Matthew Wade announces retirement

ਮੈਥਿਊ ਵੇਡ ਨੇ ਆਪਣੇ ਇਸ ਫੈਸਲੇ ਦੇ ਨਾਲ ਇਹ ਗੱਲ ਸਾਫ ਕਰ ਦਿੱਤੀ ਹੈ ਕਿ ਉਹ ਆਸਟ੍ਰੇਲੀਆ ਦੇ ਲਈ ਲਿਮਿਟਿਡ ਓਵਰਾਂ ਦੀ ਕ੍ਰਿਕਟ ਖੇਡਣੀ ਜਾਰੀ ਰੱਖਣਗੇ। ਅਜਿਹੀ ਉਮੀਦ ਜਤਾਈ ਜਾ ਰਹੀ ਹੈ ਕਿ ਜੂਨ ਮਹੀਨੇ ਵਿੱਚ ਹੋਣ ਵਾਲੇ ਟੀ-20 ਵਿਸ਼ਵ ਕੱਪ ਵਿੱਚ ਮੈਥਿਊ ਵੇਡ ਵੀ ਆਸਟ੍ਰੇਲੀਆਈ ਟੀਮ ਦਾ ਹਿੱਸਾ ਹੋਣਗੇ। ਹੋਬਾਰਟ ਵਿੱਚ ਜਨਮ ਲੈਣ ਵਾਲੇ ਵੇਡ ਨੇ 4 ਵਾਰ ਸ਼ੀਲਟ ਖਿਤਾਬ ਜਿੱਤਿਆ ਹੈ, ਜਿਸ ਵਿੱਚ 2 ਵਾਰ ਉਨ੍ਹਾਂ ਦੀ ਕਪਤਾਨੀ ਵਿੱਚ ਇਹ ਕਾਰਨਾਮਾ ਹੋਇਆ ਹੈ। ਹਾਲਾਂਕਿ ਆਪਣੀ ਹੋਮ ਸਟੇਟ ਟੀਮ ਤੋਂ ਖੇਡਦੇ ਹੋਏ ਵੇਡ ਇੱਕ ਵਾਰ ਵੀ ਇਸ ਟ੍ਰਾਫੀ ਨੂੰ ਜਿੱਤਣ ਵਿੱਚ ਕਾਮਯਾਬ ਨਹੀਂ ਹੋ ਸਕੇ ਹਨ।

ਇਹ ਵੀ ਪੜ੍ਹੋ: ਬਟਾਲਾ ‘ਚ 22 ਸਾਲਾ ਨੌਜਵਾਨ ਦਾ ਬੇ.ਰ.ਹਿਮੀ ਨਾਲ ਕ.ਤ.ਲ, 20-25 ਨੌਜਵਾਨਾਂ ਨੇ ਵਾ.ਰਦਾ.ਤ ਨੂੰ ਦਿੱਤਾ ਅੰਜਾਮ

ਇਸ ਸਬੰਧੀ ਵੇਡ ਦੇ ਬਿਆਨ ਵਿੱਚ ਉਨ੍ਹਾਂ ਨੇ ਇਸ ਫੈਸਲੇ ਨੂੰ ਲੈ ਕੇ ਕਿਹਾ ਕਿ ਮੈਂ ਸਭ ਤੋਂ ਪਹਿਲਾਂ ਆਪਣੇ ਪਰਿਵਾਰ, ਪਤਨੀ ਤੇ ਬੱਚਿਆਂ ਨੂੰ ਧੰਨਵਾਦ ਦੇਣਾ ਚਾਹੁੰਦਾ ਹਾਂ। ਮੈਂ ਕ੍ਰਿਕਟ ਦੇ ਲੰਬੇ ਫਾਰਮੈਟ ਦੀਆਂ ਚੁਣੌਤੀਆਂ ਦਾ ਬਹੁਤ ਆਨੰਦ ਲਿਆ ਹੈ। ਮੈਂ ਵ੍ਹਾਈਟ-ਬਾਲ ਕ੍ਰਿਕਟ ਜਾਰੀ ਰੱਖਾਂਗਾ, ਪਰ ਮੇਰੇ ਕਰੀਅਰ ਦਾ ਸਭ ਤੋਂ ਯਾਦਗਾਰ ਪਲ ਹਮੇਸ਼ਾ ਜਦੋਂ ਮੈਂ ਬੈਗੀ ਗ੍ਰੀਨ ਕੈਪ ਪਾ ਕੇ ਆਪਣੇ ਦੇਸ਼ ਦੇ ਲਈ ਖੇਡਣ ਉਤਰਦਾ ਸੀ ਰਹੇਗਾ।

Matthew Wade announces retirement

ਦੱਸ ਦੇਈਏ ਕਿ ਆਸਟ੍ਰੇਲੀਆ ਵੱਲੋਂ ਮੈਥਿਊ ਵੇਡ ਨੂੰ 36 ਟੈਸਟ ਮੈਚ ਖੇਡਣ ਦਾ ਮੌਕਾ ਮਿਲਿਆ ਜੋ ਉਨ੍ਹਾਂ ਨੇ ਸਾਲ 2012 ਤੋਂ ਲੈ ਕੇ 2021 ਦੇ ਵਿਚਾਲੇ ਖੇਡੇ। ਇਸ ਦੌਰਾਨ ਵੇਡ ਨੇ 29.87 ਦੀ ਔਸਤ ਨਾਲ 1613 ਦੌੜਾਂ ਬਣਾਈਆਂ ਹਨ। ਵੇਡ ਦੇ ਨਾਮ ਟੈਸਟ ਕ੍ਰਿਕਟ ਵਿੱਚ 4 ਸੈਂਕੜੇ ਤੇ 5 ਅਰਧ ਸੈਂਕੜੇ ਦਰਜ ਹਨ। ਉੱਥੇ ਹੀ ਵੇਡ ਨੇ ਫਰਸਟ ਕਲਾਸ ਕ੍ਰਿਕਟ ਵਿੱਚ 165 ਮੈਚਾਂ ਵਿੱਚ 9183 ਦੌੜਾਂ 40.81 ਦੀ ਔਸਤ ਨਾਲ ਦੌੜਾਂ ਬਣਾਈਆਂ ਹਨ । ਵੇਡ ਸ਼ੇਫੀਲਡ ਸ਼ੀਲਡ ਫਾਈਨਲ ਮੁਕਾਬਲੇ ਦੇ ਖਤਮ ਹੋਣ ਦੇ ਤੁਰੰਤ ਬਾਅਦ ਆਈਪੀਐੱਲ ਦੇ 17ਵੇਂ ਸੀਜਨ ਵਿੱਚ ਗੁਜਰਾਤ ਟਾਈਟਨਸ ਟੀਮ ਨਾਲ ਜੁੜ ਜਾਣਗੇ। ਜਿਸ ਵਿੱਚ ਉਨ੍ਹਾਂ ਦੇ ਪਹਿਲੇ 2 ਮੁਕਾਬਲਿਆਂ ਵਿੱਚ ਮੌਜੂਦ ਨਾ ਹੋਣਾ ਤੈਅ ਮੰਨਿਆ ਜਾ ਰਿਹਾ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

The post Gujarat Titans ਦੇ ਇਸ ਧਾਕੜ ਖਿਡਾਰੀ ਨੇ ਕੀਤਾ ਸੰਨਿਆਸ ਦਾ ਐਲਾਨ, ਇਸ ਫਾਰਮੈਟ ਨੂੰ ਕਿਹਾ ਅਲਵਿਦਾ appeared first on Daily Post Punjabi.