ਕੋਲਕਾਤਾ ਨਾਈਟ ਰਾਈਡਰਜ਼ ਨੇ ਮਿਸ਼ੇਲ ਸਟਾਰਕ ਨੂੰ 24 ਕਰੋੜ 75 ਲੱਖ ਰੁਪਏ ‘ਚ ਖਰੀਦਿਆ ਹੈ। ਮਿਸ਼ੇਲ ਸਟਾਰਕ ਨੂੰ ਖਰੀਦਣ ਲਈ ਗੁਜਰਾਤ ਟਾਈਟਨਸ ਅਤੇ ਕੋਲਕਾਤਾ ਨਾਈਟ ਰਾਈਡਰਜ਼ ਵਿਚਾਲੇ ਮੁਕਾਬਲਾ ਸੀ। ਤੁਹਾਨੂੰ ਦੱਸ ਦੇਈਏ ਕਿ ਮਿਸ਼ੇਲ ਸਟਾਰਕ ਅੱਠ ਸਾਲ ਬਾਅਦ IPL ਵਿੱਚ ਵਾਪਸੀ ਕਰ ਰਿਹਾ ਹੈ।

ਮਿਸ਼ੇਲ ਸਟਾਰਕ ਦੀ ਬੇਸ ਪ੍ਰਾਈਸ 2 ਕਰੋੜ ਰੁਪਏ ਸੀ। ਮੁੰਬਈ ਇੰਡੀਅਨਜ਼ ਅਤੇ ਦਿੱਲੀ ਕੈਪੀਟਲਸ ਨੇ ਸਭ ਤੋਂ ਪਹਿਲਾਂ ਬੋਲੀ ਲਗਾਈ ਸੀ। ਸ਼ੁਰੂਆਤ ‘ਚ ਬੋਲੀ 6 ਕਰੋੜ ਰੁਪਏ ਤੱਕ ਗਈ। ਇਸ ਤੋਂ ਬਾਅਦ ਕੋਲਕਾਤਾ ਨਾਈਟ ਰਾਈਡਰਜ਼ ਅਤੇ ਗੁਜਰਾਤ ਟਾਈਟਨਜ਼ ਨੇ ਮੈਦਾਨ ‘ਚ ਉਤਾਰਿਆ। ਬੋਲੀ 12 ਕਰੋੜ ਰੁਪਏ ਤੱਕ ਪਹੁੰਚ ਗਈ। ਅਜਿਹੇ ‘ਚ ਦਿੱਲੀ ਕੈਪੀਟਲਸ ਅਤੇ ਮੁੰਬਈ ਇੰਡੀਅਨਜ਼ ਬੋਲੀ ਤੋਂ ਹਟ ਗਈਆਂ। ਕੇਕੇਆਰ ਅਤੇ ਗੁਜਰਾਤ ਟਾਈਟਨਸ ਦੇ ਪਰਸ ਵਿੱਚ 30 ਕਰੋੜ ਰੁਪਏ ਤੋਂ ਵੱਧ ਸਨ। ਇਸ ਤੋਂ ਬਾਅਦ ਕੇਕੇਆਰ ਅਤੇ ਗੁਜਰਾਤ ਟਾਈਟਨਸ ਨੇ 20 ਕਰੋੜ ਰੁਪਏ ਤੱਕ ਦੀ ਬੋਲੀ ਲਗਾਈ। ਅਜਿਹੇ ‘ਚ ਮਿਸ਼ੇਲ ਸਟਾਰਕ IPL ਇਤਿਹਾਸ ‘ਚ 20 ਕਰੋੜੀ ਦੂਜਾ ਖਿਡਾਰੀ ਬਣ ਗਿਆ।

ਕੇਕੇਆਰ ਅਤੇ ਗੁਜਰਾਤ ਟਾਇਟਨਸ ਨੇ ਬੋਲੀ ਜਾਰੀ ਰੱਖੀ। ਗੁਜਰਾਤ ਟਾਇਟਨਸ ਨੇ 20 ਕਰੋੜ 50 ਲੱਖ ਰੁਪਏ ਤੱਕ ਦੀ ਬੋਲੀ ਲਗਾਈ। ਕੋਲਕਾਤਾ ਨਾਈਟ ਰਾਈਡਰਜ਼ ਨੇ 23 ਕਰੋੜ 75 ਲੱਖ ਰੁਪਏ ਦੀ ਬੋਲੀ ਲਗਾਈ। ਗੁਜਰਾਤ ਟਾਇਟਨਸ ਨੇ 24 ਕਰੋੜ ਰੁਪਏ ਦੀ ਬੋਲੀ ਲਗਾਈ। ਅਖੀਰ ਵਿੱਚ ਕੋਲਕਾਤਾ ਨਾਈਟ ਰਾਈਡਰਜ਼ ਨੇ 24.75 ਕਰੋੜ ਰੁਪਏ ਦੀ ਬੋਲੀ ਲਗਾਈ। ਜਦਕਿ ਗੁਜਰਾਤ ਟਾਈਟਨਸ ਨੇ ਕੋਈ ਬੋਲੀ ਨਹੀਂ ਲਗਾਈ। ਕੋਲਕਾਤਾ ਨਾਈਟ ਰਾਈਡਰਜ਼ ਨੇ ਮਿਸ਼ੇਲ ਸਟਾਰਕ ਨੂੰ 24.75 ਕਰੋੜ ਰੁਪਏ ਵਿੱਚ ਖਰੀਦ ਕੇ ਇਤਿਹਾਸ ਰਚ ਦਿੱਤਾ ਹੈ।

ਇਹ ਵੀ ਪੜ੍ਹੋ : ‘ਜਲੰਧਰ ‘ਚ ਵੀ ਹੋਵੇ ਵੰਦੇ ਭਾਰਤ ਐਕਸਪ੍ਰੈੱਸ ਦਾ ਸਟਾਪੇਜ’ – MP ਰਿੰਕੂ ਨੇ ਰੇਲਵੇ ਮੰਤਰੀ ਅੱਗੇ ਰੱਖੀ ਮੰਗ

ਜ਼ਿਕਰਯੋਗ ਹੈ ਕਿ ਦੂਜੇ ਸੈੱਟ ‘ਚ ਸਨਰਾਈਜ਼ਰਸ ਹੈਦਰਾਬਾਦ ਨੇ ਆਸਟ੍ਰੇਲੀਆ ਦੀ ਵਿਸ਼ਵ ਜੇਤੂ ਟੀਮ ਦੇ ਕਪਤਾਨ ਪੈਟ ਕਮਿੰਸ ਨੂੰ 20.50 ਕਰੋੜ ਰੁਪਏ ‘ਚ ਖਰੀਦਿਆ ਸੀ। ਮਿਸ਼ੇਲ ਸਟਾਰਕ ਨੇ ਅਗਲੇ ਹੀ ਸੈੱਟ ਵਿੱਚ ਇਹ ਰਿਕਾਰਡ ਤੋੜ ਦਿੱਤਾ। ਮਿਸ਼ੇਲ ਸਟਾਰਕ ਨੇ ਆਪਣਾ ਆਖਰੀ ਆਈਪੀਐਲ ਮੈਚ 2015 ਵਿੱਚ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਲਈ ਖੇਡਿਆ ਸੀ। ਉਦੋਂ ਤੋਂ ਉਹ ਆਈਪੀਐਲ ਨਿਲਾਮੀ ਦਾ ਹਿੱਸਾ ਨਹੀਂ ਰਿਹਾ।

ਵੀਡੀਓ ਲਈ ਕਲਿੱਕ ਕਰੋ : –

The post IPL Auction 2024 ‘ਚ ਟੁੱਟਿਆ ਸਭ ਤੋਂ ਮਹਿੰਗੇ ਖਿਡਾਰੀ ਦਾ ਰਿਕਾਰਡ, 24.75 ਕਰੋੜ ਰੁਪਏ ‘ਚ KKR ਨੇ ਖਰੀਦਿਆ appeared first on Daily Post Punjabi.

ਆਸਟ੍ਰੇਲੀਆਈ ਟੀਮ ਨਾਲ ਬੈਕਅਪ ਦੇ ਤੌਰ ‘ਤੇ ਪਹਿਲਾਂ ਹੀ ਐਂਡਰਿਊ ਟਾਈ ਅਤੇ ਡੈਨੀਅਲ ਸੈਮਸ ਮੌਜੂਦ ਹਨ। ਇਨ੍ਹਾਂ ਦੋਵਾਂ ਵਿੱਚੋਂ ਸਿਰਫ ਇੱਕ ਖਿਡਾਰੀ ਪਲੇਇੰਗ 11 ਵਿੱਚ ਸਟਾਰਕ ਦੀ ਜਗ੍ਹਾ ਲੈ ਸਕਦਾ ਹੈ। ਮਿਸ਼ੇਲ ਸਟਾਰਕ 17 ਦਸੰਬਰ ਤੋਂ ਸ਼ੁਰੂ ਹੋਣ ਵਾਲੇ ਪਹਿਲੇ ਟੈਸਟ ਦਾ ਹਿੱਸਾ ਬਣੇਗਾ ਜਾਂ ਨਹੀਂ, ਫਿਲਹਾਲ ਕੁਝ ਨਹੀਂ ਕਿਹਾ ਜਾ ਸਕਦਾ।

ਦਰਅਸਲ, ਸ਼ਨੀਵਾਰ ਨੂੰ ਹੀ ਸਟਾਰਕ ਨੂੰ ਆਸਟ੍ਰੇਲੀਆਈ ਟੀਮ ਦੇ ਬਾਇਓ ਬਬਲ ਤੋਂ ਅਲੱਗ ਹੋ ਗਏ ਸੀ । ਸਟਾਰਕ ਨੇ ਟੀਮ ਪ੍ਰਬੰਧਨ ਨੂੰ ਦੱਸਿਆ ਕਿ ਉਸਦੇ ਪਰਿਵਾਰ ਦਾ ਇੱਕ ਮੈਂਬਰ ਬੀਮਾਰ ਹੈ । ਆਸਟ੍ਰੇਲੀਆ ਦੇ ਕੋਚ ਜਸਟਿਨ ਲੈਂਗਰ ਨੇ ਕਿਹਾ, “ਪਰਿਵਾਰ ਨਾਲੋਂ ਕੁਝ ਵੀ ਮਹੱਤਵਪੂਰਨ ਨਹੀਂ ਹੈ ਅਤੇ ਸਟਾਰਕ ਇਸ ਮਾਮਲੇ ਵਿੱਚ ਕਿਵੇਂ ਵੱਖਰੇ ਹੋ ਸਕਦੇ ਹਨ।” ਆਸਟ੍ਰੇਲੀਆਈ ਕੋਚ ਲੈਂਗਰ ਨੇ ਮੁਸ਼ਕਿਲ ਸਮੇਂ ਵਿੱਚ ਸਟਾਰਕ ਨੂੰ ਪੂਰਾ ਸਮਰਥਨ ਦੇਣ ਦੀ ਗੱਲ ਕੀਤੀ ਹੈ । ਉਨ੍ਹਾਂ ਨੇ ਕਿਹਾ, “ਅਸੀਂ ਸਟਾਰਕ ਦਾ ਸਮਰਥਨ ਕਰਾਂਗੇ ਅਤੇ ਜਦੋਂ ਵੀ ਉਹ ਦੁਬਾਰਾ ਟੀਮ ਵਿੱਚ ਸ਼ਾਮਿਲ ਹੋਣਾ ਚਾਹੇਗਾ ਸਟਾਰਕ ਦਾ ਸਵਾਗਤ ਕਰਨ ਲਈ ਅਸੀਂ ਪੂਰੀ ਤਰਾਂ ਤਿਆਰ ਹਾਂ।”

ਦੱਸ ਦੇਈਏ ਕਿ ਸਟਾਰਕ ਦੇ ਬਾਹਰ ਹੋਣ ਤੋਂ ਪਹਿਲਾਂ ਆਸਟ੍ਰੇਲੀਆਈ ਟੀਮ ਨੇ ਪੈਟ ਕਮਿੰਸ ਨੂੰ ਟੀ-20 ਸੀਰੀਜ਼ ਤੋਂ ਆਰਾਮ ਦੇਣ ਦਾ ਫੈਸਲਾ ਕੀਤਾ ਸੀ। ਇਸ ਤੋਂ ਇਲਾਵਾ ਡੇਵਿਡ ਵਾਰਨਰ ਅਤੇ ਐਸ਼ਟਨ ਐਗਰ ਵੀ ਜ਼ਖਮੀ ਹੋ ਗਏ ਹਨ ਅਤੇ ਟੀ -20 ਸੀਰੀਜ਼ ਤੋਂ ਬਾਹਰ ਹੋ ਗਏ ਹਨ । ਪਹਿਲੇ ਟੀ-20 ਮੈਚ ਵਿੱਚ ਕਪਤਾਨ ਫਿੰਚ ਵੀ ਜ਼ਖ਼ਮੀ ਹੋ ਗਏ ਹਨ ਅਤੇ ਉਨ੍ਹਾਂ ਦਾ ਦੂਸਰਾ ਮੈਚ ਖੇਡਣਾ ਤੈਅ ਨਹੀਂ ਹੈ ।

ਇਹ ਵੀ ਦੇਖੋ: ਇਹੋ ਜਿਹਾ ਨਜ਼ਾਰਾ ਤਾਂ ਮਨਾਲੀ ਦੇ ਮਾਲ ਰੋਡ ‘ਤੇ ਨਹੀਂ ਜੋ ਦਿੱਲੀ ਦੇ ਕਿਸਾਨੀ ਧਰਨੇ ਤੇ ਹੈ

The post IND vs AUS: ਆਸਟ੍ਰੇਲੀਆ ਨੂੰ ਲੱਗਿਆ ਵੱਡਾ ਝਟਕਾ, T20 ਸੀਰੀਜ਼ ਤੋਂ ਬਾਹਰ ਹੋਇਆ ਇਹ ਖਿਡਾਰੀ appeared first on Daily Post Punjabi.