ਇਸਦੇ ਨਾਲ ਹੀ ਮਹਿਬੂਬਾ ਨੇ ਪ੍ਰੈਸ ਕਾਨਫਰੰਸ ਵਿੱਚ ਕਿਹਾ ਕਿ ਅੱਜ PM ਮੋਦੀ ਨੂੰ ਬਿਹਾਰ ਵਿੱਚ ਵੋਟਾਂ ਲਈ ਧਾਰਾ 370 ਦਾ ਸਹਾਰਾ ਲੈਣਾ ਪੈ ਰਿਹਾ ਹੈ। ਸਾਨੂੰ ਬੰਗਲਾਦੇਸ਼ ਨੇ ਆਰਥਿਕ ਤੌਰ ‘ਤੇ ਪਿੱਛੇ ਛੱਡ ਦਿੱਤਾ ਹੈ। ਜਦੋਂ ਉਹ ਚੀਜ਼ਾਂ ‘ਤੇ ਅਸਫਲ ਹੁੰਦੇ ਹਨ, ਤਾਂ ਉਹ ਕਸ਼ਮੀਰ ਅਤੇ 370 ਵਰਗੇ ਮੁੱਦੇ ਉਠਾਉਂਦੇ ਹਨ। ਅਸਲ ਮੁੱਦੇ ‘ਤੇ ਗੱਲ ਨਹੀਂ ਕਰਨਾ ਚਾਹੁੰਦੇ। ਮਹਿਬੂਬਾ ਮੁਫਤੀ ਨੇ ਕਿਹਾ ਕਿ ਮੈਂ ਉਦੋਂ ਤੱਕ ਕੋਈ ਵੀ ਚੋਣ ਲੜਨ ‘ਚ ਦਿਲਚਸਪੀ ਨਹੀਂ ਰੱਖਦੀ ਜਦੋਂ ਤੱਕ ਉਹ (ਕੇਂਦਰ ਸਰਕਾਰ) ਸਾਡੇ ਅਧਿਕਾਰ (370) ਵਾਪਿਸ ਨਹੀਂ ਕਰਦੇ। ਸਾਬਕਾ ਮੁੱਖ ਮੰਤਰੀ ਮਹਿਬੂਬਾ ਮੁਫਤੀ ਨੇ ਕਿਹਾ ਜਦੋ ਤੱਕ ਜੰਮੂ-ਕਸ਼ਮੀਰ ਵਿੱਚ 370 ਬਹਾਲ ਨਹੀਂ ਹੁੰਦੀ ਮੇਰਾ ਸੰਘਰਸ਼ ਉਦੋਂ ਤੱਕ ਖਤਮ ਨਹੀਂ ਹੋਵੇਗਾ। ਮੇਰਾ ਸੰਘਰਸ਼ ਕਸ਼ਮੀਰ ਸਮੱਸਿਆ ਦੇ ਹੱਲ ਲਈ ਹੋਵੇਗਾ। ਮਹਿਬੂਬਾ ਨੇ ਕਿਹਾ ਕਿ ਭਾਜਪਾ ਨੇ ਬਾਬਰੀ ਮਸਜਿਦ ਦੇ ਆਲੇ ਦੁਆਲੇ ਅਜਿਹਾ ਮਾਹੌਲ ਸਿਰਜਿਆ ਸੀ ਜਿਵੇਂ ਕਿ ਕਦੇ ਮਸਜਿਦ ਮੌਜੂਦ ਹੀ ਨਹੀਂ ਸੀ। ਮਹਿਬੂਬਾ ਮੁਫਤੀ ਨੇ ਕਿਹਾ ਕਿ ਚੀਨ ਨੇ ਲੱਦਾਖ ਵਿੱਚ 1000 ਵਰਗ ਕਿਲੋਮੀਟਰ ਤੋਂ ਵੱਧ ਜ਼ਮੀਨ ’ਤੇ ਕਬਜ਼ਾ ਕੀਤਾ ਹੈ।

The post ਮਹਿਬੂਬਾ ਮੁਫਤੀ ਨੇ ਕਿਹਾ- ਕਸ਼ਮੀਰ ਤੋਂ ਇਲਾਵਾ ਨਹੀਂ ਚੁਕਾਂਗੀ ਕੋਈ ਹੋਰ ਝੰਡਾ! appeared first on Daily Post Punjabi.