡ ਮਿਲਰ, ਰਾਹੁਲ ਤੇਵਤਿਆ, ਵਿਜੇ ਸ਼ੰਕਰ, ਰਾਸ਼ਿਦ ਖਾਨ, ਨੂਰ ਅਹਿਮਦ, ਮੁਹੰਮਦ ਸ਼ਮੀ, ਮੋਹਿਤ ਸ਼ਰਮਾ ਤੇ ਜੋਸ਼ੁਆ ਲਿਟਿਲ।

ਚੇੱਨਈ ਸੁਪਰ ਕਿੰਗਜ਼: ਮਹਿੰਦਰ ਸਿੰਘ ਧੋਨੀ(ਕਪਤਾਨ), ਡੇਵੋਨ ਕਾਨਵੇ, ਰਿਤੁਰਾਜ ਗਾਇਕਵਾੜ, ਅਜਿੰਕਿਆ ਰਹਾਣੇ, ਸ਼ਿਵਮ ਦੁਬੇ, ਮੋਇਨ ਅਲੀ, ਰਵਿੰਦਰ ਜਡੇਜਾ, ਦੀਪਕ ਚਾਹਰ, ਮਹੀਸ਼ ਤੀਕਸ਼ਣਾ ਤੇ ਤੁਸ਼ਾਰ ਦੇਸ਼ਪਾਂਡੇ।

ਵੀਡੀਓ ਲਈ ਕਲਿੱਕ ਕਰੋ -:

“ਦੌੜ ‘ਚ ਤੂਫਾਨ ਵਾਂਗ ਧੱਕ ਪਾਉਣ ਵਾਲਾ athlete, ਈ-ਰਿਕਸ਼ਾ ਚਲਾਉਣ ਲਈ ਹੋਇਆ ਮਜ਼ਬੂਰ, CM Mann ਤੱਕ ਪਹੁੰਚਾ ਦਿਓ”

The post IPL 2023: ਪਹਿਲੀ ਵਾਰ ਰਿਜ਼ਰਵ-ਡੇ ‘ਚ ਹੋਵੇਗਾ ਫਾਈਨਲ ਦਾ ਫੈਸਲਾ, ਚੇੱਨਈ ਤੇ ਗੁਜਰਾਤ ਵਿਚਾਲੇ ਹੋਵੇਗਾ ਮੁਕਾਬਲਾ appeared first on Daily Post Punjabi.