ਮਨਦੀਪ ਨੇ ਆਪਣੀ ਪਾਰੀ ਬਾਰੇ ਕਿਹਾ, “ਮੇਰਾ ਕੰਮ ਤੇਜ਼ ਸਕੋਰ ਕਰਨਾ ਸੀ, ਪਰ ਮੈਂ ਇਸ ਕੰਮ ਨੂੰ ਸਹੀ ਤਰਾਂ ਨਹੀਂ ਕਰ ਸਕਦਾ ਸੀ। ਮੈਂ ਰਾਹੁਲ (ਕੇ.ਐਲ.) ਨੂੰ ਕਿਹਾ ਕਿ ਮੈਂ ਆਪਣੀ ਸੁਭਾਵਿਕ ਖੇਡ ਦਿਖਾ ਸਕਦਾ ਹਾਂ ਅਤੇ ਮੈਚ ਖਤਮ ਕਰ ਸਕਦਾ ਹਾਂ। ਰਾਹੁਲ ਨੇ ਮੇਰਾ ਸਮਰਥਨ ਕੀਤਾ ਅਤੇ ਖੁਦ ਹਮਲਾਵਰ ਰੁੱਖ ਆਪਣਾ ਕੇ ਖੇਡਿਆ।” ਕ੍ਰਿਸ ਗੇਲ ਨੇ ਵੀ 29 ਗੇਂਦਾਂ ਵਿੱਚ 51 ਦੌੜਾਂ ਬਣਾਈਆਂ। ਮਨਦੀਪ ਨੇ ਕਿਹਾ, “ਮੈਂ ਕ੍ਰਿਸ ਨੂੰ ਕਿਹਾ ਕਿ ਉਸ ਨੂੰ ਕਦੇ ਵੀ ਸੰਨਿਆਸ ਨਹੀਂ ਲੈਣਾ ਚਾਹੀਦਾ। ਉਹ ਯੂਨੀਵਰਸਲ ਬੌਸ ਹੈ। ਕੋਈ ਵੀ ਉਨ੍ਹਾਂ ਵਰਗਾ ਨਹੀਂ ਹੈ।” ਕੇਕੇਆਰ ਦੇ ਕਪਤਾਨ ਈਯਨ ਮੋਰਗਨ ਨੇ ਕਿਹਾ ਕਿ ਉਨ੍ਹਾਂ ਦੀ ਟੀਮ ਨੂੰ ਸ਼ੁਰੂਆਤੀ ਵਿਕਟ ਛੇਤੀ ਗੁਆਉਣ ਦਾ ਖਮਿਆਜ਼ਾ ਭੁਗਤਣਾ ਪਿਆ ਹੈ। ਉਨ੍ਹਾਂ ਕਿਹਾ, “ਤੇਜ਼ ਵਿਕਟ ਗਵਾਉਣ ਤੋਂ ਬਾਅਦ ਸ਼ਾਰਜਾਹ ਵਿੱਚ ਜਵਾਬੀ ਹਮਲਾ ਹੋਣਾ ਲਾਜ਼ਮੀ ਹੈ। ਅਸੀਂ ਚੰਗੀ ਸਾਂਝੇਦਾਰੀ ਨਹੀਂ ਕਰ ਸਕੇ। ਸਾਨੂੰ 185 ਜਾਂ 190 ਦੌੜਾਂ ਬਣਨੀਆਂ ਚਾਹੀਦੀਆਂ ਸਨ। ਪਰ ਅਸੀਂ ਵਿਕਟਾਂ ਗੁਆਉਂਦੇ ਰਹੇ। ਸਾਨੂੰ ਬਾਕੀ ਦੇ ਦੋ ਮੈਚਾਂ ਵਿੱਚ ਸਰਵਉੱਤਮ ਪ੍ਰਦਰਸ਼ਨ ਕਰਨਾ ਪਏਗਾ।”

The post 66 ਦੌੜਾਂ ਦੀ ਅਜੇਤੂ ਪਾਰੀ ਖੇਡਣ ਵਾਲੇ ਮਨਦੀਪ ਨੇ ਭਾਵੁਕ ਹੋ ਕਿਹਾ, ਮੇਰੇ ਪਿਤਾ ਹਮੇਸ਼ਾਂ ਚਾਹੁੰਦੇ ਸੀ ਕਿ ਮੈਂ Not Out ਰਹਾਂ, ਇਹ ਪਾਰੀ ਉਨ੍ਹਾਂ ਲਈ appeared first on Daily Post Punjabi.