ਇਸ ਟ੍ਰੇਨ ਵਿਚਲੇ ਕੰਟੇਨਰ ਫ੍ਰੀਜ਼ ਵਰਗੇ ਹੋਣਗੇ। ਭਾਵ ਇਹ ਇੱਕ ਚੱਲਦਾ ਫਿਰਦਾ ਕੋਲਡ ਸਟੋਰੇਜ ਹੋਵੇਗਾ, ਜਿਸ ਵਿੱਚ ਕਿਸਾਨ ਜ਼ਲਦੀ ਖ਼ਰਾਬ ਹੋਣ ਵਾਲੀਆਂ ਸਬਜ਼ੀਆਂ, ਫਲ, ਮੱਛੀ, ਮੀਟ, ਦੁੱਧ ਰੱਖਣ ਦੇ ਯੋਗ ਹੋਣਗੇ। ਇਹ ਕਿਸਾਨ ਰੇਲ ਗੱਡੀ ਹਫ਼ਤੇ ਵਿੱਚ ਇੱਕ ਵਾਰ ਚੱਲੇਗੀ। ਇਹ ਮਹਾਰਾਸ਼ਟਰ ਦੇ ਨਾਸਿਕ ਜ਼ਿਲ੍ਹੇ ਦੇ ਦੇਵਲਾਲੀ ਤੋਂ ਸਵੇਰੇ 11 ਵਜੇ ਚੱਲੇਗੀ ਅਤੇ ਅਗਲੇ ਦਿਨ ਸ਼ਾਮ 6.45 ਵਜੇ ਪਟਨਾ ਨੇੜੇ ਦਾਨਾਪੁਰ ਸਟੇਸ਼ਨ ਪਹੁੰਚੇਗੀ। ਇਸ ਤਰ੍ਹਾਂ ਇਹ ਆਪਣੀ ਯਾਤਰਾ ਵਿੱਚ ਲੱਗਭਗ 32 ਘੰਟੇ ਬਿਤਾਏਗਾ। ਇਸ ਯਾਤਰਾ ਦੇ ਦੌਰਾਨ, ਕਿਸਾਨ ਰੇਲ ਲੱਗਭਗ 1,519 ਕਿਲੋਮੀਟਰ ਦੀ ਦੂਰੀ ਨੂੰ ਕਵਰ ਕਰੇਗੀ। ਦੇਵਲਾਲੀ ਤੋਂ ਚੱਲਣ ਤੋਂ ਬਾਅਦ, ਇਹ ਟ੍ਰੇਨ ਨਾਸਿਕ ਰੋਡ, ਮਨਮਾਦ, ਜਲਗਾਓਂ, ਭੁਸਾਵਲ, ਬੁਰਹਾਨਪੁਰ, ਖੰਡਵਾ, ਇਟਾਰਸੀ, ਜਬਲਪੁਰ, ਸਤਨਾ, ਕਟਨੀ, ਮਾਣਿਕਪੁਰ, ਪ੍ਰਯਾਗਰਾਜ, ਪੰਡਿਤ ਦੀਨਦਿਆਲ ਉਪਾਧਿਆਏ ਨਗਰ ਅਤੇ ਬਕਸਾਰ ਵਿਖੇ ਰੁਕੇਗੀ। ਰੇਲਵੇ ਦੀ ਇਸ ਕੋਸ਼ਿਸ਼ ਨੂੰ ਸਰਕਾਰ ਦੇ ਟੀਚੇ ਨਾਲ ਜੋੜਿਆ ਜਾ ਰਿਹਾ ਹੈ ਜਿਸ ਤਹਿਤ ਕਿਹਾ ਗਿਆ ਸੀ ਕਿ 2022 ਤੱਕ ਕਿਸਾਨਾਂ ਦੀ ਆਮਦਨ ਦੁੱਗਣੀ ਹੋ ਜਾਵੇਗੀ। ਇਸ ਨਾਲ  ਨਾਸ਼ਵਾਨ ਖੇਤੀਬਾੜੀ ਉਤਪਾਦ ਜਿਵੇਂ ਸਬਜ਼ੀਆਂ, ਫਲ, ਮੀਟ, ਮੱਛੀ ਅਤੇ ਦੁੱਧ ਉਨ੍ਹਾਂ ਦੇ ਪੈਦਾਵਾਰ ਵਾਲੇ ਖੇਤਰਾਂ ਤੋਂ ਉਨ੍ਹਾਂ ਖੇਤਰਾਂ ਵਿੱਚ ਪਹੁੰਚਾਏ ਜਾਣਗੇ ਜਿਥੇ ਉਨ੍ਹਾਂ ਦੀ ਚੰਗੀ ਮਾਰਕੀਟ ਹੈ।

ਦਰਅਸਲ, ਕੇਂਦਰ ਨੇ 2022 ਤੱਕ ਕਿਸਾਨਾਂ ਦੀ ਆਮਦਨ ਦੁੱਗਣੀ ਕਰਨ ਦਾ ਟੀਚਾ ਮਿੱਥਿਆ ਹੈ। ਇਸ ਲੜੀ ਵਿੱਚ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਫਰਵਰੀ ‘ਚ ਬਜਟ ਭਾਸ਼ਣ ਦੌਰਾਨ ਐਲਾਨ ਕੀਤਾ ਸੀ ਕਿ ਕਿਸਾਨ ਦੇਸ਼ ਦੇ ਉਨ੍ਹਾਂ ਸ਼ਹਿਰਾਂ ਵਿੱਚ ਫਲ ਅਤੇ ਸਬਜ਼ੀਆਂ ਵੇਚ ਸਕਦੇ ਹਨ, ਜਿਥੇ ਉਨ੍ਹਾਂ ਨੂੰ ਚੰਗੀ ਕੀਮਤ ਮਿਲੇਗੀ। ਇਸ ਦੇ ਲਈ ਕਿਸਾਨ ਟ੍ਰੇਨ ਚਲਾਈ ਜਾਵੇਗੀ। ਇਸ ਪਬਲਿਕ ਪ੍ਰਾਈਵੇਟ ਭਾਈਵਾਲੀ (ਪੀਪੀਪੀ) ਯੋਜਨਾ ਦੇ ਤਹਿਤ ਕੋਲਡ ਸਟੋਰੇਜ ਦੇ ਨਾਲ-ਨਾਲ ਕਿਸਾਨੀ ਉਤਪਾਦਾਂ ਦੀ ਢੋਆ-ਢੋਆਈ ਦਾ ਸਿਸਟਮ ਬਣਾਇਆ ਜਾਵੇਗਾ। ਫਲ ਅਤੇ ਸਬਜ਼ੀਆਂ ਲੈ ਕੇ ਜਾਣ ਦੀ ਸਹੂਲਤ ਏਅਰ ਕੰਡੀਸ਼ਨਿੰਗ ਦੀ ਸਹੂਲਤ ਪਹਿਲਾਂ ਤਤਕਾਲੀ ਰੇਲ ਮੰਤਰੀ ਮਮਤਾ ਬੈਨਰਜੀ ਨੇ 2009-10 ਦੇ ਬਜਟ ਵਿੱਚ ਪੇਸ਼ ਕੀਤੀ ਸੀ, ਪਰ ਇਹ ਚਾਲੂ ਨਹੀਂ ਹੋ ਸਕੀ।

The post ਸ਼ੁਰੂ ਹੋਈ ਕਿਸਾਨ ਰੇਲ ਸੇਵਾ, ਜਾਣੋ ਕੀ ਹੈ ਇਸ ਦੀ ਵਿਸ਼ੇਸ਼ਤਾ ਤੇ ਕਿਵੇਂ ਹੋਵੇਗਾ ਕਿਸਾਨਾਂ ਨੂੰ ਫਾਇਦਾ appeared first on Daily Post Punjabi.