ਡਿਪਟੀ ਕਮਿਸ਼ਨਰ ਪੁਲਿਸ ਚੰਦਨ ਚੌਧਰੀ ਨੇ ਦੱਸਿਆ ਕਿ ਸ਼ਨੀਵਾਰ ਰਾਤ ਕਰੀਬ 8.30 ਵਜੇ PCR ਕਾਲ ਰਾਹੀਂ ਸੂਚਨਾ ਮਿਲੀ ਸੀ ਕਿ ਕੁਝ ਵਿਦਿਆਰਥੀ ਲਿਫਟ ਵਿੱਚ ਫਸੇ ਹੋਏ ਹਨ। ਫੋਨ ਕਰਨ ਵਾਲੇ ਨੇ ਪੁਲਿਸ ਨੂੰ ਦੱਸਿਆ ਕਿ ਉਹ ਕੁਝ ਵਿਦਿਆਰਥੀ ਓਵਰਬ੍ਰਿਜ ਲਿਫਟ ‘ਚ ਜਾ ਰਹੇ ਸਨ, ਅਚਾਨਕ ਲਿਫਟ ਖਰਾਬ ਹੋ ਗਈ। ਇਸ ਕਾਰਨ ਉਹ ਲਿਫਟ ਵਿੱਚ ਹੀ ਫਸ ਗਏ ਹਨ ਅਤੇ ਲਿਫਟ ਦਾ ਇੱਕ ਗੇਟ ਵੀ ਟੁੱਟ ਗਿਆ ਹੈ।

ਇਹ ਵੀ ਪੜ੍ਹੋ : BSF ਨੂੰ ਮਿਲੀ ਵੱਡੀ ਸਫਲਤਾ, 30 ਕਰੋੜ ਦੀ ਹੈਰੋਇਨ ਸਣੇ 2 ਨਸ਼ਾ ਤਸਕਰ ਗ੍ਰਿਫਤਾਰ

ਇਸ ਘਟਨਾ ਦੀ ਸੂਚਨਾ ਮਿਲਣ ਮਗਰੋਂ ਪੁਲਿਸ ਮੌਕੇ ‘ਤੇ ਪਹੁੰਚੀ ਤਾਂ ਦਿੱਲੀ ਡਿਜ਼ਾਸਟਰ ਮੈਨੇਜਮੈਂਟ, PWD ਅਤੇ ਫਾਇਰ ਵਿਭਾਗ ਦੇ ਕਰਮਚਾਰੀ ਵੀ ਉਥੇ ਪਹੁੰਚ ਚੁੱਕੇ ਸਨ। ਲਿਫਟ ਦੇ ਅੰਦਰੋਂ ਤਿੰਨ ਵਿਦਿਆਰਥੀਆਂ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ। ਮੌਕੇ ਦੀ ਜਾਂਚ ਦੌਰਾਨ ਲਿਫਟ ਦੇ ਪ੍ਰਵੇਸ਼ ਦੁਆਰ ‘ਤੇ ਲਿਫਟ ਅਤੇ ਇਸ ਦੀ ਕੰਧ ਵਿਚਕਾਰ ਇਕ 25 ਸਾਲਾ ਵਿਅਕਤੀ ਫਸਿਆ ਹੋਇਆ ਪਾਇਆ ਗਿਆ। ਇਸ ਦੇ ਨਾਲ ਹੀ, ਲਿਫਟ ਦੇ ਪ੍ਰਵੇਸ਼ ਦੁਆਰ ਦੇ ਕੋਲ ਇੱਕ ਪਾਸੇ ਦਾ ਪੈਨਲ ਗਾਇਬ ਸੀ।

ਪੁਲਿਸ ਅਨੁਸਾਰ ਪਹਿਲੀ ਨਜ਼ਰੇ ਇਹ ਜਾਪਦਾ ਹੈ ਕਿ ਅਣਪਛਾਤਾ ਵਿਅਕਤੀ ਲਿਫਟ ਮਸ਼ੀਨ ਅਤੇ ਇਸ ਦੀਆਂ ਕੰਧਾਂ ਵਿਚਕਾਰ ਟੁੱਟੇ ਪੈਨਲ ਰਾਹੀਂ ਗਲਤੀ ਨਾਲ ਅੰਦਰ ਦਾਖਲ ਹੋ ਗਿਆ ਅਤੇ ਜਦੋਂ ਲਿਫਟ ਮਸ਼ੀਨ ਹੇਠਾਂ ਤੋਂ ਉੱਪਰ ਜਾਣ ਲੱਗੀ ਤਾਂ ਫੁੱਟ ਓਵਰ ਬ੍ਰਿਜ ਦੇ ਨਾਲ ਫਰਸ਼ ਡਿੱਗ ਗਿਆ। ਪਰ ਲਿਫਟ ਅਤੇ ਇਸ ਦੀਆਂ ਕੰਧਾਂ ਵਿਚਕਾਰ ਫਸੇ ਵਿਅਕਤੀ ਦੇ ਕਾਰਨ ਰੁਕ ਗਿਆ।

ਵੀਡੀਓ ਲਈ ਕਲਿੱਕ ਕਰੋ -:

“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “

PWD ਅਤੇ ਦਿੱਲੀ ਡਿਜ਼ਾਸਟਰ ਮੈਨੇਜਮੈਂਟ (DDMA) ਦੀ ਮਦਦ ਨਾਲ ਨੌਜਵਾਨ ਦੀ ਲਾਸ਼ ਨੂੰ ਮੌਕੇ ਤੋਂ ਉਤਾਰ ਕੇ ਪੋਸਟਮਾਰਟਮ ਲਈ ਮੁਰਦਾਘਰ ਭੇਜ ਦਿੱਤਾ ਗਿਆ ਹੈ। ਪੁਲਿਸ ਨੇ ਨੌਜਵਾਨ ਦੀ ਲਾਸ਼ ਦੀ ਪਛਾਣ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਉਸ ਦੀ ਪਛਾਣ ਨਹੀਂ ਹੋ ਸਕੀ ਹੈ। ਪੁਲਿਸ ਮਾਮਲੇ ਦੀ ਅਗਲੇਰੀ ਜਾਂਚ ਕਰ ਰਹੀ ਹੈ।

The post ਦਿੱਲੀ ‘ਚ ਲਿਫਟ ਤੇ ਕੰਧ ਵਿਚਕਾਰ ਦੱਬਣ ਨਾਲ ਨੌਜਵਾਨ ਦੀ ਹੋਈ ਮੌਤ, 3 ਵਿਦਿਆਰਥੀਆਂ ਨੂੰ ਬਚਾਇਆ appeared first on Daily Post Punjabi.