ਅੱਜ ਅਸੀਂ ਤੁਹਾਨੂੰ ਪੌਸ਼ਟਿਕ ਤੱਤਾਂ ਨਾਲ ਭਰਪੂਰ ਕੁਝ ਅਜਿਹੇ ਭੋਜਨਾਂ ਬਾਰੇ ਦੱਸਾਂਗੇ ਜੋ ਬੱਚੇ ਦਾ ਕੱਦ ਵਧਾਉਣ ‘ਚ ਮਦਦ ਕਰਨਗੇ।

ਡੇਅਰੀ ਪ੍ਰੋਡਕਟਸ: ਦੁੱਧ, ਪਨੀਰ ਅਤੇ ਦਹੀਂ ਵਰਗੇ ਡੇਅਰੀ ਪ੍ਰੋਡਕਟਸ ਕੈਲਸ਼ੀਅਮ ਅਤੇ ਵਿਟਾਮਿਨ ਏ, ਬੀ, ਡੀ ਅਤੇ ਈ ਨਾਲ ਭਰਪੂਰ ਹੁੰਦੇ ਹਨ, ਜੋ ਸਰੀਰ ‘ਚ ਸੈੱਲਾਂ ਦੇ ਵਾਧੇ ‘ਚ ਮਦਦ ਕਰਦੇ ਹਨ।

ਆਂਡੇ: ਜੇਕਰ ਤੁਸੀਂ ਬੱਚੇ ਦਾ ਕੱਦ ਵਧਾਉਣਾ ਚਾਹੁੰਦੇ ਹੋ ਤਾਂ ਪ੍ਰੋਟੀਨ, ਕੈਲਸ਼ੀਅਮ, ਵਿਟਾਮਿਨ ਬੀ12 ਅਤੇ ਰਿਬੋਫਲੇਵਿਨ ਨਾਲ ਭਰਪੂਰ ਆਂਡੇ ਨੂੰ ਉਨ੍ਹਾਂ ਦੀ ਡਾਈਟ ‘ਚ ਸ਼ਾਮਲ ਕਰੋ। ਆਂਡੇ ਦੇ ਸਫ਼ੈਦ ਹਿੱਸੇ ‘ਚ 100% ਪ੍ਰੋਟੀਨ ਹੁੰਦਾ ਹੈ, ਜੋ ਉਨ੍ਹਾਂ ਦੇ ਕੱਦ ਨੂੰ ਵਧਾਉਣ ‘ਚ ਮਦਦਗਾਰ ਹੁੰਦਾ ਹੈ।

ਚਿਕਨ: ਚਿਕਨ ਵੀ ਪ੍ਰੋਟੀਨ ਦਾ ਇੱਕ ਚੰਗਾ ਸਰੋਤ ਹੈ, ਜੋ ਬੱਚੇ ਦੇ ਟਿਸ਼ੂ ਅਤੇ ਮਾਸਪੇਸ਼ੀਆਂ ਨੂੰ ਬਣਾਉਣ ‘ਚ ਮਦਦ ਕਰਦਾ ਹੈ। ਇਸ ਕਾਰਨ ਬੱਚਿਆਂ ਦਾ ਕੱਦ ਵੀ ਵਧਦਾ ਹੈ ਅਤੇ ਉਹ ਮਾਨਸਿਕ ਤੌਰ ‘ਤੇ ਵੀ ਮਜ਼ਬੂਤ ਹੁੰਦੇ ਹਨ।

ਸੋਇਆਬੀਨ: ਸੋਇਆਬੀਨ ਪ੍ਰੋਟੀਨ, ਫੋਲੇਟ, ਵਿਟਾਮਿਨ, ਕਾਰਬੋਹਾਈਡ੍ਰੇਟਸ ਅਤੇ ਫਾਈਬਰ ਨਾਲ ਭਰਪੂਰ ਹੁੰਦੀ ਹੈ, ਜੋ ਬੱਚੇ ਦਾ ਕੱਦ ਵਧਾਉਣ ‘ਚ ਮਦਦ ਕਰਦੀ ਹੈ।

ਕੇਲਾ: ਪੋਟਾਸ਼ੀਅਮ, ਮੈਂਗਨੀਜ਼ ਅਤੇ ਕੈਲਸ਼ੀਅਮ ਨਾਲ ਭਰਪੂਰ ਕੇਲਾ ਬੱਚੇ ਦੀ ਸਿਹਤ ਨੂੰ ਵਧਾਵਾ ਦਿੰਦਾ ਹੈ ਅਤੇ ਕੱਦ ਵਧਾਉਣ ‘ਚ ਵੀ ਮਦਦ ਕਰ ਸਕਦਾ ਹੈ।

ਨਟਸ ਅਤੇ ਬੀਜ: ਅਖਰੋਟ ਅਤੇ ਬੀਜ ਵੀ ਬੱਚਿਆਂ ਦੇ ਕੱਦ ਨੂੰ ਵਧਾਉਣ ਲਈ ਬਹੁਤ ਵਧੀਆ ਫ਼ੂਡ ਹਨ। ਨਟਸ ਅਤੇ ਬੀਜ ਜ਼ਰੂਰੀ ਖਣਿਜਾਂ ਅਤੇ ਵਿਟਾਮਿਨਾਂ ਦੇ ਨਾਲ-ਨਾਲ ਹੈਲਥੀ ਫੈਟ ਅਤੇ ਅਮੀਨੋ ਐਸਿਡ ਨਾਲ ਭਰਪੂਰ ਹੁੰਦੇ ਹਨ, ਜੋ ਵਿਕਾਸ ਲਈ ਮਹੱਤਵਪੂਰਨ ਹੁੰਦੇ ਹਨ।

ਪੱਤੇਦਾਰ ਹਰੀਆਂ ਸਬਜ਼ੀਆਂ: ਤੁਹਾਡਾ ਬੱਚਾ ਹਰੀਆਂ ਸਬਜ਼ੀਆਂ ਨੂੰ ਦੇਖ ਕੇ ਚਿਹਰਾ ਬਣਾ ਸਕਦਾ ਹੈ। ਪਰ ਬਰੌਕਲੀ, ਪਾਲਕ, ਮਟਰ, ਭਿੰਡੀ ਅਤੇ ਬ੍ਰਸੇਲਜ਼ ਸਪਾਉਟ ਵਰਗੀਆਂ ਹਰੀਆਂ ਸਬਜ਼ੀਆਂ ਵੀ ਜ਼ਰੂਰੀ ਖਣਿਜ, ਵਿਟਾਮਿਨ ਅਤੇ ਫਾਈਬਰ ਨਾਲ ਭਰਪੂਰ ਹੁੰਦੀਆਂ ਹਨ। ਇਹ ਸਾਰੇ ਤੱਤ ਚੰਗੇ ਵਿਕਾਸ ਲਈ ਹਰੀਆਂ ਸਬਜ਼ੀਆਂ ਨੂੰ ਉਨ੍ਹਾਂ ਦੀ ਡਾਇਟ ‘ਚ ਸ਼ਾਮਲ ਕਰੋ।

ਫਲ: ਤਾਜ਼ੇ ਮੌਸਮੀ ਫਲਾਂ ਦਾ ਸੇਵਨ ਵੀ ਬੱਚੇ ਲਈ ਚੰਗਾ ਹੁੰਦਾ ਹੈ। ਇਹ ਵਿਟਾਮਿਨ, ਖਣਿਜ ਅਤੇ ਫਾਈਬਰ ਨਾਲ ਇੰਨੇ ਅਮੀਰ ਹੁੰਦੇ ਹਨ ਕਿ ਕਿਸੇ ਵੀ ਬੱਚੇ ਦੀ ਖੁਰਾਕ ਇਨ੍ਹਾਂ ਤੋਂ ਬਿਨਾਂ ਅਧੂਰੀ ਹੋਵੇਗੀ। ਅਜਿਹੇ ‘ਚ ਬੱਚੇ ਨੂੰ ਵਿਟਾਮਿਨ ਸੀ ਅਤੇ ਏ ਨਾਲ ਭਰਪੂਰ ਫਲ ਜਿਵੇਂ ਪਪੀਤਾ, ਸੰਤਰਾ, ਤਰਬੂਜ, ਅੰਬ, ਸੇਬ ਅਤੇ ਖੁਬਾਨੀ ਖਿਲਾਓ।

The post Healthy Diet: ਬੱਚਿਆਂ ਦਾ ਕੱਦ ਵਧਾਉਣਗੇ ਇਹ 8 Superfoods, ਤੇਜ਼ੀ ਨਾਲ ਵਧੇਗੀ Height appeared first on Daily Post Punjabi.