ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਅਬੂ ਯੂਸੁਫ ਸ਼ੁੱਕਰਵਾਰ ਨੂੰ ਉੱਤਰ ਪ੍ਰਦੇਸ਼ ਰਾਠ ਜਾਣ ਲਈ ਆਪਣੇ ਘਰ ਤੋਂ ਨਿਕਲਿਆ ਸੀ। ਉਸ ਤੋਂ ਬਾਅਦ ਉਸ ਦਾ ਕੁਝ ਪਤਾ ਨਹੀਂ ਲੱਗਾ, ਸ਼ਨੀਵਾਰ ਨੂੰ ਪਤਾ ਲੱਗਾ ਕਿ ਦਿੱਲੀ ‘ਚ ਉਸ ਦੀ ਗ੍ਰਿਫ਼ਤਾਰੀ ਹੋਈ ਹੈ।ਇਹ ਪੁੱਛੇ ਜਾਣ ‘ਤੇ ਪੁਲਸ ਦੱਸ ਰਹੀ ਹੈ ਕਿ ਯੂਸੁਫ ਨੇ ਇੱਥੇ ਕਿਤੇ ਬਾਰੂਦ ਇਕੱਠਾ ਕੀਤਾ ਸੀ ਅਤੇ ਨੇੜੇ ਦੇ ਕਬਰਸਤਾਨ ‘ਚ ਜਾ ਕੇ ਬੰਬ ਟੈਸਟਿੰਗ ਕਰਦਾ ਸੀ। ਕਫੀਲ ਨੇ ਕਿਹਾ ਕਿ ਉਹ ਬਾਗ ਵਿਚ ਤਾਂ ਜਾਂਦਾ ਹੀ ਨਹੀਂ ਸੀ। ਹੋ ਸਕਦਾ ਹੈ ਕਿ ਇਕ ਅੱਧੀ ਵਾਰ ਚੱਲਾ ਗਿਆ ਹੋਵੇ ਪਰ ਅਸੀਂ ਬਾਰੂਦ ਬਾਰੇ ਤਾਂ ਕੁਝ ਸੁਣਿਆ ਹੀ ਨਹੀਂ। ਉਨ੍ਹਾਂ ਨੇ ਕਿਹਾ ਕਿ ਜੇਕਰ ਉਨ੍ਹਾਂ ਨੂੰ ਪਤਾ ਹੁੰਦਾ ਕਿ ਉਨ੍ਹਾਂ ਦਾ ਪੁੱਤਰ ਬਾਰੂਦ ਇਕੱਠਾ ਕਰ ਰਿਹਾ ਹੈ ਤਾਂ ਉਹ ਉਸ ਨੂੰ ਆਪਣੇ ਘਰ ਵਿਚ ਕਦੇ ਵੀ ਨਾ ਰਹਿਣ ਦਿੰਦੇ। ਇਹ ਗੱਲ ਸਾਰੇ ਜਾਣਦੇ ਹਨ ਕਿ ਅਬੂ ਬਹੁਤ ਚੰਗਾ ਮੁੰਡਾ ਹੈ। ਉਹ ਬਹੁਤ ਹੀ ਸਲੀਕੇ ਨਾਲ ਗੱਲਬਾਤ ਕਰਦਾ ਹੈ। ਕਿਸੇ ਨਾਲ ਕੋਈ ਝਗੜਾ ਨਹੀਂ ਕਰਦਾ।
ਜ਼ਿਕਰਯੋਗ ਹੈ ਕਿ ਬਲਰਾਮਪੁਰ ਜ਼ਿਲ੍ਹੇ ਦੇ ਬਢੀਆ ਭਕਸਾਈ ਪਿੰਡ ਵਾਸੀ ਅਬੂ ਯੂਸੁਫ ਉਰਫ ਮੁਸਤਕੀਮ ਨੂੰ ਦਿੱਲੀ ਪੁਲਸ ਨੇ ਧੌਲਾ ਕੁਆਂ ਇਲਾਕੇ ‘ਚ ਬੀਤੇ ਦਿਨੀਂ ਗ੍ਰਿਫ਼ਤਾਰ ਕੀਤਾ ਸੀ। ਪੁਲਸ ਦਾ ਕਹਿਣਾ ਹੈ ਕਿ ਯੂਸੁਫ ਆਈ. ਐੱਸ. ਆਈ. ਐੱਸ. ਦਾ ਅੱਤਵਾਦੀ ਹੈ ਅਤੇ ਉਸ ਕੋਲ ਆਈ. ਈ. ਡੀ. ਵਿਸਫੋਟਕ ਬਰਾਮਦ ਕੀਤੇ ਗਏ। ਪ੍ਰਦੇਸ਼ ਦੇ ਅੱਤਵਾਦ ਰੋਕੂ ਦਸਤੇ ਦੀ ਇਕ ਟੀਮ ਸ਼ਨੀਵਾਰ ਨੂੰ ਯੂਸੁਫ ਦੇ ਘਰ ਪੁੱਜੀ ਸੀ ਅਤੇ ਕਈ ਲੋਕਾਂ ਨਾਲ ਪੁੱਛ-ਗਿੱਛ ਕੀਤੀ ਸੀ।

The post ਕਫੀਲ ਅਹਿਮਦ ਨੇ ਭਾਵੁਕ ਹੋ ਕੇ ਦੱਸਿਆ ਮੇਰਾ ਪੁੱਤ ਕਿਉਂ ਬਣਿਆ ਅੱਤਵਾਦੀ appeared first on Daily Post Punjabi.

ਦਰਅਸਲ, ਦਿੱਲੀ ਪੁਲਿਸ ਦੀ ਟੀਮ ਸ਼ਨੀਵਾਰ ਸ਼ਾਮ ਨੂੰ ਯੂਸਫ ਦੇ ਨਾਲ ਯੂਪੀ ਦੇ ਬਲਰਾਮਪੁਰ ਪਹੁੰਚੀ ਸੀ। ਜਾਣਕਾਰੀ ਅਨੁਸਾਰ ਉੱਤਰੌਲਾ ਕਸਬੇ ਵਿੱਚ ਉਸ ਦੇ ਘਰ ਪਹੁੰਚੀ, ਜਿੱਥੇ ਦਿੱਲੀ ਪੁਲਿਸ ਅਤੇ ਏਟੀਐਸ ਨੇ ਅੱਤਵਾਦੀ ਅਬੂ ਯੂਸਫ ਤੋਂ ਪੁੱਛਗਿੱਛ ਕਰਨ ਤੋਂ ਬਾਅਦ ਤਿੰਨ ਲੋਕਾਂ ਨੂੰ ਹਿਰਾਸਤ ਵਿੱਚ ਲੈ ਲਿਆ। ਉਤਰੌਲਾ ਕੋਤਵਾਲੀ ਵਿਖੇ ਇਨ੍ਹਾਂ ਲੋਕਾਂ ਤੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਇਸ ਤੋਂ ਇਲਾਵਾ ਮੋਕਾਮਾ ਬਧਿਆ ਭੋਸਾਹੀ ਪਿੰਡ ਲੈ ਕੇ ਪਹੁੰਚੀ। ਪੁਲਿਸ ਟੀਮਾਂ ਅਤੇ ਖੁਫੀਆ ਏਜੰਸੀਆਂ ਅੱਤਵਾਦੀ ਅਬੂ ਯੂਸਫ ਤੋਂ ਲਗਾਤਾਰ ਪੁੱਛਗਿੱਛ ਕਰ ਰਹੀਆਂ ਹਨ। ਅੱਤਵਾਦੀ ਕੋਲੋਂ ਆਈਈਡੀ ਵੀ ਬਰਾਮਦ ਕੀਤੀ ਗਈ।

ਇਸ ਸਬੰਧੀ ਯੂਪੀ ਦੇ ਏਡੀਜੀ ਪ੍ਰਸ਼ਾਂਤ ਕੁਮਾਰ ਨੇ ਦੱਸਿਆ ਕਿ ਡੀਜੀਪੀ ਨੇ ਰਾਜ ਦੀਆਂ ਸਾਰੀਆਂ ਐਸਐਸਪੀ ਅਤੇ ਸੁਰੱਖਿਆ ਏਜੰਸੀਆਂ ਨੂੰ ਹਾਈ ਅਲਰਟ ‘ਤੇ ਰਹਿਣ ਦੇ ਨਿਰਦੇਸ਼ ਦਿੱਤੇ ਹਨ। ਉੱਤਰ ਪ੍ਰਦੇਸ਼ ਪੁਲਿਸ ਵੀ ਇਸ ਸ਼ੱਕੀ ਅੱਤਵਾਦੀ ਤੋਂ ਪੁੱਛਗਿੱਛ ਕਰਨ ਦੀ ਤਿਆਰੀ ਕਰ ਰਹੀ ਹੈ। ਪੁਲਿਸ ਅਨੁਸਾਰ ਅਬੂ ਯੂਸਫ ਤੋਂ ਪੁੱਛਗਿੱਛ ਦੌਰਾਨ ਪਤਾ ਲੱਗਿਆ ਹੈ ਕਿ ਰਾਮ ਮੰਦਰ ਭੂਮੀ ਪੂਜਨ ਤੋਂ ਬਾਅਦ ਵਿਸਫੋਟ ਦੀ ਯੋਜਨਾ ਸੀ । ਇਹ ਧਮਾਕਾ ਸਾਰੀ ਦੁਨੀਆ ਨੂੰ ਸੰਦੇਸ਼ ਦੇਣ ਲਈ ਕੀਤਾ ਜਾਣਾ ਸੀ।

ਦੱਸ ਦੇਈਏ ਕਿ ਦਿੱਲੀ ਪੁਲਿਸ ਦੇ ਸਪੈਸ਼ਲ ਸੈੱਲ ਨੇ ਸ਼ੁੱਕਰਵਾਰ ਦੀ ਰਾਤ ਨੂੰ ਧੌਲਕੁਆਂ ਤੋਂ ਕਰੋਲ ਬਾਗ ਨਾਲ ਜੋੜਨ ਵਾਲੀ ਰਿਜ ਰੋਡ ਨੇੜੇ ਹੋਏ ਇੱਕ ਐਨਕਾਊਂਟਰ ਤੋਂ ਬਾਅਦ ਇਸ ਅੱਤਵਾਦੀ ਨੂੰ ਗ੍ਰਿਫਤਾਰ ਕੀਤਾ ਸੀ । ਇਸ ਕੋਲੋਂ ਦੋ IED ਅਤੇ ਇਕ ਪਿਸਤੌਲ ਬਰਾਮਦ ਕੀਤਾ ਗਿਆ ਸੀ। 

The post ISIS ਅੱਤਵਾਦੀ ਅਬੂ ਯੂਸੁਫ਼ ਦੇ ਘਰੋਂ ਮਿਲੇ ਦੋ ਮਨੁੱਖੀ ਬੰਬ ਜੈਕੇਟ, ਵਿਸਫੋਟਕ ਤੇ ਭੜਕਾਊ ਸਾਮਾਨ appeared first on Daily Post Punjabi.