ਐਂਟੀ ਕੁਰੱਪਸ਼ਨ ਬਿਊਰੋ ਦੇ ਇੰਸਪੈਕਟਰ ਸਚਿਨ ਕੁਮਾਰ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਕਿਸਾਨ ਦੀ ਸ਼ਿਕਾਇਤ ਬੁੱਧਵਾਰ ਨੂੰ ਹੀ ਮਿਲੀ ਸੀ। ਜਿਸ ਤੋਂ ਬਾਅਦ ਇੰਸਪੈਕਟਰ ਸੰਦੀਪ ਕੁਮਾਰ ਦੀ ਅਗਵਾਈ ਹੇਠ ਟੀਮ ਦਾ ਗਠਨ ਕੀਤਾ ਗਿਆ। ਇਸ ਦੇ ਨਾਲ ਹੀ ਪਾਊਡਰ ਲਗਾ ਕੇ ਕਿਸਾਨ ਨੂੰ 45 ਹਜ਼ਾਰ ਰੁਪਏ ਦੇ ਨੋਟ ਦਿੱਤੇ ਗਏ। ਬਾਅਦ ਦੁਪਹਿਰ ਬਲਕਾਰ, ਜੋ ਕਿ ਸੰਧਵਾਂ ਡਵੀਜ਼ਨ ਵਿੱਚ ਜੇ.ਈ ਵਜੋਂ ਤਾਇਨਾਤ ਸੀ, ਨੂੰ ਕਿਸਾਨ ਵੱਲੋਂ ਰਿਸ਼ਵਤ ਦੀ ਰਕਮ ਦੇਣ ਲਈ ਪਿੰਡ ਸਲਵਾਨ ਬੁਲਾਇਆ ਗਿਆ। ਜਿੱਥੇ ਟੀਮ ਪਹਿਲਾਂ ਹੀ ਤਾਇਨਾਤ ਸੀ। ਜਦੋਂ ਦੁਪਹਿਰ ਵੇਲੇ ਜੇਈ ਬਲਕਾਰ ਸਿੰਘ ਪੈਸੇ ਲੈਣ ਪਿੰਡ ਆਇਆ ਤਾਂ ਕਿਸਾਨ ਨੇ ਉਸ ਨੂੰ ਪਾਊਡਰ ਵਾਲੇ ਨੋਟ ਦੇ ਦਿੱਤੇ। ਜਿਵੇਂ ਹੀ ਕਿਸਾਨ ਨੇ ਪੈਸੇ ਦਿੱਤੇ ਤਾਂ ਟੀਮ ਨੇ ਮੁਲਜ਼ਮ ਜੇ.ਈ ਨੂੰ 45 ਹਜ਼ਾਰ ਰੁਪਏ ਲੈਂਦਿਆਂ ਰੰਗੇ ਹੱਥੀਂ ਕਾਬੂ ਕਰ ਲਿਆ।

ਵੀਡੀਓ ਲਈ ਕਲਿੱਕ ਕਰੋ -:

“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “

ਇੰਸਪੈਕਟਰ ਸਚਿਨ ਕੁਮਾਰ ਨੇ ਦੱਸਿਆ ਕਿ ਕਿਸਾਨ ਨੇ ਸ਼ਿਕਾਇਤ ਦਿੱਤੀ ਸੀ ਕਿ ਉਹ ਕਾਫੀ ਸਮੇਂ ਤੋਂ ਬਿਜਲੀ ਵਿਭਾਗ ਦੇ ਦਫਤਰ ਦੇ ਚੱਕਰ ਲਗਾ ਰਿਹਾ ਹੈ। ਹੁਣ ਝੋਨੇ ਦਾ ਸੀਜ਼ਨ ਆਉਣ ਵਾਲਾ ਹੈ ਅਤੇ ਖੇਤ ਖਾਲੀ ਪਏ ਹਨ। ਅਜਿਹੇ ‘ਚ ਉਸ ਨੂੰ ਆਪਣੇ ਖੇਤ ‘ਚ ਟਰਾਂਸਫਾਰਮਰ ਲਗਾਉਣਾ ਪਿਆ। ਉਸ ਦੇ ਸਾਰੇ ਕਾਗਜ਼ਾਤ ਵੀ ਪੂਰੇ ਹੋ ਚੁੱਕੇ ਸਨ ਪਰ ਫਿਰ ਵੀ ਵਿਭਾਗ ਦੇ ਮੁਲਾਜ਼ਮਾਂ ਵੱਲੋਂ ਉਸ ਦੇ ਖੇਤ ਵਿੱਚ ਟਰਾਂਸਫਾਰਮਰ ਨਹੀਂ ਲਗਾਇਆ ਜਾ ਰਿਹਾ ਸੀ। ਜਦੋਂ ਉਹ ਮੁਲਜ਼ਮ ਜੇ.ਈ ਬਲਕਾਰ ਕੋਲ ਗਿਆ ਤਾਂ ਉਸ ਨੇ ਇਹ ਕੰਮ ਕਰਨ ਬਦਲੇ 70 ਹਜ਼ਾਰ ਰੁਪਏ ਦੀ ਮੰਗ ਕੀਤੀ। ਬਾਅਦ ਵਿੱਚ 45 ਹਜ਼ਾਰ ਰੁਪਏ ਵਿੱਚ ਸੌਦਾ ਤੈਅ ਹੋ ਗਿਆ।ਇੰਸਪੈਕਟਰ ਸਚਿਨ ਕੁਮਾਰ ਨੇ ਦੱਸਿਆ ਕਿ ਕਿਸਾਨ ਨੇ ਉਸ ਨੂੰ ਸ਼ਿਕਾਇਤ ਵਿੱਚ ਦੱਸਿਆ ਸੀ ਕਿ ਉਸ ਕੋਲ ਮੁਲਜ਼ਮ ਜੇ.ਈ ਨੂੰ ਪੈਸੇ ਦੇਣ ਲਈ ਪੈਸੇ ਨਹੀਂ ਹਨ ਅਤੇ ਉਹ ਮੁਲਜ਼ਮ ਨੂੰ ਪੈਸੇ ਨਹੀਂ ਦੇਣਾ ਚਾਹੁੰਦਾ। ਜਿਸ ਕਾਰਨ ਕਿਸਾਨ ਨੇ ਇਸ ਦੀ ਸ਼ਿਕਾਇਤ ਏਸੀਬੀ ਟੀਮ ਨੂੰ ਕੀਤੀ।

The post ਕਰਨਾਲ ‘ਚ ਰਿਸ਼ਵਤ ਲੈਂਦਿਆਂ ਫੜੇ ਗਏ ਬਿਜਲੀ ਵਿਭਾਗ ਦੇ JE ਨੂੰ ਅੱਜ ਅਦਾਲਤ ‘ਚ ਕੀਤਾ ਜਾਵੇਗਾ ਪੇਸ਼ appeared first on Daily Post Punjabi.