ਕਵਿਤਾ ਨੂੰ ਲੈ ਕੇ ਕਾਜਲ ‘ਤੇ ਦੋਸ਼ ਲਗਾਇਆ ਜਾ ਰਿਹਾ ਹੈ ਕਿ ਉਸ ਨੇ ਇਹ ਚੋਰੀ ਕੀਤੀ ਹੈ। ਕਾਜਲ ਅਗਰਵਾਲ ਨੇ ਮਾਂ ਦਿਵਸ ਦੇ ਮੌਕੇ ‘ਤੇ 8 ਮਈ ਨੂੰ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ ‘ਤੇ ‘ਡੀਅਰ ਮਾਂ’ ਕਵਿਤਾ ਸਾਂਝੀ ਕੀਤੀ ਹੈ। ਜਿਵੇਂ ਹੀ ਲੋਕਾਂ ਨੂੰ ਕਾਜਲ ਦੀ ਇਸ ਪੋਸਟ ਬਾਰੇ ਪਤਾ ਲੱਗਾ ਕਿ ਇਹ ਕਵਿਤਾ ਕਿਸੇ ਹੋਰ ਨੇ ਲਿਖੀ ਹੈ ਅਤੇ ਅਦਾਕਾਰਾ ਨੇ ਇਸ ਦਾ ਕ੍ਰੈਡਿਟ ਵੀ ਨਹੀਂ ਦਿੱਤਾ, ਤਾਂ ਉਨ੍ਹਾਂ ਨੇ ਅਦਾਕਾਰਾ ਦੀ ਆਲੋਚਨਾ ਸ਼ੁਰੂ ਕਰ ਦਿੱਤੀ।‘ਡੀਅਰ ਮਾਂ’ ਕਵਿਤਾ ਮੂਲ ਰੂਪ ਵਿੱਚ ਕਿਸੇ ਹੋਰ ਲੇਖਕ ਦੀ ਲਿਖੀ ਹੋਈ ਹੈ। ਇਹ ਸਾਰਾ ਨਾਂ ਦੀ ਲੇਖਿਕਾ ਦਾ ਆਰਟ ਵਰਕ ਹੈ, ਜਿਸ ਨੂੰ ਇੰਸਟਾਗ੍ਰਾਮ ‘ਤੇ ‘ਮੈਟਰੇਸ ਮਿਊਜ਼’ ਵਜੋਂ ਜਾਣਿਆ ਜਾਂਦਾ ਹੈ। ਉਸਨੇ ਅਪ੍ਰੈਲ ਵਿੱਚ ਇਸਨੂੰ ਸਾਂਝਾ ਕੀਤਾ ਸੀ। ਕਾਜਲ ਅਗਰਵਾਲ ਦੀ ਇਸ ਕਵਿਤਾ ਨੂੰ ਸ਼ੇਅਰ ਕਰਨ ਤੋਂ ਬਾਅਦ, ਸਾਰਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਕਾਜਲ ਦੀ ਪੋਸਟ ਸ਼ੇਅਰ ਕੀਤੀ ਅਤੇ ਆਪਣੇ ਫਾਲੋਅਰਜ਼ ਨੂੰ ਬੇਨਤੀ ਕੀਤੀ ਕਿ ਉਹ ਕਾਜਲ ਨੂੰ ਇਸ ਬਾਰੇ ਸੂਚਿਤ ਕਰਨ ਅਤੇ ਅਦਾਕਾਰਾ ਨੂੰ ਇਸ ਦਾ ਕ੍ਰੈਡਿਟ ਦੇਣ ਲਈ ਕਹਿਣ। ਹਾਲਾਂਕਿ ਬਾਅਦ ‘ਚ ਸਾਰਾ ਨੇ ਪੋਸਟ ਡਿਲੀਟ ਕਰ ਦਿੱਤੀ।

ਘੰਟਿਆਂ ਬਾਅਦ, ਕਾਜਲ ਨੇ ਆਪਣੀ ਪੋਸਟ ‘ਤੇ ਸਾਰਾ ਨੂੰ ਕ੍ਰੈਡਿਟ ਦਿੱਤਾ ਅਤੇ ਪੋਸਟ ਦਾ ਕੈਪਸ਼ਨ ਵੀ ਬਦਲ ਦਿੱਤਾ। ਨਵੀਂ ਕੈਪਸ਼ਨ ‘ਚ ਆਪਣੀ ਮਾਂ ਬਾਰੇ ਗੱਲ ਕਰਦੇ ਹੋਏ ਉਸ ਨੇ ਲਿਖਿਆ, “ਮੈਂ ਤੁਹਾਨੂੰ ਪਿਆਰ ਕਰਦੀ ਹਾਂ ਵਿਨੈ ਅਗਰਵਾਲ। ਤੁਸੀਂ ਮੇਰੀ ਜ਼ਿੰਦਗੀ ਦੇ ਸਭ ਤੋਂ ਖਾਸ ਵਿਅਕਤੀ ਹੋ! ਕ੍ਰੈਡਿਟ ਮਿਲਣ ਤੋਂ ਬਾਅਦ, ਸਾਰਾ ਨੇ ਆਪਣੇ ਫਾਲੋਅਰਸ ਦਾ ਧੰਨਵਾਦ ਕੀਤਾ ਅਤੇ ਆਪਣੀ ਇੰਸਟਾ ਸਟੋਰੀ ਵਿੱਚ ਉਹਨਾਂ ਲਈ ਇੱਕ ਨੋਟ ਵੀ ਸਾਂਝਾ ਕੀਤਾ। ਤੁਹਾਨੂੰ ਦੱਸ ਦੇਈਏ ਕਿ ਕਾਜਲ ਅਗਰਵਾਲ ਨੇ ਸਾਲ 2020 ਵਿੱਚ ਗੌਤਮ ਕਿਚਲੂ ਨਾਲ ਵਿਆਹ ਕੀਤਾ ਸੀ ਅਤੇ ਇਸ ਸਾਲ 19 ਅਪ੍ਰੈਲ ਨੂੰ ਉਨ੍ਹਾਂ ਨੇ ਆਪਣੇ ਪਹਿਲੇ ਬੱਚੇ ਦਾ ਸਵਾਗਤ ਕੀਤਾ ਸੀ।

The post ਅਦਾਕਾਰਾ ਕਾਜਲ ਅਗਰਵਾਲ ‘ਤੇ ਲੱਗਾ ‘ਮਦਰਜ਼ ਡੇ’ ਦੀ ਕਵਿਤਾ ਚੋਰੀ ਕਰਨ ਦਾ ਇਲਜ਼ਾਮ appeared first on Daily Post Punjabi.