ਅੱਜ ਯੋਗ ਦਿਵਸ ਦੇ ਮੌਕੇ ‘ਤੇ ਆਈਟੀਬੀਪੀ ਦੇ ਜਵਾਨਾਂ ਨੇ ਬਰਫ ਦੀਆਂ ਚਿੱਟੀਆਂ ਚਾਦਰਾਂ ਦੇ ਵਿਚਕਾਰ ਕਾਲੀਆਂ ਐਨਕਾਂ ਲਗਾ ਕੇ ਯੋਗ ਕੀਤਾ।  ਸਿੱਕਮ ਵਿੱਚ ਵੀ ਆਈਟੀਬੀਪੀ ਦੇ ਜਵਾਨਾਂ ਨੇ ਯੋਗ ਅਤੇ ਪ੍ਰਾਣਾਯਾਮ ਦਾ ਅਭਿਆਸ ਕੀਤਾ । ਤਸਵੀਰਾਂ ਵਿੱਚ ਲੱਦਾਖ ਦੇ ਮੁਕਾਬਲੇ ਸਿੱਕਮ ਵਿੱਚ ਘੱਟ ਬਰਫ ਪਈ ਹੈ। ਪਰ ਇੱਥੇ ਦਾ ਦ੍ਰਿਸ਼ ਬਹੁਤ ਸੁੰਦਰ ਲੱਗ ਰਿਹਾ ਹੈ। ਆਈਟੀਬੀਪੀ ਦੇ ਜਵਾਨਾਂ ਨੇ ਨੀਲੇ ਅਸਮਾਨ ਅਤੇ ਬੱਦਲਾਂ ਦੇ ਹੇਠਾਂ ਯੋਗ ਕੀਤਾ।

ਦੱਸ ਦੇਈਏ ਕਿ ਕੋਵਿਡ-19 ਗਲੋਬਲ ਮਹਾਂਮਾਰੀ ਦੇ ਮੱਦੇਨਜ਼ਰ ਅੱਜ ਅੰਤਰਰਾਸ਼ਟਰੀ ਯੋਗ ਦਿਵਸ ਲੋਕਾਂ ਦੇ ਇਕੱਠੇ ਕੀਤੇ ਬਗੈਰ ਡਿਜੀਟਲ ਮੀਡੀਆ ਫੋਰਮਾਂ ‘ਤੇ ਮਨਾਇਆ ਜਾ ਰਿਹਾ ਹੈ। ਇਸ ਮੌਕੇ ਪ੍ਰਧਾਨ ਮੰਤਰੀ ਮੋਦੀ ਨੇ ਦੇਸ਼ ਵਾਸੀਆਂ ਨੂੰ ਸੰਦੇਸ਼ ਵੀ ਦਿੱਤਾ । ਛੇਵੇਂ ਕੌਮਾਂਤਰੀ ਯੋਗ ਦਿਵਸ ਦੀ ਵਧਾਈ ਦਿੰਦਿਆਂ ਪੀਐਮ ਮੋਦੀ ਨੇ ਕਿਹਾ ਕਿ ਕੌਮਾਂਤਰੀ ਯੋਗ ਦਿਵਸ ਦਾ ਇਹ ਦਿਨ ਏਕਤਾ ਦਾ ਦਿਨ ਹੈ। ਇਹ ਸਰਵ ਵਿਆਪੀ ਭਾਈਚਾਰੇ ਦੇ ਸੰਦੇਸ਼ ਦਾ ਦਿਨ ਹੈ। ਪੀਐਮ ਮੋਦੀ ਨੇ ਕਿਹਾ ਕਿ ਬੱਚੇ, ਬਜ਼ੁਰਗ, ਜਵਾਨ, ਪਰਿਵਾਰ ਦੇ ਬਜ਼ੁਰਗ, ਸਾਰੇ ਯੋਗਾ ਦੇ ਜ਼ਰੀਏ ਇਕੱਠੇ ਹੁੰਦੇ ਹਨ, ਤਾਂ ਸਾਰੇ ਘਰ ਵਿੱਚ ਊਰਜਾ ਦਾ ਪ੍ਰਵਾਹ ਹੁੰਦਾ ਹੈ। ਇਸ ਲਈ ਇਸ ਵਾਰ ਯੋਗ ਦਿਵਸ, ਭਾਵਨਾਤਮਕ ਯੋਗ ਦਾ ਦਿਨ ਵੀ ਹੈ । ਇਹ ਸਾਡੇ ਪਰਿਵਾਰਕ ਬੰਧਨ ਨੂੰ ਵਧਾਉਣ ਦਾ ਦਿਨ ਹੈ। 

The post ਅੰਤਰਰਾਸ਼ਟਰੀ ਯੋਗ ਦਿਵਸ: ਲੱਦਾਖ ‘ਚ ਬਰਫ਼ ਦੀ ਚਾਦਰ ‘ਤੇ ITBP ਦੇ ਜਵਾਨਾਂ ਨੇ ਕੀਤਾ ਯੋਗ appeared first on Daily Post Punjabi.