ਸੀਐਮ ਮਮਤਾ ਬੈਨਰਜੀ ਅੱਜ ਸਿਲੀਗੁੜੀ ਵਿੱਚ ਚਾਰ ਕਿਲੋਮੀਟਰ ਲੰਬਾ ਰੋਡ ਸ਼ੋਅ ਕਰਨਗੇ। ਮਮਤਾ ਦਾ ਰੋਡ ਸ਼ੋਅ ਅਜਿਹੇ ਸਮੇਂ ਹੋਵੇਗਾ ਜਦੋਂ ਕੋਲਕਾਤਾ ਵਿੱਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਰੈਲੀ ਕਰਨਗੇ। ਮਮਤਾ ਦਾ ਮਾਰਚ ਸਿਲੀਗੁੜੀ ਦੇ ਦਾਰਜੀਲਿੰਗ ਮੋੜ ਤੋਂ ਸ਼ੁਰੂ ਹੋ ਕੇ ਸਫਦਰਸ਼ਮੀ ਚੌਕ ‘ਤੇ ਖਤਮ ਹੋਵੇਗਾ।

ਦੱਸ ਦੇਈਏ ਕਿ ਪੱਛਮੀ ਬੰਗਾਲ ਦੀਆਂ ਵਿਧਾਨ ਸਭਾ ਚੋਣਾਂ ਦੀਆਂ ਤਰੀਕਾਂ ਦੇ ਐਲਾਨ ਹੋਣ ਤੋਂ ਬਾਅਦ ਸਿਆਸਤ ਗਰਮਾਉਂਦੀ ਜਾ ਰਹੀ ਹੈ। ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਆਪਣੀ ਪਾਰਟੀ ਤ੍ਰਿਣਮੂਲ ਕਾਂਗਰਸ (ਟੀਐਮਸੀ) ਦੇ 291 ਉਮੀਦਵਾਰਾਂ ਦੇ ਨਾਮ ਦਾ ਐਲਾਨ ਕਰ ਦਿੱਤਾ ਹੈ, ਉੱਥੇ ਹੀ ਵਿਰੋਧੀ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਨੇ ਵੀ 57 ਸੀਟਾਂ ਲਈ ਟਿਕਟਾਂ ਦਾ ਐਲਾਨ ਕੀਤਾ ਹੈ। ਸੀਐਮ ਮਮਤਾ ਖਿਲਾਫ ਨੰਦੀਗਰਾਮ ਤੋਂ ਭਾਜਪਾ ਨੇ ਸੁਵੇਂਦੂ ਅਧਿਕਾਰ ਨੂੰ ਟਿਕਟ ਦਿੱਤੀ ਹੈ। ਟਿਕਟਾਂ ਦੇ ਐਲਾਨ ਤੋਂ ਬਾਅਦ ਰਾਜ ਦਾ ਰਾਜਨੀਤਿਕ ਤਾਪਮਾਨ ਵੱਧਦਾ ਜਾ ਰਿਹਾ ਹੈ।

ਇਹ ਵੀ ਦੇਖੋ: ਰਾਜਿੰਦਰ ਦੀਪ ਵਾਲਾ ਨੇ KMP ਤੋਂ ਕੱਢੇ ਵਿਰੋਧੀਆਂ ਦੇ ਚਿੱਬ, ਕਹਿੰਦਾ “ਫੈਨ ਤਾਂ ਆਸਾਰਾਮ ਦੇ ਵੀ ਬਹੁਤ ਹੁਣ ਕੀ …”

The post ਬੰਗਾਲ ‘ਚ ਅੱਜ ਦੀਦੀ ਬਨਾਮ ਮੋਦੀ! ਕੋਲਕਾਤਾ ‘ਚ PM ਮੋਦੀ ਦੀ ਮੈਗਾ ਰੈਲੀ ਤਾਂ ਸਿਲੀਗੁੜੀ ‘ਚ ਮਹਿੰਗਾਈ ਖਿਲਾਫ਼ ਮਮਤਾ ਕੱਢੇਗੀ ਮਾਰਚ appeared first on Daily Post Punjabi.