ਜਾਣਦੇ ਹਾਂ ‘ਜਵਾਨ’ ਨੇ ਮਿਡਲ ਈਸਟ ਬਾਕਸ ਆਫਿਸ ‘ਤੇ ਕਿੰਨੀ ਕਮਾਈ ਕੀਤੀ ਹੈ। ਇਸ ਚ ਕੋਈ ਸ਼ੱਕ ਨਹੀਂ ਕਿ ‘ਜਵਾਨ’ ਦੀ ਸ਼ਾਨਦਾਰ ਸਫ਼ਲਤਾ ਸਿਰਫ਼ ਭਾਰਤ ‘ਚ ਹੀ ਆਪਣੇ ਘਰੇਲੂ ਮੈਦਾਨ ਤੱਕ ਸੀਮਤ ਨਹੀਂ ਹੈ, ਸਗੋਂ ਇਹ ਫ਼ਿਲਮ ਅੰਤਰਰਾਸ਼ਟਰੀ ਬਾਜ਼ਾਰ ‘ਚ ਵੀ ਚੰਗਾ ਕਾਰੋਬਾਰ ਕਰ ਰਹੀ ਹੈ। ‘ਜਵਾਨ’ ਨੇ ਮੱਧ ਪੂਰਬ ਯਾਨੀ ਏਸ਼ੀਆ ਮਾਈਨਰ, ਇਰਾਕ, ਈਰਾਨ, ਲੇਵਾਂਟ ਅਤੇ ਤੁਰਕੀ ਵਰਗੇ ਦੇਸ਼ਾਂ ਦੇ ਬਾਕਸ ਆਫਿਸ ‘ਤੇ ਵੀ ਹਲਚਲ ਮਚਾ ਦਿੱਤੀ ਹੈ। ਇਸ ਬਾਰੇ ‘ਚ ਫਿਲਮ ਦੇ ਮੇਕਰਸ ਨੇ ਸ਼ਾਹਰੁਖ ਦਾ ਨਵਾਂ ਪੋਸਟਰ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕਰਦੇ ਹੋਏ ਲਿਖਿਆ, ‘ਜਵਾਨ ਮੱਧ ਪੂਰਬ ‘ਚ 16 ਮਿਲੀਅਨ ਡਾਲਰ ਦਾ ਅੰਕੜਾ ਪਾਰ ਕਰਨ ਵਾਲੀ ਪਹਿਲੀ ਫਿਲਮ ਬਣ ਗਈ ਹੈ ਅਤੇ ਨੰਬਰ 1 ਭਾਰਤੀ ਫਿਲਮ ਬਣ ਕੇ ਉਭਰੀ ਹੈ।

View this post on Instagram

A post shared by Red Chillies Entertainment (@redchilliesent)

ਸ਼ਾਹਰੁਖ ਖਾਨ ਦੀ ਫਿਲਮ ‘ ਜਵਾਨ ‘ ਨੇ ਮੱਧ ਪੂਰਬ ‘ਚ ਭਾਰੀ ਕਮਾਈ ਕਰਕੇ ਇਤਿਹਾਸ ਰਚਿਆ ਹੈ ਅਤੇ ਫਿਲਮ ਨੇ ਦੁਨੀਆ ਭਰ ‘ਚ ਵੀ ਸ਼ਾਨਦਾਰ ਕਲੈਕਸ਼ਨ ਕੀਤੀ ਹੈ। ਫਿਲਮ ਨੂੰ ਰਿਲੀਜ਼ ਹੋਏ 29 ਦਿਨ ਹੋ ਗਏ ਹਨ ਅਤੇ ਇਹ ਅਜੇ ਵੀ ਬਾਕਸ ਆਫਿਸ ‘ਤੇ ਚੰਗਾ ਪ੍ਰਦਰਸ਼ਨ ਕਰ ਰਹੀ ਹੈ। ‘ਜਵਾਨ’ ਦੇ ਕੁੱਲ ਵਿਸ਼ਵਵਿਆਪੀ ਕਲੈਕਸ਼ਨ ਦੀ ਗੱਲ ਕਰੀਏ ਤਾਂ ਇਹ 1100 ਕਰੋੜ ਰੁਪਏ ਨੂੰ ਪਾਰ ਕਰ ਚੁੱਕੀ ਹੈ। ਸ਼ੁਰੂਆਤੀ ਰੁਝਾਨ ਰਿਪੋਰਟ ਦੇ ਅਨੁਸਾਰ, ‘ਜਵਾਨ’ ਨੇ ਦੁਨੀਆ ਭਰ ਵਿੱਚ 1103.45 ਕਰੋੜ ਰੁਪਏ ਇਕੱਠੇ ਕੀਤੇ ਹਨ। ਇਹ ਫਿਲਮ ਸਾਊਥ ਸੁਪਰਸਟਾਰ ਯਸ਼ ਦੇ KGF 2 ਦੇ ਕਲੈਕਸ਼ਨ ਨੂੰ ਮਾਤ ਦੇਣ ਲਈ ਅੱਗੇ ਵਧ ਰਹੀ ਹੈ।