ਦਰਅਸਲ ਸੈਫ ਅਲੀ ਖਾਨ ਅਤੇ ਕਰੀਨਾ ਕਪੂਰ ਦਾ ਵਿਆਹ ਵੈਸੇ ਤਾਂ ਕਾਫ਼ੀ ਵਧੀਆ ਰਿਹਾ ਪਰ ਜੇਕਰ ਕਰੀਨਾ ਕਪੂਰ ਦੀ ਮੰਮੀ ਬਬੀਤਾ ਗੁੱਸੇ ਨਹੀਂ ਹੁੰਦੀ ਤਾਂ ਸ਼ਾਇਦ ਅੱਜ ਸੈਫ ਅਲੀ ਖਾਨ ਕਰੀਨਾ ਦੇ ਪਤੀ ਨਹੀਂ ਹੁੰਦੇ। ਜਾਣਕਾਰੀ ਮੁਤਾਬਕ ਤੁਹਾਨੂੰ ਦੱਸ ਦੇਈਏ ਕਿ ਕਰੀਨਾ ਕਪੂਰ ਸ਼ਾਹਿਦ ਕਪੂਰ ਨੂੰ ਕਾਫੀ ਜ਼ਿਆਦਾ ਪਸੰਦ ਕਰਦੇ ਸੀ ਅਤੇ ਇਨ੍ਹਾਂ ਦੋਵਾਂ ਦੀ ਪਹਿਲੀ ਮੁਲਾਕਾਤ ਫਿਦਾ ਫ਼ਿਲਮ ਵਿੱਚ ਹੋਈ। ਇਹ ਦੋਨੋਂ ਇਕ ਦੂਸਰੇ ਨਾਲ ਪਿਆਰ ਕਰ ਬੈਠੇ ਅਤੇ ਸੋਸ਼ਲ ਮੀਡੀਆ ਤੋਂ ਲੈ ਕੇ ਅਖ਼ਬਾਰਾਂ ਵਿੱਚ ਇਹ ਖ਼ਬਰ ਆਉਣ ਲੱਗੀ ਕਿ ਕਰੀਨਾ ਕਪੂਰ ਅਤੇ ਸ਼ਾਹਿਦ ਕਪੂਰ ਇੱਕ ਦੂਜੇ ਨਾਲ ਵਿਆਹ ਵੀ ਕਰਨ ਵਾਲੇ ਹਨ। 

ਸ਼ਾਇਦ ਇਹ ਸਭ ਕਰੀਨਾ ਕਪੂਰ ਦੀ ਮਾਂ ਬਬੀਤਾ ਨੂੰ ਪਸੰਦ ਨਹੀਂ ਸੀ। ਮੀਡੀਆ ਦੀ ਮੰਨੀਏ ਤਾਂ ਬਬੀਤਾ ਨੂੰ ਅਜਿਹਾ ਲੱਗਣ ਲੱਗਾ ਸੀ ਜਿਵੇਂ ਸ਼ਾਹਿਦ ਕਪੂਰ ਵਿੱਦਿਆ ਬਾਲਨ ਦੇ ਨਾਲ ਵੀ ਰਿਲੇਸ਼ਨ ਵਿੱਚ ਹਨ ਅਤੇ ਉਹ ਨਹੀਂ ਚਾਹੁੰਦੀ ਸੀ ਕਿ ਉਨ੍ਹਾਂ ਦੀ ਬੇਟੀ ਦੇ ਨਾਲ ਕੁਝ ਗਲਤ ਹੋਵੇ ਅਤੇ ਇਹੀ ਵਜ੍ਹਾ ਰਹੀ ਕਿ ਕਰੀਨਾ ਕਪੂਰ ਨਾਲ ਉਨ੍ਹਾਂ ਦੀ ਮਾਂ ਨਾਰਾਜ਼ ਹੋ ਗਈ ਅਤੇ ਸ਼ਾਹਿਦ ਕਪੂਰ ਤੋਂ ਅਲੱਗ ਹੋਣ ਦੇ ਲਈ ਕਿਹਾ।