ਯੁਵਰਾਜ ਤੋਂ ਬਾਅਦ ਹੁਣ ਪੋਲਾਰਡ ਨੇ ਜੜੇ ਇੱਕ ਓਵਰ ‘ਚ 6 ਛੱਕੇ, ਦੇਖੋ ਵੀਡੀਓ

Sukhpreet Singh — Thu, 04 Mar 2021 08:13:22 +0000

Kieron pollard hits six sixes : ਬੁੱਧਵਾਰ ਨੂੰ ਸ਼੍ਰੀਲੰਕਾ ਅਤੇ ਵੈਸਟਇੰਡੀਜ਼ ਵਿਚਾਲੇ ਖੇਡੇ ਗਏ ਟੀ -20 ਲੜੀ ਦੇ ਪਹਿਲੇ ਮੈਚ ਵਿੱਚ ਕੈਰਨ ਪੋਲਾਰਡ ਨੇ 6 ਗੇਂਦਾਂ ਵਿੱਚ ਛੇ ਛੱਕੇ ਲਗਾਉਣ ਦਾ ਰਿਕਾਰਡ ਬਣਾਇਆ ਹੈ। ਪੋਲਾਰਡ ਨੇ 38 ਦੌੜਾਂ ਦੀ ਪਾਰੀ ਖੇਡ ਕੇ ਆਪਣੀ ਟੀਮ ਨੂੰ ਜਿੱਤ ਦਿਵਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾਈ ਹੈ। ਸ੍ਰੀਲੰਕਾ ਦੇ ਗੇਂਦਬਾਜ਼ ਅਕੀਲਾ ਧਨੰਜਯ ਦੇ ਤੀਜੇ ਓਵਰ ਵਿੱਚ ਪੋਲਾਰਡ ਨੇ ਬੱਲੇਬਾਜ਼ੀ ਕਰਦਿਆਂ 36 ਦੌੜਾਂ ਬਣਾਈਆਂ ਹਨ। ਕੈਰਨ ਪੋਲਾਰਡ ਹੁਣ 6 ਗੇਂਦਾਂ ਵਿੱਚ 6 ਛੱਕੇ ਮਾਰਨ ਵਾਲਾ ਤੀਜਾ ਖਿਡਾਰੀ ਬਣ ਗਿਆ ਹੈ। ਇਸ ਤੋਂ ਪਹਿਲਾਂ 2007 ਵਿੱਚ ਯੁਵਰਾਜ ਸਿੰਘ ਨੇ ਇੰਗਲੈਂਡ ਖ਼ਿਲਾਫ਼ 6 ਗੇਂਦਾਂ ਵਿੱਚ 6 ਛੱਕੇ ਮਾਰੇ ਸਨ। ਇਸ ਤੋਂ ਬਾਅਦ ਦੱਖਣੀ ਅਫਰੀਕਾ ਦੇ ਬੱਲੇਬਾਜ਼ ਹਰਸ਼ੇਲ ਗਿਬਜ਼ ਨੇ ਵੀ ਇਹ ਕਾਰਨਾਮਾ ਹਾਸਿਲ ਕਰ ਲਿਆ ਸੀ। ਹਾਲਾਂਕਿ, ਗਿਬਜ਼ ਨੇ 50 ਓਵਰਾਂ ਦੇ ਮੈਚ ਵਿੱਚ 6 ਗੇਂਦਾਂ ਵਿੱਚ 6 ਛੱਕੇ ਲਗਾਏ ਸਨ। ਇਸ ਦੇ ਨਾਲ ਹੀ ਕੈਰਨ ਪੋਲਾਰਡ ਅਤੇ ਯੁਵਰਾਜ ਸਿੰਘ ਨੇ ਸੀਮਤ ਓਵਰਾਂ ਦੇ ਮੈਚਾਂ ਵਿੱਚ ਇਹ ਮੁਕਾਮ ਹਾਸਿਲ ਕੀਤਾ ਹੈ।

You will never have a better Mastercard Priceless Moment than this one! @KieronPollard55 became the 1st West Indian to hit 6 sixes in a T20I over!#WIvSL #MastercardPricelessMoment #MenInMaroon pic.twitter.com/YOGItXOY8H
— Windies Cricket (@windiescricket) March 4, 2021

ਯੁਵਰਾਜ ਸਿੰਘ ਨੇ 19 ਸਤੰਬਰ 2007 ਨੂੰ ਵਿਸ਼ਵ ਕ੍ਰਿਕਟ ਵਿੱਚ ਇਤਿਹਾਸ ਰਚਿਆ ਸੀ। ਇਸ ਦਿਨ ਯੁਵਰਾਜ ਨੇ ਇੰਗਲੈਂਡ ਦੇ ਤੇਜ਼ ਗੇਂਦਬਾਜ਼ ਸਟੂਅਰਟ ਬ੍ਰਾਡ ਦੇ ਇੱਕ ਓਵਰ ਵਿੱਚ ਛੇ ਗੇਂਦਾਂ ਵਿੱਚ ਛੇ ਛੱਕੇ ਲਗਾਏ ਸਨ ਅਤੇ ਟੀ -20 ਵਿੱਚ ਅਜਿਹਾ ਕਰਨ ਵਾਲਾ ਉਹ ਪਹਿਲਾ ਬੱਲੇਬਾਜ਼ ਬਣ ਗਿਆ ਸੀ। ਯੁਵਰਾਜ ਨੇ ਦੱਖਣੀ ਅਫਰੀਕਾ ‘ਚ ਖੇਡੇ ਗਏ ਟੀ -20 ਵਿਸ਼ਵ ਕੱਪ ਮੈਚ ਵਿੱਚ ਇਹ ਇਤਿਹਾਸ ਰਚਿਆ ਸੀ।

ਇਹ ਵੀ ਦੇਖੋ : Breaking: ਸਾਹਨੇਵਾਲ ਏਅਰਪੋਰਟ ਨੂੰ ਬੰਬ ਨਾਲ ਉਡਾਉਣ ਦੀ ਧਮਕੀ, ਫੋਨ ਕਾਲ ਤੋਂ ਬਾਅਦ ਪੁਲਿਸ ਨੂੰ ਪਈ ਹੱਥਾਂ ਪੈਰਾਂ ਦੀ

The post ਯੁਵਰਾਜ ਤੋਂ ਬਾਅਦ ਹੁਣ ਪੋਲਾਰਡ ਨੇ ਜੜੇ ਇੱਕ ਓਵਰ ‘ਚ 6 ਛੱਕੇ, ਦੇਖੋ ਵੀਡੀਓ appeared first on Daily Post Punjabi.

Kieron pollard hits six sixes Archives - Daily Post Punjabi

ਯੁਵਰਾਜ ਤੋਂ ਬਾਅਦ ਹੁਣ ਪੋਲਾਰਡ ਨੇ ਜੜੇ ਇੱਕ ਓਵਰ ‘ਚ 6 ਛੱਕੇ, ਦੇਖੋ ਵੀਡੀਓ