ਇੰਫੈਕਸ਼ਨ ਦਾ ਖਤਰਾ: ਬੱਚੇ ਦੀ ਸਕਿਨ ਬਹੁਤ ਨਰਮ ਅਤੇ ਸੈਂਸੀਟਿਵ ਹੁੰਦੀ ਹੈ। ਥੋੜ੍ਹੀ ਜਿਹੀ ਲਾਪਰਵਾਹੀ ਵੀ ਬੱਚੇ ‘ਚ ਇਨਫੈਕਸ਼ਨ ਦਾ ਕਾਰਨ ਬਣ ਸਕਦਾ ਹੈ। ਅਜਿਹੇ ‘ਚ ਜਦੋਂ ਉਨ੍ਹਾਂ ਦੀਆਂ ਅੱਖਾਂ ‘ਚ ਉਂਗਲੀ ਨਾਲ ਕਾਜਲ ਲਗਾਇਆ ਜਾਂਦਾ ਹੈ ਤਾਂ ਇੰਫੈਕਸ਼ਨ ਦਾ ਖਤਰਾ ਵੱਧ ਜਾਂਦਾ ਹੈ। ਕਈ ਵਾਰ ਉਂਗਲੀ ਨਾਲ ਕਾਜਲ ਲਗਾਉਣ ਨਾਲ ਬੱਚੇ ਦੀ ਅੱਖ ‘ਚ ਵੀ ਸੱਟ ਲੱਗ ਸਕਦੀ ਹੈ। ਇੰਨਾ ਹੀ ਨਹੀਂ ਕਈ ਵਾਰ ਨਹਾਉਂਦੇ ਸਮੇਂ ਬੱਚਿਆਂ ਦੀਆਂ ਅੱਖਾਂ ਦਾ ਕਾਜਲ ਉਨ੍ਹਾਂ ਦੇ ਮੂੰਹ ਜਾਂ ਨੱਕ ‘ਚ ਜਾਣ ਦਾ ਡਰ ਰਹਿੰਦਾ ਹੈ। ਕਾਜਲ ਮੂੰਹ ‘ਚ ਆਉਣ ਨਾਲ ਬੱਚਿਆਂ ਨੂੰ ਪੇਟ ਦੀਆਂ ਸਮੱਸਿਆਵਾਂ ਵੀ ਹੋ ਸਕਦੀਆਂ ਹਨ।

ਖੁਜਲੀ: ਕਈ ਵਾਰ ਅਸੀਂ ਬਾਜ਼ਾਰ ‘ਚ ਬਣੀ ਕਾਜਲ ਦੀ ਵਰਤੋਂ ਕਰਦੇ ਹਾਂ ਜਿਸ ਨਾਲ ਬੱਚੇ ਦੀਆਂ ਅੱਖਾਂ ‘ਚ ਖਾਰਸ਼ ਹੋ ਸਕਦੀ ਹੈ। ਬਜ਼ਾਰ ਦੇ ਕਾਜਲ ‘ਚ ਲੇਡ ਵੀ ਪਾਇਆ ਜਾਂਦਾ ਹੈ ਜੋ ਉਨ੍ਹਾਂ ਦੇ ਦਿਮਾਗ਼ ਦੇ ਵਿਕਾਸ ‘ਚ ਰੁਕਾਵਟ ਬਣ ਸਕਦਾ ਹੈ। ਕਦੇ-ਕਦੇ ਬੱਚੇ ਨੂੰ ਕਾਜਲ ਲਗਾਉਣ ਨਾਲ ਅੱਖਾਂ ‘ਚ ਰੈੱਡਨੈੱਸ ਆ ਸਕਦੀ ਹੈ ਉਹਨਾਂ ਨੂੰ ਖਾਰਸ਼ ਅਤੇ ਜਲਨ ਮਹਿਸੂਸ ਹੋ ਸਕਦੀ ਹੈ।

ਸਕਿਨ ਇੰਫੈਕਸ਼ਨ ਦਾ ਖਤਰਾ: ਕਈ ਵਾਰ ਬੱਚੇ ਹੱਥਾਂ ਨਾਲ ਅੱਖਾਂ ‘ਤੇ ਲੱਗੇ ਕਾਜਲ ਨੂੰ ਰਗੜ ਲੈਂਦੇ ਹਨ ਜਿਸ ਕਾਰਨ ਉਨ੍ਹਾਂ ਨੂੰ ਹੱਥਾਂ ਦੀ ਸਕਿਨ ‘ਤੇ ਇੰਫੈਕਸ਼ਨ ਹੋਣ ਦਾ ਜ਼ਿਆਦਾ ਖ਼ਤਰਾ ਰਹਿੰਦਾ ਹੈ। ਸਕਿਨ ‘ਤੇ ਕਾਜਲ ਲਗਾਉਣ ਨਾਲ ਬੱਚਿਆਂ ਨੂੰ ਮੁਹਾਸੇ, ਰੈਸ਼ੇਜ ਅਤੇ ਜਲਣ ਮਹਿਸੂਸ ਹੋ ਸਕਦੀ ਹੈ।

ਅੱਖਾਂ ਦੀ ਰੋਸ਼ਨੀ ਹੋ ਸਕਦੀ ਹੈ ਖ਼ਰਾਬ: ਕਈ ਵਾਰ ਅਸੀਂ ਛੋਟੇ ਬੱਚਿਆਂ ‘ਤੇ ਬਹੁਤ ਜ਼ਿਆਦਾ ਮਾਤਰਾ ‘ਚ ਕਾਜਲ ਲਗਾਉਂਦੇ ਹਾਂ। ਇਹ ਬੱਚੇ ਦੀਆਂ ਅੱਖਾਂ ਦੇ ਵਿਚਕਾਰਲੇ ਹਿੱਸੇ ਨੂੰ ਨੁਕਸਾਨ ਪਹੁੰਚਾ ਸਕਦਾ ਹੈ ਜਿਸ ਨੂੰ ਕੋਰਨੀਆ ਕਿਹਾ ਜਾਂਦਾ ਹੈ। ਅੱਖ ਦਾ ਇਹ ਹਿੱਸਾ ਬਹੁਤ ਹੀ ਨਾਜ਼ੁਕ ਹੁੰਦਾ ਹੈ ਇਸ ‘ਚ ਮਸਕਾਰਾ ਪਾਉਣ ਨਾਲ ਅੱਖਾਂ ਦੀ ਰੋਸ਼ਨੀ ਪ੍ਰਭਾਵਿਤ ਹੋ ਸਕਦੀ ਹੈ।

ਬੱਚਿਆਂ ਦੀ ਅੱਖਾਂ ‘ਚੋਂ ਪਾਣੀ ਆਉਣ ਦੀ ਸ਼ਿਕਾਇਤ: ਕਾਜਲ ਲਗਾਉਣ ਨਾਲ ਬੱਚੇ ਅੱਖਾਂ ‘ਚ ਪਾਣੀ ਆਉਣ ਦੀ ਸ਼ਿਕਾਇਤ ਵੀ ਕਰ ਸਕਦੇ ਹਨ। ਅੱਖਾਂ ‘ਤੇ ਕਾਜਲ ਲਗਾਉਣ ਨਾਲ ਐਲਰਜੀ ਹੋ ਸਕਦੀ ਹੈ ਜਿਸ ਕਾਰਨ ਖੁਜਲੀ ਹੋ ਸਕਦੀ ਹੈ। ਨਾਲ ਹੀ ਅੱਖਾਂ ‘ਚੋਂ ਪਾਣੀ ਵੀ ਨਿਕਲ ਸਕਦਾ ਹੈ। ਕਈ ਵਾਰ ਬੱਚਿਆਂ ਦੀਆਂ ਅੱਖਾਂ ਦੇ ਕੋਨਿਆਂ ‘ਤੇ ਕਾਜਲ ਜੰਮ ਜਾਂਦਾ ਹੈ ਇਸ ਨਾਲ ਬੱਚਿਆਂ ‘ਚ ਇੰਫੈਕਸ਼ਨ ਦਾ ਖਤਰਾ ਵਧ ਸਕਦਾ ਹੈ।

The post ਛੋਟੇ ਬੱਚਿਆਂ ਦੀ ਅੱਖਾਂ ‘ਚ ਕਾਜਲ ਲਗਾਉਣ ਨਾਲ ਹੋ ਸਕਦੇ ਹਨ ਇਹ ਨੁਕਸਾਨ appeared first on Daily Post Punjabi.