ਉਨ੍ਹਾਂ ਕਿਹਾ ਕਿ ਕੇਂਦਰ ਨੇ ਪਿਛਲੇ ਛੇ ਮਹੀਨਿਆਂ ਵਿੱਚ ਕੋਈ ਕੰਮ ਨਹੀਂ ਕੀਤਾ। ਉਨ੍ਹਾਂ ਕਿਹਾ ਕਿ ਮੰਤਰੀ ਪੱਛਮੀ ਬੰਗਾਲ ਦੀ ਸੱਤਾ ’ਤੇ ਕਬਜ਼ਾ ਕਰਨ ਦੇ ਇਰਾਦੇ ਨਾਲ ਹਰ ਰੋਜ਼ ਬੰਗਾਲ ਆਏ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਦੇਸ਼ ਭਰ ਵਿੱਚ ਮੁਫਤ ਟੀਕਾਕਰਨ ਦੀ ਵੀ ਮੰਗ ਕੀਤੀ। ਰਾਜ ਵਿਧਾਨ ਸਭਾ ਵਿੱਚ ਉਨ੍ਹਾਂ ਨੇ ਕਿਹਾ, “ਕੇਂਦਰ ਸਰਕਾਰ ਲਈ 30 ਹਜ਼ਾਰ ਕਰੋੜ ਰੁਪਏ ਕੁਝ ਵੀ ਨਹੀਂ ਹਨ ।

ਪੂਰੇ ਦੇਸ਼ ਵਿੱਚ ਇੱਕ ਟੀਕਾ ਪ੍ਰੋਗਰਾਮ ਹੋਣਾ ਚਾਹੀਦਾ ਹੈ । ਸਾਰਿਆਂ ਦਾ ਟੀਕਾਕਰਨ ਕੇਂਦਰ ਦੀ ਪਹਿਲ ਹੋਣੀ ਚਾਹੀਦੀ ਸੀ, ਪਰ ਉਹ ਨਵੇਂ ਸੰਸਦ ਭਵਨ, ਪ੍ਰਧਾਨ ਮੰਤਰੀ ਦੀ ਰਿਹਾਇਸ਼ ਆਦਿ ‘ਤੇ 50,000 ਕਰੋੜ ਰੁਪਏ ਖਰਚ ਕਰ ਰਹੀ ਹੈ।” ਇਸ ਤੋਂ ਇਲਾਵਾ ਮਮਤਾ ਨੇ ਕੇਂਦਰ ‘ਤੇ ਪੱਖਪਾਤ ਦਾ ਦੋਸ਼ ਵੀ ਲਗਾਇਆ । ਉਨ੍ਹਾਂ ਕਿਹਾ, “ਬੰਗਾਲ ਨਾਲ ਇੰਨਾ ਵਿਤਕਰਾ ਕਿਉਂ ਕੀਤਾ ਜਾ ਰਿਹਾ ਹੈ?

ਉਨ੍ਹਾਂ ਨੇ (ਕੇਂਦਰ) ਸਹੁੰ ਚੁੱਕਣ ਦੇ 24 ਘੰਟਿਆਂ ਦੇ ਅੰਦਰ-ਅੰਦਰ ਕੇਂਦਰੀ ਟੀਮ ਨੂੰ ਬੰਗਾਲ ਭੇਜਿਆ । ਦਰਅਸਲ, ਉਹ (ਭਾਜਪਾ) ਲੋਕਾਂ ਦੇ ਆਦੇਸ਼ ਨੂੰ ਸਵੀਕਾਰ ਕਰਨ ਲਈ ਤਿਆਰ ਨਹੀਂ ਹਨ। ਉਨ੍ਹਾਂ ਕਿਹਾ ਕਿ ਮੈਂ ਕਦੇ ਹਿੰਸਾ ਦਾ ਸਮਰਥਨ ਨਹੀਂ ਕਰਦੀ । ਉਹ ਜਾਅਲੀ ਖ਼ਬਰਾਂ ਅਤੇ ਜਾਅਲੀ ਵੀਡੀਓ ਫੈਲਾ ਰਹੇ ਹਨ।”

ਦੱਸ ਦੇਈਏ ਕਿ ਮਮਤਾ ਨੇ ਚੋਣ ਕਮਿਸ਼ਨ ‘ਤੇ ਵੀ ਜ਼ੋਰਦਾਰ ਹਮਲਾ ਬੋਲਿਆ । ਉਨ੍ਹਾਂ ਕਿਹਾ, “ਚੋਣ ਕਮਿਸ਼ਨ ਨੂੰ ਤੁਰੰਤ ਸੁਧਾਰ ਦੀ ਜ਼ਰੂਰਤ ਹੈ । ਬੰਗਾਲ ਵਿੱਚ ਇੱਕ ਰੀੜ੍ਹ ਦੀ ਹੱਡੀ ਹੈ ਅਤੇ ਇਹ ਕਦੇ ਝੁਕਦੀ ਨਹੀਂ ਹੈ । ਇੱਕਸਾਜਿਸ਼ ਰਚੀ ਗਈ ਸੀ, ਸਾਰੇ ਕੇਂਦਰੀ ਮੰਤਰੀ ਇੱਥੇ ਆਏ । ਮੈਨੂੰ ਨਹੀਂ ਪਤਾ ਕਿ ਉਨ੍ਹਾਂ ਨੇ ਹਵਾਈ ਜਹਾਜ਼ਾਂ ਅਤੇ ਹੋਟਲਾਂ ‘ਤੇ ਕਿੰਨੇ ਕਰੋੜ ਖਰਚੇ ਸਨ । ਇੱਥੇ ਪਾਣੀ ਦੀ ਤਰ੍ਹਾਂ ਪੈਸੇ ਵਹਿ ਰਿਹਾ ਸੀ। ਨੌਜਵਾਨ ਪੀੜ੍ਹੀ ਨੇ ਸਾਨੂੰ ਵੋਟ ਦਿੱਤੀ ਹੈ । ਇਹ ਸਾਡੇ ਲਈ ਇੱਕ ਨਵੀਂ ਸਵੇਰ ਹੈ। 

ਇਹ ਵੀ ਦੇਖੋ: ਕਿਸਾਨਾਂ ਦਾ ਪੰਜਾਬ ‘ਚ ਹੱਲਾ-ਬੋਲ, ਧੱਕੇ ਨਾਲ ਖੁੱਲ੍ਹਵਾ ਰਹੇ ਦੁਕਾਨਾਂ, ਕੈਪਟਨ ਤੇ ਮੋਦੀ ਨੂੰ ਦਿੱਤੀ ਸਲਾਹ, LIVE

The post ਕੇਂਦਰ ਨੇ ਬੀਤੇ 6 ਮਹੀਨਿਆਂ ‘ਚ ਕੋਈ ਕੰਮ ਨਹੀਂ ਕੀਤਾ, ਮੰਤਰੀ ਸੱਤਾਂ ‘ਚ ਆਉਣ ਲਈ ਰੋਜ਼ਾਨਾ ਇੱਥੇ ਆਉਂਦੇ ਰਹੇ: ਮਮਤਾ ਬੈਨਰਜੀ appeared first on Daily Post Punjabi.