ਦੂਜੇ ਦਿਨ ਵੀ KGF 2 ਨੇ ਬਾਕਸ ਆਫਿਸ ‘ਤੇ ਇਤਿਹਾਸ ਰਚ ਦਿੱਤਾ। ਪਹਿਲੇ ਦਿਨ ਇਸ ਫਿਲਮ ਨੇ ਭਾਰਤ ‘ਚ 134.5 ਕਰੋੜ ਅਤੇ ਦੁਨੀਆ ਭਰ ‘ਚ 165-175 ਕਰੋੜ ਦੀ ਕਮਾਈ ਕੀਤੀ। ਹੁਣ ਦੂਜੇ ਦਿਨ ਦੀ ਰਿਪੋਰਟ ਵੀ ਆ ਗਈ ਹੈ ਜਿਸ ਵਿਚ ਇਸ ਨੇ ਲਗਭਗ ਦੁੱਗਣੀ ਰਕਮ ਦਾ ਮੁਨਾਫਾ ਕਮਾਇਆ ਹੈ। KGF 2 ਨੇ ਵਿਸ਼ੂ ਉਤਸਵ 2022 ਯਾਨੀ ਮਲਿਆਲਮ ਨਵੇਂ ਸਾਲ ਦੇ ਦਿਨ ਜ਼ਬਰਦਸਤ ਕਮਾਈ ਕੀਤੀ ਹੈ। ਇਸ ਖਾਸ ਦਿਨ ‘ਤੇ ਫਿਲਮ ਨੇ ਫੈਸਟੀਵਲ ਵਾਲੇ ਦਿਨ 100 ਤੋਂ 115 ਕਰੋੜ ਦੀ ਕਮਾਈ ਕੀਤੀ।

ਫਿਲਮ ਨੇ ਹੁਣ ਤੱਕ ਦੋ ਦਿਨਾਂ ਵਿੱਚ 265-280 ਕਰੋੜ ਰੁਪਏ ਦਾ ਵਰਲਡ ਵਾਈਡ ਕਲੈਕਸ਼ਨ ਕਰ ਲਿਆ ਹੈ। ਦੂਜੇ ਦਿਨ, KGF-2 ਦੇ ਹਿੰਦੀ ਸੰਸਕਰਣ ਨੇ 45 ਤੋਂ 47 ਕਰੋੜ ਰੁਪਏ ਦੀ ਕਮਾਈ ਕੀਤੀ ਅਤੇ ਸਿਰਫ਼ ਇੱਕ ਦਿਨ ਵਿੱਚ ਇਸਦੇ ਹਿੰਦੀ ਭਾਗ ਨੇ 98-100 ਕਰੋੜ ਰੁਪਏ ਦਾ ਕਾਰੋਬਾਰ ਕੀਤਾ ਹੈ। ਤੀਜੇ ਅਤੇ ਚੌਥੇ ਦਿਨ ਇਹ ਫਿਲਮ ਆਪਣਾ ਕਾਰੋਬਾਰ ਹੋਰ ਵੀ ਵਧਾਏਗੀ ਕਿਉਂਕਿ ਜ਼ਿਆਦਾਤਰ ਲੋਕਾਂ ਨੂੰ ਸ਼ਨੀਵਾਰ-ਐਤਵਾਰ ਨੂੰ ਹੀ ਛੁੱਟੀ ਹੁੰਦੀ ਹੈ। ਅਜਿਹੇ ‘ਚ ਇਨ੍ਹਾਂ ਦੋ ਦਿਨਾਂ ‘ਚ ਫਿਲਮ 500 ਕਰੋੜ ਦਾ ਅੰਕੜਾ ਪਾਰ ਕਰ ਸਕਦੀ ਹੈ। ਥੀਏਟਰਾਂ ਵਿੱਚ ਲੋਕਾਂ ਦੇ ਆਉਣ ਦਾ ਸਿਲਸਿਲਾ ਜਾਰੀ ਹੈ ਅਤੇ ਜ਼ਿਆਦਾਤਰ ਸਿਨੇਮਾਘਰ ਹਾਊਸਫੁੱਲ ਜਾ ਰਹੇ ਹਨ।

The post KGF 2 Box Office: 2 ਦਿਨਾਂ ‘ਚ ਯਸ਼ ਦੇ KGF 2 ਦੇ ਹਿੰਦੀ ਸੰਸਕਰਣ ਨੇ ਬਣਾਇਆ ਰਿਕਾਰਡ, ਦੁਨੀਆ ਭਰ ‘ਚ ਕਮਾਏ ਇੰਨੇ ਕਰੋੜ appeared first on Daily Post Punjabi.