ਸਿਹਤ ਵਿਭਾਗ ਕਾਫੀ ਦੇਰ ਤੱਕ ਇੰਤਜ਼ਾਰ ਕਰਦਾ ਰਿਹਾ ਪਰ ਕੋਈ ਵੀ ਉਸ ਨੂੰ ਲੈਣ ਲਈ ਨਹੀਂ ਆਇਆ। ਜਿਸ ਤੋਂ ਬਾਅਦ ਸੈਮਪਲ ਨੂੰ ਜਾਂਚ ਲਈ ਖੋਆ ਭੇਜ ਦਿੱਤਾ ਗਿਆ ਹੈ। ਫੂਡ ਸੇਫਟੀ ਅਫਸਰ ਰਜਿੰਦਰ ਪਾਲ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਰਾਜਸਥਾਨ ਤੋਂ ਅੰਮ੍ਰਿਤਸਰ ਨੂੰ ਖੋਆ ਸਪਲਾਈ ਹੋਣ ਦੀ ਸੂਚਨਾ ਮਿਲ ਰਹੀ ਸੀ। ਇਸ ਸੂਚਨਾ ਦੇ ਆਧਾਰ ‘ਤੇ ਉਸ ਨੇ ਸਵੇਰੇ 4 ਵਜੇ ਬੱਸ ਸਟੈਂਡ ਨੇੜੇ ਨਾਕਾ ਲਾਇਆ ਹੋਇਆ ਸੀ। ਜਦੋਂ ਬੱਸ ਸਟੈਂਡ ਦੇ ਸਾਹਮਣੇ ਸਥਿਤ ਬਜ਼ਾਰ ਵਿੱਚ ਇੱਕ ਪ੍ਰਾਈਵੇਟ ਬੱਸ ਪੁੱਜੀ ਤਾਂ ਇਸ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ। ਬੱਸ ਵਿੱਚੋਂ ਕਰੀਬ 8 ਕੁਇੰਟਲ ਖੋਆ ਅਤੇ ਚਾਰ ਡੱਬੇ ਸ਼ਾਹੀ ਟੁਕੜੇ ਮਿਲੇ ਹਨ। ਜਿਸ ਨੂੰ ਬੱਸ ਦੀ ਛੱਤ ‘ਤੇ ਰੱਖਿਆ ਗਿਆ ਸੀ।

ਵੀਡੀਓ ਲਈ ਕਲਿੱਕ ਕਰੋ -:

“ਮੂਸੇਵਾਲਾ ਦੀ ਮੌਤ ਤੇ ਰੋਇਆ ਸੀ ਪੂਰਾ ਕਸ਼ਮੀਰ ! ਇਹਨਾਂ ਦੇ ਦਿਲਾਂ ‘ਚ ਪੰਜਾਬੀਆਂ ਪ੍ਰਤੀ ਪਿਆਰ ਦੇਖ ਹੋ ਜਾਓਂਗੇ ਹੈਰਾਨ ! “

ਬੱਸ ਦੇ ਡਰਾਈਵਰ ਜੁਗਲ ਨੇ ਦੱਸਿਆ ਕਿ ਉਹ ਇਹ ਸਾਮਾਨ ਬੀਕਾਨੇਰ ਤੋਂ ਲੈ ਕੇ ਆਇਆ ਹੈ। ਅੰਮ੍ਰਿਤਸਰ ਦੀ ਪਾਰਟੀ ਜਿਸ ਦਾ ਮਾਲ ਹੈ, ਉਹ ਇਸ ਨੂੰ ਮਾਲ ਲੈਣ ਲਈ ਪਹੁੰਚ ਰਹੇ ਹਨ। ਉਹ ਨਹੀਂ ਜਾਣਦੇ ਕਿ ਮਾਲ ਕੀ ਹੈ। ਉਸ ਕੋਲ 3 ਵਿਅਕਤੀਆਂ ਦੇ ਨੰਬਰ ਸਨ, ਜੋ ਉਸ ਨੇ ਸਰਕਾਰੀ ਅਧਿਕਾਰੀਆਂ ਨੂੰ ਦਿੱਤੇ ਹਨ। ਇਸ ਦੇ ਨਾਲ ਹੀ ਕੁਝ ਬੋਰੀਆਂ ‘ਤੇ ਹਜ਼ਾਰੀ ਸਿੰਘ ਦਾ ਨਾਂ ਦਰਜ ਹੈ। ਰਜਿੰਦਰ ਪਾਲ ਸਿੰਘ ਨੇ ਦੱਸਿਆ ਕਿ 16 ਬੋਰੀਆਂ ਅਤੇ 4 ਡੱਬੇ ਸ਼ਾਹੀ ਟੁਕੜੇ ਦੇ ਜ਼ਬਤ ਕੀਤੇ ਗਏ ਹਨ। ਇਹ ਸਪਲਾਈ ਬੀਕਾਨੇਰ ਤੋਂ ਸੀ। ਤਿੰਨ ਵਿਅਕਤੀਆਂ ਦੇ ਨੰਬਰ ਡਰਾਈਵਰ ਕੋਲ ਸਨ, ਜੋ ਹਜ਼ਾਰੀ, ਬਾਬੂ ਅਤੇ ਗੋਪਾਲ ਹਨ। ਜਿਨ੍ਹਾਂ ਨੂੰ ਫੋਨ ਕਰਕੇ ਬੁਲਾਇਆ ਗਿਆ ਹੈ। ਜੇਕਰ ਪਾਰਟੀ ਨਹੀਂ ਪਹੁੰਚਦੀ ਤਾਂ ਉਨ੍ਹਾਂ ਦੇ ਵੇਰਵੇ ਕੱਢੇ ਜਾਣਗੇ।

The post ਤਿਉਹਾਰਾਂ ਦੇ ਸੀਜ਼ਨ ‘ਚ ਨਕਲੀ ਖੋਏ ਦੀ ਡਿਲੀਵਰੀ, ਅੰਮ੍ਰਿਤਸਰ ‘ਚ ਪ੍ਰਾਈਵੇਟ ਬੱਸ ‘ਚੋਂ ਫੜਿਆ 8 ਕੁਇੰਟਲ ਮਾਵਾ appeared first on Daily Post Punjabi.