ਚੌਕੀ ਇੰਚਾਰਜ ਏ.ਐੱਸ.ਆਈ ਰਾਜਵੰਤ ਵੱਲੋਂ ਜਾਣਕਾਰੀ ਦਿੱਤੀ ਗਈ ਹੈ ਕਿ ਪੁਲਿਸ ਚੌਕੀ ਦੇ ਅੰਦਰ ਮੈੱਸ ਵੀ ਬਣਾਈ ਗਈ, ਤਾਂ ਜੋ ਕਰਮਚਾਰੀਆਂ ਨੂੰ ਭੁੱਖ ਲੱਗਣ ਤੇ ਖਾਣਾ ਖਾਣ ਲਈ ਭਟਕਣਾ ਨਾ ਪਵੇ। ਇੰਨਾ ਹੀ ਨਹੀਂ ਨਹੀਂ ਇੱਥੇ ਪੁਲਿਸ ਕਰਮਚਾਰੀਆਂ ਦੇ ਰਹਿਣ ਲਈ ਕਮਰੇ ਵੀ ਬਣਾਏ ਗਏ ਹਨ, ਤਾਂ ਜੋ ਸਮੇਂ ਦੀ ਬੱਚਤ ਹੋ ਸਕੇ। ਇਸ ਤੋਂ ਇਲਾਵਾ ਹਰ ਜਾਂਚ ਅਫਸਰ ਲਈ ਵੱਖਰਾ ਕੈਬਿਨ ਬਣਾਇਆ ਗਿਆ ਹੈ ਤਾਂ ਕਿ ਸ਼ਿਕਾਇਤ ਦੀ ਸੁਣਵਾਈ ਕਰਨ ‘ਚ ਕੋਈ ਸਮੱਸਿਆ ਨਾ ਆਵੇ।

ਦੱਸਣਯੋਗ ਹੈ ਕਿ ਕਈ ਮਹੀਨਿਆਂ ਦੀ ਮਿਹਨਤ ਤੋਂ ਬਾਅਦ ਨਵੀਂ ਪੁਲਿਸ ਚੌਕੀ ਦੀ ਇਮਾਰਤ ਤਿਆਰ ਹੋਈ ਹੈ, ਜਿਸ ਦਾ ਉਦਘਾਟਨ ਹਲਕਾ ਸੈਂਟਰਲ ਦੇ ਵਿਧਾਇਕ ਸੁਰਿੰਦਰ ਡਾਬਰ ਤੇ ਪੁਲਿਸ ਕਮਿਸ਼ਨਰ ਰਾਕੇਸ਼ ਅਗਰਵਾਲ ਨੇ ਰੈੱਡ ਰਿਬਨ ਕੱਟ ਕੇ ਕੀਤੀ। ਇਸ ਮੌਕੇ ਜੁਆਇੰਟ ਸੀ.ਪੀ ਭਾਗੀਰਥ ਮੀਣਾ, ਏ.ਡੀ.ਸੀ.ਪੀ-1 ਦੀਪਕ ਪਾਰਿਕ, ਏ.ਸੀ.ਪੀ ਸੈਟਰਲ ਵਰਿਆਮ ਸਿੰਘ ਤੇ ਹੋਰ ਅਫਸਰ ਮੌਜੂਦ ਰਹੇ। ਦੱਸ ਦੇਈਏ ਕਿ ਚੌਕੀ ਇੰਚਾਰਜ ਏ.ਐੱਸ.ਆਈ ਰਾਜਵੰਤ ਵੱਲੋਂ ਇਸ ਪੁਲਿਸ ਚੌਕੀ ਲਈ ਕਾਫੀ ਮਿਹਨਤ ਕੀਤੀ ਗਈ ਹੈ।

The post ਸਮਾਰਟ ਸਿਟੀ ‘ਚ ਖਿੱਚ ਦਾ ਕੇਂਦਰ ਬਣੀ ਪੁਲਿਸ ਚੌਕੀ ਜਨਕਪੁਰੀ, ਜਾਣੋ ਕਾਰਨ appeared first on Daily Post Punjabi.