ਜਾਣਕਾਰੀ ਮੁਤਾਬਕ ਕਿਸੇ ਸ਼ਖਸ ਨੇ ਅਫਸਰਾਂ ਨੂੰ ਸ਼ਿਕਾਇਤ ਕੀਤੀ ਸੀ ਕਿ ਪਾਸਪੋਰਟ ਦਫਤਰ ਦੇ ਕੋਲ ਅਤੇ ਸ਼ਹਿਰ ਦੇ ਕਈ ਇਲ਼ਾਕਿਆਂ ‘ਚ ਪਾਸਪੋਰਟ ਬਣਾਉਣ ਦਾ ਗੋਰਖਧੰਦਾ ਚੱਲ ਰਿਹਾ ਹੈ। ਇਸ ‘ਚ ਫਰਜੀ ਦਸਤਾਵੇਜ਼ਾਂ ਦੇ ਆਧਾਰ ‘ਤੇ ਪਾਸਪੋਰਟ ਬਣਾਉਣ ਦੀ ਗੱਲ ਕੀਤੀ ਜਾਂਦੀ ਹੈ। ਫਿਰ 30 ਤੋਂ 35 ਹਜ਼ਾਰ ਰੁਪਏ ਲਏ ਜਾ ਰਹੇ ਹਨ। ਇਸ ‘ਚ ਕੁਝ ਪਾਸਪੋਰਟ ਬਣਦੇ ਹਨ। ਕਈ ਮਾਮਲਿਆਂ ‘ਚ ਤਾਂ ਏਜੰਟ ਪੈਸੇ ਲਏ ਕੇ ਫਰਾਰ ਹੋ ਜਾਂਦੇ ਹਨ। ਇਹ ਧੰਦਾ ਤੇਜ਼ੀ ਨਾਲ ਚੱਲ ਰਿਹਾ ਹੈ ਅਤੇ ਇਸ ਦੀ ਜਾਂਚ ਪੜਤਾਲ ਲਈ ਜੁਆਇੰਟ ਪੁਲਿਸ ਕਮਿਸ਼ਨਰ ਭਾਗੀਰਥ ਮੀਨਾ ਨੂੰ ਕਮਾਨ ਸੌਂਪੀ ਗਈ ਹੈ। ਇਸ ਦੇ ਤਹਿਤ ਸ਼ਹਿਰ ਭਰ ‘ਚ ਮੁਹਿੰਮ ਚਲਾ ਕੇ ਚੈਂਕਿੰਗ ਕੀਤੀ ਜਾਵੇਗੀ। ਇਸ ਦੇ ਨਾਲ ਸਖਤੀ ਵੀ ਕੀਤੀ ਜਾਵੇਗੀ।

ਮਾਹਰਾਂ ਦੇ ਮੁਤਾਬਕ ਪੁਲਿਸ ਦੇ ਕੋਲ ਹੁਣ ਤੱਕ 17 ਅਜਿਹੇ ਲੋਕਾਂ ਦੀ ਲਿਸਟ ਹੈ, ਜਿਨ੍ਹਾਂ ‘ਤੇ ਪਾਸਪੋਰਟ ‘ਚ ਗੜਬੜੀ ਜਾਂ ਫਰਜ਼ੀ ਪਾਸਪੋਰਟ ਬਣਾਉਣ ਦੇ ਪਰਚੇ ਦਰਜ ਹਨ। ਪੁਲਿਸ ਉਨ੍ਹਾਂ ਦੋਸ਼ੀਆਂ ਦੀ ਲਿਸਟ ਦੇ ਮੁਤਾਬਕ ਉਨ੍ਹਾਂ ਦੇ ਦਫਤਰਾਂ ਦੀ ਚੈਂਕਿੰਗ ਕਰੇਗੀ ਕਿ ਉਹ ਦੋਬਾਰਾ ਖੁੱਲ੍ਹੇ ਹਨ ਜਾਂ ਫਿਰ ਬੰਦ ਹਨ। ਜੇਕਰ ਖੁੱਲ੍ਹੇ ਹਨ ਤਾਂ ਕਿਸੇ ਆਧਾਰ ‘ਤੇ ਉਹ ਦੋਬਾਰਾ ਇਹ ਕੰਮ ਕਰ ਰਹੇ ਹਨ। ਇਸ ਦੇ ਨਾਲ ਹੀ ਉਨ੍ਹਾਂ ਦੇ ਕੋਲ ਕੋਈ ਲਾਈਸੰਸ ਹੈ ਕਿ ਉਹ ਲੋਕਾਂ ਨੂੰ ਅਪਾਇੰਟਮੈਂਟ ਲੈ ਕੇ ਦੇ ਸਕੇ ਜਾਂ ਉਨ੍ਹਾਂ ਦੀ ਫਾਇਲ ਬਣਵਾ ਸਕੇ। ਇਨ੍ਹਾਂ ਤੱਥਾਂ ‘ਤੇ ਪੁਲਿਸ ਦੀ ਜਾਂਚ ਟਿਕੀ ਰਹੇਗੀ।

The post ਹੁਣ ਪਾਸਪੋਰਟ ਬਣਾਉਣ ਵਾਲਿਆਂ ਦੇ ਖੰਗਾਲੇ ਜਾਣਗੇ ਰਿਕਾਰਡ appeared first on Daily Post Punjabi.