master sleem Archives - Daily Post Punjabi

ਮੁੜ ਚਰਚਾ ‘ਚ ਮਾਸਟਰ ਸਲੀਮ, ਆਪਣੇ ਹੀ ਹਿੱਟ ਗੀਤ ਦਾ ਕੁੱਤੇ ਦੀ ਆਵਾਜ਼ ‘ਚ ਬਣਾਇਆ ਮਜ਼ਾਕ

Anu Narula — Wed, 15 Apr 2026 07:15:00 +0000

ਹਾਲ ਹੀ ਵਿਚ ਪੰਜਾਬੀ ਗਾਇਕ ਨਛੱਤਰ ਗਿੱਲ ਦੇ ਗੀਤ ਦੀ ਮਿਮਿਕ੍ਰੀ ਦੇ ਵਿਵਾਦਾਂ ਵਿਚ ਘਿਰੇ ਪੰਜਾਬੀ ਤੇ ਬਾਲੀਵੁੱਡ ਸਿੰਗਰ ਮਾਸਟਰ ਸਲੀਮ ਹੁਣ ਆਪਣੇ ਇੱਕ ਮਸ਼ਹੂਰ ਗੀਤ ਦੀ ਮਿਮਿਕ੍ਰੀ ਕਰਵਾ ਕੇ ਮੁੜ ਚਰਚਾ ਵਿਚ ਹਨ। ਦਰਅਸਲ ਮਾਸਟਰ ਸਲੀਮ ਨੇ ਆਪਣਾ ਮਸ਼ਹੂਰ ਗੀਤ “ਤੂੰ ਬਦਲੀ ਸੌ ਵਾਰ, ਅਸੀਂ ਇੱਕ ਵਾਰ ਨੀਂ ਬਦਲੇ” ਕੁੱਤੇ ਦੀ ਆਵਾਜ਼ ਵਿੱਚ ਗਵਾਇਆ, ਜੋਕਿ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ।

ਇਹ ਵੀਡੀਓ 14 ਅਪ੍ਰੈਲ ਨੂੰ ਸੋਸ਼ਲ ਮੀਡੀਆ ‘ਤੇ ਸਾਂਝਾ ਕੀਤਾ ਗਿਆ ਸੀ। ਹਾਲਾਂਕਿ, ਮਾਸਟਰ ਸਲੀਮ ਨੇ ਇਸਨੂੰ ਆਪਣੇ ਅਧਿਕਾਰਤ ਅਕਾਊਂਟ ‘ਤੇ ਅਪਲੋਡ ਨਹੀਂ ਕੀਤਾ ਹੈ। ਮਾਸਟਰ ਸਲੀਮ ਦੇ ਇਸ ਵੀਡੀਓ ‘ਤੇ ਤਰ੍ਹਾਂ-ਤਰ੍ਹਾਂ ਦੀਆਂ ਟਿੱਪਣੀਆਂ ਆ ਰਹੀਆਂ ਹਨ, ਜਿਸ ਵਿੱਚ ਯੂਜ਼ਰਸ ਲਿਖ ਰਹੇ ਹਨ ਕਿ ਉਨ੍ਹਾਂ ਨੂੰ ਮਾਸਟਰ ਸਲੀਮ ਤੋਂ ਇਹੀ ਉਮੀਦ ਸੀ।

ਮਾਸਟਰ ਸਲੀਮ ਵੀਡੀਓ ਵਿੱਚ ਜਲੰਧਰ ਦੇ ਦੀਪਕ ਤਿੱਲੀ ਦੇ ਨਾਲ ਦਿਖਾਈ ਦੇ ਰਹੇ ਹਨ, ਜੋਕਿ ਕੁੱਤੇ ਦੀ ਆਵਾਜ ਕੱਢ ਸਕਦ ਹੈ। ਤਿੱਲੀ ਕੁੱਤੇ ਦੀ ਆਵਾਜ ਕੱਢਣ ਲਈ ਜਾਣਿਆ ਜਾਂਦਾ ਹੈ ਤੇ ਮਿਮਿਕ੍ਰੀ ਆਰਟਿਸਟ ਹੈ। ਜੀਸ ਗੀਤ ‘ਤੇਮਾਸਟਰ ਸਲੀਮ ਨੇ ਮਿਮਿਕ੍ਰੀ ਕਰਾਈ ਹੈ, ਉਹ ਉਨ੍ਹਾਂ ਦਾ ਹਿਟ ਸਾਂਗ ਟ੍ਰੈਕ ਰਿਹਾ ਹੈ। ਵੀਡੀਓ ਵਿਚ ਮਾਸਟਰ ਸਲੀਮ ਗਾਉਂਦੇ ਹਨ ਤੇ ਦੀਪਕ ਤਿੱਲੀ ਉਨ੍ਹਾਂ ਦੇ ਪਿੱਛੇ ਗੀਤ ਨੂੰ ਕੁੱਤ ਦੇ ਭੌਂਕਣ ਦੇ ਅੰਦਾਜ ਵਿਚ ਪੇਸ਼ ਕਰਦ ਹੈ।

ਇਹ ਪਹਿਲੀ ਵਾਰ ਹੈ ਜਦੋਂ ਕਿਸੇ ਕਲਾਕਾਰ ਨੇ ਆਪਣੇ ਹਿੱਟ ਗੀਤ ਨੂੰ ਕੁੱਤੇ ਵਰਗੇ ਦੇ ਅੰਦਾਜ ਵਿਚ ਪੇਸ਼ ਕੀਤਾ ਹੈ। ਜਿੱਥੇ ਪ੍ਰਸ਼ੰਸਕ ਇਸਦਾ ਆਨੰਦ ਮਾਣ ਰਹੇ ਹਨ, ਉੱਥੇ ਹੀ ਉਹ ਇਹ ਵੀ ਕਹਿ ਰਹੇ ਹਨ ਕਿ ਸਾਨੂੰ ਪਹਿਲਾਂ ਹੀ ਪਤਾ ਸੀ ਕਿ ਸਲੀਮ ਕੋਈ ਚੰਗਾ ਕੰਮ ਨਹੀਂ ਕਰਨ ਵਾਲਾ। ਸਿੰਘ ਦਮਨ ਨਾਮ ਦੇ ਇੱਕ ਯੂਜ਼ਰ ਨੇ ਲਿਖਿਆ, “ਇਹ ਕੀ ਹੈ?” ਸਿਮਰਜੀਤ ਨਾਮ ਦੇ ਇੱਕ ਯੂਜ਼ਰ ਨੇ ਲਿਖਿਆ ਕਿ ਇਨ੍ਹਾਂ ਹਰਕਤਾਂ ਕਾਰਨ ਨਛੱਤਰ ਗਿੱਲ ਅਜੇ ਵੀ ਗਾਲ੍ਹਾਂ ਕੱਢ ਰਿਹਾ ਹੈ।

ਇਹ ਵੀ ਪੜ੍ਹੋ : ਪੰਜਾਬ ‘ਚ ਵਧੀ ਗਰਮੀ, 37.2 ਡਿਗਰੀ ਪਹੁੰਚਿਆ ਪਾਰਾ, ਭਲਕੇ ਤੋਂ ਬਦਲੇਗਾ ਮੌਸਮ

ਦੱਸ ਦੇਈਏ ਕਿ ਮਾਸਟਰ ਸਲੀਮ ਕਈ ਵਿਵਾਦਾਂ ਵਿਚ ਰਹਿ ਚੁੱਕੇ ਹਨ। ਮਾਸਟਰ ਸਲੀਮ, ਰੋਸ਼ਨ ਪ੍ਰਿੰਸ ਤੇ ਯੁਵਰਾਜ ਹੰਸ ਨੇ ਨਛੱਤਰ ਗਿੱਲ ਦੇ ਇੱਕ ਗਾਣੇ ਦਾ ਮਜਾਕ ਉਡਾਇਆ ਤੇ ਇੰਸਟਾ ‘ਤੇ ਪੋਸਟ ਕੀਤਾ। ਵਿਵਾਦ ਵਧਣ ‘ਤੇ ਤਿੰਨਾਂ ਨੇ ਮਾਫੀ ਮੰਗੀ ਤੇ ਵੀਡੀਓ ਸੋਸ਼ਲ ਮੀਡੀਆ ਤੋਂ ਹਟਾ ਲਈ। ਇਸ ਤੋਂ ਪਹਿਲਾਂ ਉਹ ਡੇਰਾ ਮੁਰਾਦ ਸ਼ਾਹ ਦੀ ਤੁਲਨਾ ਚਿੰਤਪੁਰਨੀ ਮਾਤਾ ਨਾਲ ਕਰਨ ‘ਤੇ ਤੇ ਚਲਾਨ ਕੱਟਣ ‘ਤੇ ਪੁਲਿਸ ਨਾਲ ਬਹਿਸ ਕਰਨ ‘ਤੇ ਵਿਵਾਦਾਂ ਵਿਚ ਰਹਿ ਚੁੱਕੇ ਹਨ।

ਵੀਡੀਓ ਲਈ ਕਲਿੱਕ ਕਰੋ -:

Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ

The post ਮੁੜ ਚਰਚਾ ‘ਚ ਮਾਸਟਰ ਸਲੀਮ, ਆਪਣੇ ਹੀ ਹਿੱਟ ਗੀਤ ਦਾ ਕੁੱਤੇ ਦੀ ਆਵਾਜ਼ ‘ਚ ਬਣਾਇਆ ਮਜ਼ਾਕ appeared first on Daily Post Punjabi.

ਮਾਤਾ ਚਿੰਤਪੁਰਨੀ ਦੇ ਦਰਬਾਰ ‘ਚ ਪਹੁੰਚੇ ਮਾਸਟਰ ਸਲੀਮ, ਆਪਣੇ ਬਿਆਨ ਲਈ ਮੰਗੀ ਮੁਆਫ਼ੀ

Anu Narula — Wed, 06 Sep 2023 06:26:09 +0000

ਬਾਬਾ ਮੁਰਾਦ ਸ਼ਾਹ ਦੇ ਸਾਲਾਨਾ ਪ੍ਰੋਗਰਾਮ ‘ਚ ਸਟੇਜ ਤੋਂ ਮਾਤਾ ਚਿੰਤਪੁਰਨੀ ਦੇ ਪੁਜਾਰੀਆਂ ਸਬੰਧੀ ਦਿੱਤੇ ਬਿਆਨ ‘ਤੇ ਬਵਾਲ ਹੋਣ ਮਗਰੋਂ ਮਾਸਟਰ ਸਲੀਮ ਮਾਤਾ ਚਿੰਤਪੁਰਨੀ ਦਰਬਾਰ ‘ਚ ਪੁੱਜੇ। ਉਨ੍ਹਾਂ ਨੇ ਸਾਰੀਆਂ ਰਸਮਾਂ ਨਾਲ ਮੰਦਰ ਵਿੱਚ ਮੱਥਾ ਟੇਕਿਆ ਅਤੇ ਉੱਥੇ ਬੈਠ ਕੇ ਆਪਣੀ ਭੁੱਲ ਲਈ ਮੁਆਫੀ ਮੰਗੀ। ਮਾਸਟਰ ਸਲੀਮ ਨੇ ਮੰਦਿਰ ਦੇ ਪੁਜਾਰੀਆਂ ਨਾਲ ਬੈਠ ਕੇ ਉਨ੍ਹਾਂ ਵੱਲੋਂ ਥਾਣਾ ਭਰਵਾਂ (ਊਨਾ, ਹਿਮਾਚਲ ਪ੍ਰਦੇਸ਼) ਵਿੱਚ ਦਰਜ ਸ਼ਿਕਾਇਤ ਨੂੰ ਰੱਦ ਕਰਵਾਉਣ ਅਤੇ ਵਿਵਾਦ ਨੂੰ ਖ਼ਤਮ ਕਰਨ ਲਈ ਉਨ੍ਹਾਂ ਤੋਂ ਇੱਕ ਵੀਡੀਓ ਸੰਦੇਸ਼ ਜਾਰੀ ਕੀਤਾ।

ਦੱਸ ਦੇਈਏ ਕਿ ਮਾਸਟਰ ਸਲੀਮ ਨੇ ਬਾਬਾ ਮੁਰਾਦ ਸ਼ਾਹ ਦੇ ਸਾਲਾਨਾ ਪ੍ਰੋਗਰਾਮ ‘ਚ ਕਿਹਾ ਸੀ ਕਿ ਉਹ ਮਾਤਾ ਚਿੰਤਪੁਰਨੀ ਦੇ ਦਰਬਾਰ ‘ਚ ਮੱਥਾ ਟੇਕਣ ਗਏ ਸਨ ਤਾਂ ਉੱਥੇ ਦੇ ਪੁਜਾਰੀਆਂ ਨੇ ਪੁੱਛਿਆ ਸੀ ਕਿ ਤੁਹਾਡੇ ਪਿਓ ਦਾ ਕੀ ਹਾਲ ਹੈ, ਕਿ ਬਾਬਾ ਮੁਰਾਦ ਸ਼ਾਹ ਸਰਕਾਰ, ਬਾਬਾ ਗੁਲਾਮ ਸ਼ਾਹ ਸਰਕਾਰ ਦਾ ਕੀ ਹਾਲ ਹੈ। ਇਸ ਬਿਆਨ ਮਗਰੋਂ ਲੋਕਾਂ ਵਿੱਚ ਭਾਰੀ ਵਿਰੋਧ ਵੇਖਣ ਨੂੰ ਮਿਲਿਆ ਸੀ।

ਗਾਇਕ ਮਾਸਟਰ ਸਲੀਮ ਹੱਥ ਵਿੱਚ ਮਾਂ ਦੀ ਚੁੰਨੀ ਦਾ ਪ੍ਰਸ਼ਾਦ ਲੈ ਕੇ ਮਾਤਾ ਚਿੰਤਪੁਰਨੀ ਦੇ ਦਰਬਾਰ ਵਿੱਚ ਪੁੱਜੇ। ਮੰਦਰ ‘ਚ ਪ੍ਰਵੇਸ਼ ਕਰਨ ਤੋਂ ਪਹਿਲਾਂ ਸ਼੍ਰੀ ਗਣੇਸ਼ ਜੀ ਅਤੇ ਹਨੂੰਮਾਨ ਜੀ ਦੀਆਂ ਮੂਰਤੀਆਂ ‘ਤੇ ਹਾਰ ਚੜ੍ਹਾਏ। ਇਸ ਤੋਂ ਬਾਅਦ ਲਾਈਨ ‘ਚ ਖੜ੍ਹੇ ਹੋ ਕੇ ਦਰਬਾਰ ਵਿੱਚ ਪਹੁੰਚੇ। ਮਾਤਾ ਦੇ ਦਰਬਾਰ ਵਿੱਚ ਬੈਠ ਕੇ ਉਨ੍ਹਾਂ ਕਿਹਾ ਕਿ ਮਾਤਾ ਜੀ ਜੇ ਮੇਰੇ ਤੋਂ ਕੋਈ ਗਲਤੀ ਜਾਂ ਭੁੱਲ ਹੋ ਗਈ ਹੋਵੇ ਤਾਂ ਮੈਨੂੰ ਮਾਫ ਕਰਨਾ। ਮਾਂ ਹਰ ਕਿਸੇ ਦੀਆਂ ਗਲਤੀਆਂ ਮਾਫ ਕਰ ਦਿੰਦੀ ਹੈ।

ਇਸ ਤੋਂ ਬਾਅਦ ਫੇਰੀ ਲੈ ਕੇ ਮੰਦਿਰ ਦੇ ਦੂਜੇ ਗੇਟ ‘ਤੇ ਬੈਠੇ ਮਾਸਟਰ ਸਲੀਮ ਨੇ ਕਿਹਾ ਕਿ ਮੇਰਾ ਜੀਵਨ ਚਿੰਤਪੁਰਨੀ ਮਾਤਾ ਦੀ ਬਦੌਲਤ ਹੀ ਹੈ ਅਤੇ ਇਸ ਤੋਂ ਵੱਡਾ ਕੋਈ ਨਹੀਂ ਹੈ। 20-25 ਸਾਲ ਪਹਿਲਾਂ ਜਦੋਂ ਮੈਂ ਭੇਂਟਾਂ ਗਾਉਣਾ ਸ਼ੁਰੂ ਕੀਤਾ ਸੀ ਉਦੋਂ ਹੀ ਕਹਿ ਦਿੱਤਾ ਸੀ ਕਿ ‘ਭੋਲੇ ਬਾਦਸ਼ਾਹ, ਸਭ ਤੋਂ ਵੱਡੀ ਏ ਮੇਰੀ ਮਾਂ’। ਉਨ੍ਹਾਂ ਮਾਤਾ ਦਰਬਾਰ ‘ਚ ਕਿਹਾ ਕਿ ਜੇਕਰ ਉਨ੍ਹਾਂ ਦੇ ਮੂੰਹੋਂ ਕੋਈ ਗਲਤ ਸ਼ਬਦ ਨਿਕਲਿਆ ਹੋਵੇ ਤਾਂ ਮੈਂ ਉਸ ਲਈ ਮੁਆਫੀ ਮੰਗਦਾ ਹਾਂ।

ਇਹ ਵੀ ਪੜ੍ਹੋ : ਲੁਧਿਆਣਾ ਵਾਸੀਆਂ ਲਈ CM ਮਾਨ ਦਾ ਵੱਡਾ ਐਲਾਨ- ‘ਜਲਦ ਸ਼ੁਰੂ ਹੋਵੇਗਾ ਹਲਵਾਰਾ ਹਵਾਈ ਅੱਡਾ ਵੀ’

ਇਸ ਮਗਰੋਂ ਪੁਜਾਰੀਆਂ ਨੇ ਦੱਸਿਆ ਕਿ ਮਾਸਟਰ ਸਲੀਮ ਮੰਦਰ ਵਿੱਚ ਆਪਣੀ ਗਲਤੀ ਦੀ ਮੁਆਫੀ ਮੰਗਣ ਆਏ ਸਨ। ਸਾਰੇ ਪੁਜਾਰੀਆਂ ਨੇ ਮੀਟਿੰਗ ਕੀਤੀ ਜਿਸ ਵਿੱਚ ਮੰਦਰ ਦੇ ਅਧਿਕਾਰੀ ਵੀ ਸ਼ਾਮਲ ਹੋਏ। ਉਨ੍ਹਾਂ ਕਿਹਾ ਕਿ ਮਾਸਟਰ ਸਲੀਮ ਨੇ ਜਾਣੇ-ਅਣਜਾਣੇ ਵਿੱਚ ਕਹੀ ਗੱਲ ਲਈ ਮੁਆਫੀ ਮੰਗੀ ਹੈ। ਉਨ੍ਹਾਂ ਨੇ ਮਾਂ ਦੀ ਅਦਾਲਤ ਵਿੱਚ ਜਾ ਕੇ ਮੁਆਫੀ ਮੰਗ ਲਈ ਹੈ। ਮਾਂ ਨੇ ਉਨ੍ਹਾਂ ਨੂੰ ਮਾਫ਼ ਕਰ ਦਿੱਤਾ, ਉਹ ਸਭ ਦੀ ਭੁੱਲ ਮਾਫ਼ ਕਰ ਦਿੰਦੀ ਹੈ। ਜਦੋਂ ਮਾਂ ਨੇ ਉਨ੍ਹਾਂ ਨੂੰ ਮਾਫ਼ ਕਰ ਦਿੱਤਾ ਤਾਂ ਬਾਕੀਆਂ ਲਈ ਕੋਈ ਸਵਾਲ ਹੀ ਪੈਦਾ ਨਹੀਂ ਹੁੰਦਾ।

ਵੀਡੀਓ ਲਈ ਕਲਿੱਕ ਕਰੋ -:

ਜਗਰਾਤੇ ਵਾਲੀ ਵੀਡੀਓ ਦੇ ਵਿਵਾਦ ਤੋਂ ਬਾਅਦ ਮਾਸਟਰ ਸਲੀਮ ਦਾ ਪਹਿਲਾ Interview, ਘੱਨਈਆ ਮਿੱਤਲ ਦੇ ਕੱਲੇ-ਕੱਲੇ ਸਵਾਲਾਂ ਦੇ ਦਿੱਤੇ ਠੋਕਵੇਂ ਜਵਾਬ…

The post ਮਾਤਾ ਚਿੰਤਪੁਰਨੀ ਦੇ ਦਰਬਾਰ ‘ਚ ਪਹੁੰਚੇ ਮਾਸਟਰ ਸਲੀਮ, ਆਪਣੇ ਬਿਆਨ ਲਈ ਮੰਗੀ ਮੁਆਫ਼ੀ appeared first on Daily Post Punjabi.