ਖਬਰਾਂ ਮੁਤਾਬਕ ਸਾਊਥ ਦੇ ਸੁਪਰਸਟਾਰ ਮਾਮੂਟੀ ਅਤੇ ਪ੍ਰਿਥਵੀਰਾਜ ਸੁਕੁਮਾਰਨ ਨੇ ਵੀ ਮੈਥਿਊ ਦੇ ਪਰਿਵਾਰ ਦੀ ਮਦਦ ਕਰਨ ਦਾ ਵਾਅਦਾ ਕੀਤਾ ਹੈ। ਜਿੱਥੇ ਮਾਮੂਟੀ ਮੈਥਿਊ ਨੂੰ 1 ਲੱਖ ਰੁਪਏ ਦੀ ਵਿੱਤੀ ਸਹਾਇਤਾ ਪ੍ਰਦਾਨ ਕਰਨਗੇ। ਇਸ ਦੇ ਨਾਲ ਹੀ ਪ੍ਰਿਥਵੀਰਾਜ ਨੇ ਕਥਿਤ ਤੌਰ ‘ਤੇ 2 ਲੱਖ ਰੁਪਏ ਦੀ ਮਦਦ ਦੀ ਪੇਸ਼ਕਸ਼ ਕੀਤੀ ਹੈ। ਵੱਡੇ ਹੀਰੋ ਜੈਰਾਮ ਨੇ ਵੀ ਮੈਥਿਊ ਲਈ ਚਿੰਤਾ ਪ੍ਰਗਟ ਕੀਤੀ ਅਤੇ ਉਸ ਦੇ ਘਰ ਵੀ ਗਏ। ਜੈਰਾਮ ਨੇ ਡੇਅਰੀ ਫਾਰਮਰ ਪਰਿਵਾਰ ਨੂੰ 5 ਲੱਖ ਰੁਪਏ ਦੇਣ ਦਾ ਵਾਅਦਾ ਕੀਤਾ। ਗੱਲ ਕਰਦੇ ਹੋਏ ਜੈਰਾਮ ਨੇ ਕਿਹਾ, ”ਮੈਂ ਖੁਦ ਉਨ੍ਹਾਂ ਗਾਵਾਂ ਨੂੰ ਤਾਮਿਲਨਾਡੂ ਤੋਂ ਲਿਆਇਆ ਸੀ ਅਤੇ ਮੇਰੀ ਪਤਨੀ ਅਤੇ ਬੱਚਿਆਂ ਨੇ ਉਨ੍ਹਾਂ ਦੇ ਨਾਂ ਰੱਖੇ ਅਤੇ ਉਨ੍ਹਾਂ ਨੂੰ ਪਰਿਵਾਰ ਦੇ ਮੈਂਬਰਾਂ ਵਾਂਗ ਪਾਲਿਆ। ਇਸ ਲਈ, ਮੈਂ ਆਸਾਨੀ ਨਾਲ ਸਮਝ ਸਕਦਾ ਹਾਂ ਕਿ ਲੜਕਾ ਕਿਸ ਸਥਿਤੀ ਦਾ ਸਾਹਮਣਾ ਕਰ ਰਿਹਾ ਹੈ।

ਜੈਰਾਮ ਨੇ ਮੈਥਿਊ ਦੇ ਨਾਲ ਤਾਮਿਲਨਾਡੂ ਦੇ ਕ੍ਰਿਸ਼ਨਾਗਿਰੀ ਜਾਣ ਦਾ ਭਰੋਸਾ ਵੀ ਦਿੱਤਾ ਤਾਂ ਜੋ ਉਹ ਘੱਟ ਕੀਮਤ ‘ਤੇ ਚੰਗੀ ਨਸਲ ਦੀਆਂ ਗਾਵਾਂ ਖਰੀਦਣ ਵਿੱਚ ਮਦਦ ਕਰ ਸਕੇ। ਨਿਸ਼ਾਂਤ ਐਮ ਪ੍ਰਭਾ, ਲੋਕ ਸੰਪਰਕ ਅਧਿਕਾਰੀ, ਪਸ਼ੂ ਪਾਲਣ ਵਿਭਾਗ, ਇਡੁੱਕੀ, ਨੇ  ਕਿਹਾ, “ਟੈਪੀਓਕਾ ਪਲਾਂਟ ਦੇ ਸਾਰੇ ਹਿੱਸਿਆਂ ਵਿੱਚ ਹਾਈਡ੍ਰੋਜਨ ਸਾਇਨਾਈਡ ਮੌਜੂਦ ਹੈ, ਟੈਪੀਓਕਾ ਦੇ ਛਿਲਕੇ ਵਿੱਚ ਇਹ ਵੱਡੀ ਮਾਤਰਾ ਵਿੱਚ ਹੁੰਦਾ ਹੈ।”