ਚੰਡੀਗੜ੍ਹ ਦੇ ਮੋਹਾਲੀ ਵਿੱਚ ਇੱਕ ਔਰਤ ਨੂੰ ਕੋਰੀਅਰ ਡਿਲੀਵਰੀ ਲਈ ਕਾਲ ਆਈ। ਡਿਲੀਵਰੀ ਏਜੰਟ ਨੇ ਔਰਤ ਨੂੰ ਹੈਂਡਲਿੰਗ ਚਾਰਜ ਦੇ ਨਾਂ ‘ਤੇ 5 ਰੁਪਏ ਦਾ ਆਨਲਾਈਨ ਭੁਗਤਾਨ ਕਰਨ ਲਈ ਕਿਹਾ। ਏਜੰਟ ਨੇ ਭੁਗਤਾਨ ਲਈ ਇੱਕ ਲਿੰਕ ਭੇਜਿਆ। ਲਿੰਕ ‘ਤੇ ਕਲਿੱਕ ਕਰਨ ਤੋਂ ਬਾਅਦ ਔਰਤ ਨੇ 5 ਰੁਪਏ ਦਿੱਤੇ ਅਤੇ ਇਸ ਤੋਂ ਬਾਅਦ ਉਸ ਦੇ ਖਾਤੇ ‘ਚੋਂ 80,000 ਰੁਪਏ ਕਢਵਾ ਲਏ ਗਏ। ਇਸ ਮਾਮਲੇ ਵਿੱਚ ਸਾਈਬਰ ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਵਾਈ ਗਈ ਹੈ।

ਇਹ ਵੀ ਪੜ੍ਹੋ : ਠੰਡ ‘ਚ ਨਹਾਉਂਦੇ ਹੋਏ ਡਾਕਟਰ ਦੀਆਂ ਕਹੀਆਂ ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ, ਕਦੇ ਨਹੀਂ ਹੋਵੋਗੇ ਬੀਮਾਰ

ਅਜਿਹੇ ਘੁਟਾਲਿਆਂ ਤੋਂ ਕਿਵੇਂ ਬਚਿਆ ਜਾਵੇ?
– ਕੋਈ ਵੀ ਭੁਗਤਾਨ ਕਰਨ ਤੋਂ ਪਹਿਲਾਂ, ਇਸਦੀ ਧਿਆਨ ਨਾਲ ਜਾਂਚ ਕਰੋ।
– ਜੇਕਰ ਕੋਈ ਤੁਹਾਨੂੰ ਪੇਮੈਂਟ ਲਈ ਵੈੱਬ ਲਿੰਕ ਭੇਜ ਰਿਹਾ ਹੈ ਤਾਂ ਉਸ ‘ਤੇ ਕਲਿੱਕ ਕਰਕੇ ਪੇਮੈਂਟ ਕਰਨ ਦੀ ਗਲਤੀ ਨਾ ਕਰੋ।
– ਜੇ ਤੁਸੀਂ ਕੋਈ ਆਰਡਰ ਨਹੀਂ ਦਿੱਤਾ ਹੈ ਤਾਂ ਕੋਰੀਅਰ ਨਾਲ ਫ਼ੋਨ ‘ਤੇ ਗੱਲ ਨਾ ਕਰੋ।
– ਜੇ ਕੋਈ ਤੁਹਾਨੂੰ ਤੁਹਾਡੇ ਫੋਨ ‘ਤੇ ਕਿਸੇ ਵੀ ਤਰ੍ਹਾਂ ਦੀ ਐਪ ਡਾਊਨਲੋਡ ਕਰਨ ਲਈ ਕਹਿ ਰਿਹਾ ਹੈ, ਤਾਂ ਅਜਿਹੀ ਗਲਤੀ ਨਾ ਕਰੋ।
– ਇਸ ਤੋਂ ਇਲਾਵਾ ਜੇ ਕੋਈ ਤੁਹਾਨੂੰ ਤੁਹਾਡੇ UPI ਐਪ ‘ਤੇ ਪੈਸੇ ਦੇਣ ਲਈ ਕਹਿੰਦਾ ਹੈ ਅਤੇ ਕਹਿੰਦਾ ਹੈ ਕਿ ਪਿਨ ਪਾਉਣ ਨਾਲ ਹੀ ਕੰਮ ਹੋ ਜਾਵੇਗਾ, ਤਾਂ ਚੌਕਸ ਹੋ ਜਾਓ। ਅਜਿਹੇ ‘ਚ ਧੋਖਾਧੜੀ ਕਰਨ ਵਾਲਾ ਤੁਹਾਨੂੰ ਪੈਸੇ ਨਹੀਂ ਭੇਜਦਾ, ਸਗੋਂ ਬੇਨਤੀ ਕਰਦਾ ਹੈ ਅਤੇ ਜਿਵੇਂ ਹੀ ਤੁਸੀਂ ਪਿੰਨ ਦਾਖਲ ਕਰਦੇ ਹੋ, ਪੈਸੇ ਉਸ ਦੇ ਖਾਤੇ ‘ਚ ਟਰਾਂਸਫਰ ਹੋ ਜਾਂਦੇ ਹਨ।

ਵੀਡੀਓ ਲਈ ਕਲਿੱਕ ਕਰੋ : –

The post ਔਰਤ ਨੇ ਕੋਰੀਅਰ ਵਾਲੇ ਨੂੰ ਕੀਤਾ 5 ਰੁਪਏ ਦਾ ਪੇਮੈਂਟ, ਖਾਤੇ ‘ਚੋਂ ਨਿਕਲ ਗਏ 80,000 ਰੁ. appeared first on Daily Post Punjabi.

ਯੂਟਿਊਬ ਨੇ ਕਿਹਾ ਹੈ ਕਿ ਹੁਣ ਉਸਦੇ ਪਲੇਟਫਾਰਮ ‘ਤੇ AI ਕੰਟੈਂਟ ਲਈ ਕੋਈ ਜਗ੍ਹਾ ਨਹੀਂ ਹੈ, ਯਾਨੀ ਜੇ ਤੁਸੀਂ AI ਰਾਹੀਂ ਬਣਾਈ ਗਈ ਵੀਡੀਓ, ਫੋਟੋ ਜਾਂ ਕੁਝ ਵੀ ਯੂਟਿਊਬ ‘ਤੇ ਸ਼ੇਅਰ ਕਰਦੇ ਹੋ, ਤਾਂ ਯੂਟਿਊਬ ਅਜਿਹੇ ਵੀਡੀਓ ਨੂੰ ਹਟਾ ਦੇਵੇਗਾ ਜਾਂ ਲੇਬਲ ਕਰ ਦੇਵੇਗਾ। ਯੂਟਿਊਬ ਦੇ ਨਵੇਂ ਅਪਡੇਟ ‘ਚ ਕਿਹਾ ਗਿਆ ਹੈ ਕਿ ਜੇ ਕੰਟੈਂਟ ਕ੍ਰਿਏਟਰ AI ਕੰਟੈਂਟ ਅਪਲੋਡ ਕਰਦੇ ਹਨ ਤਾਂ ਉਨ੍ਹਾਂ ਨੂੰ ਐਲਾਨ ਕਰਨਾ ਹੋਵੇਗਾ ਕਿ ਇਹ ਕੰਟੈਂਟ AI ਰਾਹੀਂ ਬਣਾਇਆ ਗਿਆ ਹੈ, ਨਹੀਂ ਤਾਂ ਵੀਡੀਓ ਨੂੰ ਹਟਾ ਦਿੱਤਾ ਜਾਵੇਗਾ।

ਯੂਟਿਊਬ ਨੇ ਆਪਣੇ ਬਲਾਗ ‘ਚ ਇਸ ਬਾਰੇ ਵਿਸਥਾਰਪੂਰਵਕ ਜਾਣਕਾਰੀ ਦਿੱਤੀ ਹੈ। ਯੂਟਿਊਬ ਨੇ ਕਿਹਾ ਹੈ ਕਿ ਜੇਕਰ ਕੋਈ ਯੂਜ਼ਰ ਕੰਟੈਂਟ ਦੇਖ ਰਿਹਾ ਹੈ ਤਾਂ ਉਹ ਉਸ ਨੂੰ ਦੱਸੇਗਾ ਕਿ ਇਹ ਕੰਟੈਂਟ AI ਦੀ ਮਦਦ ਨਾਲ ਬਣਾਇਆ ਗਿਆ ਹੈ। ਡਿਸਕ੍ਰਿਪਸ਼ਨ ‘ਚ AI ਲੇਬਲ ਦਾ ਆਪਸ਼ਨ ਵੀ ਹੋਵੇਗਾ। ਯੂਟਿਊਬ ਨੇ ਇਹ ਵੀ ਕਿਹਾ ਹੈ ਕਿ ਨਵੇਂ ਦਿਸ਼ਾ-ਨਿਰਦੇਸ਼ਾਂ ਦੀ ਪਾਲਣਾ ਨਾ ਕਰਨ ਵਾਲੇ ਨਿਰਮਾਤਾਵਾਂ ਦੇ ਖਿਲਾਫ ਕਾਰਵਾਈ ਕੀਤੀ ਜਾਵੇਗੀ। ਸਮੱਗਰੀ ਨੂੰ ਹਟਾ ਦਿੱਤਾ ਜਾਵੇਗਾ ਜਾਂ ਉਸ ਚੈਨਲ ਦਾ ਮੋਨੇਟਾਈਜ਼ੇਸ਼ਨ ਰੋਕ ਦਿੱਤਾ ਜਾਵੇਗਾ।

ਇਹ ਵੀ ਪੜ੍ਹੋ : SGPC ਚੋਣਾਂ : ਵੋਟਰ ਲਿਸਟ ਦੇ ਸ਼ੈਡਿਊਲ ‘ਚ ਬਦਲਾਅ, ਵਧਾਈ ਗਈ ਰਜਿਸਟ੍ਰੇਸ਼ਨ ਦੀ ਤਰੀਕ

ਦੱਸ ਦੇਈਏ ਕਿ ਯੂਟਿਊਬ ਨੇ ਇਸ ਮਹੀਨੇ ਦੀ ਸ਼ੁਰੂਆਤ ‘ਚ ਆਪਣੇ ਪਲੇਟਫਾਰਮ ‘ਤੇ ਐਡ ਬਲੌਕਰ ਨੂੰ ਬਲਾਕ ਕਰ ਦਿੱਤਾ ਸੀ। ਯੂਟਿਊਬ ਨੇ ਕਿਹਾ ਹੈ ਕਿ ਜੇ ਕੋਈ ਐਡ ਬਲੌਕਰ ਰਾਹੀਂ ਵਿਗਿਆਪਨਾਂ ਨੂੰ ਰੋਕ ਕੇ ਵੀਡੀਓ ਦੇਖਦਾ ਹੈ ਤਾਂ ਉਸ ਨੂੰ ਤਿੰਨ ਚਿਤਾਵਨੀਆਂ ਦਿੱਤੀਆਂ ਜਾਣਗੀਆਂ ਅਤੇ ਤਿੰਨ ਵੀਡੀਓਜ਼ ਦੇਖਣ ਤੋਂ ਬਾਅਦ ਉਸ ਦਾ ਖਾਤਾ ਬਲੌਕ ਕਰ ਦਿੱਤਾ ਜਾਵੇਗਾ। ਯੂਟਿਊਬ ‘ਤੇ ਐਡ ਬਲੌਕਰ ਟ੍ਰੈਕਿੰਗ ਦੀ ਆੜ ‘ਚ ਯੂਜ਼ਰਸ ਦੀ ਜਾਸੂਸੀ ਕਰਨ ਦਾ ਵੀ ਦੋਸ਼ ਹੈ।

The post ਸਾਵਧਾਨ! YouTube ਨੇ ਜਾਰੀ ਕੀਤੀਆਂ ਨਵੀਆਂ ਗਾਈਡਲਾਈਨਸ, ਹੁਣ ਹਟਾਏ ਜਾਣਗੇ ਅਜਿਹੇ ਵੀਡੀਓ appeared first on Daily Post Punjabi.