ਦੋਸ਼ੀ ਮਨੋਜ ਸਾਹਨੀ 32 ਸਾਲਾ ਸਰਸਵਤੀ ਵੈਦਿਆ ਨਾਲ ਮੀਰਾ ਰੋਡ ਇਲਾਕੇ ‘ਚ ਆਕਾਸ਼ਗੰਗਾ ਬਿਲਡਿੰਗ ‘ਚ ਲਿਵ-ਇਨ ਰਿਲੇਸ਼ਨਸ਼ਿਪ ‘ਚ ਰਹਿੰਦਾ ਸੀ। ਉਹ ਪਿਛਲੇ 3 ਸਾਲਾਂ ਤੋਂ ਇਸ ਇਮਾਰਤ ਦੀ 7ਵੀਂ ਮੰਜ਼ਿਲ ‘ਤੇ ਕਿਰਾਏ ਦੇ ਫਲੈਟ ‘ਚ ਰਹਿ ਰਿਹਾ ਸੀ। ਇਮਾਰਤ ‘ਚ ਰਹਿਣ ਵਾਲੇ ਲੋਕਾਂ ਨੂੰ ਬੁੱਧਵਾਰ ਨੂੰ ਜਦੋਂ ਫਲੈਟ ‘ਚੋਂ ਬਦਬੂ ਆਈ ਤਾਂ ਉਨ੍ਹਾਂ ਪੁਲਿਸ ਨੂੰ ਸੂਚਨਾ ਦਿੱਤੀ। ਜਦੋਂ ਪੁਲਿਸ ਮੌਕੇ ‘ਤੇ ਪਹੁੰਚੀ ਤਾਂ ਫਲੈਟ ‘ਚ ਇਕ ਔਰਤ ਦੀ ਲਾਸ਼ ਮਿਲੀ, ਜਿਸ ਦੇ ਟੁਕੜਿਆਂ ‘ਚ ਕੱਟੇ ਹੋਏ ਸਨ।

ਇਸ ਮਾਮਲੇ ਵਿੱਚ ਪੁਲਿਸ ਨੇ ਦੱਸਿਆ ਕਿ ਮਨੋਜ ਅਤੇ ਸਰਸਵਤੀ ਵਿੱਚ ਕਿਸੇ ਗੱਲ ਨੂੰ ਲੈ ਕੇ ਲੜਾਈ ਹੋਈ ਸੀ। ਗੁੱਸੇ ‘ਚ ਆ ਕੇ ਮਨੋਜ ਨੇ ਸਰਸਵਤੀ ਦਾ ਕਤਲ ਕਰ ਦਿੱਤਾ, ਫਿਰ ਬਜ਼ਾਰ ‘ਚ ਜਾ ਕੇ ਚੇਨਸਾ ਲੈ ਆਇਆ। ਫਲੈਟ ‘ਤੇ ਵਾਪਸ ਆ ਕੇ ਲਾਸ਼ ਦੇ ਕਈ ਟੁਕੜੇ ਕੀਤੇ ਹੋਏ ਸਨ। ਉਸ ਨੇ ਪੁਲਿਸ ਨੂੰ ਦੱਸਿਆ ਕਿ ਉਸ ਨੇ ਲਾਸ਼ ਦੇ ਟੁਕੜਿਆਂ ਨੂੰ ਕਈ ਦਿਨਾਂ ਤੱਕ ਪ੍ਰੈਸ਼ਰ ਕੁੱਕਰ ਵਿੱਚ ਵੀ ਉਬਾਲਿਆ ਤਾਂ ਜੋ ਉਸ ਵਿੱਚੋਂ ਬਦਬੂ ਨਾ ਆਵੇ।

ਇਹ ਵੀ ਪੜ੍ਹੋ : ਲੁਧਿਆਣਾ : ਨਿਊ ਕੋਰਟ ਕੰਪਲੈਕਸ ਦੇ ਬਾਹਰ ਜ਼ੋਰਦਾਰ ਧਮਾਕਾ, ਇਕ ਵਿਅਕਤੀ ਜ਼ਖਮੀ

ਪੁਲਿਸ ਦਾ ਕਹਿਣਾ ਹੈ ਕਿ ਅਜਿਹਾ ਲੱਗਦਾ ਹੈ ਕਿ ਇਹ ਕਤਲ 3-4 ਦਿਨ ਪਹਿਲਾਂ ਕੀਤਾ ਗਿਆ ਸੀ। ਫਿਲਹਾਲ ਲਾਸ਼ ਦੇ ਟੁਕੜੇ ਇਕੱਠੇ ਕਰ ਕੇ ਪੋਸਟਮਾਰਟਮ ਲਈ ਭੇਜ ਦਿੱਤੇ ਗਏ ਹਨ। ਮੌਕੇ ‘ਤੇ ਫੋਰੈਂਸਿਕ ਟੀਮ ਨੂੰ ਵੀ ਬੁਲਾਇਆ ਗਿਆ। ਫਲੈਟ ਤੋਂ ਹੋਰ ਸਬੂਤ ਵੀ ਇਕੱਠੇ ਕੀਤੇ ਗਏ ਹਨ। ਪੋਸਟਮਾਰਟਮ ਦੀ ਰਿਪੋਰਟ ਆਉਣ ਤੋਂ ਬਾਅਦ ਹੀ ਹੋਰ ਖੁਲਾਸਾ ਹੋਵੇਗਾ। ਪੁਲਿਸ ਨੇ ਫਲੈਟ ਨੂੰ ਸੀਲ ਕਰ ਦਿੱਤਾ ਹੈ।

ਡੀਸੀਪੀ ਜਯੰਤ ਬਜਬਲੇ ਨੇ ਕਿਹਾ ਕਿ ਅਸੀਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਦੋਸ਼ੀ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਨਾਲ ਹੀ ਪੁਲਿਸ ਨੇ ਮ੍ਰਿਤਕ ਦੀ ਪਛਾਣ ਕਰ ਲਈ ਹੈ। ਇਹ ਲਾਸ਼ ਸੀਤਾਮੜੀ, ਬਿਹਾਰ ਦੀ ਰਹਿਣ ਵਾਲੀ ਅੰਜਲੀ ਸਿੰਘ ਦੀ ਹੈ। ਅੰਜਲੀ ਪਿਛਲੇ 2 ਸਾਲਾਂ ਤੋਂ ਮੁੰਬਈ ‘ਚ ਰਹਿ ਰਹੀ ਸੀ। ਮੁਲਜ਼ਮ ਮਨੋਜ ਬੋਰੀਵਲੀ ਇਲਾਕੇ ਵਿੱਚ ਦੁਕਾਨ ਚਲਾਉਂਦਾ ਹੈ। ਮਨੋਜ ਅਤੇ ਸਰਸਵਤੀ ਬਾਰੇ ਹੋਰ ਜਾਣਕਾਰੀ ਲਈ ਜਾ ਰਹੀ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

“ਦੌੜ ‘ਚ ਤੂਫਾਨ ਵਾਂਗ ਧੱਕ ਪਾਉਣ ਵਾਲਾ athlete, ਈ-ਰਿਕਸ਼ਾ ਚਲਾਉਣ ਲਈ ਹੋਇਆ ਮਜ਼ਬੂਰ, CM Mann ਤੱਕ ਪਹੁੰਚਾ ਦਿਓ”

The post ਮੁੰਬਈ ‘ਚ ਸ਼ਰਧਾ ਕ.ਤਲ ਕਾਂਡ ਵਰਗਾ ਕੇਸ: 56 ਸਾਲਾ ਲਿਵ-ਇਨ ਪਾਰਟਨਰ ਨੇ ਪ੍ਰੇਮਿਕਾ ਦੀ ਕੀਤੀ ਹੱਤਿਆ appeared first on Daily Post Punjabi.