ਦਰਅਸਲ ਜਿਥੇ ਇਸ ਸਮੇਂ ਹੱਡਾਂ ਰੋੜੀ ਹੈ, ਇਹ ਜਗ੍ਹਾਂ 90 ਸਾਲ ਪੁਰਾਣੀ ਹੈ ਤੇ ਪਿੰਡ ਵਾਸੀ ਚਾਹੁੰਦੇ ਹਨ ਕਿ ਇਹ ਹੱਡਾਂ ਰੋੜੀ ਇਥੇ ਹੀ ਰਹੇ, ਜੇਕਰ ਇਸ ਹੱਡਾਂ ਰੋੜੀ ਵਾਲੀ ਗਲੀ ‘ਚ ਵਸਦੇ ਚਾਰ ਘਰਾਂ ਦੇ ਲੋਕਾਂ ਨੂੰ ਕੋਈ ਸਮੱਸਿਆ ਹੈ ਤਾਂ ਪੰਚਾਇਤ ਇਸ ਹੱਡਾਂ ਰੋੜੀ ਦੀਆਂ ਕੰਧਾਂ ਉੱਚੀਆਂ ਕਰਵਾ ਕੇ ਇਸ ਸਮਸਿਆ ਦਾ ਹੱਲ ਕਰ ਸਕਦੀ ਹੈ ਪਰ ਪੰਚਾਇਤ ਇਨ੍ਹਾਂ ਚਾਰ ਕਾਂਗਰਸੀ ਘਰਾਂ ਨੂੰ ਖੁਸ਼ ਕਰਨ ਲਈ ਇਸ ਹੱਡਾਂ ਰੋੜੀ ਨੂੰ ਬਦਲ ਕੇ ਆਬਾਦੀ ਵਾਲੀ ਪੰਚਾਇਤੀ ਜ਼ਮੀਨ ‘ਤੇ ਬਦਲਣਾ ਚਾਹੁੰਦੀ ਹੈ, ਜਿਸ ਨਾਲ ਬਾਕੀ ਪਿੰਡ ਦੀ ਸਮਸਿਆ ਕਾਫੀ ਵੱਧ ਜਾਣਗੀਆਂ। ਪੰਚਾਇਤ ਦੇ ਇਸੇ ਧੱਕੇਸ਼ਾਹੀ ਨੂੰ ਰੋਕਣ ਲਈ ਪਿੰਡ ਵਾਸੀਆਂ ਨੇ ਇਸ ਹੱਡਾਂ ਰੋੜੀ ਦਾ ਕੇਸ ਹਾਈ ਕੋਰਟ ‘ਚ ਲਗਾ ਦਿੱਤਾ ਤੇ ਅੱਜ ਮੌਕਾ ਦੇਖਣ ਆਏ ਜਿਲੇ ਦੇ ਡਿਪਟੀ ਕਮਿਸ਼ਨਰ ਤੋਂ ਇਨਸਾਫ ਦੀ ਮੰਗ ਕੀਤੀ। 

ਇਸ ਮੌਕੇ ਪਿੰਡ ਦੀ ਪੰਚਾਇਤ ਮੈਂਬਰ ਨੇ ਕਿਹਾ ਕਿ ਸਰਪੰਚ ਕਾਂਗਰਸੀ ਹੋਣ  ਦਾ ਪੂਰਾ ਫਾਇਦਾ ਲੈ ਰਿਹਾ ਹੈ ਤੇ ਇਸੇ ਗੱਲ ਦੇ ਚਲਦਿਆਂ ਸਰਪੰਚ ਨੇ ਇਸ ਮਤੇ ‘ਤੇ ਉਨ੍ਹਾਂ ਦੇ ਸਾਈਨ ਕਾਰਵਾਉਣ ਦੀ ਲੋੜ ਨਹੀਂ ਸਮਝੀ। ਜਿਹੜਾ ਸਰਪੰਚ ਪੰਚਾਇਤ ਮੈਬਰਾਂ ਦੀ ਪਰਵਾਹ ਨਹੀਂ ਕਰਦਾ, ਉਹ ਪਿੰਡ ਵਾਸੀਆਂ ਦੀ ਪਰਵਾਹ ਕੀ ਕਰੇਗਾ। 

ਇਸ ਪੂਰੇ ਮਾਮਲੇ ਬਾਰੇ ਜਦੋ ਡਿਪਟੀ ਕਮਿਸ਼ਨਰ ਸਾਹਿਬ ਨਾਲ ਗੱਲ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਤਾਂ ਉਹ ਇਸ ਮਾਮਲੇ ਨੂੰ ਹਾਈ ਕੋਰਟ ‘ਚ ਚਲਦਾ ਹੋਣ ਕਰਕੇ ਕੁਝ ਨਹੀਂ ਬੋਲੇ, ਪਰ ਪਿੰਡ ਦੇ ਕਾਂਗਰਸੀ ਸਰਪੰਚ ਜਗਜੀਤ ਸਿੰਘ ਨੇ ਕਿਹਾ ਕਿ ਉਨ੍ਹਾਂ ਵਲੋਂ ਕਿਸੇ ਪਿੰਡ ਵਾਸੀ ਨਾਲ ਧੱਕੇਸ਼ਾਹੀ ਨਹੀਂ ਕੀਤੀ ਜਾ ਰਹੀ ਤੇ ਇਸ ਸੰਬੰਧੀ ਜੋ ਵੀ ਫੈਸਲਾ ਹਾਈ ਕੋਰਟ ਵਲੋਂ ਆਵੇਗਾ, ਉਨ੍ਹਾਂ ਨੂੰ ਮਨਜ਼ੂਰ ਹੋਵੇਗਾ।ਫਿਲਹਾਲ ਕੁਝ ਵੀ ਹੋਵੇ, ਜਰੂਰਤ ਹੈ ਇਹੋ ਜਿਹੇ ਮੌਕੇ ਤੇ ਪਾਰਟੀਬਾਜ਼ੀ ਤੋਂ ਉੱਪਰ ਉੱਠ ਕੇ ਪਿੰਡ ਤੇ ਪਿੰਡਵਾਸੀਆਂ ਲਈ ਕੰਮ ਕਰਨ ਦੀ ਤਾਂ ਜੋ ਪਿੰਡ ਵਾਸੀਆਂ ਦਾ ਵਿਸ਼ਵਾਸ ਪੰਚਾਇਤ ਤੇ ਬਣਿਆ ਰਿਹਾ ਸਕੇ ਤੇ ਪਿੰਡ ਵਾਸੀਆਂ ਨੂੰ ਕਿਸੇ ਤਰਾਂ ਦੀ ਕੋਈ ਸਮਸਿਆ ਵੀ ਨਾ ਆਵੇ।  

The post ਸਮਾਰਟ ਸਿਟੀ ਦੇ ਇਸ ਪਿੰਡ ਦਾ ਜਾਇਜ਼ਾ ਲੈਣ ਪਹੁੰਚੇ DC ਦਾ ਲੋਕਾਂ ਨੇ ਕੀਤਾ ਘਿਰਾਓ appeared first on Daily Post Punjabi.