ਬੀਸੀਸੀਆਈ ਦੇ ਇੱਕ ਸੂਤਰ ਨੇ ਕਿਹਾ, “ਟੀਮ ਲੰਬੇ ਸਮੇਂ ਤੋਂ ਨਾਮ ਬਦਲਣ ਬਾਰੇ ਸੋਚ ਰਹੀ ਸੀ ਅਤੇ ਮਹਿਸੂਸ ਕੀਤਾ ਕਿ ਇਸ ਆਈਪੀਐਲ ਤੋਂ ਪਹਿਲਾਂ ਨਾਮ ਬਦਲਣਾ ਸਹੀ ਰਹੇਗਾ। ਇਹ ਅਚਾਨਕ ਲਿਆ ਗਿਆ ਫੈਸਲਾ ਨਹੀਂ ਹੈ।” ਜ਼ਿਕਰਯੋਗ ਹੈ ਕਿ ਮੋਹਿਤ ਬਰਮਨ, ਨੇਸ ਵਾਡੀਆ, ਪ੍ਰੀਤੀ ਜ਼ਿੰਟਾ ਅਤੇ ਕਰਨ ਪਾਲ ਦੀ ਟੀਮ ਅਜੇ ਤੱਕ ਇੱਕ ਵਾਰ ਵੀ ਆਈਪੀਐਲ ਨਹੀਂ ਜਿੱਤ ਸਕੀ। ਹੁਣ ਤੱਕ ਟੀਮ ਇੱਕ ਵਾਰ ਉਪ ਜੇਤੂ ਰਹੀ ਹੈ ਅਤੇ ਜਦਕਿ ਇੱਕ ਵਾਰ ਤੀਜੇ ਸਥਾਨ ‘ਤੇ ਰਹੀ ਹੈ। ਪੰਜਾਬ ਨੇ ਨਿਲਾਮੀ ਤੋਂ ਠੀਕ ਪਹਿਲਾਂ ਆਪਣਾ ਨਾਮ ਬਦਲਿਆ ਹੈ। ਇੰਡੀਅਨ ਪ੍ਰੀਮੀਅਰ ਲੀਗ ਦੇ 14 ਵੇਂ ਸੀਜ਼ਨ ਲਈ ਨਿਲਾਮੀ ਪ੍ਰਕਿਰਿਆ 18 ਫਰਵਰੀ ਨੂੰ ਹੋਵੇਗੀ। ਪਿੱਛਲੇ ਸੀਜ਼ਨ ਤੋਂ ਬਾਅਦ, ਪੰਜਾਬ ਦੀ ਟੀਮ ਨੇ ਮੈਕਸਵੈੱਲ ਸਮੇਤ ਕਈ ਵੱਡੇ ਖਿਡਾਰੀਆਂ ਨੂੰ ਟੀਮ ਤੋਂ ਬਾਹਰ ਕੀਤਾ ਸੀ। ਹਾਲਾਂਕਿ ਨਵੇਂ ਸੀਜ਼ਨ ਲਈ ਟੀਮ ਦੇ ਮੁੱਖ ਕੋਚ ਅਨਿਲ ਕੁੰਬਲੇ ਹੀ ਰਹਿਣਗੇ। ਇਸ ਤੋਂ ਇਲਾਵਾ ਟੀਮ ਕੇ ਐਲ ਰਾਹੁਲ ਦੀ ਅਗਵਾਈ ਹੇਠ ਹੀ ਨਵਾਂ ਸੀਜ਼ਨ ਖੇਡੇਗੀ।

ਇਹ ਵੀ ਦੇਖੋ : ਦੀਪ ਤੇ ਲੱਖੇ ਤੋਂ ਬਾਅਦ ਹੁਣ ਕਿਸਾਨ ਲੀਡਰਾਂ ਦੀ ਗਿਰਫਤਾਰੀ ਦੀ ਤਿਆਰੀ, ਲੀਡਰ ਵੀ ਜੇਲ ਜਾਣ ਨੂੰ ਤਿਆਰ

The post IPL 14 ਤੋਂ ਪਹਿਲਾ ਕਿੰਗਜ਼ ਇਲੈਵਨ ਪੰਜਾਬ ਨੇ ਕੀਤਾ ਵੱਡਾ ਬਦਲਾਅ, ਹੁਣ ਇਸ ਨਾਮ ਨਾਲ ਜਾਣੀ ਜਾਵੇਗੀ ਟੀਮ appeared first on Daily Post Punjabi.

ਜੇ ਸਨਰਾਈਜ਼ਰਜ਼ ਹੈਦਰਾਬਾਦ (13 ਮੈਚਾਂ ਵਿਚੋਂ 12 ਅੰਕ) ਆਪਣਾ ਆਖਰੀ ਮੈਚ 2 ਨਵੰਬਰ ਨੂੰ ਮੁੰਬਈ ਇੰਡੀਅਨਜ਼ ਨਾਲ ਜਿੱਤ ਜਾਂਦਾ ਹੈ, ਤਾਂ ਇਸ ਤੋਂ ਬਾਅਦ 3 ਨਵੰਬਰ ਨੂੰ ਦਿੱਲੀ ਕੈਪਿਟਲਸ (14) ਅਤੇ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ (14) ਵਿਚਕਾਰ ਮੁਕਾਬਲਾ ਜਿੱਤਣ ਵਾਲੀ ਟੀਮ ਦੇ 16 ਅੰਕ ਹੋ ਜਾਣਗੇ। ਅਜਿਹੀ ਸਥਿਤੀ ਵਿੱਚ ਪੰਜਾਬ ਦੀ ਟੀਮ ਨੈਟ ਰਨਰੇਟ ਦੇ ਆਧਾਰ ‘ਤੇ ਵੀ ਕੁਆਲੀਫਾਈ ਨਹੀਂ ਕਰ ਸਕੇਗੀ । ਜੇਕਰ ਸਨਰਾਈਜ਼ਰਜ਼ ਦੀ ਟੀਮ ਆਪਣਾ ਆਖਰੀ ਮੈਚ ਹਾਰ ਜਾਂਦੀ ਹੈ, ਤਾਂ ਪੰਜਾਬ ਦੇ ਕੁਆਲੀਫਾਈ ਕਰਨ ਦੀ ਉਮੀਦ ਹੈ ਬਸ਼ਰਤੇ ਉਹ ਐਤਵਾਰ ਨੂੰ ਚੇੱਨਈ ਨੂੰ ਵੱਡੇ ਫਰਕ ਨਾਲ ਹਰਾ ਦੇਵੇ। ਪੰਜਾਬ ਦੇ ਫਿਲਹਾਲ 13 ਮੈਚਾਂ ਵਿਚੋਂ 12 ਅੰਕ ਹਨ ਅਤੇ ਉਸ ਦੀ ਨੈਟ ਰਰਨ ਰੇਟ -0.13 ਹੈ ਤੇ ਉੱਥੇ ਹੀ ਦੂਜੇ ਪਾਸੇ ਸਨਰਾਈਜ਼ਰਸ ਦੀ ਨੈਟ ਰਨ ਰੇਟ +9.56 ਹੈ।

ਪੰਜਾਬ ਲਈ ਕਪਤਾਨ ਰਾਹੁਲ ਟੂਰਨਾਮੈਂਟ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾ ਚੁੱਕੇ ਹਨ, ਜਦਕਿ ਕ੍ਰਿਸ ਗੇਲ ਸ਼ਾਨਦਾਰ ਫਾਰਮ ਵਿੱਚ ਹਨ, ਜੋ ਪਿਛਲੇ ਮੈਚ ਵਿੱਚ 99 ਦੌੜਾਂ ਬਣਾ ਕੇ ਆਊਟ ਹੋ ਗਏ ਸਨ । ਇਸ ਦੇ ਨਾਲ ਹੀ ਨਿਕੋਲਸ ਪੂਰਨ ਨੇ ਚੌਥੇ ਨੰਬਰ ‘ਤੇ ਵੀ ਚੰਗਾ ਪ੍ਰਦਰਸ਼ਨ ਕੀਤਾ ਹੈ । ਮਯੰਕ ਅਗਰਵਾਲ ਦੇ ਖੇਡ ਨੂੰ ਲੈ ਕੇ ਸਥਿਤੀ ਅਸਪਸ਼ਟ ਹੈ, ਜੋ ਸੱਟ ਕਾਰਨ ਆਖਰੀ ਤਿੰਨ ਮੈਚ ਨਹੀਂ ਖੇਡ ਸਕਿਆ । ਉੱਥੇ ਹੀ ਦੂਜੇ ਪਾਸੇ 23 ਸਾਲਾਂ ਰਿਤੂਰਾਜ ਗਾਇਕਵਾੜ ਨੇ ਚੇੱਨਈ ਲਈ ਲਗਾਤਾਰ ਦੋ ਅਰਧ ਸੈਂਕੜੇ ਲਗਾਏ ਹਨ । ਰਵਿੰਦਰ ਜਡੇਜਾ ਵੀ ਸ਼ਾਨਦਾਰ ਫਾਰਮ ਵਿੱਚ ਹੈ, ਜਿਨ੍ਹਾਂ ਨੇ ਕੇਕੇਆਰ ਖਿਲਾਫ ਫਿਨਿਸ਼ਰ ਦੀ ਭੂਮਿਕਾ ਨਿਭਾਈ।

ਟੀਮਾਂ ਇਸ ਤਰ੍ਹਾਂ ਹਨ:
ਚੇੱਨਈ ਸੁਪਰ ਕਿੰਗਜ਼: ਮਹਿੰਦਰ ਸਿੰਘ ਧੋਨੀ (ਕਪਤਾਨ), ਮੁਰਲੀ ਵਿਜੇ, ਅੰਬਤੀ ਰਾਇਡੂ, ਫਾਫ ਡੂ ਪਲੇਸਿਸ, ਸ਼ੇਨ ਵਾਟਸਨ, ਕੇਦਾਰ ਜਾਧਵ, ਰਵਿੰਦਰ ਜਡੇਜਾ, ਲੁੰਗੀ ਨਾਗੀਦੀ, ਦੀਪਕ ਚਾਹਰ, ਪਿਯੂਸ਼ ਚਾਵਲਾ, ਇਮਰਾਨ ਤਾਹਿਰ, ਮਿਸ਼ੇਲ ਸੇਂਟਰ, ਜੋਸ਼ ਹੇਜ਼ਲਵੁੱਡ, ਸ਼ਾਰਦੂਲ ਠਾਕੁਰ , ਸੈਮ ਕਰੀਨ, ਐਨ ਜਗਦੀਸਨ, ਕੇਐਮ ਆਸਿਫ, ਮੋਨੂੰ ਕੁਮਾਰ, ਆਰ ਸਾਈ ਕਿਸ਼ੋਰ, ਰਿਤੂਰਾਜ ਗਾਇਕਵਾੜ, ਕਰਨ ਸ਼ਰਮਾ।

ਕਿੰਗਜ਼ ਇਲੈਵਨ ਪੰਜਾਬ: ਕੇਐਲ ਰਾਹੁਲ (ਕਪਤਾਨ), ਹਰਪ੍ਰੀਤ ਬਰਾੜ, ਈਸ਼ਾਨ ਪੋਰੇਲ, ਮਨਦੀਪ ਸਿੰਘ, ਜੇਮਜ਼ ਨੀਸ਼ਮ, ਤਜਿੰਦਰ ਸਿੰਘ, ਕ੍ਰਿਸ ਜੌਰਡਨ, ਕਰੁਣ ਨਾਇਰ, ਦੀਪਕ ਹੁੱਡਾ, ਰਵੀ ਬਿਸ਼ਨੋਈ, ਅਰਸ਼ਦੀਪ ਸਿੰਘ, ਗਲੇਨ ਮੈਕਸਵੈਲ, ਮੁਜੀਬ ਉਰ ਰਹਿਮਾਨ, ਸਰਫਰਾਜ ਖਾਨ, ਸ਼ੈਲਡਨ ਕੋਟਰਲ, ਮਯੰਕ ਅਗਰਵਾਲ, ਮੁਹੰਮਦ ਸ਼ਮੀ, ਦਰਸ਼ਨ ਨਲਕੰਡੇ, ਨਿਕੋਲਸ ਪੂਰਨ, ਕ੍ਰਿਸ ਗੇਲ, ਮੁਰੂਗਨ ਅਸ਼ਵਿਨ, ਜਗਦੀਸ਼ ਸੁਚਿਤ, ਕ੍ਰਿਸ਼ਨਾੱਪਾ ਗੌਥਮ, ਹਰਦਾਸ ਵਿਲਜੋਇਨ, ਸਿਮਰਨ ਸਿੰਘ।

The post IPL 2020: ਅੱਜ ਪੰਜਾਬ ਲਈ ‘ਕਰੋ ਜਾਂ ਮਰੋ’, ਹਰ ਹਾਲ ‘ਚ ਚੇੱਨਈ ‘ਤੇ ਵੱਡੀ ਜਿੱਤ ਦੀ ਲੋੜ appeared first on Daily Post Punjabi.

ਕਪਤਾਨ ਕੇਐਲ ਰਾਹੁਲ ਅਤੇ ਮਨਦੀਪ ਸਿੰਘ ਨੇ ਪੰਜਾਬ ਨੂੰ ਸ਼ਾਨਦਾਰ ਸ਼ੁਰੂਆਤ ਦਿੱਤੀ । ਦੋਵਾਂ ਵਿਚਾਲੇ 47 ਦੌੜਾਂ ਦੀ ਸਾਂਝੇਦਾਰੀ ਹੋਈ । ਵਰੁਣ ਚੱਕਰਵਰਤੀ ਨੇ 8ਵੇਂ ਓਵਰ ਦੀ ਆਖਰੀ ਗੇਂਦ ‘ਤੇ ਰਾਹੁਲ ਨੂੰ LBW ਕਰਕੇ ਇਸ ਸਾਂਝੇਦਾਰੀ ਨੂੰ ਤੋੜ ਦਿੱਤਾ । ਪੰਜਾਬ ਦੇ ਕਪਤਾਨ ਨੇ 25 ਗੇਂਦਾਂ ‘ਤੇ 4 ਚੌਕਿਆਂ ਦੀ ਮਦਦ ਨਾਲ 28 ਦੌੜਾਂ ਬਣਾਈਆਂ । ਇਸ ਤੋਂ ਬਾਅਦ ਮਨਦੀਪ ਨੂੰ ਯੂਨੀਵਰਸ ਦੇ ਬੌਸ ਕ੍ਰਿਸ ਗੇਲ ਦਾ ਸਾਥ ਮਿਲਿਆ । ਇਸ ਤੋਂ ਬਾਅਦ ਇਸ ਜੋੜੀ ਨੇ ਕੇਕੇਆਰ ਦੇ ਗੇਂਦਬਾਜ਼ਾਂ ਨੂੰ ਜ਼ਬਰਦਸਤ ਕੁੱਟਿਆ । ਦੋਵਾਂ ਨੇ 100 ਦੌੜਾਂ ਦੀ ਸਾਂਝੇਦਾਰੀ ਕਰਦਿਆਂ ਪੰਜਾਬ ਦੀ ਜਿੱਤ ਦਾ ਰਸਤਾ ਤੈਅ ਕੀਤਾ । ਗੇਲ ਨੂੰ 19ਵੇਂ ਓਵਰ ਦੀ ਪਹਿਲੀ ਗੇਂਦ ‘ਤੇ ਫਰਗਯੂਸਨ ਨੇ ਆਪਣਾ ਸ਼ਿਕਾਰ ਬਣਾਇਆ । ਗੇਲ 29 ਗੇਂਦਾਂ ਵਿੱਚ 51 ਦੌੜਾਂ ਬਣਾ ਕੇ ਆਊਟ ਹੋਇਆ। ਇਸ ਤੋਂ ਬਾਅਦ ਮਨਦੀਪ ਨੇ ਨਿਕੋਲਸ ਪੂਰਨ ਨਾਲ ਮਿਲ ਕੇ ਪੰਜਾਬ ਨੂੰ ਜਿੱਤ ਦੀ ਕਗਾਰ ‘ਤੇ ਲਿਆਂਦਾ । ਮਨਦੀਪ ਸਿੰਘ 66 ਦੌੜਾਂ ਬਣਾ ਕੇ ਨਾਬਾਦ ਰਿਹਾ।

ਇਸ ਮੁਕਾਬਲੇ ਵਿੱਚ ਟਾਸ ਹਾਰ ਕੇ ਪਹਿਲਾਂ ਬੱਲੇਬਾਜ਼ੀ ਲਈ ਮੈਦਾਨ ਵਿੱਚ ਉਤਰੀ KKR ਦੀ ਸ਼ੁਰੂਆਤ ਖਰਾਬ ਰਹੀ ਅਤੇ ਪਾਰੀ ਦੀ ਦੂਜੀ ਗੇਂਦ ‘ਤੇ ਹੀ ਨਿਤੀਸ਼ ਰਾਣਾ ਗੋਲਡਨ ਡੱਕ ਹੋ ਗਏ । ਇਸ ਤੋਂ ਬਾਅਦ ਰਾਹੁਲ ਤ੍ਰਿਪਾਠੀ ਵੀ ਸੱਤ ਦੌੜਾਂ ਬਣਾ ਕੇ ਮੁਹੰਮਦ ਸ਼ਮੀ ਦਾ ਸ਼ਿਕਾਰ ਬਣੇ । ਕੇਕੇਆਰ 10 ਦੌੜਾਂ ‘ਤੇ ਲੱਗੇ 2 ਵੱਡੇ ਝਟਕਿਆਂ ਤੋਂ ਹਾਲੇ ਉਬਰੀ ਨਹੀਂ ਸੀ ਕਿ ਦਿਨੇਸ਼ ਕਾਰਤਿਕ ਵੀ ਡੱਕ ਹੋ ਗਏ ਅਤੇ ਕੇਕੇਆਰ ਨੇ 10 ਦੌੜਾਂ ‘ਤੇ ਤਿੰਨ ਵੱਡੀਆਂ ਵਿਕਟਾਂ ਗੁਆ ਦਿੱਤੀਆਂ । ਇਸ ਤੋਂ ਬਾਅਦ ਸਲਾਮੀ ਬੱਲੇਬਾਜ਼ ਸ਼ੁਭਮਨ ਗਿੱਲ ਅਤੇ ਕਪਤਾਨ ਅਯਾਨ ਮੋਰਗਨ ਨੇ ਪਾਰੀ ਨੂੰ ਸੰਭਾਲਣ ਦੀ ਕੋਸ਼ਿਸ਼ ਕੀਤੀ ਅਤੇ ਦੋਵਾਂ ਨੇ ਅਰਧ ਸੈਂਕੜੇ ਦੀ ਸਾਂਝੇਦਾਰੀ ਕੀਤੀ। ਰਵੀ ਬਿਸ਼ਨੋਈ ਨੇ ਮੋਰਗਨ ਨੂੰ 40 ਦੌੜਾਂ ‘ਤੇ ਆਊਟ ਕਰਕੇ ਇਹ ਸਾਂਝੇਦਾਰੀ ਤੋੜ ਦਿੱਤੀ।

ਦੱਸ ਦੇਈਏ ਕਿ ਮੋਰਗਨ ਦੇ ਆਊਟ ਹੋਣ ਤੋਂ ਥੋੜ੍ਹੀ ਦੇਰ ਬਾਅਦ ਕੇਕੇਆਰ ਨੂੰ ਸੁਨੀਲ ਨਾਰਾਇਣ ਦੇ ਰੂਪ ਵਿੱਚ 101 ਦੌੜਾਂ ‘ਤੇ 5ਵਾਂ ਝਟਕਾ ਲੱਗਿਆ, ਜੋ 6 ਦੌੜਾਂ ਦੇ ਨਿੱਜੀ ਸਕੋਰ ‘ਤੇ ਕ੍ਰਿਸ ਜੋਰਡਨ ਦੀ ਗੇਂਦ ‘ਤੇ ਬੋਲਡ ਹੋ ਗਏ।  ਸ਼ੁਬਮਨ ਗਿੱਲ ਇੱਕ ਸਿਰੇ ‘ਤੇ ਟਿਕੇ ਹੋਏ ਸੀ, ਪਰ ਮੋਰਗਨ ਦੇ ਆਊਟ ਹੋਣ ਦੇ ਨਾਲ ਉਸਨੂੰ ਉਨਾਂ ਮਜ਼ਬੂਤ ਸਾਥ ਨਹੀਂ ਮਿਲਿਆ। 

The post IPL 2020: ਕ੍ਰਿਸ ਗੇਲ ਤੇ ਮਨਦੀਪ ਦਾ ਧਮਾਕਾ, ਪੰਜਾਬ ਨੇ ਕੋਲਕਾਤਾ ਨੂੰ 8 ਵਿਕਟਾਂ ਨਾਲ ਦਿੱਤੀ ਮਾਤ appeared first on Daily Post Punjabi.

ਦਰਅਸਲ, ਮੈਕਸਵੈੱਲ ਨੂੰ ਕਿੰਗਜ਼ ਇਲੈਵਨ ਪੰਜਾਬ ਨੇ ਨਿਲਾਮੀ ਵਿੱਚ 10 ਕਰੋੜ 75 ਲੱਖ ਰੁਪਏ ਵਿੱਚ ਖਰੀਦਿਆ ਸੀ, ਪਰ ਮੈਕਸਵੈਲ ਦਾ ਪ੍ਰਦਰਸ਼ਨ ਉਸਦੀ ਕੀਮਤ ਦੇ ਅਨੁਸਾਰ, ਬਹੁਤ ਹੀ ਮਾੜਾ ਰਿਹਾ। ਆਈਪੀਐਲ ਦੇ ਇਤਿਹਾਸ ਵਿੱਚ ਵੱਡੇ-ਵੱਡੇ ਛੱਕੇ ਮਾਰਨ ਵਾਲੇ ਮੈਕਸਵੈੱਲ ਦੇ ਬੱਲੇ ਤੋਂ ਇਸ ਸੀਜ਼ਨ ਵਿੱਚ ਇੱਕ ਵੀ ਛੱਕਾ ਨਹੀਂ ਨਿਕਲਿਆ । ਮੈਕਸਵੈੱਲ ਦੀ ਜੋ ਤਸਵੀਰ ਹੈ, ਉਸਨੂੰ ਦੇਖਦੇ ਹੋਏ ਕਿੰਗਜ਼ ਇਲੈਵਨ ਪ੍ਰਬੰਧਨ ਨੇ ਉਸਨੂੰ ਅਜੇ ਤੱਕ ਬਾਹਰ ਨਹੀਂ ਕੀਤਾ ਹੈ।

ਦੱਸ ਦੇਈਏ ਕਿ ਇਸ ਸੀਜ਼ਨ ਵਿੱਚ ਉਨ੍ਹਾਂ ਦਾ ਹੁਣ ਤੱਕ ਦਾ ਸਰਵਸ੍ਰੇਸ਼ਠ ਸਕੋਰ 32 ਦੌੜਾਂ ਰਿਹਾ ਹੈ, ਜੋ ਉਨ੍ਹਾਂ ਨੇ ਦਿੱਲੀ ਕੈਪਿਟਲਸ ਦੇ ਖਿਲਾਫ ਬਣਾਏ ਸੀ। ਇਸ ਸੀਜ਼ਨ ਵਿੱਚ ਮੈਕਸਵੈੱਲ ਨੇ ਦਿੱਲੀ ਖਿਲਾਫ ਇੱਕ ਹੋਰ ਮੈਚ ਵਿੱਚ ਆਰਸੀਬੀ ਦੇ ਖਿਲਾਫ 5, ਰਾਜਸਥਾਨ ਰਾਇਲਜ਼ ਦੇ ਖਿਲਾਫ਼ ਨਾਬਾਦ 13, ਮੁੰਬਈ ਦੇ ਖਿਲਾਫ ਨਾਬਾਦ 11, ਚੇੱਨਈ ਸੁਪਰ ਕਿੰਗਜ਼ ਖਿਲਾਫ ਨਾਬਾਦ 11, ਸਨਰਾਈਜ਼ਰਸ ਹੈਦਰਾਬਾਦ ਖਿਲਾਫ ਪਹਿਲੇ ਮੈਚ ਵਿੱਚ 7, ਕੋਲਕਾਤਾ ਨਾਈਟ ਰਾਈਡਰਜ਼ ਖ਼ਿਲਾਫ਼ ਨਾਬਾਦ 10, ਮੁੰਬਈ ਇਡੀਅਨਜ਼ ਖ਼ਿਲਾਫ਼ ਦੂਜੇ ਮੈਚ ਵਿੱਚ ਜ਼ੀਰੋ ਅਤੇ ਸਨਰਾਈਜ਼ਰਜ਼ ਖ਼ਿਲਾਫ਼ 12 ਦੌੜਾਂ ਬਣਾਈਆਂ । ਮੈਕਸਵੇਲ ਨੇ ਇਸ ਸੀਜ਼ਨ ਵਿੱਚ ਕੁੱਲ 100 ਗੇਂਦਾਂ ਖੇਡੀਆਂ ਹਨ ਅਤੇ 102 ਦੌੜਾਂ ਬਣਾਈਆਂ ਹਨ।

The post IPL ‘ਚ 10 ਕਰੋੜ 75 ਲੱਖ ਦੇ ਇਸ ਖਿਡਾਰੀ ਦਾ ਬੁਰਾ ਹਾਲ, ਬੱਲੇ ਤੋਂ ਨਹੀਂ ਨਿਕਲ ਰਹੀਆਂ ਦੌੜਾਂ appeared first on Daily Post Punjabi.

ਹੈਦਰਾਬਾਦ ਨੇ ਕੀਤੀ ਚੰਗੀ ਸ਼ੁਰੂਆਤ
127 ਦੌੜਾਂ ਦੇ ਛੋਟੇ ਟੀਚੇ ਦਾ ਪਿੱਛਾ ਕਰਨ ਉਤਰੀ ਹੈਦਰਾਬਾਦ ਨੂੰ ਕਪਤਾਨ ਵਾਰਨਰ ਅਤੇ ਵਿਕਟਕੀਪਰ ਬੇਅਰਸਟੋ ਨੇ ਤੇਜ਼ ਸ਼ੁਰੂਆਤ ਦਿੱਤੀ।  ਖਾਸ ਤੌਰ ‘ਤੇ ਡੇਵਿਡ ਵਾਰਨਰ ਬਹੁਤ ਹਮਲਾਵਰ ਦਿਖੇ। ਵਾਰਨਰ ਨੇ 2 ਛੱਕਿਆਂ ਅਤੇ 3 ਚੌਕਿਆਂ ਦੀ ਮਦਦ ਨਾਲ 35 ਦੌੜਾਂ ਬਣਾਈਆਂ । ਉਨ੍ਹਾਂ ਨੇ ਬੇਅਰਸਟੋ ਨਾਲ ਮਿਲ ਕੇ ਪਾਵਰਪਲੇ ਵਿੱਚ ਹੀ ਹੈਦਰਾਬਾਦ ਨੂੰ 50 ਦੌੜਾਂ ਦੇ ਪਾਰ ਪਹੁੰਚਾ ਦਿੱਤਾ, ਪਰ ਜਿਵੇਂ ਹੀ ਪੰਜਾਬ ਨੇ ਸਪਿੰਨਰਾਂ ਨੂੰ ਹਮਲਾ ‘ਤੇ ਲਗਾਇਆ ਹੈਦਰਾਬਾਦ ਬੈਕਫੁੱਟ ‘ਤੇ ਆ ਗਿਆ । ਸਭ ਤੋਂ ਪਹਿਲਾਂ ਵਾਰਨਰ ਨੂੰ ਰਵੀ ਬਿਸ਼ਨੋਈ ਨੇ 35 ਦੌੜਾਂ ‘ਤੇ ਆਊਟ ਕੀਤਾ। ਇਸ ਤੋਂ ਬਾਅਦ ਬੇਅਰਸਟੋ ਵੀ 19 ਦੌੜਾਂ ‘ਤੇ ਆਊਟ ਹੋ ਗਿਆ। ਅਬਦੁੱਲ ਸਮਦ ਨੂੰ ਸ਼ਮੀ ਨੇ 7 ਦੌੜਾਂ ‘ਤੇ ਆਊਟ ਕੀਤਾ। ਹਾਲਾਂਕਿ, ਮਨੀਸ਼ ਪਾਂਡੇ ਅਤੇ ਵਿਜੇ ਸ਼ੰਕਰ ਨੇ 33 ਦੌੜਾਂ ਦੀ ਸਾਂਝੇਦਾਰੀ ਕਰਦਿਆਂ ਹੈਦਰਾਬਾਦ ਨੂੰ ਦੁਬਾਰਾ ਮੈਚ ਵਿੱਚ ਲਿਆ ਕੇ ਖੜ੍ਹਾ ਕਰ ਦਿੱਤਾ।

17ਵੇਂ ਓਵਰ ‘ਚ ਪੰਜਾਬ ਦੀ ਵਾਪਸੀ
ਇਸ ਤੋਂ ਬਾਅਦ ਪੰਜਾਬ 17ਵੇਂ ਓਵਰ ਤੋਂ ਪੰਜਾਬ ਨੇ ਦੁਬਾਰਾ ਵਾਪਸੀ ਕੀਤੀ। ਕ੍ਰਿਸ ਜੌਰਡਨ ਨੇ ਮਨੀਸ਼ ਪਾਂਡੇ ਨੂੰ 15 ਦੌੜਾਂ ‘ਤੇ ਆਊਟ ਕਰਕੇ ਆਪਣੀ ਟੀਮ ਨੂੰ ਉਮੀਦ ਦਿੱਤੀ । 18ਵੇਂ ਓਵਰ ਵਿੱਚ ਅਰਸ਼ਦੀਪ ਨੇ ਵਿਜੇ ਸ਼ੰਕਰ ਨੂੰ 26 ਦੌੜਾਂ ‘ਤੇ ਆਊਟ ਕਰ ਕੇ ਆਪਣੀ ਟੀਮ ਨੂੰ ਜਿੱਤਣ ਦਾ ਹੌਂਸਲਾ ਦਿੱਤਾ। ਹੈਦਰਾਬਾਦ ਨੂੰ ਆਖਰੀ 2 ਓਵਰਾਂ ਵਿੱਚ 17 ਦੌੜਾਂ ਦੀ ਜ਼ਰੂਰਤ ਸੀ ਪਰ ਕ੍ਰਿਸ ਜੌਰਡਨ ਨੇ ਸਿਰਫ 3 ਦੌੜਾਂ ਖਰਚਣ ਤੋਂ ਬਾਅਦ ਇਸ ਓਵਰ ਵਿੱਚ ਦੋ ਵਿਕਟਾਂ ਲਈਆਂ। ਜੌਰਡਨ ਨੇ ਹੋਲਡਰ ਅਤੇ ਰਾਸ਼ਿਦ ਖਾਨ ਨੂੰ ਲਗਾਤਾਰ ਦੋ ਗੇਂਦਾਂ ‘ਤੇ ਆਊਟ ਕੀਤਾ।

ਆਖਰੀ ਓਵਰ ‘ਚ ਚਾਹੀਦੀਆਂ ਸਨ 14 ਦੌੜਾਂ
ਹੈਦਰਾਬਾਦ ਨੂੰ ਆਖਰੀ ਓਵਰ ਵਿੱਚ 14 ਦੌੜਾਂ ਦੀ ਲੋੜ ਸੀ ਅਤੇ ਕਪਤਾਨ ਕੇ ਐਲ ਰਾਹੁਲ ਨੇ ਗੇਂਦ ਅਰਸ਼ਦੀਪ ਸਿੰਘ ਨੂੰ ਸੌਂਪ ਦਿੱਤੀ । ਅਰਸ਼ਦੀਪ ਨੇ ਪ੍ਰਿਯਮ ਗਰਗ ਨੂੰ ਪਹਿਲੀ ਗੇਂਦ ‘ਤੇ ਸਿਰਫ ਇੱਕ ਦੌੜ ਦਿੱਤੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਅਗਲੀ ਗੇਂਦ ‘ਤੇ ਸੰਦੀਪ ਸ਼ਰਮਾ ਨੂੰ ਪੈਵੇਲੀਅਨ ਦਾ ਰਸਤਾ ਦਿਖਾਇਆ। ਤੀਸਰੀ ਗੇਂਦ ‘ਤੇ ਅਰਸ਼ਦੀਪ ਨੇ ਵੀ ਪ੍ਰੀਅਮ ਗਰਗ ਨਾਲ ਨਜਿੱਠਿਆ । ਇਸ ਤੋਂ ਬਾਅਦ ਉਨ੍ਹਾਂ ਨੇ ਚੌਥੀ ਗੇਂਦ ‘ਤੇ ਕੋਈ ਦੌੜ ਨਹੀਂ ਦਿੱਤੀ । ਖਲੀਲ ਅਹਿਮਦ ਪੰਜਵੀਂ ਗੇਂਦ ‘ਤੇ ਰਨ ਆਊਟ ਹੋ ਗਿਆ ਅਤੇ ਇਸ ਤਰ੍ਹਾਂ ਹੈਦਰਾਬਾਦ ਦੀ ਟੀਮ ਸਿਰਫ 114 ਦੌੜਾਂ ‘ਤੇ ਸਿਮਟ ਗਈ।

ਹੈਦਰਾਬਾਦ ਦੀ ਵਧੀਆ ਗੇਂਦਬਾਜ਼ੀ
ਇਸ ਤੋਂ ਪਹਿਲਾਂ ਸਨਰਾਈਜ਼ਰਜ਼ ਹੈਦਰਾਬਾਦ ਨੇ ਸ਼ਨੀਵਾਰ ਨੂੰ ਕਿੰਗਜ਼ ਇਲੈਵਨ ਪੰਜਾਬ ਨੂੰ ਆਪਣੇ ਗੇਂਦਬਾਜ਼ਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਦੇ ਅਧਾਰ ‘ਤੇ 126 ਦੌੜਾਂ ‘ਤੇ ਰੋਕ ਦਿੱਤਾ । ਟਾਸ ਜਿੱਤਣ ਤੋਂ ਬਾਅਦ ਕਪਤਾਨ ਡੇਵਿਡ ਵਾਰਨਰ ਦੇ ਪਹਿਲਾਂ ਗੇਂਦਬਾਜੀ ਦੇ ਫੈਸਲੇ ਨੂੰ ਗੇਂਦਬਾਜ਼ਾਂ ਨੇ ਸਹੀ ਸਾਬਿਤ ਕੀਤਾ। ਪੰਜਾਬ ਦੀਆਂ ਵਿਕਟਾਂ ਨਿਯਮਤ ਅੰਤਰਾਲਾਂ ‘ਤੇ ਡਿੱਗਦੀਆਂ ਰਹੀਆਂ। ਪੰਜਾਬ ਲਈ ਕਪਤਾਨ ਕੇ ਐਲ ਰਾਹੁਲ (27), ਮਨਦੀਪ ਸਿੰਘ (17) ਅਤੇ ਕ੍ਰਿਸ ਗੇਲ (20) ਨੇ ਚੰਗੀ ਸ਼ੁਰੂਆਤ ਕੀਤੀ ਪਰ ਠੋਸ ਪਾਰੀ ਨਹੀਂ ਖੇਡ ਸਕੇ । ਪੰਜਾਬ ਨੂੰ ਵੱਡੀ ਸਾਂਝੇਦਾਰੀ ਨਹੀਂ ਮਿਲ ਸਕੀ । ਗੇਲ ਤੀਜੇ ਨੰਬਰ ‘ਤੇ ਬੱਲੇਬਾਜ਼ੀ ਕਰਨ ਆਇਆ ਸੀ ਅਤੇ ਸਨਰਾਈਜ਼ਰਜ਼ ਦੇ ਗੇਂਦਬਾਜ਼ਾਂ ਨੇ ਗੇਂਦ ਨੂੰ ਆਫ ਸਟੰਪ ਦੇ ਬਾਹਰ ਰੱਖ ਕੇ ਖੁੱਲ੍ਹ ਕੇ ਖੇਡਣ ਦੀ ਆਗਿਆ ਨਹੀਂ ਦਿੱਤੀ ਸੀ । ਅਖੀਰ ਵਿੱਚ, ਗੇਲ ਨੇ ਆਪਣੀ ਵੈਸਟ ਇੰਡੀਅਨ ਟੀਮ ਦੇ ਜੇਸਨ ਹੋਲਡਰ ਦੀ ਗੇਂਦ ‘ਤੇ ਖਰਾਬ ਸ਼ਾਟ ਖੇਡਿਆ ਅਤੇ ਵਾਰਨਰ ਨੇ ਸ਼ਾਨਦਾਰ ਕੈਚ ਫੜਿਆ। ਹੋਲਡਰ ਨੇ 27 ਦੌੜਾਂ ਦੇ ਕੇ ਇੱਕ ਅਤੇ ਰਾਸ਼ਿਦ ਨੇ 14 ਦੌੜਾਂ ਦੇ ਕੇ ਦੋ ਵਿਕਟਾਂ ਲਈਆਂ । ਇਸ ਦੇ ਨਾਲ ਹੀ ਸੰਦੀਪ ਸ਼ਰਮਾ ਨੇ 29 ਦੌੜਾਂ ਦੇ ਕੇ ਦੋ ਵਿਕਟਾਂ ਲਈਆਂ ।

The post ਪੰਜਾਬ ਨੇ ਰੋਮਾਂਚਕ ਮੁਕਾਬਲੇ ‘ਚ ਹੈਦਰਾਬਾਦ ਨੂੰ 12 ਦੌੜਾਂ ਨਾਲ ਦਿੱਤੀ ਮਾਤ, ਪਲੇਆਫ਼ ਦੀਆਂ ਉਮੀਦਾਂ ਨੂੰ ਰੱਖਿਆ ਜ਼ਿੰਦਾ appeared first on Daily Post Punjabi.

ਪੰਜਾਬ ਦੀ ਤਿੱਕੜੀ ਦਾ ਕਮਾਲ
ਟੀਚੇ ਦਾ ਪਿੱਛਾ ਕਰਨ ਉਤਰੀ ਪੰਜਾਬ ਦੀ ਸ਼ੁਰੂਆਤ ਵੀ ਕੁਝ ਖਾਸ ਨਹੀਂ ਰਹੀ ਸੀ। ਪੰਜਾਬ ਨੂੰ ਪਹਿਲਾ ਝਟਕਾ 17 ਦੌੜਾਂ ‘ਤੇ ਕਪਤਾਨ ਕੇ.ਐਲ. ਰਾਹੁਲ ਦੇ ਰੂਪ ਵਿੱਚ ਲੱਗਿਆ। ਇਸ ਤੋਂ ਬਾਅਦ ਕ੍ਰਿਸ ਗੇਲ ਨੇ 13 ਗੇਂਦਾਂ ‘ਤੇ 29 ਦੌੜਾਂ ਦੀ ਤੇਜ਼ ਰਫਤਾਰ ਪਾਰੀ ਖੇਡੀ, ਪਰ 52 ਦੌੜਾਂ ‘ਤੇ ਉਨ੍ਹਾਂ ਦੇ ਰੂਪ ਵਿੱਚ ਪੰਜਾਬ ਨੂੰ ਇੱਕ ਹੋਰ ਝਟਕਾ ਲੱਗਿਆ। ਇਸ ਤੋਂ ਤੁਰੰਤ ਬਾਅਦ ਮਯੰਕ ਅਗਰਵਾਲ ਵੀ ਜਲਦੀ ਆਊਟ ਹੋ ਗਏ । 56 ਦੌੜਾਂ ‘ਤੇ 3 ਵਿਕਟਾਂ ਡਿੱਗਣ ਤੋਂ ਬਾਅਦ ਨਿਕੋਲਸ ਪੂਰਨ ਅਤੇ ਗਲੇਨ ਮੈਕਸਵੈੱਲ ਨੇ ਸ਼ਾਨਦਾਰ ਸਾਂਝੇਦਾਰੀ ਕੀਤੀ ਅਤੇ ਸਕੋਰ ਨੂੰ 125 ਦੌੜਾਂ’ ਤੇ ਪਹੁੰਚਾਇਆ। ਪੂਰਨ 53 ਦੌੜਾਂ ਬਣਾ ਕੇ ਆਊਟ ਹੋ ਗਿਆ  । ਇਸ ਤੋਂ ਬਾਅਦ ਮੈਕਸਵੈੱਲ ਨੇ ਪਾਰਿ ਸੰਭਾਲੀ। ਟੀਮ ਨੂੰ 147 ਦੌੜਾਂ ‘ਤੇ ਪਹੁੰਚਾ ਕੇ ਆਊਟ ਹੋ ਗਏ । 5 ਵਿਕਟਾਂ ਡਿੱਗਣ ਤੋਂ ਬਾਅਦ ਦੀਪਕ ਹੁੱਡਾ ਅਤੇ ਜਿੰਮੀ ਨੀਸ਼ਮ ਨੇ ਆਖਿਰ ਵਿੱਚ ਕੁਝ ਵੱਡੇ ਸ਼ਾਟ ਲਗਾ ਕੇ ਟੀਮ ਨੂੰ ਜਿੱਤ ਦਿਵਾਈ। ਨੀਸ਼ਮ ਨੇ ਜੇਤੂ ਛੱਕਾ ਮਾਰਿਆ ।

ਉੱਥੇ ਹੀ ਦੂਜੇ ਪਾਸੇ ਦਿੱਲੀ ਲਈ ਵਧੀਆ ਫਾਰਮ ਵਿੱਚ ਚੱਲ ਰਹੇ ਸਲਾਮੀ ਬੱਲੇਬਾਜ਼ ਸ਼ਿਖਰ ਧਵਨ ਨੇ ਲਗਾਤਾਰ ਦੂਜੇ ਸੈਂਕੜੇ ਦੀ ਮਦਦ ਨਾਲ ਦਿੱਲੀ ਕੈਪਿਟਲਸ ਨੇ ਕਿੰਗਜ਼ ਇਲੈਵਨ ਪੰਜਾਬ ਖ਼ਿਲਾਫ਼ ਪੰਜ ਵਿਕਟਾਂ ’ਤੇ 164 ਦੌੜਾਂ ਦਾ ਚੁਣੌਤੀਪੂਰਨ ਸਕੋਰ ਬਣਾਇਆ । ਧਵਨ ਨੇ 61 ਗੇਂਦਾਂ ‘ਤੇ ਨਾਬਾਦ 106 ਦੌੜਾਂ ਬਣਾਈਆਂ । ਦਿੱਲੀ ਦੀ ਪਾਰੀ ਪੂਰੀ ਤਰ੍ਹਾਂ ਉਸ ਦੇ ਆਲੇ-ਦੁਆਲੇ ਘੁੰਮ ਰਹੀ ਸੀ ਕਿਉਂਕਿ ਉਸ ਤੋਂ ਇਲਾਵਾ ਕੋਈ ਹੋਰ 20 ਦੌੜਾਂ ਦੇ ਸਕੋਰ ‘ਤੇ ਨਹੀਂ ਪਹੁੰਚ ਸਕਿਆ।

ਦੱਸ ਦੇਈਏ ਕਿ ਪੰਜਾਬ ਵੱਲੋਂ ਤੇਜ਼ ਗੇਂਦਬਾਜ਼ ਮੁਹੰਮਦ ਸ਼ਮੀ ਨੇ 28 ਦੌੜਾਂ ਦੇ ਕੇ ਦੋ ਵਿਕਟਾਂ ਅਤੇ ਸਪਿਨਰ ਗਲੇਨ ਮੈਕਸਵੈਲ ਨੇ 31 ਦੌੜਾਂ ‘ਤੇ ਇੱਕ ਵਿਕਟ, ਮੁਰੂਗਨ ਅਸ਼ਵਿਨ ਨੇ 33 ਦੌੜਾਂ ਦੇ ਕੇ ਇੱਕ ਵਿਕਟ ਲਈ ।

The post IPL 2020: ਸ਼ਿਖਰ ਧਵਨ ਦੇ ਸੈਂਕੜੇ ‘ਤੇ ਫਿਰਿਆ ਪਾਣੀ, ਪੰਜਾਬ ਨੇ ਦਿੱਲੀ ਨੂੰ 5 ਵਿਕਟਾਂ ਨਾਲ ਦਿੱਤੀ ਮਾਤ appeared first on Daily Post Punjabi.

ਡੁਪਲੇਸੀ ਤੇ ਵਾਟਸਨ ਦੀ ਧਮਾਕੇਦਾਰ ਪਾਰੀ
ਦੁਬਈ ਅੰਤਰਰਾਸ਼ਟਰੀ ਸਟੇਡੀਅਮ ਵਿੱਚ 179 ਦੌੜਾਂ ਦੇ ਵੱਡੇ ਟੀਚੇ ਨੂੰ ਹਾਸਿਲ ਕਰਨ ਲਈ ਮੈਦਾਨ ਵਿੱਚ ਉਤਰੀ ਚੇੱਨਈ ਨੂੰ ਵਾਟਸਨ ਅਤੇ ਡੁਪਲੇਸੀ ਨੇ ਚੰਗੀ ਸ਼ੁਰੂਆਤ ਦਿੱਤੀ। ਵਾਟਸਨ ਆਖਰੀ ਚਾਰ ਮੈਚਾਂ ਵਿੱਚ ਫਲਾਪ ਸੀ ਅਤੇ ਬਹੁਤ ਦਬਾਅ ਵਿੱਚ ਸੀ, ਪਰ ਐਤਵਾਰ ਨੂੰ ਉਹ ਇੱਕ ਵੱਖਰੇ ਰੰਗ ਵਿੱਚ ਨਜ਼ਰ ਆਇਆ। ਵਾਟਸਨ ਨੇ ਆਉਂਦਿਆਂ ਹੀ ਪੰਜਾਬ ਦੇ ਗੇਂਦਬਾਜ਼ਾਂ ‘ਤੇ ਹਮਲਾ ਕਰ ਦਿੱਤਾ । ਦੋਵੇਂ ਬੱਲੇਬਾਜ਼ਾਂ ਨੇ ਪਾਵਰਪਲੇਅ ਵਿੱਚ 60 ਦੌੜਾਂ ਬਣਾਈਆਂ।

ਫਾਫ ਡੂ ਪਲੇਸਿਸ ਅਤੇ ਵਾਟਸਨ ਵਿਚਾਲੇ ਅਰਧ ਸੈਂਕੜੇ ਦੀ ਸਾਂਝੇਦਾਰੀ ਸਿਰਫ 34 ਗੇਂਦਾਂ ਵਿੱਚ ਸੀ। ਚੇੱਨਈ ਦੇ ਬੱਲੇਬਾਜ਼ਾਂ ਨੇ ਪੰਜਾਬ ਦੇ ਗੇਂਦਬਾਜ਼ਾਂ ‘ਤੇ ਲਗਾਤਾਰ ਹਮਲਾ ਕੀਤਾ ਅਤੇ ਚੇੱਨਈ ਨੇ 10 ਓਵਰਾਂ ਤੋਂ ਪਹਿਲਾਂ 100 ਦੌੜਾਂ ਪੂਰੀਆਂ ਕਰ ਲਈਆਂ । ਇਸ ਦੌਰਾਨ ਸ਼ੇਨ ਵਾਟਸਨ ਨੇ ਇਸ ਸੀਜ਼ਨ ਦਾ ਆਪਣਾ ਪਹਿਲਾ ਅਰਧ ਸੈਂਕੜਾ ਸਿਰਫ 31 ਗੇਂਦਾਂ ਵਿੱਚ ਬਣਾਇਆ। ਉੱਥੇ ਹੀ ਡੁਪਲੇਸੀ ਨੇ 33 ਗੇਂਦਾਂ ਵਿੱਚ ਅਰਧ ਸੈਂਕੜਾ ਬਣਾਇਆ। ਸ਼ੇਨ ਵਾਟਸਨ ਅਰਧ ਸੈਂਕੜਾ ਲਗਾਉਣ ਤੋਂ ਬਾਅਦ ਬਹੁਤ ਹਮਲਾਵਰ ਹੋ ਗਿਆ ਅਤੇ ਚੇੱਨਈ ਨੇ 15 ਓਵਰਾਂ ਵਿੱਚ 150 ਦੌੜਾਂ ਬਣਾ ਲਈਆਂ । ਲਗਾਤਾਰ 10 ਦੌੜਾਂ ਦੀ ਰਨ ਰੇਟ ਨਾਲ ਖੇਡਦਿਆਂ ਦੋਵਾਂ ਬੱਲੇਬਾਜ਼ਾਂ ਨੇ ਚੇੱਨਈ ਨੂੰ 14 ਗੇਂਦਾਂ ਪਹਿਲਾਂ ਹੀ ਜਿੱਤ ਦਿਵਾ ਦਿੱਤੀ। ਵਾਟਸਨ ਅਤੇ ਡੁਪਲੇਸੀ ਨੇ 181 ਦੌੜਾਂ ਦੀ ਸਾਂਝੇਦਾਰੀ ਕੀਤੀ, ਜੋ ਕਿ ਚੇੱਨਈ ਦੀ ਕਿਸੇ ਵੀ ਵਿਕਟ ਲਈ ਸਭ ਤੋਂ ਵੱਡੀ ਜਿੱਤ ਹੈ। ਇਨ੍ਹਾਂ ਦੋਵਾਂ ਪਾਰੀਆਂ ਦੇ ਅਧਾਰ ‘ਤੇ ਚੇੱਨਈ ਦੁਬਈ ਵਿੱਚ ਟੀਚੇ ਦਾ ਪਿੱਛਾ ਕਰਦਿਆਂ ਜਿੱਤਣ ਵਾਲੀ ਪਹਿਲੀ ਟੀਮ ਬਣ ਗਈ।

ਪੰਜਾਬ ਦੀ ਸ਼ਾਨਦਾਰ ਬੱਲੇਬਾਜ਼ੀ
ਇਸ ਤੋਂ ਪਹਿਲਾਂ ਪੰਜਾਬ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕੀਤੀ । ਉਸ ਦੇ ਬੱਲੇਬਾਜ਼ਾਂ ਖਾਸ ਕਰਕੇ ਕਪਤਾਨ ਕੇ ਐਲ ਰਾਹੁਲ ਨੇ ਵਧੀਆ ਬੱਲੇਬਾਜ਼ੀ ਕੀਤੀ । ਰਾਹੁਲ ਨੇ 63 ਦੌੜਾਂ ਬਣਾਈਆਂ । ਨਿਕੋਲਸ ਪੂਰਨ ਨੇ 3 ਛੱਕਿਆਂ ਦੀ ਮਦਦ ਨਾਲ 33 ਦੌੜਾਂ ਬਣਾਈਆਂ । ਮਨਦੀਪ ਸਿੰਘ ਨੇ ਵੀ 27 ਦੌੜਾਂ ਦੀ ਤੇਜ਼ ਪਾਰੀ ਖੇਡੀ । ਮਯੰਕ ਅਗਰਵਾਲ ਨੇ 26 ਦੌੜਾਂ ਦਾ ਯੋਗਦਾਨ ਦਿੱਤਾ । ਪੰਜਾਬ ਦੇ ਗੇਂਦਬਾਜ਼ਾਂ ਨੇ ਬੱਲੇਬਾਜ਼ਾਂ ਦੀ ਸਖਤ ਮਿਹਨਤ ’ਤੇ ਪਾਣੀ ਪਾਉਣ ਵਿੱਚ ਕੋਈ ਕਸਰ ਬਾਕੀ ਨਹੀਂ ਛੱਡੀ। ਕੋਟਰੇਲ, ਜਾਰਡਨ ਅਤੇ ਹਰਪ੍ਰੀਤ ਬਰਾੜ ਦੀ ਇਕਾਨਮੀ ਰੇਟ 10 ਦੌੜਾਂ ਪ੍ਰਤੀ ਓਵਰ ਸੀ। ਨਤੀਜੇ ਵਜੋਂ ਟੀਮ ਨੂੰ ਪੰਜ ਮੈਚਾਂ ਵਿੱਚ ਚੌਥੀ ਹਾਰ ਦਾ ਸਾਹਮਣਾ ਕਰਨਾ ਪਿਆ।

The post IPL 2020: ਚੇੱਨਈ ਸੁਪਰ ਕਿੰਗਜ਼ ਦੀ ਟੂਰਨਾਮੈਂਟ ‘ਚ ਸ਼ਾਨਦਾਰ ਵਾਪਸੀ, ਪੰਜਾਬ ਨੂੰ 10 ਵਿਕਟਾਂ ਨਾਲ ਹਰਾਇਆ appeared first on Daily Post Punjabi.

CSK vs KXIP: ਕੀ ਕਹਿੰਦੇ ਹਨ ਅੰਕੜੇ?
ਜੇਕਰ ਇੱਥੇ ਆਈਪੀਐਲ ਰਿਕਾਰਡਾਂ ਦੀ ਗੱਲ ਕਰੀਏ ਤਾਂ ਚੇੱਨਈ ਸੁਪਰ ਕਿੰਗਜ਼ ਅਤੇ ਕਿੰਗਜ਼ ਇਲੈਵਨ ਪੰਜਾਬ ਵਿਚਾਲੇ 21 ਮੈਚ (2008-2019) ਹੋਏ ਹਨ। ਜਿਸ ਵਿੱਚੋਂ ਚੇੱਨਈ ਨੇ 12 ਮੈਚ ਜਿੱਤੇ ਹਨ ਅਤੇ ਪੰਜਾਬ ਨੇ 8 ਮੈਚ ਜਿੱਤੇ ਹਨ, ਜਦੋਂ ਕਿ 2010 ਵਿੱਚ ਸੁਪਰ ਓਵਰ ਵਿੱਚ ਇੱਕ ਟਾਈ ਮੈਚ ਪੰਜਾਬ ਨੇ ਜਿੱਤਿਆ ਸੀ । ਯਾਨੀ ਕਿ ਚੇੱਨਈ 12-9 ਤੋਂ ਅੱਗੇ ਹੈ। ਚੰਗੇ ਖਿਡਾਰੀਆਂ ਦੇ ਬਾਵਜੂਦ, CSK ਲਈ ਕੁਝ ਵੀ ਸਹੀ ਨਹੀਂ ਰਿਹਾ ਹੈ। ਉਸਨੇ ਸ਼ੁੱਕਰਵਾਰ ਨੂੰ ਸਨਰਾਈਜ਼ਰਜ਼ ਹੈਦਰਾਬਾਦ ਖਿਲਾਫ ਮੈਚ ਦੌਰਾਨ ਪਲੇਇੰਗ XI ਵਿੱਚ ਤਿੰਨ ਬਦਲਾਅ ਕੀਤੇ। ਅੰਬਤੀ ਰਾਇਡੂ ਦੀ ਵਾਪਸੀ ਅਤੇ ਡਵੇਨ ਬ੍ਰਾਵੋ ਦੀ ਮੌਜੂਦਗੀ ਵਿੱਚ ਵੀ ਟੀਮ ਜਿੱਤ ਨਹੀਂ ਸਕੀ।

ਉੱਥੇ ਹੀ ਦੂਜੇ ਪਾਸੇ ਜੇਕਰ ਪੰਜਾਬ ਦੀ ਟੀਮ ਦੀ ਗੱਲ ਕੀਤੀ ਜਾਵੇ ਤਾਂ ਕਿੰਗਜ਼ ਇਲੈਵਨ ਪੰਜਾਬ ਦੇ ਕਪਤਾਨ ਕੇਐਸ ਰਾਹੁਲ ਅਤੇ ਮਯੰਕ ਅਗਰਵਾਲ ਸ਼ਾਨਦਾਰ ਫਾਰਮ ਵਿੱਚ ਹਨ।  ਪੰਜਾਬ ਦੀ ਟੀਮ ਦੋ ਵਾਰ 200 ਤੋਂ ਵੱਧ ਦੌੜਾਂ ਬਣਾਉਣ ਦੇ ਬਾਵਜੂਦ ਆਪਣੇ ਸੀਮਤ ਗੇਂਦਬਾਜ਼ਾਂ ਕਾਰਨ ਹਾਰ ਗਈ । ਮੁਹੰਮਦ ਸ਼ਮੀ ਤੋਂ ਇਲਾਵਾ ਕੋਈ ਹੋਰ ਗੇਂਦਬਾਜ਼ ਵਿਰੋਧੀ ਟੀਮ ਦੇ ਬੱਲੇਬਾਜ਼ਾਂ ਨੂੰ ਰੋਕਣ ਵਿੱਚ ਸਫਲ ਨਾ ਹੋ ਸਕੇ। ਜਿਸ ਕਾਰਨ ਅੱਜ ਦੇ ਮੁਕਾਬਲੇ ਵਿੱਚ ਚੇੱਨਈ ਸੁਪਰ ਕਿੰਗਜ਼ ਇਸਦਾ ਫਾਇਦਾ ਚੁੱਕਣ ਦੀ ਕੋਸ਼ਿਸ਼ ਕਰੇਗੀ ਅਤੇ ਉਨ੍ਹਾਂ ਨੂੰ ਪੰਜਾਬ ਦੇ ਚੋਟੀ ਦੇ ਕ੍ਰਮ ਨੂੰ ਜਲਦੀ ਆਊਟ ਕਰਨਾ ਪਵੇਗਾ।

ਚੇੱਨਈ ਸੁਪਰ ਕਿੰਗਜ਼
ਮਹਿੰਦਰ ਸਿੰਘ ਧੋਨੀ (ਕਪਤਾਨ, ਵਿਕਟਕੀਪਰ), ਮੁਰਲੀ ਵਿਜੇ, ਅੰਬਤੀ ਰਾਇਡੂ, ਫਾਫ ਡੂ ਪਲੇਸਿਸ, ਸ਼ੇਨ ਵਾਟਸਨ, ਕੇਦਾਰ ਜਾਧਵ, ਡਵੇਨ ਬ੍ਰਾਵੋ, ਰਵਿੰਦਰ ਜਡੇਜਾ, ਲੂੰਗੀ ਨਾਗੀਦੀ, ਦੀਪਕ ਚਾਹਰ, ਪਿਯੂਸ਼ ਚਾਵਲਾ, ਇਮਰਾਨ ਤਾਹਿਰ, ਮਿਸ਼ੇਲ ਸੇਂਟਨਰ, ਜੋਸ਼ ਹੈਜ਼ਲਵੁੱਡ, ਸ਼ਾਰਦੂਲ ਠਾਕੁਰ, ਸੈਮ ਕੁਰੈਨ, ਐਨ ਜਗਦੀਸ਼ਨ, ਕੇਐਮ ਆਸਿਫ, ਮੋਨੂੰ ਕੁਮਾਰ, ਆਰ ਸਾਈ ਕਿਸ਼ੋਰ, ਰਿਤੂਰਾਜ ਗਾਇਕਵਾੜ, ਕਰਨ ਸ਼ਰਮਾ।

ਕਿੰਗਜ਼ ਇਲੈਵਨ ਪੰਜਾਬ
ਕੇ ਐਲ ਰਾਹੁਲ (ਕਪਤਾਨ), ਮਯੰਕ ਅਗਰਵਾਲ, ਸ਼ੈਲਡਨ ਕਾਟੇਰਲ, ਕ੍ਰਿਸ ਗੇਲ, ਗਲੇਨ ਮੈਕਸਵੈੱਲ, ਮੁਹੰਮਦ ਸ਼ਮੀ, ਮੁਜੀਬ ਉਰ ਰਹਿਮਾਨ, ਕਰੁਣ ਨਾਇਰ, ਜੇਮਸ ਨੀਸ਼ਮ, ਨਿਕੋਲਸ ਪੂਰਨ, ਈਸ਼ਾਨ ਪੋਰਲ, ਅਰਸ਼ਦੀਪ ਸਿੰਘ, ਮੁਰੂਗਨ ਅਸ਼ਵਿਨ, ਕ੍ਰਿਸ਼ਨਾੱਪਾ ਗੌਤਮ, ਹਰਪ੍ਰੀਤ ਬਰਾੜ, ਦੀਪਕ ਹੁੱਡਾ, ਕ੍ਰਿਸ ਜੌਰਡਨ, ਸਰਫਰਾਜ਼ ਖਾਨ, ਮਨਦੀਪ ਸਿੰਘ, ਦਰਸ਼ਨ ਨਲਕੰਡੇ, ਰਵੀ ਬਿਸ਼ਨੋਈ, ਸਿਮਰਨ ਸਿੰਘ, ਜਗਦੀਸ਼ ਸੁਚਿੱਤ, ਤਜਿੰਦਰ ਸਿੰਘ, ਹਾਰਡਸ ਵਿੱਲੋਜੇਨ।

The post IPL 2020: ਕੀ ਧੋਨੀ ਬਦਲ ਪਾਉਣਗੇ ਚੇੱਨਈ ਦੀ ਸੂਰਤ? ਅੱਜ KXIP ਨਾਲ ਹੋਵੇਗਾ ਮੁਕਾਬਲਾ appeared first on Daily Post Punjabi.

ਰਾਇਲਜ਼ ਨੇ ਨਾ ਸਿਰਫ ਆਈਪੀਐਲ ਵਿੱਚ ਸਭ ਤੋਂ ਵੱਡਾ ਟੀਚਾ ਹਾਸਿਲ ਕਰਨ ਦਾ ਰਿਕਾਰਡ ਬਣਾਇਆ, ਬਲਕਿ ਇਸ ਟੂਰਨਾਮੈਂਟ ਵਿੱਚ ਬਾਅਦ ਵਿੱਚ ਬੱਲੇਬਾਜ਼ੀ ਕਰਦਿਆਂ ਸਭ ਤੋਂ ਵੱਡਾ ਸਕੋਰ ਵੀ ਬਣਾਇਆ । ਇਹ ਰਾਇਲਜ਼ ਦੀ ਲਗਾਤਾਰ ਦੂਜੀ ਜਿੱਤ ਹੈ, ਜਦਕਿ ਕਿੰਗਜ਼ ਇਲੈਵਨ ਨੂੰ ਦੂਜੀ ਵਾਰ ਹਾਰ ਦਾ ਸਾਹਮਣਾ ਕਰਨਾ ਪਿਆ । ਇਸ ਤੋਂ ਪਹਿਲਾਂ ਸਭ ਤੋਂ ਵੱਧ ਸਕੋਰ ਜਿੱਤਣ ਦਾ ਰਿਕਾਰਡ ਰਾਜਸਥਾਨ ਰਾਇਲਜ਼ ਦੇ ਨਾਮ ਦਰਜ ਹੋਇਆ ਸੀ।

ਜ਼ਿਕਰਯੋਗ ਹੈ ਕਿ ਟੀਮ ਨੇ 2008 ਵਿੱਚ ਹੈਦਰਾਬਾਦ ਵਿਰੁੱਧ 217 ਦੌੜਾਂ ਬਣਾ ਕੇ ਜਿੱਤ ਹਾਸਿਲ ਕੀਤੀ ਸੀ। ਹੁਣ ਉਨ੍ਹਾਂ ਨੇ ਪੰਜਾਬ ਖਿਲਾਫ਼ 224 ਦੌੜਾਂ ਦਾ ਟੀਚਾ ਹਾਸਿਲ ਕਰਦੇ ਹੋਏ ਆਪਣਾ ਰਿਕਾਰਡ ਸੁਧਾਰ ਲਿਆ ਹੈ। ਦਿੱਲੀ ਦੀ ਟੀਮ ਦੂਜੇ ਨੰਬਰ ‘ਤੇ ਹੈ ਅਤੇ ਇਨ੍ਹਾਂ ਨੇ ਸਾਲ 2017 ਵਿੱਚ ਗੁਜਰਾਤ ਲਾਇਨਜ਼ ਖ਼ਿਲਾਫ਼ 214 ਦੌੜਾਂ ਬਣਾ ਕੇ ਜਿੱਤ ਹਾਸਿਲ ਕੀਤੀ ਸੀ ।

ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਪੰਜਾਬ ਲਈ ਮਯੰਕ ਅਗਰਵਾਲ ਅਤੇ ਰਾਹੁਲ ਨੇ ਬੱਲੇਬਾਜ਼ਾਂ ਲਈ ਸ਼ਾਰਜਾਹ ਦੀ ਦੋਸਤਾਨਾ ਪਿੱਚ ਦਾ ਪੂਰਾ ਫਾਇਦਾ ਚੁੱਕਿਆ ਅਤੇ ਆਈਪੀਐਲ ਵਿੱਚ ਪਹਿਲੀ ਵਿਕਟ ਲਈ ਤੀਜੀ ਸਭ ਤੋਂ ਵੱਡੀ ਭਾਈਵਾਲੀ ਖੇਡੀ । ਇਸ ਦੌਰਾਨ ਉਨ੍ਹਾਂ ਨੇ ਰਾਇਲਜ਼ ਦੇ ਕਿਸੇ ਵੀ ਗੇਂਦਬਾਜ਼ ਨੂੰ ਲੈਅ ਹਾਸਿਲ ਨਾ ਕਰਨ ਦਿੱਤੀ। ਇਸ ਦੌਰਾਨ ਅਗਰਵਾਲ ਨੇ ਆਪਣਾ ਦੂਜਾ ਟੀ-20 ਕਰੀਅਰ ਅਤੇ ਆਈਪੀਐਲ ਦਾ ਪਹਿਲਾ ਸੈਂਕੜਾ ਬਣਾਇਆ । ਉਸਨੇ 50 ਗੇਂਦਾਂ ਵਿੱਚ 10 ਚੌਕਿਆਂ ਅਤੇ 7 ਛੱਕਿਆਂ ਦੀ ਮਦਦ ਨਾਲ 106 ਦੌੜਾਂ ਬਣਾਈਆਂ ਅਤੇ ਕਰਨਾਟਕ ਦੇ ਆਪਣੇ ਸਾਥੀ ਕੇ ਐਲ ਰਾਹੁਲ (54 ਗੇਂਦਾਂ ਵਿੱਚ 69, ਸੱਤ ਚੌਕੇ, ਇੱਕ ਛੱਕੇ) ਨਾਲ ਪਹਿਲੇ ਵਿਕਟ ਲਈ 183 ਦੌੜਾਂ ਦੀ ਸਾਂਝੇਦਾਰੀ ਕੀਤੀ।

The post IPL 2020: ਸ਼ਾਰਜਾਹ ‘ਚ ਆਇਆ ਸੈਮਸਨ-ਤੇਵਤਿਆ ਦਾ ਤੂਫ਼ਾਨ, ਰਾਜਸਥਾਨ ਰਾਇਲਜ਼ ਨੇ ਰਚਿਆ ਇਤਿਹਾਸ appeared first on Daily Post Punjabi.

ਦਰਅਸਲ, ਵਿਰਾਟ ਕੋਹਲੀ ‘ਤੇ ਪੰਜਾਬ ਖ਼ਿਲਾਫ਼ ਮੈਚ ਲਈ ਜੁਰਮਾਨਾ ਲਗਾਇਆ ਗਿਆ ਹੈ। ਕਿੰਗਜ਼ ਇਲੈਵਨ ਪੰਜਾਬ ਖਿਲਾਫ ਆਈਪੀਐਲ ਦੇ ਛੇਵੇਂ ਮੈਚ ਦੌਰਾਨ ਹੌਲੀ ਓਵਰ ਸਪੀਡ ਲਈ ਜੁਰਮਾਨਾ ਲਗਾਇਆ ਗਿਆ ਹੈ । ਇਸ ਲਈ ਕਪਤਾਨ ਕੋਹਲੀ ਨੂੰ 12 ਲੱਖ ਰੁਪਏ ਜੁਰਮਾਨਾ ਕੀਤਾ ਗਿਆ ਹੈ । ਹੁਣ ਕੋਹਲੀ ਨੂੰ ਜ਼ੁਰਮਾਨੇ ਵਜੋਂ 12 ਲੱਖ ਰੁਪਏ ਦੇਣੇ ਪੈਣਗੇ। ਇਸ ਮੈਚ ਵਿੱਚ ਵਿਰਾਟ ਕੋਹਲੀ ਲਈ ਕੁਝ ਵੀ ਚੰਗਾ ਨਹੀਂ ਰਿਹਾ। ਪਹਿਲਾਂ ਕੋਹਲੀ ਨੇ ਆਪਣੇ ਹੱਥੋਂ ਕੇਐਲ ਰਾਹੁਲ ਦੇ ਦੋ ਆਸਾਨ ਕੈਚਾਂ ਛੱਡੇ, ਜਿਸ ਤੋਂ ਬਾਅਦ ਉਹ ਬੱਲੇਬਾਜ਼ੀ ਵਿੱਚ ਵੀ ਆਪਣੀ ਛਾਪ ਨਹੀਂ ਛੱਡ ਸਕੇ।

ਦੱਸ ਦੇਈਏ ਕਿ ਵਿਰਾਟ ਕੋਹਲੀ ਨੇ ਪੰਜਾਬ ਪਾਰੀ ਦੇ 18ਵੇਂ ਓਵਰ ਵਿੱਚ ਨਵਦੀਪ ਸੈਣੀ ਦੀ ਗੇਂਦ ’ਤੇ ਰਾਹੁਲ ਦਾ ਕੈਚ ਛੱਡ ਦਿੱਤਾ ਸੀ। ਰਾਹੁਲ ਨੇ ਇਸ ਮੌਕੇ ਦਾ ਪੂਰਾ ਫਾਇਦਾ ਚੁੱਕਿਆ ਅਤੇ 19ਵੇਂ ਓਵਰ ਵਿੱਚ ਤਿੰਨ ਛੱਕਿਆਂ ਅਤੇ ਦੋ ਚੌਕਿਆਂ ਦੀ ਮਦਦ ਨਾਲ ਇਕ ਹੀ ਓਵਰ ਵਿਚ 26 ਦੌੜਾਂ ਬਣਾਈਆਂ। ਸਿਰਫ ਇੰਨਾ ਹੀ ਨਹੀਂ, ਵਿਰਾਟ ਦੀ ਕਪਤਾਨੀ ‘ਤੇ ਸਵਾਲ ਵੀ ਚੁੱਕੇ ਗਏ, ਜਦੋਂ ਉਸਨੇ 20ਵੇਂ ਓਵਰ ਵਿੱਚ ਨੌਜਵਾਨ ਸ਼ਿਵਮ ਦੂਬੇ ਨੂੰ ਗੇਂਦ ਦਿੱਤੀ। ਇਸ ਓਵਰ ਵਿੱਚ ਰਾਹੁਲ ਨੇ 23 ਦੌੜਾਂ ਬਣਾਈਆਂ ਅਤੇ ਟੀਮ ਦਾ ਸਕੋਰ 200 ਤੱਕ ਪਹੁੰਚਾਇਆ।

The post IPL 2020: ਵਿਰਾਟ ਕੋਹਲੀ ‘ਤੇ ਪਈ ਦੋਹਰੀ ਮਾਰ, ਪੰਜਾਬ ਖਿਲਾਫ਼ ਮੈਚ ਹਾਰਨ ਤੋਂ ਬਾਅਦ ਲੱਗਿਆ 12 ਲੱਖ ਦਾ ਜੁਰਮਾਨਾ appeared first on Daily Post Punjabi.

ਆਪਣੀ ਸ਼ਾਨਦਾਰ ਪਾਰੀ ਲਈ ਮੈਨ ਆਫ ਦਿ ਮੈਚ ਰਾਹੁਲ ਨੇ ਕਿਹਾ ਕਿ ਇਹ ਟੀਮ ਦੇ ਲਿਹਾਜ ਨਾਲ ਕੁੱਲ ਪ੍ਰਦਰਸ਼ਨ ਸੀ, ਇਸ ਲਈ ਮੈਂ ਖੁਸ਼ ਹਾਂ । ਦਰਅਸਲ ਮੈਨੂੰ ਆਪਣੀ ਬੱਲੇਬਾਜ਼ੀ ਬਾਰੇ ਭਰੋਸਾ ਨਹੀਂ ਸੀ। ਕੱਲ੍ਹ ਮੇਰੀ ਮੈਕਸੀ (ਗਲੇਨ ਮੈਕਸਵੈਲ) ਨਾਲ ਗੱਲਬਾਤ ਹੋਈ ਸੀ ਅਤੇ ਮੈਂ ਕਿਹਾ ਸੀ ਕਿ ਮੈਨੂੰ ਆਪਣੀ ਬੱਲੇਬਾਜ਼ੀ ‘ਤੇ ਪੂਰਾ ਕੰਟਰੋਲ ਮਹਿਸੂਸ ਨਹੀਂ ਹੁੰਦਾ। ਉਸਨੇ ਕਿਹਾ ਕਿ ਤੁਸੀਂ ਮਜ਼ਾਕ ਕਰ ਰਹੇ ਹੋ। ਤੁਸੀਂ ਬਹੁਤ ਵਧੀਆ ਤਰੀਕੇ ਨਾਲ ਖੇਡ ਰਹੇ ਹੋ। ਉਸ ਨੇ ਕਿਹਾ ਕਿ ਮੈਂ ਸ਼ੁਰੂ ਵਿੱਚ ਥੋੜ੍ਹਾ ਘਬਰਾ ਗਿਆ ਸੀ ਪਰ ਮੈਨੂੰ ਪਤਾ ਸੀ ਕਿ ਕੁਝ ਗੇਂਦਾਂ ਖੇਡਣ ਤੋਂ ਬਾਅਦ ਮੈਂ ਆਪਣੀ ਲੈਅ ਦੁਬਾਰਾ ਹਾਸਿਲ ਕਰ ਲਵਾਂਗਾ । ਕਪਤਾਨ ਹੋਣ ਦੇ ਬਾਵਜੂਦ ਮੈਂ ਪੁਰਾਣੀ ਰੁਟੀਨ ਹੀ ਅਪਣਾਉਂਦਾ ਹਾਂ। ਟਾਸ ਤੱਕ ਮੈਂ ਆਪਣੇ ਆਪ ਨੂੰ ਇੱਕ ਖਿਡਾਰੀ ਸਮਝਣਾ ਚਾਹੁੰਦਾ ਹਾਂ ਕਪਤਾਨ ਨਹੀਂ। ਮੈਂ ਖਿਡਾਰੀ ਅਤੇ ਕਪਤਾਨ ਵਿਚਕਾਰ ਸੰਤੁਲਨ ਕਾਇਮ ਕਰਨ ਦੀ ਕੋਸ਼ਿਸ਼ ਕਰਦਾ ਹਾਂ।

ਰਾਹੁਲ ਨੇ ਆਪਣੇ ਗੇਂਦਬਾਜ਼ਾਂ ਖਾਸ ਕਰਕੇ ਨੌਜਵਾਨ ਲੈੱਗ ਸਪਿਨਰ ਰਵੀ ਬਿਸ਼ਨੋਈ ਦੀ ਪ੍ਰਸ਼ੰਸਾ ਕੀਤੀ । ਉਨ੍ਹਾਂ ਕਿਹਾ ਕਿ ਮੈਂ ਉਸ ਨੂੰ ਅੰਡਰ-19 ਵਿਸ਼ਵ ਕੱਪ ਵਿੱਚ ਦੇਖਿਆ ਹੈ। ਉਹ ਹਾਰ ਨਹੀਂ ਮੰਨਦਾ ਅਤੇ ਜਦੋਂ ਵੀ ਉਸ ਕੋਲ ਗੇਂਦ ਹੁੰਦੀ ਹੈ ਉਹ ਤਿਆਰ ਹੁੰਦਾ ਹੈ। ਉਹ ਐਰੋਨ ਫਿੰਚ ਅਤੇ ਏਬੀ (ਡੀਵਿਲੀਅਰਜ਼) ਨੂੰ ਗੇਂਦਬਾਜ਼ੀ ਤੋਂ ਥੋੜਾ ਘਬਰਾ ਗਿਆ ਸੀ ਪਰ ਉਸਨੇ ਜਨੂੰਨ ਦਿਖਾਇਆ। ਆਰਸੀਬੀ ਦੇ ਕਪਤਾਨ ਵਿਰਾਟ ਕੋਹਲੀ, ਜਿਸ ਨੇ ਰਾਹੁਲ ਦੇ ਦੋ ਕੈਚ ਛੱਡੇ ਨੇ ਮੰਨਿਆ ਕਿ ਉਸਦੀ ਗਲਤੀ ਟੀਮ ‘ਤੇ ਇੰਨੀ ਭਾਰੀ ਪਈ ਕਿ ਇਸ ਕਾਰਨ ਉਸ ਨੂੰ 35-40 ਦੌੜਾਂ ਦਾ ਨੁਕਸਾਨ ਹੋਇਆ।

The post IPL 2020: ਮੈਚ ਜਿਤਾਉਣ ਵਾਲੀ ਪਾਰੀ ਖੇਡਣ ਤੋਂ ਬਾਅਦ ਰਾਹੁਲ ਨੇ ਦਿੱਤਾ ਹੈਰਾਨ ਕਰਨ ਵਾਲਾ ਬਿਆਨ appeared first on Daily Post Punjabi.

ਜਿਸ ਤੋਂ ਬਾਅਦ ਦਿੱਲੀ ਦੀ ਟੀਮ ਨੇ ਸੁਪਰ ਓਵਰ ਵਿੱਚ 3 ਦੌੜਾਂ ਦਾ ਆਸਾਨ ਟੀਚਾ ਹਾਸਿਲ ਕਰਕੇ ਜਿੱਤ ਦਰਜ ਕੀਤੀ । ਮਯੰਕ ਅਗਰਵਾਲ ਨੇ 60 ਗੇਂਦਾਂ ਵਿੱਚ ਆਪਣੀ ਪਾਰੀ ਵਿੱਚ 7 ਚੌਕੇ ਅਤੇ 4 ਛੱਕੇ ਜੜੇ । ਦਿੱਲੀ ਲਈ ਕੈਗੀਸੋ ਰਬਾਡਾ, ਰਵੀਚੰਦਰਨ ਅਸ਼ਵਿਨ ਅਤੇ ਮਾਰਕਸ ਸਟੋਨੀਸ ਨੇ 2-2 ਵਿਕਟਾਂ ਹਾਸਿਲ ਕੀਤੀਆਂ, ਜਦਕਿ ਮੋਹਿਤ ਸ਼ਰਮਾ ਅਤੇ ਅਕਸ਼ਰ ਪਟੇਲ ਨੇ 1-1 ਵਿਕਟ ਹਾਸਿਲ ਕੀਤੀ ।

ਇਸ ਤੋਂ ਪਹਿਲਾਂ ਦਿੱਲੀ ਕੈਪੀਟਲਸ ਨੇ ਆਪਣੇ ਆਲਰਾਊਂਡਰ ਮਾਰਕਸ ਸਟੋਨੀਸ ਦੀ ਬੱਲੇਬਾਜ਼ੀ ਨਾਲ ਕਿੰਗਜ਼ ਇਲੈਵਨ ਪੰਜਾਬ ਖਿਲਾਫ ਅੱਠ ਵਿਕਟਾਂ ‘ਤੇ 157 ਦੌੜਾਂ ਬਣਾਈਆਂ ਸਨ । ਦਿੱਲੀ ਕੈਪੀਟਲਸ ਆਖਰੀ ਤਿੰਨ ਓਵਰਾਂ ਵਿੱਚ 57 ਦੌੜਾਂ ਬਣਾਉਣ ਵਿੱਚ ਕਾਮਯਾਬ ਰਹੀ, ਜਿਸ ਵਿੱਚ ਸਟੋਨੀਸ ਦਾ ਯੋਗਦਾਨ ਰਿਹਾ । ਉਸਨੇ 21 ਗੇਂਦਾਂ ਵਿੱਚ 53 ਦੌੜਾਂ ਬਣਾਈਆਂ ਜਿਸ ਵਿੱਚ ਸੱਤ ਚੌਕੇ ਅਤੇ ਤਿੰਨ ਛੱਕੇ ਸ਼ਾਮਿਲ ਸਨ।

ਦਰਅਸਲ, ਪਾਵਰਪਲੇ ਵਿੱਚ ਦਿੱਲੀ ਕੈਪੀਟਲਸ ਤਿੰਨ ਵਿਕਟਾਂ ‘ਤੇ 23 ਦੌੜਾਂ ਬਣਾਉਣ ਵਿੱਚ ਕਾਮਯਾਬ ਰਹੀ। ਪੰਤ ਅਤੇ ਅਈਅਰ ਦਸ ਓਵਰਾਂ ਵਿੱਚ ਸਿਰਫ 49 ਦੌੜਾਂ ਹੀ ਬਣਾ ਸਕੇ। ਇਨ੍ਹਾਂ ਵਿੱਚ ਅਈਅਰ ਦਾ ਗੌਤਮ ‘ਤੇ ਲੌਂਗ ਆਨ ‘ਤੇ ਲਗਾਇਆ ਗਿਆ ਛੱਕਾ ਸ਼ਾਮਿਲ ਸੀ। ਉਸੇ ਗੇਂਦਬਾਜ਼ ‘ਤੇ ਉਨ੍ਹਾਂ ਨੇ ਬਾਅਦ ਵਿੱਚ ਲਗਾਤਾਰ ਦੋ ਛੱਕੇ ਲਗਾ ਕੇ ਦੌੜ ਦੀ ਰਫਤਾਰ ਵਧਾ ਦਿੱਤੀ, ਪਰ ਬਾਅਦ ਵਿੱਚ ਇਹ ਦੋਵੇਂ ਬੱਲੇਬਾਜ਼ ਤਿੰਨ ਗੇਂਦਾਂ ਵਿੱਚ ਆਊਟ ਹੋ ਗਏ ਤੇ ਦਿੱਲੀ ਬੈਕਫੁੱਟ ‘ਤੇ ਚਲਾ ਗਿਆ। 

The post ਬੇਕਾਰ ਗਈ ਮਯੰਕ ਅਗਰਵਾਲ ਦੀ 89 ਦੌੜਾਂ ਦੀ ਪਾਰੀ, ਸੁਪਰ ਓਵਰ ‘ਚ ਦਿੱਲੀ ਨੇ ਪਲਟੀ ਬਾਜ਼ੀ appeared first on Daily Post Punjabi.

ਦਰਅਸਲ, ਹੁਣ ਤੱਕ ਦੋਵਾਂ ਟੀਮਾਂ ਵਿਚਾਲੇ 24 ਮੈਚ ਹੋ ਚੁੱਕੇ ਹਨ, ਜਿਨ੍ਹਾਂ ਵਿਚੋਂ ਕਿੰਗਜ਼ ਇਲੈਵਨ ਪੰਜਾਬ ਨੇ 14 ਮੈਚ ਜਿੱਤੇ ਹਨ, ਜਦੋਂਕਿ ਦਿੱਲੀ ਨੇ 10 ਮੈਚ ਜਿੱਤੇ ਹਨ । ਪਿਛਲੇ ਪੰਜ ਮੈਚਾਂ ਦੀ ਗੱਲ ਕਰੀਏ ਤਾਂ ਪੰਜਾਬ ਦੀ ਟੀਮ ਨੇ ਚਾਰ ਮੈਚ ਜਿੱਤੇ ਹਨ । ਦੋਵਾਂ ਟੀਮਾਂ ਵਿਚਾਲੇ ਆਖਰੀ ਮੈਚ ਵਿੱਚ ਦਿੱਲੀ ਦੀ ਟੀਮ ਭਾਰੀ ਪਈ ਸੀ । ਇਹ ਦੋਵਾਂ ਟੀਮਾਂ ਦਾ ਪਹਿਲਾ ਮੈਚ ਹੋਵੇਗਾ, ਜਿੱਥੇ ਉਨ੍ਹਾਂ ਦੇ ਕਪਤਾਨਾਂ ਵਿਚਾਲੇ ਭਾਰੀ ਰੰਜਿਸ਼ ਵੀ ਵੇਖੀ ਜਾ ਸਕਦੀ ਹੈ । ਕਿੰਗਜ਼ ਇਲੈਵਨ ਦੇ ਕਪਤਾਨ ਕੇਐਲ ਰਾਹੁਲ ਅਤੇ ਦਿੱਲੀ ਰਾਜਧਾਨੀ ਦੀ ਸ਼੍ਰੇਅਸ ਅਈਅਰ ਨੂੰ ਭਵਿੱਖ ਦੇ ਭਾਰਤੀ ਕਪਤਾਨ ਵਜੋਂ ਦੇਖਿਆ ਜਾ ਰਿਹਾ ਹੈ । ਸਿਰਫ ਇਹ ਹੀ ਨਹੀਂ, ਦੋਵੇਂ ਟੀਮਾਂ ਦੇ ਕੋਚ ਵਿਸ਼ਵ ਪੱਧਰੀ ਖਿਡਾਰੀ ਰਹੇ ਹਨ ਅਤੇ ਅਜਿਹੀ ਸਥਿਤੀ ਵਿੱਚ ਉਨ੍ਹਾਂ ਦੀ ਰਣਨੀਤੀ ਨੂੰ ਵੇਖਣਾ ਦਿਲਚਸਪ ਹੋਵੇਗਾ।

ਜੇਕਰ ਇੱਥੇ ਪੰਜਾਬ ਦੀ ਟੀਮ ਦੀ ਗੱਲ ਕੀਤੀ ਜਾਵੇ ਤਾਂ ਕਿੰਗਜ਼ ਇਲੈਵਨ ਪੰਜਾਬ ਦੇ ਖਿਡਾਰੀ ਅਨਿਲ ਕੁੰਬਲੇ ਤੋਂ ਪ੍ਰੇਰਣਾ ਲੈਣਾ ਚਾਹੁੰਦੇ ਹਨ, ਤਾਂ ਦਿੱਲੀ ਕੈਪੀਟਲ ਦੇ ਖਿਡਾਰੀ ਰਿੱਕੀ ਪੋਂਟਿੰਗ ਦੀਆਂ ਯੋਜਨਾਵਾਂ ਨੂੰ ਮੈਦਾਨ ਵਿੱਚ ਉਤਾਰਨ ਵਿੱਚ ਕੋਈ ਕਸਰ ਬਾਕੀ ਨਹੀਂ ਛੱਡਣਗੇ । ਦੋਵਾਂ ਟੀਮਾਂ ਵਿੱਚ ਵੱਡੇ ਸ਼ਾਟ ਮਾਰਨ ਵਾਲੇ ਖਿਡਾਰੀਆਂ ਦੀ ਕੋਈ ਘਾਟ ਨਹੀਂ ਹੈ, ਪਰ ਯੂਏਈ ਦੀ ਹੌਲੀ ਪਿੱਚਾਂ ‘ਤੇ ਅਸ਼ਵਿਨ, ਮਿਸ਼ਰਾ ਅਤੇ ਅਕਸ਼ਰ ਦੀ ਤਿਕੜੀ ਪੰਜਾਬ ਦੀ ਟੀਮ ‘ਤੇ ਭਾਰੀ ਪੈ ਸਕਦੀ ਹੈ।

ਕਿੰਗਜ਼ ਇਲੈਵਨ ਦੇ ਕੋਲ ਕ੍ਰਿਸ ਗੇਲ, ਗਲੈਨ ਮੈਕਸਵੈਲ ਅਤੇ ਰਾਹੁਲ ਵਰਗੇ ਵੱਡੇ ਸ਼ਾਟ ਲਗਾਉਣ ਵਾਲੇ ਖਿਡਾਰੀ ਹਨ। ਇੰਗਲੈਂਡ ਦੇ ਖਿਲਾਫ ਤੀਜੇ ਵਨਡੇ ਮੈਚ ਵਿੱਚ 108 ਦੌੜਾਂ ਬਣਾ ਕੇ ਟੀਮ ਨੂੰ ਜਿੱਤ ਦਿਵਾਉਣ ਵਾਲੇ ਮੈਕਸਵੈੱਲ ਦਾ ਵਿਸ਼ਵਾਸ ਬਹੁਤ ਜ਼ਿਆਦਾ ਹੋਵੇਗਾ । ਉਸਨੇ 2014 ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਜਦੋਂ ਇਸ ਟੂਰਨਾਮੈਂਟ ਦੇ ਕੁਝ ਮੈਚ ਯੂਏਈ ਵਿੱਚ ਖੇਡੇ ਗਏ ਸਨ। ਮੈਕਸਵੈੱਲ ਨੇ ਉਸ ਸੀਜ਼ਨ ਵਿੱਚ 16 ਮੈਚਾਂ ਵਿੱਚ 552 ਦੌੜਾਂ ਬਣਾਈਆਂ ਸਨ। ਕਿੰਗਜ਼ ਇਲੈਵਨ ਕੋਲ ਗੇਲ ਅਤੇ ਰਾਹੁਲ ਦੇ ਰੂਪ ਵਿੱਚ ਖਤਰਨਾਕ ਸ਼ੁਰੂਆਤੀ ਜੋੜੀ ਹੈ, ਉਸ ਤੋਂ ਬਾਅਦ ਮਯੰਕ ਅਗਰਵਾਲ ਹੈ।

ਉੱਥੇ ਹੀ ਦੂਜੇ ਪਾਸੇ ਦਿੱਲੀ ਕੈਪੀਟਲਜ਼ ਦੀ ਟੀਮ ਵਿੱਚ ਬਿਗ ਬੈਸ਼ ਲੀਗ ਵਿੱਚ ਸਭ ਤੋਂ ਵੱਧ ਵਿਕਟ ਲੈਣ ਵਾਲੇ ਡੈਨੀਅਲ ਸੈਮਜ਼ ਅਤੇ ਕਾਗੀਸੋ ਰਬਾਡਾ ਨੂੰ ਅੰਤਿਮ 11 ਵਿੱਚ ਸ਼ਾਮਿਲ ਕੀਤਾ ਜਾ ਸਕਦਾ ਹੈ, ਜਿਸ ਨਾਲ ਇਸ਼ਾਂਤ ਸ਼ਰਮਾ ਨੂੰ ਬਾਹਰ ਬੈਠਣਾ ਪੈ ਸਕਦਾ ਹੈ। ਮੁਹੰਮਦ ਸ਼ਮੀ ਕਿੰਗਜ਼ ਇਲੈਵਨ ਪੰਜਾਬ ਲਈ ਤੇਜ਼ ਗੇਂਦਬਾਜ਼ੀ ਹਮਲੇ ਦੀ ਅਗਵਾਈ ਕਰਨਗੇ, ਜਦਕਿ ਸਪਿਨ ਵਿਭਾਗ ਅਫਗਾਨਿਸਤਾਨ ਦੇ ਮੁਜੀਬ ਜ਼ਦਰਾਨ ‘ਤੇ ਹੋਵੇਗੀ।

ਟੀਮਾਂ ਇਸ ਤਰਾਂ ਹਨ:
ਦਿੱਲੀ ਕੈਪੀਟਲਸ: ਸ਼੍ਰੇਅਸ ਅਈਅਰ (ਕਪਤਾਨ), ਰਵੀਚੰਦਰਨ ਅਸ਼ਵਿਨ, ਸ਼ਿਖਰ ਧਵਨ, ਪ੍ਰਿਥਵੀ ਸ਼ਾ, ਸ਼ਿਮਰਨ ਹੇਟਮੇਅਰ, ਕਾਗੀਸੋ ਰਬਾਡਾ, ਅਜਿੰਕਯ ਰਹਾਣੇ, ਅਮਿਤ ਮਿਸ਼ਰਾ, ਰਿਸ਼ਭ ਪੰਤ (ਵਿਕਟਕੀਪਰ), ਇਸ਼ਾਂਤ ਸ਼ਰਮਾ, ਅਕਸ਼ਰ ਪਟੇਲ, ਸੰਦੀਪ ਲਾਮਿਚਨੇ, ਕੀਮੋ ਪਾਲ, ਡੈਨੀਅਲ ਸੇਮਸ , ਮੋਹਿਤ ਸ਼ਰਮਾ, ਐਨਰਿਕ ਨੌਰਟਜੇ, ਐਲੈਕਸ ਕੈਰੀ (ਵਿਕਟਕੀਪਰ), ਅਵੇਸ਼ ਖਾਨ, ਤੁਸ਼ਾਰ ਦੇਸ਼ਪਾਂਡੇ, ਹਰਸ਼ਲ ਪਟੇਲ, ਮਾਰਕਸ ਸਟੋਨੀਸ, ਲਲਿਤ ਯਾਦਵ।

ਕਿੰਗਜ਼ ਇਲੈਵਨ ਪੰਜਾਬ: ਕੇਐਲ ਰਾਹੁਲ (ਕਪਤਾਨ), ਮਯੰਕ ਅਗਰਵਾਲ, ਸ਼ੈਲਡਨ ਕਾਟਰੇਲ, ਕ੍ਰਿਸ ਗੇਲ, ਗਲੇਨ ਮੈਕਸਵੈਲ, ਮੁਹੰਮਦ ਸ਼ਮੀ, ਮੁਜੀਬ ਉਰ ਰਹਿਮਾਨ, ਕਰੁਣ ਨਾਇਰ, ਜੇਮਜ਼ ਨੀਸ਼ਮ, ਨਿਕੋਲਸ ਪਾਨਨ (ਵਿਕਟਕੀਪਰ), ਈਸ਼ਾਨ ਪੋਰੇਲ, ਅਰਸ਼ਦੀਪ ਸਿੰਘ, ਮੁਰੂਗਨ ਅਸ਼ਵਿਨ, ਕ੍ਰਿਸ਼ਨੱਪਾ ਗੌਤਮ, ਹਰਪ੍ਰੀਤ ਬਰਾੜ, ਦੀਪਕ ਹੁੱਡਾ, ਕ੍ਰਿਸ ਜਾਰਡਨ, ਸਰਫਰਾਜ਼ ਖਾਨ, ਮਨਦੀਪ ਸਿੰਘ, ਦਰਸ਼ਨ ਨਲਕੰਡੇ, ਰਵੀ ਬਿਸ਼ਨੋਈ, ਸਿਮਰਨ ਸਿੰਘ (ਵਿਕਟਕੀਪਰ), ਜਗਦੀਸ਼ ਸੁਚਿੱਤ, ਤਜਿੰਦਰ ਸਿੰਘ, ਹਾਰਡਸ ਵਿੱਲਜੋਨ।

The post IPL 2020: ਅੱਜ ਭਿੜਣਗੇ ਦਿੱਲੀ ਕੈਪੀਟਲਸ ਤੇ ਕਿੰਗਜ਼ ਇਲੈਵਨ ਪੰਜਾਬ, ਜਾਣੋ ਕਿਸਦਾ ਪਲੜਾ ਭਾਰੀ…. appeared first on Daily Post Punjabi.

ਕਿੰਗਜ਼ ਇਲੈਵਨ ਪੰਜਾਬ ਦੀ ਨਜ਼ਰ ਇੰਡੀਅਨ ਪ੍ਰੀਮੀਅਰ ਲੀਗ ਦੇ 13 ਵੇਂ ਸੀਜ਼ਨ ਵਿੱਚ ਪਹਿਲੀ ਵਾਰ ਖਿਤਾਬ ਜਿੱਤਣ ‘ਤੇ ਹੈ। ਅਨਿਲ ਕੁੰਬਲੇ ਕਿੰਗਜ਼ ਇਲੈਵਨ ਪੰਜਾਬ ਦੀ ਕੋਚਿੰਗ ਸੰਭਾਲ ਰਹੇ ਹਨ, ਜਦਕਿ ਕੇਐਲ ਰਾਹੁਲ ਦੇ ਸ਼ਾਨਦਾਰ ਫਾਰਮ ਨੂੰ ਦੇਖਦਿਆਂ ਕਪਤਾਨੀ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਹੈ। ਟੀਮ ‘ਚ ਗੇਲ, ਕੇਐਲ ਰਾਹੁਲ, ਮਨਦੀਪ ਸਿੰਘ, ਗਲੇਨ ਮੈਕਸਵੈਲ, ਕ੍ਰਿਸ ਜੌਰਡਨ, ਜਿੰਮੀ ਨੀਸ਼ਮ, ਨਿਕੋਲਸ ਪੂਰਨ, ਮੁਜੀਬ ਜ਼ਦਰਾਨ, ਹਰਦਾਸ ਵਿਲਜੋਨ ਅਤੇ ਸਾਢੇ ਅੱਠ ਕਰੋੜ ਦੀ ਬੋਲੀ ਨਾਲ ਟੀਮ ਵਿੱਚ ਸ਼ਾਮਿਲ ਹੋਏ ਸ਼ੈਲਡਨ ਕੋਟਰੇਲ ਵਰਗੇ ਤਜਰਬੇਕਾਰ ਖਿਡਾਰੀ ਹਨ।

The post IPL 2020 : ਕਿੰਗਜ਼ ਇਲੈਵਨ ਪੰਜਾਬ ਦਾ ਪ੍ਰਿੰਸੀਪਲ ਸਪਾਂਸਰ ਬਣਿਆ ਲੁਧਿਆਣਾ ਦਾ ਏਵਨ ਸਾਈਕਲ appeared first on Daily Post Punjabi.