ਬ੍ਰਿਟੇਨ ‘ਚ ਰਹਿ ਰਹੇ ਭਾਰਤੀ ਇਸ ਗੱਲ ਤੋਂ ਪਰੇਸ਼ਾਨ ਹਨ ਕਿ ਇੰਨੇ ਦਿਨ ਬੀਤ ਜਾਣ ‘ਤੇ ਵੀ BBFC ਨੇ ‘ਦਿ ਕੇਰਲ ਸਟੋਰੀ’ ਨੂੰ ਸਰਟੀਫਿਕੇਟ ਨਹੀਂ ਦਿੱਤਾ ਹੈ। ਹਾਲਾਂਕਿ, ਸ਼ੋਅ ਰੱਦ ਕਰਨ ਤੋਂ ਬਾਅਦ, BBFC ਨੇ ਖਰੀਦੀਆਂ ਸਾਰੀਆਂ ਟਿਕਟਾਂ ਦੇ ਪੈਸੇ ਵਾਪਸ ਕਰ ਦਿੱਤੇ ਹਨ। ਦੱਸ ਦੇਈਏ ਕਿ ‘ਦਿ ਕੇਰਲ ਸਟੋਰੀ’ 12 ਮਈ ਨੂੰ 31 ਸਿਨੇਮਾਘਰਾਂ ‘ਚ ਹਿੰਦੀ ਅਤੇ ਤਾਮਿਲ ਭਾਸ਼ਾ ‘ਚ ਰਿਲੀਜ਼ ਹੋਣੀ ਸੀ ਪਰ ਹੁਣ ਸਾਰੀਆਂ ਸਿਨੇਮਾ ਵੈੱਬਸਾਈਟਾਂ ਨੇ ਇਸ ਦੀਆਂ ਟਿਕਟਾਂ ਦੀ ਵਿਕਰੀ ‘ਤੇ ਰੋਕ ਲਗਾ ਦਿੱਤੀ ਹੈ ਅਤੇ ਸ਼ੋਅ ਰੱਦ ਕਰ ਦਿੱਤੇ ਗਏ ਹਨ ।

ਦਰਅਸਲ, ਸਲੋਨੀ ਨਾਮ ਦੀ ਇੱਕ ਔਰਤ ਨੇ ਬੁੱਧਵਾਰ ਨੂੰ ਸਿਨੇ ਵਰਲਡ ਵਿੱਚ ਇੱਕ ਫਿਲਮ ਦੇਖਣ ਲਈ 3 ਟਿਕਟਾਂ ਬੁੱਕ ਕੀਤੀਆਂ ਸਨ। ਪਰ ਫਿਰ ਉਸਨੂੰ ਇੱਕ ਮੇਲ ਮਿਲੀ ਜਿਸ ਵਿੱਚ ਲਿਖਿਆ ਸੀ – ਹੈਲੋ, ਸਾਨੂੰ ਅਫਸੋਸ ਹੈ ਕਿ ਕੇਰਲ ਸਟੋਰੀ ਦੇ ਆਉਣ ਵਾਲੇ ਸ਼ੋਅ ਰੱਦ ਕਰ ਦਿੱਤੇ ਗਏ ਹਨ। ਅਜਿਹਾ ਇਸ ਲਈ ਕੀਤਾ ਗਿਆ ਕਿਉਂਕਿ ਫਿਲਮ ਨੂੰ ਅਜੇ ਤੱਕ ਐਜ ਰੇਟਿੰਗ ਨਹੀਂ ਮਿਲੀ ਹੈ। ਅਸੀਂ ਇਸਦੇ ਲਈ ਪੂਰਾ ਰਿਫੰਡ ਭੇਜ ਰਹੇ ਹਾਂ। ਅਸੁਵਿਧਾ ਲਈ ਮੁਆਫੀ।” ਔਰਤ ਨੇ ਦੱਸਿਆ, ”ਬਹੁਤ ਸਾਰੇ ਲੋਕਾਂ ਨੇ ਇਸ ਹਫਤੇ ਦੇ ਅੰਤ ‘ਚ ਫਿਲਮ ਦੇਖਣ ਦੀ ਯੋਜਨਾ ਬਣਾਈ ਸੀ ਅਤੇ 95% ਸਕ੍ਰੀਨਿੰਗ ਭਰ ਗਈ ਸੀ। ਪਰ ਸ਼ੋਅ ਕੈਂਸਲ ਹੋ ਗਿਆ।”ਲੋਕ ਸੋਸ਼ਲ ਮੀਡੀਆ ‘ਤੇ ਇਸ ਗੱਲ ਨੂੰ ਲੈ ਕੇ ਕਾਫੀ ਗੁੱਸੇ ‘ਚ ਹਨ, ਉਹ ਸ਼ੋਅ ਨੂੰ ਰੱਦ ਕਰਨ ਦੀ ਦਿੱਤੀ ਗਈ ਵਜ੍ਹਾ ਤੋਂ ਖੁਸ਼ ਨਹੀਂ ਹਨ।

The post ਬ੍ਰਿਟੇਨ ‘ਚ ‘ਦਿ ਕੇਰਲਾ ਸਟੋਰੀ’ ਦੇ ਸਾਰੇ ਸ਼ੋਅ ਕੀਤੇ ਗਏ ਰੱਦ, ਦਰਸ਼ਕਾਂ ਨੂੰ ਵਾਪਸ ਆਏ ਟਿਕਟ ਦੇ ਪੈਸੇ appeared first on Daily Post Punjabi.