ਪਾਕਿਸਤਾਨ ਨੇ ਭਾਰਤੀ ਡਿਪਲੋਮੈਟ ਨੂੰ ਸੰਮਨ ਭੇਜਿਆ ਹੈ । ਇਸ ਤੋਂ ਇਲਾਵਾ ਸ਼ਨੀਵਾਰ ਨੂੰ ਪਾਕਿਸਤਾਨ ਦੇ ਡੀਜੀ ਅਤੇ ਵਿਦੇਸ਼ ਮੰਤਰੀ ਐਮਐਮ ਕੁਰੈਸ਼ੀ ਸ਼ਨੀਵਾਰ ਨੂੰ ਇੱਕ ਪ੍ਰੈਸ ਕਾਨਫਰੰਸ ਕਰਨਗੇ । ਇੱਕ ਨਿਊਜ਼ ਏਜੰਸੀ ਅਨੁਸਾਰ LOC ਦੀ ਘਟਨਾ ਨੂੰ ਲੈ ਕੇ ਸ਼ਨੀਵਾਰ ਸਵੇਰੇ 10:30 ਵਜੇ ਕੰਟਰੋਲ ਰੇਖਾ ਦੀ ਘਟਨਾ ਦੇ ਸੰਬੰਧ ਵਿੱਚ ਇੱਕ ਪ੍ਰੈਸ ਕਾਨਫਰੰਸ ਕਰਨਗੇ ।

ਦੱਸ ਦੇਈਏ ਕਿ ਦੀਵਾਲੀ ਤੋਂ ਪਹਿਲਾਂ ਪਾਕਿਸਤਾਨ ਐਲਓਸੀ ਦੇ ਰਸਤੇ ਅੱਤਵਾਦੀਆਂ ਦੀ ਭਾਰੀ ਘੁਸਪੈਠ ਕਰਵਾਉਣ ਦੇ ਮਕਸਦ ਨਾਲ ਸ਼ੁੱਕਰਵਾਰ ਨੂੰ ਭਾਰਤ ਦੇ ਕਈ ਸੈਕਟਰਾਂ ਵਿੱਚ ਜੰਗਬੰਦੀ ਦੀ ਉਲੰਘਣਾ ਕੀਤੀ ਗਈ । ਇਸ ਦੌਰਾਨ ਭਾਰਤ ਦੇ ਪੰਜ ਜਵਾਨ ਸ਼ਹੀਦ ਹੋ ਗਏ । ਉੱਥੇ ਹੀ ਇਸ ਗੋਲੀਬਾਰੀ ਵਿੱਚ 6 ਆਮ ਨਾਗਰਿਕਾਂ ਦੀ ਵੀ ਮੌਤ ਹੋ ਗਈ । ਭਾਰਤ ਵੱਲੋਂ ਫੌਜ ਦੇ ਚਾਰ ਜਵਾਨ ਅਤੇ ਇੱਕ ਬੀਐਸਐਫ ਦੇ ਐਸਆਈ ਦੀ ਜਾਨ ਚਲੀ ਗਈ । ਇਸ ਦੇ ਨਾਲ ਹੀ ਕੁਝ ਜਵਾਨ ਵੀ ਜ਼ਖਮੀ ਹੋਏ ਹਨ । ਕੇਰਨ, ਪੁੰਛ ਅਤੇ ਉਰੀ ਸੈਕਟਰ ਵਿੱਚ ਹੋਈ ਜੰਗਬੰਦੀ ਦੀ ਉਲੰਘਣਾ ਦੇ ਜਵਾਬ ਵਿੱਚ ਭਾਰਤੀ ਫੌਜ ਨੇ ਪਾਕਿਸਤਾਨ ਦੇ ਬੰਕਰ, ਲਾਂਚ ਪੈਡ ਨੂੰ ਉਡਾ ਦਿੱਤੇ । ਭਾਰਤ ਦੀ ਇਸ ਕਾਰਵਾਈ ਨਾਲ ਪਾਕਿਸਤਾਨ ਬੌਖਲਾ ਗਿਆ ਹੈ।

ਜ਼ਿਕਰਯੋਗ ਹੈ ਕਿ ਪਾਕਿਸਤਾਨ ਵੱਲੋਂ ਇਸ ਹਫਤੇ ਘੁਸਪੈਠ ਕਰਨ ਦੀ ਇਹ ਦੂਜੀ ਕੋਸ਼ਿਸ਼ ਹੈ । ਇਸ ਤੋਂ ਪਹਿਲਾਂ 7-8 ਨਵੰਬਰ ਨੂੰ ਵੀ ਪਾਕਿਸਤਾਨ ਵੱਲੋਂ ਜੰਗਬੰਦੀ ਦੀ ਉਲੰਘਣਾ ਕੀਤੀ ਗਈ ਸੀ। ਇਸ ਦੌਰਾਨ ਘੁਸਪੈਠ ਦੀ ਕੋਸ਼ਿਸ਼ ਕਰ ਰਹੇ ਤਿੰਨ ਅੱਤਵਾਦੀ ਭਾਰਤੀ ਫੌਜ ਦੇ ਜਵਾਨਾਂ ਨੇ ਮਾਰ ਸੁੱਟਿਆ ਸੀ ।

ਇਹ ਵੀ ਦੇਖੋ: ਹਰ ਕਿਸਾਨ ਨੂੰ ਸੁਣਨੀ ਚਾਹੀਦੀ ਹੈ ਇਹ Interview, ਜ਼ਿੰਮੀਦਾਰਾਂ ਦੇ ਪੁੱਤ ਕਿਉਂ ਨਹੀਂ ਕਰਦੇ ਵਾਹੀ ?

The post ਭਾਰਤੀ ਫੌਜ ਦੀ ਕਾਰਵਾਈ ‘ਚ 11 ਜਵਾਨਾਂ ਦੀ ਮੌਤ ਨਾਲ ਬੌਖਲਾਇਆ ਪਾਕਿਸਤਾਨ, ਭੇਜਿਆ ਸਮਨ appeared first on Daily Post Punjabi.