ਦਰਅਸਲ, ਮੈਚ ਤੋਂ ਬਾਅਦ ਕਰੁਨਲ ਨੇ ਟਵੀਟ ਕਰਦਿਆਂ ਲਿਖਿਆ, “ਪਾਪਾ, ਹਰ ਗੇਂਦ ਤੋਂ ਬਾਅਦ ਤੁਸੀਂ ਮੇਰੇ ਮਨ ਵਿੱਚ ਸੀ ਅਤੇ ਮੇਰੇ ਦਿਲ ਵਿੱਚ ਵੀ। ਜਦੋਂ ਮੈਂ ਤੁਹਾਨੂੰ ਆਪਣੇ ਨਾਲ ਮਹਿਸੂਸ ਕੀਤਾ ਤਾਂ ਹੰਝੂ ਬਾਹਰ ਆ ਗਏ। ਮੇਰੀ ਤਾਕਤ ਬਣਨ ਲਈ ਤੁਹਾਡਾ ਬਹੁਤ-ਬਹੁਤ ਧੰਨਵਾਦ। ਮੇਰੀ ਜ਼ਿੰਦਗੀ ਦਾ ਸਭ ਤੋਂ ਵੱਡਾ ਸਪੋਰਟਰ ਬਣਨ ਲਈ ਬਹੁਤ ਧੰਨਵਾਦ। ਮੈਨੂੰ ਉਮੀਦ ਹੈ ਕਿ ਮੈਂ ਤੁਹਾਨੂੰ ਮਾਣ ਮਹਿਸੂਸ ਕਰਵਾਇਆ ਹੋਵੇਗਾ। ਇਹ ਪਾਰੀ ਤੁਹਾਡੇ ਲਈ ਹੈ। ਮੈਂ ਜੋ ਕੁਝ ਵੀ ਕਰਾਂਗਾ ਉਹ ਤੁਹਾਡੇ ਲਈ ਸਮਰਪਿਤ ਹੈ।” ਜ਼ਿਕਰਯੋਗ ਹੈ ਕਿ ਪੰਡਿਆ ਦੇ ਪਿਤਾ ਦੀ ਦਿਲ ਦਾ ਦੌਰਾ ਪੈਣ ਕਾਰਨ ਜਨਵਰੀ ਵਿੱਚ ਮੌਤ ਹੋ ਗਈ ਸੀ । ਇਸ ਤੋਂ ਬਾਅਦ ਉਸ ਨੂੰ ਵਿਜੇ ਹਜ਼ਾਰੇ ਟਰਾਫੀ ਨੂੰ ਅੱਧ ਵਿਚਾਲੇ ਛੱਡ ਕੇ ਘਰ ਪਰਤਣਾ ਪਿਆ ਸੀ ।

ਦੱਸ ਦੇਈਏ ਕਿ ਬੀਤੇ ਦਿਨ ਭਾਰਤ ਤੇ ਇੰਗਲੈਂਡ ਵਿਚਾਲੇ ਪਹਿਲਾ ਵਨਡੇ ਮੁਕਾਬਲਾ ਖੇਡਿਆ ਗਿਆ ਸੀ। ਇਸ ਮੈਚ ਵਿੱਚ ਭਾਰਤ ਵੱਲੋਂ ਖੇਡਦਿਆਂ ਸ਼ਿਖਰ ਧਵਨ (98) ਅਤੇ ਵਿਰਾਟ ਕੋਹਲੀ (56) ਨੇ ਭਾਰਤੀ ਪਾਰੀ ਦੀ ਨੀਂਹ ਰੱਖੀ । ਪਾਰੀ ਦੇ ਅਖੀਰ ਵਿੱਚ ਕੇਐਲ ਰਾਹੁਲ ਦੀਆਂ ਨਾਬਾਦ 62 ਅਤੇ ਕਰੁਨਲ ਪੰਡਿਆ ਦੇ ਨਾਬਾਦ 58 ਦੌੜਾਂ ਦੀ ਮਦਦ ਨਾਲ ਭਾਰਤੀ ਟੀਮ ਨੇ 5 ਵਿਕਟਾਂ ‘ਤੇ 317 ਦੌੜਾਂ ਬਣਾਈਆਂ । ਜਵਾਬ ਵਿੱਚ ਖੇਡਣ ਆਈ ਇੰਗਲੈਂਡ ਦੀ ਟੀਮ 251 ਦੌੜਾਂ ‘ਤੇ ਆਲ ਆਊਟ ਹੋ ਗਈ।

ਇਹ ਵੀ ਦੇਖੋ: ਮਨਜੀਤ ਸਿੰਘ ਰਾਏ ਨੇ ਕਿਹਾ, ਪੰਜਾਬੀ ਡੋਲਣ ਵਾਲੇ ਨਹੀਂ, ਚੜ੍ਹਦੀਕਲ੍ਹਾ ਵਾਲੀ ਕੌਮ ਹੈ, ਨਤੀਜਾ ਤੁਹਾਡੇ ਸਾਹਮਣੇ ਹੋਵੇਗਾ

The post IND vs ENG: ਮੈਚ ਜਿੱਤਣ ਤੋਂ ਬਾਅਦ ਕਰੁਨਲ ਪੰਡਿਆ ਨੇ ਸਾਂਝੀ ਕੀਤੀ ਇਹ ਭਾਵੁਕ ਪੋਸਟ, ਜਿੱਤਿਆ ਸਭ ਦਾ ਦਿਲ appeared first on Daily Post Punjabi.