ਪੰਜਾਬ ਪੁਲਿਸ ਨੇ ਸਟੇਟ ਬੈਂਕ ਆਫ਼ ਇੰਡੀਆ ਸ਼ਹੀਦ ਊਧਮ ਸਿੰਘ ਨਗਰ ਸ਼ਾਖਾ ਦੀ ਮੈਨੇਜਰ ਸ਼ਿਲਪੀ ਰਾਣੀ ਦੀ ਸ਼ਿਕਾਇਤ ‘ਤੇ ਦੋ ਮਹੀਨਿਆਂ ਬਾਅਦ ਕਾਰਵਾਈ ਕੀਤੀ ਹੈ। ਪੁਲਿਸ ਨੇ ਰਾਮ ਬਾਬੂ, ਸਦਾਮ ਹੁਸੈਨ, ਲਕਸ਼ਮਣ ਕੁਮਾਰ, ਸਚਿਨ ਅਤੇ ਨਿਤਿਨ ਕੁਮਾਰ ਨਾਂ ਦੇ 5 ਲੋਕਾਂ ਖਿਲਾਫ ਐੱਫ.ਆਈ.ਆਰ. ਦਰਜ ਕੀਤੀ ਹੈ।

ਸ਼ਿਲਪੀ ਰਾਣੀ ਨੇ ਪੁਲਿਸ ਨੂੰ ਸੂਚਨਾ ਦਿੱਤੀ ਕਿ ਬੈਂਕ ਵਿੱਚ ਲਵਲੀ ਆਟੋਜ਼ ਦੇ ਨਾਮ ‘ਤੇ ਇੱਕ ਚਾਲੂ ਖਾਤਾ ਚੱਲ ਰਿਹਾ ਹੈ। ਨਵੰਬਰ ਮਹੀਨੇ ਵਿੱਚ ਬ੍ਰਾਂਚ ਮੈਨੇਜਰ ਨੂੰ ਇੱਕ ਕਾਲ ਆਈ ਅਤੇ ਵਿਅਕਤੀ ਨੇ ਆਪਣੀ ਪਛਾਣ ਅਮਿਤ ਮਿੱਤਲ ਵਜੋਂ ਦੱਸੀ।

ਸ਼ਿਲਪੀ ਮਿੱਤਲ ਨੇ ਦੱਸਿਆ ਕਿ ਕੁਝ ਦੇਰ ਬਾਅਦ ਉਸੇ ਦਿਨ ਫਿਰ ਫੋਨ ਆਇਆ। ਫੋਨ ਕਰਨ ਵਾਲੇ ਨੇ ਆਪਣੀ ਪਛਾਣ ਲਵਲੀ ਆਟੋਜ਼ ਦੇ ਪਾਰਟਨਰ ਨਰੇਸ਼ ਮਿੱਤਲ ਵਜੋਂ ਦੱਸੀ। ਉਸਨੇ 4-5 ਵਿਅਕਤੀਆਂ ਨੂੰ ਉਸ ਦੀ ਚੈੱਕ ਬੁੱਕ ਖਤਮ ਹੋਣ ਦੇ ਬਹਾਨੇ ਤੁਰੰਤ ਭੁਗਤਾਨ ਕਰਨ ਲਈ ਕਿਹਾ। ਇਹ ਵੀ ਕਿਹਾ ਗਿਆ ਸੀ ਕਿ ਇਸ ਦੀ ਇਜਾਜ਼ਤ ਬੈਂਕ ਦੇ ਅਧਿਕਾਰਤ ਈ-ਮੇਲ ‘ਤੇ ਭੇਜੀ ਜਾਵੇਗੀ। ਬੈਂਕ ਨੂੰ ਲਵਲੀ ਆਟੋਜ਼ ਦੇ ਨਰੇਸ਼ ਮਿੱਤਲ ਦੇ ਨਾਂ ‘ਤੇ ਈ-ਮੇਲ ਮਿਲਣ ਤੋਂ ਬਾਅਦ ਉਪਰੋਕਤ 5 ਦੋਸ਼ੀਆਂ ਦੇ ਨਾਂ ‘ਤੇ ਖਾਤਿਆਂ ‘ਚ ਪੈਸੇ ਟਰਾਂਸਫਰ ਕਰ ਦਿੱਤੇ ਗਏ।

ਈਮੇਲ ਮਿਲਣ ਤੋਂ ਬਾਅਦ ਬੈਂਕ ਨੇ 16-17 ਨਵੰਬਰ ਨੂੰ ਸਚਿਨ ਕੁਮਾਰ ਦੇ ਖਾਤੇ ਵਿੱਚ 9.25 ਲੱਖ ਰੁਪਏ, ਲਕਸ਼ਮਣ ਦੇ ਖਾਤੇ ਵਿੱਚ 9.16 ਲੱਖ ਰੁਪਏ, ਨਿਤਿਨ ਦੇ ਖਾਤੇ ਵਿੱਚ 9.52 ਲੱਖ ਰੁਪਏ, ਸਦਾਮ ਹੁਸੈਨ ਦੇ ਖਾਤੇ ਵਿੱਚ 7 ​​ਲੱਖ ਰੁਪਏ ਅਤੇ ਰਾਮ ਬਾਬੂ ਦਾਸ ਦੇ ਖਾਤੇ ਵਿੱਚ 9.83 ਲੱਖ ਰੁਪਏ ਪੈਸੇ ਟ੍ਰਾਂਸਫਰ ਕੀਤੇ ਗਏ ਸਨ। ਪਰ 5 ਦਸੰਬਰ ਤੱਕ ਬੈਂਕ ਨੂੰ ਕੋਈ ਅਸਲ ਦਸਤਾਵੇਜ਼ ਨਹੀਂ ਭੇਜਿਆ ਗਿਆ।

ਇਹ ਵੀ ਪੜ੍ਹੋ : PSEB ਦੇ ਵਿਦਿਆਰਥੀਆਂ ਲਈ ਵੱਡੀ ਖ਼ਬਰ, ਹੁਣ ਪਾਸ ਹੋਣ ਲਈ ਇੰਨੇ ਨੰਬਰ ਲੈਣੇ ਲਾਜ਼ਮੀ

ਖਾਤਿਆਂ ‘ਚੋਂ ਪੈਸੇ ਕੱਟੇ ਜਾਣ ਤੋਂ ਬਾਅਦ ਲਵਲੀ ਆਟੋਜ਼ ਦੀ ਤਰਫੋਂ ਬੈਂਕ ਨੂੰ ਸ਼ਿਕਾਇਤ ਕੀਤੀ ਗਈ। ਜਦੋਂ ਬੈਂਕ ਨੇ ਸ਼ਿਕਾਇਤ ਦੇ ਆਧਾਰ ‘ਤੇ ਜਾਂਚ ਸ਼ੁਰੂ ਕੀਤੀ ਤਾਂ ਸਾਹਮਣੇ ਆਇਆ ਕਿ ਅਮਿਤ ਮਿੱਤਲ ਅਤੇ ਨਰੇਸ਼ ਮਿੱਤਲ ਨਾਂ ਦੇ ਪੰਜ ਲੋਕਾਂ ਦੇ ਨਾਂ ‘ਤੇ ਕੀਤੀਆਂ ਗਈਆਂ ਕਾਲਾਂ ਅਤੇ ਈਮੇਲਾਂ ਸਭ ਫਰਜ਼ੀ ਨਿਕਲੀਆਂ। ਇਸ ਤੋਂ ਬਾਅਦ ਪੁਲਿਸ ਦੇ ਸਾਈਬਰ ਸੈੱਲ ਨੇ ਜਾਂਚ ਸ਼ੁਰੂ ਕਰ ਦਿੱਤੀ।

ਹੁਣ ਬੈਂਕ ਮੈਨੇਜਰ ਦੀ ਸ਼ਿਕਾਇਤ ਦੇ ਆਧਾਰ ‘ਤੇ ਥਾਣਾ ਡਿਵੀਜ਼ਨ ਨੰਬਰ 4 ‘ਚ ਆਈ.ਟੀ. ਐਕਟ ਦੀ ਧਾਰਾ 403, 420, 465, 468, 471, 120ਬੀ ਅਤੇ 66ਡੀ ਤਹਿਤ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।

ਵੀਡੀਓ ਲਈ ਕਲਿੱਕ ਕਰੋ –

“ਰੇਡਾਂ ਮਾਰਨ ਵਾਲਾ ਧਾਕੜ ਅਫ਼ਸਰ ਕਿਉਂ ਰੋ ਪਿਆ ? ਕਹਿੰਦਾ, ਕਦੇ ਵੀ ਵਿਆਹ ਦੀ ਰੋਟੀ ਨਾ ਖਾਓ”

The post ਜਲੰਧਰ ਦੇ ਮਸ਼ਹੂਰ ਲਵਲੀ ਆਟੋਜ਼ ਦੇ ਮਾਲਕਾਂ ਨਾਲ 53 ਲੱਖ ਰੁਪਏ ਦੀ ਠੱਗੀ, FIR ਦਰਜ appeared first on Daily Post Punjabi.