ਰੇਲਵੇ ਮੰਤਰੀ ਪਿਊਸ਼ ਗੋਇਲ ਨੇ ਇੱਕ ਟਵੀਟ ਵਿੱਚ ਕਿਹਾ ਕਿ ਸੈਲਾਨੀਆਂ ਦੀ ਸਹੂਲਤ ਅਤੇ ਪਹਾੜੀ ਯਾਤਰਾ ਦਾ ਆਨੰਦ ਮਾਣਨ ਲਈ ਕਾਲਕਾ-ਸ਼ਿਮਲਾ ਮਾਰਗ ‘ਤੇ ਰੇਲ ਮੋਟਰ ਕਾਰ ਦੀ ਸਹੂਲਤ ਸ਼ੁਰੂ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਆਪਣੇ ਟਵੀਟ ਵਿੱਚ ਅੱਗੇ ਕਿਹਾ ਕਿ ਇਸ ਨਾਲ ਸੰਸਾਰਕ ਵਿਰਾਸਤ ਮੰਨੇ ਜਾਂਦੇ ਇਸ ਰਸਤੇ ‘ਤੇ ਯਾਤਰਾ ਕਰਨ ਦੀ ਖਿੱਚ ਵਧੇਗੀ ਅਤੇ ਖੇਤਰ ਵਿੱਚ ਸੈਰ-ਸਪਾਟਾ ਵਿਕਸਿਤ ਹੋਏਗਾ।

ਕੇਂਦਰੀ ਮੰਤਰੀ ਨੇ ਟਵੀਟ ਕੀਤਾ ਕਿ ਸੈਲਾਨੀਆਂ ਅਤੇ ਪਹਾੜੀ ਯਾਤਰਾ ਦੀ ਸਹੂਲਤ ਦਾ ਆਨੰਦ ਲੈਣ ਲਈ ਕਾਲਕਾ-ਸ਼ਿਮਲਾ ਮਾਰਗ ‘ਤੇ ਰੇਲ ਮੋਟਰ ਕਾਰ ਦੀ ਸਹੂਲਤ ਦਿੱਤੀ ਜਾ ਰਹੀ ਹੈ। ਇਹ ਇਸ ਮਾਰਗ ‘ਤੇ ਸਫਰ ਕਰਨ ਦੀ ਖਿੱਚ ਨੂੰ ਵਧਾਏਗਾ, ਜਿਸ ਨੂੰ ਇਕ ਵਿਸ਼ਵਵਿਆਪੀ ਵਿਰਾਸਤ ਮੰਨਿਆ ਜਾਂਦਾ ਹੈ, ਅਤੇ ਖੇਤਰ ਵਿਚ ਸੈਰ-ਸਪਾਟਾ ਵਿਕਸਤ ਕਰੇਗਾ। ਜ਼ਿਕਰਯੋਗ ਹੈ ਕਿ ਰੇਲ ਮੋਟਰਕਾਰ ਚੱਲਣ ਨਾਲ ਕਾਲਕਾ ਤੋਂ ਸ਼ਿਮਲਾ ਵਿਚਕਾਰ ਦੂਰੀ ਚਾਰ ਘੰਟਿਆਂ ਵਿਚ ਪੂਰੀ ਹੋ ਜਾਵੇਗੀ। ਜਦਕਿ ਬਾਕੀ ਰੇਲ ਗੱਡੀਆਂ ਵਿਚ ਪੰਜ ਘੰਟੇ ਲੱਗਦੇ ਹਨ। ਦੱਸਣਯੋਗ ਹੈ ਕਿ ਹਾਲ ਹੀ ਵਿੱਚ ਭਾਰਤੀ ਰੇਲਵੇ ਨੇ ਇੱਥੇ 26 ਯਾਤਰੀ ਟ੍ਰੇਨਾਂ ਦਾ ਸੰਚਾਲਨ ਸ਼ੁਰੂ ਕੀਤਾ ਹੈ। ਬਿਹਾਰ ਵਿੱਚ ਕਈ ਮੇਮੂ ਪੈਸੇਂਜਰ ਸਪੈਸ਼ਲ਼ ਰੇਲ ਗੱਡੀਆਂ ਸ਼ੁਰੂ ਕੀਤੀਆਂ ਜਾ ਰਹੀਆਂ ਹਨ। ਸੂਬੇ ਵਿੱਚ ਸਮਸਤੀਪੁਰ, ਰਾਜਗੀਰ, ਫਤੂਹਾ, ਦਾਨਾਪੁਰ, ਬਕਸਰ ਅਤੇ ਪਟਨਾ ਸਣੇ ਕਈ ਥਾਵਾਂ ਲਈ ਚਲਾਈਆਂ ਜਾ ਰਹੀਆਂ ਹਨ।

The post ਸ਼ਿਮਲਾ ਜਾਣ ਵਾਲੇ ਮੁਸਾਫਰਾਂ ਨੂੰ ਰੇਲਵੇ ਦਾ ਵੱਡਾ ਤੋਹਫਾ, ਇਸ ਰੂਟ ’ਤੇ ਮਿਲੇਗੀ ਰੇਲ ਮੋਟਰ ਕਾਰ ਸੇਵਾ appeared first on Daily Post Punjabi.

ਦਰਅਸਲ, ਕਾਲਕਾ-ਸ਼ਿਮਲਾ ਰੇਲਵੇ ਭਾਰਤ ਦੇ ਪਹਾੜੀ ਰੇਲਵੇ ਦਾ ਇੱਕ ਹਿੱਸਾ ਹੈ। ਇਸਨੂੰ ਸਾਲ 2008 ਵਿੱਚ ਯੂਨੈਸਕੋ ਦੀ ਵਿਸ਼ਵ ਵਿਰਾਸਤ ਸੂਚੀ ਵਿੱਚ ਸ਼ਾਮਿਲ ਕੀਤਾ ਗਿਆ ਸੀ। ਰੇਲਵੇ ਅਨੁਸਾਰ ਹਰਿਆਣਾ ਦੇ ਕਾਲਕਾ ਤੋਂ ਸ਼ਿਮਲਾ ਤੱਕ 96 ਕਿਲੋਮੀਟਰ ਰੇਲਵੇ ਲਾਈਨ 102 ਸੁਰੰਗਾਂ, 988 ਪੁਲਾਂ ਅਤੇ 925 ਵਕਰਾਂ ਵਿੱਚੋਂ ਦੀ ਲੰਘਦੀ ਹੈ। ਬਾਰੋਗ ਨੇੜੇ ਸਭ ਤੋਂ ਲੰਬੀ ਸੁਰੰਗ ਹੈ ਜੋ ਕਿ 1,143 ਮੀਟਰ ਲੰਬੀ ਹੈ। ਰੇਲਵੇ ਅਧਿਕਾਰੀਆਂ ਅਨੁਸਾਰ ਕਾਲਕਾ-ਸ਼ਿਮਲਾ ਐਕਸਪ੍ਰੈਸ ਵਿਸ਼ੇਸ਼ ਕਾਲਕਾ ਤੋਂ 12:10 ਵਜੇ ਰਵਾਨਾ ਹੋਵੇਗੀ ਅਤੇ 5:20 ਵਜੇ ਸ਼ਿਮਲਾ ਪਹੁੰਚੇਗੀ । ਸ਼ਿਮਲਾ ਤੋਂ ਇਹ ਡਾਊਨ ਟ੍ਰੇਨ ਅਗਲੇ ਦਿਨ ਸਵੇਰੇ 10:40 ਵਜੇ ਰਵਾਨਾ ਹੋਵੇਗੀ ਅਤੇ 4:10 ਵਜੇ ਕਾਲਕਾ ਪਹੁੰਚੇਗੀ।

ਜ਼ਿਕਰਯੋਗ ਹੈ ਕਿ 6 ਸਤੰਬਰ ਨੂੰ ਯੂਨੀਅਨ ਪਬਲਿਕ ਸਰਵਿਸ ਕਮਿਸ਼ਨ (UPSC) ਦੇ ਉਮੀਦਵਾਰਾਂ ਦੀ ਪ੍ਰੀਖਿਆ ਲਈ ਸੋਲਨ ਤੋਂ ਸ਼ਿਮਲਾ ਲਈ ਵਿਸ਼ੇਸ਼ ਟ੍ਰੇਨ ਚਲਾਈ ਗਈ ਸੀ। ਇਸ ਵਿੱਚ ਸਿਰਫ ਦੋ ਯਾਤਰੀਆਂ ਨੇ ਇੱਕ ਉਮੀਦਵਾਰ ਅਤੇ ਉਸ ਦੇ ਪਿਤਾ ਨੇ ਹੀ ਯਾਤਰਾ ਕੀਤੀ ਸੀ, ਜਦੋਂ ਕਿ ਡਾਊਨ ਟ੍ਰੇਨ ਬਿਨ੍ਹਾਂ ਕਿਸੇ ਯਾਤਰੀ ਦੇ ਹੀ ਚੱਲੀ ਸੀ।

ਦੱਸ ਦੇਈਏ ਕਿ ਟੂਰਿਜ਼ਮ ਇੰਡਸਟਰੀ ਸਟੇਕਹੋਲਡਰਸ ਐਸੋਸੀਏਸ਼ਨ ਅਨੁਸਾਰ ਕੋਲਕਾਤਾ ਤੋਂ ਕਾਲਕਾ ਤੱਕ ਦੀਆਂ ਟ੍ਰੇਨਾਂ ਦੇ ਬੰਦ ਹੋਣ ਦਾ ਸਿੱਧਾ ਅਸਰ ਸ਼ਿਮਲਾ ਵਿੱਚ ਹੋਟਲਾਂ ਅਤੇ ਹੋਮਸਟੇ ਦੇ ਕਿੱਤੇ ‘ਤੇ ਪੈ ਰਿਹਾ ਹੈ। ਖ਼ਾਸਕਰ ਦੁਰਗਾ ਪੂਜਾ ਦੀਆਂ ਛੁੱਟੀਆਂ ਦੌਰਾਨ ਬੰਗਾਲ ਤੋਂ ਸੈਲਾਨੀ ਵੱਡੀ ਗਿਣਤੀ ਵਿਚ ਹਿਮਾਚਲ ਆਉਂਦੇ ਹਨ । ਉਨ੍ਹਾਂ ਕਿਹਾ ਕਿ ਗੁਜਰਾਤ ਅਤੇ ਮਹਾਰਾਸ਼ਟਰ ਦੇ ਸੈਲਾਨੀ ਵੀ ਦੀਵਾਲੀ ਦੇ ਆਸ-ਪਾਸ ਨਵਰਾਤਰੀ ਛੁੱਟੀਆਂ ਦੌਰਾਨ ਵੱਡੀ ਗਿਣਤੀ ਵਿੱਚ ਹਿਮਾਚਲ ਆਉਂਦੇ ਹਨ,ਪਰ ਵੱਖ-ਵੱਖ ਕਾਰਨਾਂ ਕਰਕੇ ਇਸ ਵਾਰ ਨਹੀਂ ਆ ਰਹੇ।

The post ਕਾਲਕਾ-ਸ਼ਿਮਲਾ ਵਿਚਾਲੇ ਅੱਜ ਤੋਂ ਬਹਾਲ ਹੋਵੇਗੀ ਰੇਲ ਸੇਵਾ, ਕੋਰੋਨਾ ਕਾਰਨ 7 ਮਹੀਨਿਆਂ ਤੋਂ ਸੀ ਬੰਦ appeared first on Daily Post Punjabi.