ਇਹ ਕਲੀਨਿਕ ਵਿਗਿਆਨਕ ਸਬੂਤ ਅਧਾਰਤ ਹੋਵੇਗਾ। ਇਸ ਵਿੱਚ ਵੱਖ- ਵੱਖ ਬਿਮਾਰੀਆਂ ਵਿੱਚ ਬਾਜਰੇ ਦੀ ਲੋੜ ਦੀ ਜਾਂਚ ਕਰਨ ਲਈ ਮਰੀਜ਼ਾਂ ‘ਤੇ ਖੋਜ ਕੀਤੀ ਜਾਵੇਗੀ। ਹਸਪਤਾਲ ਵਿੱਚ ਆਉਣ ਵਾਲੇ ਮਰੀਜ਼ਾਂ ਨੂੰ ਵੱਖ-ਵੱਖ ਕਿਸਮਾਂ ਦੇ ਬਾਜਰੇ ਦੇ ਕੇ ਪਤਾ ਲਗਾਇਆ ਜਾਵੇਗਾ ਕਿ ਕਿਹੜੀ ਬਿਮਾਰੀ ਵਿੱਚ ਬਾਜਰਾ ਜ਼ਿਆਦਾ ਅਸਰਦਾਰ ਹੈ। ਉਸ ਮੁਤਾਬਕ ਲੋਕਾਂ ਦਾ ਡਾਈਟ ਪਲਾਨ ਤਿਆਰ ਕੀਤਾ ਜਾਵੇਗਾ।

ਇਹ ਕਲੀਨਿਕ ਹਸਪਤਾਲ ਦੇ ਬਾਇਓਕੈਮਿਸਟਰੀ ਅਤੇ ਡਾਇਟੈਟਿਕਸ ਵਿਭਾਗ ਦੀ ਨਿਗਰਾਨੀ ਹੇਠ ਚੱਲੇਗਾ। ਇਸ ਵਿੱਚ ਬਾਇਓਕੈਮਿਸਟਰੀ ਵਿਭਾਗ ਖੋਜ ਆਧਾਰਿਤ ਡਾਟਾ ਤਿਆਰ ਕਰੇਗਾ। ਜਦੋਂ ਕਿ ਡਾਈਟੈਟਿਕਸ ਵਿਭਾਗ ਇਸ ਡੇਟਾ ਦਾ ਅਧਿਐਨ ਕਰੇਗਾ ਅਤੇ ਹਰੇਕ ਬਿਮਾਰੀ ਦੇ ਹਿਸਾਬ ਨਾਲ ਵੱਖ- ਵੱਖ ਖੁਰਾਕ ਯੋਜਨਾ ਤਿਆਰ ਕਰੇਗਾ।

ਇਹ ਵੀ ਪੜ੍ਹੋ : ਪੰਜਾਬ ‘ਚ ਪਰਾਲੀ ਸਾੜਨ ‘ਚ ਅੰਮ੍ਰਿਤਸਰ ਸਭ ਤੋਂ ਅੱਗੇ, ਅਕਤੂਬਰ ‘ਚ ਅੱਗਜ਼ਨੀ ਦੇ 7454 ਮਾਮਲੇ ਆਏ ਸਾਹਮਣੇ

ਹਸਪਤਾਲ ਦੇ ਡਾਇਰੈਕਟਰ ਪ੍ਰਿੰਸੀਪਲ ਅਤੇ ਬਾਇਓਕੈਮਿਸਟਰੀ ਵਿਭਾਗ ਦੇ ਮੁਖੀ ਡਾ: ਜਸਵਿੰਦਰ ਕੌਰ ਨੇ ਦੱਸਿਆ ਕਿ ਇਸ ਕਲੀਨਿਕ ’ਤੇ ਲੰਮੇ ਸਮੇਂ ਤੋਂ ਕੰਮ ਚੱਲ ਰਿਹਾ ਸੀ। ਹੁਣ ਇਹ ਤਿਆਰ ਹੈ। ਇਸ ਨਾਲ ਲੋਕਾਂ ਨੂੰ ਬਦਲਦੀ ਜੀਵਨ ਸ਼ੈਲੀ ਕਾਰਨ ਹੋਣ ਵਾਲੀਆਂ ਬਿਮਾਰੀਆਂ ਤੋਂ ਬਚਣ ਵਿਚ ਕਾਫੀ ਮਦਦ ਮਿਲੇਗੀ।

ਬਦਲਦੀ ਜੀਵਨ ਸ਼ੈਲੀ ਕਾਰਨ ਚੰਡੀਗੜ੍ਹ ਸਮੇਤ ਦੇਸ਼ ਦੇ ਸਾਰੇ ਵੱਡੇ ਸ਼ਹਿਰਾਂ ਵਿੱਚ ਸ਼ੂਗਰ ਅਤੇ ਵੱਧ ਭਾਰ ਦੀ ਸਮੱਸਿਆ ਵਧਦੀ ਜਾ ਰਹੀ ਹੈ। ਇਸ ਨੂੰ ਕੰਟਰੋਲ ਕਰਨ ਵਿੱਚ ਬਾਜਰੇ ਦੀ ਵੱਡੀ ਭੂਮਿਕਾ ਹੁੰਦੀ ਹੈ। ਅਜਿਹੇ ‘ਚ ਇਸ ਕਲੀਨਿਕ ਦੇ ਸ਼ੁਰੂ ਹੋਣ ਨਾਲ ਸ਼ਹਿਰ ਦੇ ਸ਼ੂਗਰ ਅਤੇ ਵੱਧ ਭਾਰ ਵਾਲੇ ਮਰੀਜਾਂ ਨੂੰ ਕਾਫੀ ਲਾਭ ਮਿਲੇਗਾ। ਉਹ ਇੱਥੇ ਆ ਕੇ ਆਪਣੀ ਬਿਮਾਰੀ ਦੇ ਅਨੁਸਾਰ ਡਾਈਟ ਪਲਾਨ ਤਿਆਰ ਕਰਵਾ ਸਕਣਗੇ, ਜਿਸ ਨਾਲ ਉਨ੍ਹਾਂ ਦੀ ਬਿਮਾਰੀ ਨੂੰ ਕੰਟਰੋਲ ਕੀਤਾ ਸਕਦਾ ਹੈ।

ਵੀਡੀਓ ਲਈ ਕਲਿੱਕ ਕਰੋ : –

The post ਚੰਡੀਗੜ੍ਹ ‘ਚ ਬਣਿਆ ਦੇਸ਼ ਦਾ ਪਹਿਲਾ ਮਿਲੇਟ ਕਲੀਨਿਕ, ਸੋਮਵਾਰ ਨੂੰ GMCH-32 ‘ਚ ਹੋਵੇਗਾ ਉਦਘਾਟਨ appeared first on Daily Post Punjabi.